News

POST TYPE

SPECIAL SECTIONS

သင်္ချာနှင့် သိပ္ပံဘာသာရပ်များကို အင်္ဂလိပ်လိုသင်ရတာ ပျော်ပါရဲ့လား
21-Jun-2018 tagged as ပညာရေး ဦးခီ

သင်္ချာနှင့် သိပ္ပံဘာသာရပ်များကို အင်္ဂလိပ်လိုသင်ရေးနှင့် မြန်မာလိုသင်ရေး ဝိဝါဒကွဲပြားမှုကို ပြည်သူတို့၏ လက်ဖက်ရည်စကားဝိုင်းမှသည် ပြည်ထောင်စုလွှတ်တော်မှ ကိုယ်စားလှယ်တော်ကြီးများအထိ ကျယ်ကျယ်ပြန့်ပြန့် ဆွေးနွေးလျက်ရှိသည်။ ပြည်ထောင်စုအမျိုးသားပညာရေးမူဝါဒကော်မရှင်၏ ၆ လတာ ကာလအတွင်း လုပ်ငန်းဆောင်ရွက်မှုအစီရင်ခံစာ ထွက်ပေါ်အပြီး လွှတ်တော်ကိုယ်စားလှယ် ၂၄ ဦးသည် လွှတ်တော်တွင် ၂ ရက်တိုင်တိုင် အကျေအလည် တစ်ဖက်နှင့်တစ်ဖက် ဆွေးနွေးခဲ့ကြသည်။ ကော်မရှင်၏သုံးသပ်ချက်တွင် အခြေခံပညာနှင့် အဆင့်မြင့်ပညာသာမက နည်းပညာနှင့်သက်မွေးပညာ၊ ဆရာအတတ်ပညာနှင့် အခြားပညာရေးကဏ္ဍများကို စုံလင်စွာ သုံးသပ်တင်ပြထားသည်။ ထိုသုံးသပ်ချက်အများအပြားထဲမှ ယနေ့လူမှုကွန်ရက်ပေါ်တွင် ရေပန်းအစားဆုံး အငြင်းခုံရဆုံးခေါင်းစဉ်မှာ သင်္ချာနှင့် သိပ္ပံဘာသာရပ်များကို မြန်မာလိုသင်ရေးနှင့် အင်္ဂလိပ်လိုသင်ရေးဖြစ်သည်။ သို့ဆိုလျှင် စာရှုသူအဆွေရော မြန်မာလိုသင်ရေးနှင့် အင်္ဂလိပ်လိုသင်ရေး မည်သည်ကို ပိုမိုနှစ်သက်ပါသနည်း။

