News

POST TYPE

SPECIAL SECTIONS

စင်ကာပူကို ကျော်မည်ဆိုလျှင်
03-Mar-2018 tagged as ပညာရေး



မြန်မာနိုင်ငံတွင် ကျောင်းရာသီတစ်နှစ် ကုန်တော့မည်ဖြစ်သည်။ ကျွန်တော် နေ့စဉ် သတင်းစာယူနေသည့်ဆိုင်မှ ကလေးမလေးက ယခုနှစ်တွင် ၉ တန်း ဖြေထားသည်။ သူ့ကို ကျောင်းပိတ်ပြီ ဘာလုပ်မည်နည်းဟု မေးကြည့်မိသည်။ သူက ၁၀ တန်းကျူရှင်ဆက်တက်မည်ဟု ဖြေသည်။ ကျောင်းမှ မဖွင့်သေး ကျူရှင်ကို ကြိုပြေးနေပြီ။ မောလိုက်ရသည့် မြန်မာ့ပညာရေးစနစ်။ အတန်းကြီးတွေသာမဟုတ်။ အတန်းငယ်လေးတွေအတွက်လည်း နွေရာသီသင်ရိုးကုန်သင်တန်းဆိုကာ ကြော်ငြာတွေ လိုက်ကပ်နေသည်ကို တွေ့ရသည်။

စင်ကာပူနိုင်ငံတွင် မတ်လ၌ ကျောင်းပိတ်တော့မည်ဖြစ်သည်။ သူတို့ကလေးတွေ ကျောင်းပိတ်ရက်တွင် ဘာတွေလှုပ်ရှားကြမည်နည်း။ နောက်တစ်နှစ် တက်ရမည့်အတန်းအတွက် ကျူရှင်တက်သလား။ စူးစမ်းကြည့်မိသည်။ အွန်လိုင်းပေါ်တွင် သူတို့ကလေးတွေအတွက် ခေါ်နေသော သင်တန်းပေါင်းစုံရှိသည်။ 

အသက် ၃ နှစ်မှ ၁၆ နှစ်အထိ အားကစားသင်တန်း၊ သင်္ချာသင်တန်း၊ နည်းပညာသင်တန်းတွေက အများဆုံးဖြစ်သည်။ Village Day Camps တွေလည်း တွေ့ရသည်။ အသက် ၄ နှစ်မှ ၆ နှစ်အထိ ကလေးများကို မီနီပရိုဂရမ်၊ အသက် ၇ နှစ်မှ ၉ နှစ်ကို ဂျူနီယာ ပရိုဂရမ်၊ အသက် ၁၀ နှစ်မှ ၁၃ နှစ်ကို စီနီယာပရိုဂရမ်အဖြစ် စခန်းသွင်းကာ လေ့ကျင့်ပေးမည့် အစီအစဉ်ဖြစ်သည်။ ကလေးများကို ၆ ရက်ခရီးအဖြစ် စခန်းသွင်း လေ့ကျင့်မှုများ ပြုလုပ်ပေးသည်။ အုပ်စုများဖွဲ့ပေးပြီး အုပ်စုတစ်ခုအတွက် ဆရာတစ်ဦး ထည့်ပေးမည်။ တောထဲစခန်းချပြီး ကာယလေ့ကျင့်ခန်းများလုပ်မည်၊ အခက်အခဲတွေကျော်လွှားမည်။ တောင်တက်ကြမည်။ ပန်းချီဆွဲကြမည်။ သီချင်းတွေဆိုမည်။ ကြိုးတန်းလျှောက်၊ ကြိုးတက်တွေ အားလုံးပါသည်။ သဘာဝပတ်ဝန်းကျင်က လေ့လာသင်ယူရမည့်အပြင် စိတ်ဓာတ်ရော ကိုယ်ခန္ဓာပါ သန်စွမ်းစေရန် လေ့ကျင့်ပေးနိုင်မည့် သင်တန်းတွေကို သူတို့မိဘတွေက စိတ်ဝင်စားစွာ ပို့နေကြသည်။

တောထဲသွားပြီး ပြန်လာလျှင်လည်း စင်ကာပူတွင် လာဖွင့်ထားသည့် ဂျာမနီအဖွဲ့၊ အမေရိကန်အဖွဲ့၊ ဗြိတိန်အဖွဲ့များထံက သင်တန်းများကို သွားတက်နိုင်သေးသည်။ စာပေသင်တန်းရှိသည်။ ဂီတသင်တန်းတွေ ရှိသည်။ ကိုယ့်စိတ်ကြိုက် ဘာသာစကားနှင့် ဂီတများကို ရွေးချယ်လေ့လာနိုင်စေရန် မိဘတွေက ပို့ပေးကြသည်။