အင်္ဂလိပ်လိုသင်မှ တိုးတက်မှာလား

ပထမဆုံး မေးလိုသည့်မေးခွန်းက ကျောင်းသားများကို အင်္ဂလိပ်လိုသင်မှ တိုးတက်မှာလားဟု ခပ်လွယ်လွယ် မေးလိုက်ချင်သည်။ ကိုယ်စားလှယ်အချို့မှ ဂျပန်၊ တောင်ကိုရီးယားနှင့် မလေးရှားကို ဥပမာယူ၍ မိခင်ဘာသာစကားဖြင့် သင်ကြားခြင်းကို ထောက်ခံဆွေးနွေးခဲ့သည်။ ဂျပန်၊ တောင်ကိုရီးယား စသည့်နိုင်ငံများသည် သင်ကြားသင်ယူမှုဘာသာစကားသည် မိခင်ဘာသာစကားဖြင့်သာ သင်ကြားသည်။ ထိုနိုင်ငံများ တိုးတက်ကြသည်။ ပြဋ္ဌာန်းစာအုပ်တွင် အင်္ဂလိပ်လိုမသင်လည်း တိုးတက်နိုင်သည့် ဥပမာဟု ဆိုရမည်။ စာရေးသူ၏မိတ်ဆွေအိမ်နီးချင်းနိုင်ငံမှ လုပ်ငန်းရှင်အချို့ဆိုလျှင်လည်း အင်္ဂလိပ်လို မတတ်ကြပေ။ Thank You တစ်ခွန်းကိုပင် ဖြောင့်အောင်မပြောတတ်။ သို့သော် လုပ်ငန်းအောင်မြင်မှုခြင်းယှဉ်လျှင် မိမိတို့နိုင်ငံမှ လုပ်ငန်းတူလုပ်ငန်းရှင်ထက် သုံးလေးဆမျှ ပိုမိုအောင်မြင်လျက်ရှိသည်။ ထို့ကြောင့် တိုတိုပြောရလျှင် လုပ်ငန်းအောင် မြင်မှုသည် အင်္ဂလိပ်စာတတ်ခြင်းမတတ်ခြင်းနှင့် တိုက်ရိုက်မချိုးမကျဟု သာပြောရပေမည်။ ထို့ထက်တစ်ဆင့်တက် ခပ်ကြမ်းကြမ်း ဥပမာပေးရလျှင် စာရေးသူ၏ အတန်းတူ သူငယ်ချင်းများမှာ ပညာရေးတစ်ပိုင်းတစ်စဖြင့် လုပ်ငန်းခွင်သို့ စောစောဝင်ရောက်ကာ လုပ်ငန်းရှင် သူဌေးပဂေးကြီးများ ဖြစ်နေသူများပင်ရှိသည်။ ပညာရေးတစ်ပိုင်းတစ်စဖြင့် စာသင်ကျောင်းကို ကျောခိုင်းကာ အောင်မြင်နေသောပုဂ္ဂိုလ်များကို ဥပမာပြပါဆိုလျှင် အများစုကို မလွှမ်းခြုံနိုင်သည့်တိုင် အနည်းစုသော ထိုသူများကို လက်ဆုပ်လက်ကိုင်ပြ ဥပမာပေးနိုင်သည်ကိုတော့ မငြင်းနိုင်ပေ။ ထို့ကြောင့် အတန်းပညာ၊ အင်္ဂလိပ်လို တတ်မြောက်မှုသည် အောင်မြင်မှုနှင့် ညီမျှခြင်းချလျှင် ရာနှုန်းပြည့် မှန်ကန်မည်မဟုတ်ပေ။ အဘယ်ကြောင့်ဆိုသော် စီးပွားရေးအောင်မြင်မှုသည် အတန်းပညာတတ်မြောက်ခြင်း၊ အင်္ဂလိပ်စာတတ်မြောက်ခြင်းဟူသော ပေတံတစ်ချောင်းတည်းဖြင့် ပြည့်စုံအောင် မတိုင်းတာနိုင်သောကြောင့်ဖြစ်သည်။ သို့ဆိုလျှင် အင်္ဂလိပ်စာကို သင်ကြားရေးဘာသာစကားဖြင့် မသုံးစွဲသောနိုင်ငံများသည်လည်း အောင်မြင်တိုးတက်ရန် ရင်းမြစ်များပြည့်စုံလျှင် အောင်မြင်မည်ဖြစ်သည်။ ထို့အတူ အင်္ဂလိပ်စာဘာသာစကားကို သင်ကြားမှုဘာသာစကားအဖြစ်သုံးစွဲကာ အောင်မြင် တိုးတက်စေသော ရင်းမြစ်များပိုင်ဆိုင်ခဲ့လျှင် မလွဲမသွေအောင်မြင်မည် ဖြစ်သည်။ ထို့ကြောင့် အင်္ဂလိပ်စာသည် အောင်မြင်တိုးတက်ရေးအတွက် အဓိကလက်သည် မဟုတ်သလို မတိုးတက်ရခြင်းအတွက် တရားခံလည်း မဟုတ်ပေ။ အင်္ဂလိပ်စာ (သူ့ချည်းသက်သက်ဖြင့်တော့) တိုးတက်ခြင်း၊ နိမ့်ကျခြင်းကို ကိုယ်စားမပြုချေ။ သို့သော် ...။

မြန်မာနိုင်ငံပညာရေးကဏ္ဍ၏ ပကတိအခြေအနေ 

ယခုလက်ရှိ အခြေခံပညာကျောင်းများတွင် သင်ကြားနေသည့် ပုံစံဟောင်းဖြစ်သော မူလတန်းနှင့် အလယ်တန်းတွင် အင်္ဂလိပ်ဘာသာမှလွဲ၍ ကျန်ဘာသာများ မိခင်ဘာသာဖြင့်သင်ကြားကာ အထက်တန်းတွင် မြန်မာဘာသာမှလွဲ၍ ကျန်ဘာသာများအား အင်္ဂလိပ်လို သင်ကြားနေခြင်းတွင်တော့ ပြဿနာရှိနေသည်ဆိုသည်ကိုတော့ မငြင်းနိုင်ပါ။ အဘယ်ကြောင့်ဆိုသော် သင်္ချာနှင့်သိပ္ပံဘာသာရပ်များသည် အင်္ဂလိပ်လိုပြဋ္ဌာန်းသည် ဆိုသော်လည်း သင်ကြားသည့်အခါ ရှင်းပြသည့်အခါ မိခင်ဘာသာစကားဖြင့် ရှင်းပြနေရသည်ဖြစ်သည်။ ထိုမှတစ်ဖန် စာမေးပွဲဖြေရန်အတွက် အင်္ဂလိပ်လို အလွတ်ကျက်မှတ်ကြရသည်။ အဓိပ္ပာယ် သိခြင်း မသိခြင်းသည် စာမေးပွဲတွင် အထောက်အကူမဖြစ်ဘဲ အလွတ်ရမှသာလျှင် စာမေးပွဲအဖြေလွှာပေါ်တွင် ဖြေနိုင်မည်ဖြစ်သည်။ သို့သော်လည်း ပြဋ္ဌာန်းစာအုပ်များကို မြန်မာလိုပြောင်းလိုက်လျှင် မိမိဘာသာ လွယ်လင့်တကူ ဖတ်ရှုနိုင်ပြီ ဖြစ်၍ အင်္ဂလိပ်လိုထက်စာလျှင် တော်သေးသည်ဟု စဉ်းစားပုံမှာလည်း တထစ်ချမမှန်နိုင်ပေ။ အဘယ်ကြောင့်ဆိုသော် ၂၀၁၈ တက္ကသိုလ်ဝင်တန်းအောင်စာရင်းကို ထောက်ရှုခြင်းအားဖြင့် ကျက်စာများဖြစ်သော ဘောဂနှင့် ဇီဝဘာသာရပ်များတွင် ဂုဏ်ထူးရကျောင်းသားများသည် သင်္ချာ၊ ဓာတု၊ ရူပထက် များစွာသာလွန်နေသောကြောင့်ဖြစ်သည်။ ပြဿနာမှာ အင်္ဂလိပ်လို ပြဋ္ဌာန်းခြင်းကြောင့်မဟုတ်ဘဲ အလွတ်ကျက်မှုကို တွန်းအားပေးထားသော ပညာရေးစနစ်ကြောင့် ဖြစ်နိုင်သည်ဟုသာ ကောက်ချက်ချမိသည်။