အသက် ၁၁ နှစ်မှ ၁၇ နှစ် လူငယ်ကလေးများအတွက်လည်း SuperCamp ဆိုသည့် အနည်းငယ် ကြမ်းတမ်းသောသင်တန်းတွေ ရှိသည်။ သူတို့ကို တောထဲခေါ်သွားပြီး စခန်းချလေ့ကျင့်ပေးမည်ဖြစ်သည်။ တစ်ပတ်ကြာ စခန်းသွင်းလေ့ကျင့်မှုထဲတွင် တောထဲ သင်ခန်းစာများ၊ သစ်ပင်တက်ခြင်းများ၊ ကိုယ်ခန္ဓာကြံ့ခိုင်သင်တန်းများ အစီအစဉ်ထဲတွင် ထည့်ဆွဲထားသည်။ ပူးပေါင်းပြီး အဖွဲ့လိုက် လုပ်ဆောင်ရမှုများရှိသည်။ ဂိမ်းတွေ ကစားကြရသည်။ စိတ်ရောကိုယ်ပါ ကြံ့ခိုင်သန်စွမ်းစေသည့် သင်တန်းများဖြစ်သောကြောင့် စိတ်ဝင်စားကြသည်။

ထိုင်းနိုင်ငံက စင်ကာပူတွင် လာခေါ်ထားသည့် သင်တန်းတစ်ခုကလည်း စိတ်ဝင်စားစရာကောင်းသည်။ ထိုင်းနိုင်ငံ ကန်ချနာဘူရီတွင် စခန်းသွင်းလေ့ကျင့်ပေးမည်။ အသက် ၈ နှစ်မှ ၁၆ နှစ်အရွယ်တွေကို လက်ခံသည်။ အားကစား၊ ပန်းချီတို့ကို အထူးပြုသင်ကြားပေးမည်။ အထူးသဖြင့် မြင်းစီး၊ မြားပစ်၊ ဘောလုံး၊ ကောင်းကင်ဘားပညာများကို သင်ပေးသည်။ ထို့ပြင် ဖောင်စီးခရီး၊ ကနူးလှေစီးခရီး၊ ဆင်စခန်းများ လေ့လာရေးတို့ကိုလည်း ထည့်သွင်းထားသည်။ သုံးပတ်မှ ၉ ပတ်ခရီးစဉ်ဖြစ်သည်။ 

စင်ကာပူကလေးတွေလည်း ဘောလုံးစိတ်ဝင်စားကြသည်။ အသက် ၄ နှစ်မှ ၁၂ နှစ်အရွယ် ကလေးများအတွက် နွေရာသီ ဘောလုံးသင်တန်းတွေ ဖွင့်ပေးသည်။ သင်တန်းလာတက်လျှင် ဘောလုံးတစ်ခုတည်းသာ မဟုတ်။ ရေကူး၊ ယောဂ၊ တင်းနစ်၊ ဘတ်စကက်ဘော၊ ရပ်ဘီ၊ အပြေး၊ ဘေ့စ်ဘောတွေလည်း မိမိနှစ်သက်ရာ လေ့ကျင့်သင်ကြားနိုင်ကြသည်။ 

ကာယနှင့် စိတ်ဓာတ်ကို ကြံ့ခိုင်စေမည့် သင်တန်းများကို မိဘတွေက စိတ်ဝင်စားကြသည်။ ထို့ပြင် ကလေးတွေကို Creative Camp ဆိုသည့် ပန်းချီအနုပညာသင်တန်းများ ပို့ရန်လည်း သူတို့ထက်သန်ကြသည်။ အသက် ၅ နှစ်မှ ၁၂ နှစ်အရွယ်ကလေးများအတွက် ပန်းချီသင်တန်းတွေရှိသည်။ ၆ ပတ်ခန့်တက်ရမည့် သင်တန်းတစ်ခုဖြစ်သော တီထွင်မှုသင်တန်းဆိုသည်ကိုလည်း တွေ့ရသည်။ အရုပ်လုပ်နည်း၊ မုန့်ဖုတ်နည်း အိမ်တွင်းမှုသင်တန်းဖြစ်သည်။ ပန်းချီသင်တန်းတစ်ခုတွင်တော့ မိဘရော ကလေးပါ ပူးပေါင်းပြီး လေ့ကျင့်နိုင်ရန် စီစဉ်ပေးမည်ဟု ဆိုထားပြန်သည်။ 