မိဘများကဏ္ဍ

ကျောင်းသားမိဘအချို့ကို တွေ့ဆုံ၍ အခြေခံပညာကို အင်္ဂလိပ်လို ပြဋ္ဌာန်းသည်ကို ကြိုက်နှစ်သက်ပါသလား၊ မြန်မာလို ပြဋ္ဌာန်းသည်ကို ကြိုက်ပါသလားဟု မေးမြန်းသောအခါ ရုတ်တရက် အဖြေရခက်သွားကြသည်။ ဤသည်ကိုပဲ မေးခွန်းပုံစံပြောင်း၍ သင့်၏သား၊ သမီးကို အဘယ်ကြောင့် အင်တာနေရှင်နယ်ကျောင်း မထားသနည်းဟု မေးမြန်းကြည့်သောအခါအများစုမှာ ကျောင်းလခကြောင့်ဟုသာ ဖြေဆိုသည်။ နောက်ထပ် အဖြေတစ်ခုကား မိမိသားသမီးအား အင်တာနေရှင်နယ်ကျောင်းကိုထားလျှင် နောင် အကြောင်းမညီညွတ်၍ အစိုးရကျောင်းကို ပြောင်းရခက်မှာ တက္ကသိုလ်ဝင်တန်းနှင့် ချိတ်ဆက်ရာတွင် အဆင်မပြေမှာကို စိုးရိမ်ကြ၍ဟု ပြောကြသည်။ ထိုပြဿနာများမရှိတော့လျှင်တော့ အင်တာနေရှင်နယ်ကျောင်းကိုသာ မိမိသား၊ သမီးကို ထားချင်သည်ဟု ပြောကြသည်။အင်္ဂလိပ်လိုသင်သင့်သလား၊ မြန်မာလိုသင်သင့်သလားဟူသော မေးခွန်း၏အဖြေကို မြို့တော်ကြီးများသာမက နယ်မြို့များတွင်ပင် အင်တာနေရှင်နယ်ကျောင်းများ အလျှိုအလျှိုပေါ်ထွက်လာခြင်းက မိဘများအနေနှင့် အဘယ်သို့ဆန္ဒရှိနေသည် ဆိုသည်ကို မြန်မာနိုင်ငံ၏ ပကတိမြေပြင်အခြေအနေက သက်သေပြလျက်ရှိနေသည်။ အင်္ဂလိပ်စာကို အတိတ်တစ်ချိန်က လိပ်ခွံဘီးကိုမုန်းသကဲ့သို့ ရန်၊ ငါစည်းဖြတ်၍ မြန်မာလိုသင်မှသာ ပညာရေး ပိုမိုတိုးတက်ကောင်းမွန်မည်ဆိုလျှင် KG တန်းမှစ၍ အတန်းစဉ်အားလုံးကို အင်္ဂလိပ်လိုသာမက စာသင်ခန်းတွင် Native Speaker တို့ဖြင့် အခယူ သင်ကြားနေသော အင်တာနေရှင်နယ်ကျောင်းများ ဖျာလိပ်ရုံသာရှိသည်။ အဘယ်ကြောင့် မိမိသားသမီးကို အင်တာနေရှင်နယ်ကျောင်းတွင် ငွေကုန်ကြေးကျခံ ကျောင်းထားရသနည်းဟု ကျောင်းသားမိဘတစ်ဦးကို မေးမြန်းကြည့်သောအခါ အလယ်တန်းပြီးမြောက်၍ ပြည်ပတွင် Scholarship ဖြင့် သင်ကြားခွင့်ရခဲ့လျှင် အဆင်သင့်ဖြစ်နေစေရန်ဟု ဖြေကြားသည်။

စာရေးသူလည်း မိဘအချို့နှင့် တွေ့ဆုံ၍ မေးမြန်းကြည့်သောအခါ ယခုကဲ့သို့ သဘောထားမှတ်ချက်များရရှိလာပါသည်။ (၁) ပြဋ္ဌာန်းချက်များကို ယခုအတိုင်းထား၍ မြန်မာလိုဖြေဆိုမှုကို ခွင့်ပြုခြင်း၊ (၂) အဆင့်မြင့်ပညာ ဆက်လက်မတက်ရောက်တော့မည့် ကျောင်းသားများအား မြန်မာလို ပြဋ္ဌာန်းသင်ယူခွင့်ပြုခြင်း၊ (၃) နည်းပညာ၊ သက်မွေးပညာနှင့် စိုက်ပျိုးရေးပညာ အခြေခံပညာအဆင့်တွင်သာ တက်ရောက်မည့်သူများကို မြန်မာလိုပြဋ္ဌာန်းသင်ယူစေခြင်း၊ (၄) အဆင့်မြင့်ပညာ ဆက်လက် တက်ရောက်မည့်သူများအား KG တန်းမှစ၍ အထက်တန်းအထိ ဘာသာစုံအား အင်္ဂလိပ်လို သင်ယူစေခြင်း၊ (၅) Native Speaker များကိုခေါ်ယူ၍ အခပေး အင်တာနေရှင်နယ်ကျောင်းများကို အစိုးရကိုယ်တိုင်ဦးစီး၍ ဖွင့်လှစ်ပေးစေခြင်းတို့ ဖြစ်သည်။

အမျိုးသားပညာရေးမူဝါဒကော်မရှင်၏ အကြံပြုမူဝါဒ

အမျိုးသားပညာရေးမူဝါဒကော်မရှင်အနေနှင့် အမျိုးသားပညာ ရေးဥပဒေ ပုဒ်မ ၄၃ (က) နှင့်အညီ အကြံပြုမူဝါဒတို့ကို အနှစ်ချုပ်ဖော်ပြရ သော် (၁) သိပ္ပံဘာသာရပ်များရှိ ပညာရပ်ဝေါရဟာများကို မြန်မာဘာသာဖြင့် အသုံးပြုရခက်ခဲနိုင်၍ အင်္ဂလိပ်၊ မြန်မာနှစ်မျိုးပေါင်းစပ်အသုံးပြုသင်ကြားခြင်း၊ (၂) ရေရှည်အားဖြင့် ပညာရေးဝန်ကြီးဌာနအနေနှင့် ခေတ်မီပညာရပ်များကို မြန်မာဘာသာစကားဖြင့် ရေးသားတင်ပြနိုင်စေရန် လေ့ကျင့်သင်ကြားပျိုးထောင်ပေးခြင်း၊ (၃) ပုဂ္ဂလိကကျောင်းများအား အင်္ဂလိပ်စာကို သင်ကြားမှုသုံးဘာသာစကားအဖြစ် အသုံးပြုလိုက ခွင့်ပြုပေးခြင်း၊ (၄) အခြေခံပညာကျောင်းအဆင့်အသီးသီးတွင် အင်္ဂလိပ် ဘာသာစကား တတ်ကျွမ်းမှုအတွက် သင်ကြားပေးရေးကို အလေးထားဆောင်ရွက်ပေးခြင်း၊ (၅) အင်္ဂလိပ်ဘာသာစကားစွမ်းရည်သာမက မြန်မာဘာသာစကားနှင့် မြန်မာစာတတ်ကျွမ်းခိုင်မာမှုကိုလည်း အထူး အလေးထား ဆောင်ရွက်သင့်ကြောင်း အကြံပြုထားပါသည်။ ကော်မရှင် မှ နိဂုံးအနေနှင့် အခြေခံပညာအထက်တန်းအဆင့်တွင် လက်ရှိအသုံးပြုနေသော သင်ကြားမှုသုံးဘာသာစကားကို ပြန်လည်သုံးသပ်ရေးနှင့် ပြုပြင်ပြောင်းလဲရေးသည် မိဘများ၊ ကျောင်းသားများ၊ ဆရာ၊ ဆရာမများ အပေါ် သက်ရောက်မှု ကြီးမားသည့် မူဝါဒရေးရာကိစ္စတစ်ရပ်ဖြစ်သဖြင့် မြန်မာနိုင်ငံ၏ ပကတိအခြေအနေနှင့် လိုက်လျောညီထွေရှိမည့် မူဝါဒတစ်ခုခုကို သက်ဆိုင်သူများနှင့် ကျယ်ကျယ်ပြန့်ပြန့် ညှိနှိုင်းဆွေးနွေးလျက် ချမှတ်ပေးနိုင်ရန် အကြံပြုထားသည်။

စာရေးသူအနေနှင့် မိဘတစ်ယောက်၏ ရှုထောင့်က အကြံပြုရလျှင် အထက်တန်း၏ သင်္ချာနှင့် သိပ္ပံဘာသာရပ်များကို မြန်မာစာဖြင့် သင်ကြား ခြင်းအား ကာလတိုအားဖြင့်သာ သင်စေချင်သည်။ ရေရှည်အားဖြင့်ဆိုလျှင် သင်ကြားပေးမည့်ဆရာများ၏ အရေအတွက်နှင့်အရည်အချင်းများ ဘက် ပေါင်းစုံ ပြည့်စုံကုံလုံသည့်တစ်နေ့တွင် KG တန်းမှစ၍ ဘာသာရပ်အားလုံး (မြန်မာစာမှလွဲ၍) ကို နိုင်ငံတကာပညာရေးနှင့် ရင်ပေါင်တန်းနိုင်စေရန် အင်္ဂလိပ်လို ပြဋ္ဌာန်းသင်ယူစေချင်ပါသည်။

ဦးခီ