ဘာသာစကားသင်တန်းများကို ပို့ရန်လည်း မိဘတွေက စိတ်ဝင်စားကြသည်။ အသက် ၆ နှစ်မှ ၁၅ နှစ်အထိ ကလေးများကို ဗြိတိသျှကောင်စီက အင်္ဂလိပ်စာ ကျွမ်းကျင်မှုသင်တန်းများပေးသည်။ အင်္ဂလိပ်လို ပြောဆိုနေကြသော်လည်း ပိုပြီးကျွမ်းကျင်စေရန် ပို့ကြသည်။ သင်တန်းကလည်း ဘာသာစကားသက်သက် မဟုတ်။ ဂိမ်းကစားခြင်း၊ ပရောဂျက်နှင့် အုပ်စုဖွဲ့လှုပ်ရှားခြင်းများဖြင့် ကလေး၏ အင်္ဂလိပ်စာတတ်ကျွမ်းမှုကို ပိုပြီးတိုးတက်စေရန် သင်ကြားပေးကြသည်။ ဘာသာစကားသင်ကြားရေးသာမက မိတ်ဆွေတိုးပွားပြီး ပေါင်းသင်းဆက်ဆံရေးကို အထောက်အကူပြုစေနိုင်သည်ဆိုကာ မိဘများက စိတ်ဝင်စားကြသည်။

ယခုခေတ်စားနေသည့် သင်တန်းတစ်ခုမှာ Animation သင်တန်းဖြစ်သည်။ ကျောင်းပိတ်ရက်အတွင်း LEGO ဆိုသည့် ရုပ်ရှင်တိုလေးများကို ကွန်ပျူတာနည်းပညာဖြင့် ပေါင်းစပ်ပြီး ဖန်တီးရသည့် သင်တန်းများဖြစ်သည်။ ကလေးများသည် ကွန်ပျူတာနှင့် ဆော့ဖ်ဝဲကို ပိုင်နိုင်စွာ အသုံးပြုနိုင်ရုံမက ကိုယ်တိုင် ရိုက်ကူး ဖန်တီးထားသည့် ပြကွက်များကို မိဘများကို ပြန်လုပ်ပြနိုင်သောကြောင့် ပျော်ရွှင်ကြသည်။ အသက် ၆ နှစ်မှ ၁၂ အထိအရွယ်များကို သင်တန်းပေးနေခြင်းဖြစ်သည်။

ကလေးများကို ကင်မရာတစ်လုံးပေးပြီး ပရော်ဖက်ရှင်နယ်ကျကျ ဓာတ်ပုံသမားများ ဖြစ်လာစေရန် လေ့ကျင့်ပေးနေသည့် ကင်မရာသင်တန်းများလည်း ရှိသည်။ ကလေးတွေကို ကင်မရာသဘောတရား၊ ကိုင်တွယ်နည်း၊ ရိုက်ကူးနည်းများသာမက ဓာတ်ပုံများဖြင့် ဇာတ်လမ်းတစ်ပုဒ် ဖန်တီးနည်းတို့ကိုပါ သင်ကြားပေးသည်။ အသက် ၈ နှစ်မှ ၁၆ နှစ်အရွယ်ကလေးများကို indoor, outdoor ရိုက်ကူးနည်းများအား စနစ်တကျ သင်ပေးသည်။ 

နောက်ထပ် စိတ်ဝင်စားစရာကောင်းသည့် သင်တန်းတစ်ခုမှာ ရုပ်ရှင်ရိုက်ကူးရေး သင်တန်းဖြစ်သည်။ အသက် ၈ နှစ်မှ ၁၆ နှစ်များကို လက်ခံသင်ကြားပေးသည်။ VR (Virtual Reality), Argumented reality, 360 filmmaking သဘောတရားများဖြင့် သင်ကြားပို့ချပေးသည်။ အထူးကင်မရာများဖြင့် ရိုက်ကူးနည်းများကိုလည်း သင်ကြားပေးသည်။ 

ကလေးများအတွက် အကသင်တန်းတွေလည်း ရှိသည်။ အနောက်တိုင်းအကများကို သင်ကြားပေးသည်။ ဘဲလေးအကများအပြင်၊ ပြဇာတ်စင်တင်အကများအထိ လေ့ကျင့်သင်ကြားပေးသည်။ သုံးနှစ်သမီးလေးများကိုပင် သင်တန်းတွင် တွေ့ရသည်။ 

အခြားစိတ်ဝင်စားစရာကောင်းသည့် သင်တန်းတစ်ခုမှာ MindChamps Champions ဆိုသည့် သင်တန်းများဖြစ်သည်။ ကလေးများ၏ EQ ကို မြင့်မားစေရန် Soft Skill ကို လေ့ကျင့်သင်ကြားပေးသည့် သင်တန်းများဖြစ်သည်။ မူလတန်းကလေးများကို တွေးခေါ်တီထွင်ဖန်တီးစွမ်းအားများ ကောင်းလာစေရန် လေ့ကျင့်ပေးသည့် သင်တန်းများဖြစ်သည်။ ကလေးတစ်ယောက်ကို ဘက်စုံတော်စေရန်အတွက် Soft Skill အရေးကြီးကြောင်းကို သူတို့မိဘတွေက နားလည်ထားသဖြင့် သားသမီးတွေကို နွေရာသီကျောင်းပိတ်ရက်တွင် ထိုသင်တန်းများကို ပို့ထားပေးကြသည်။ 

စင်ကာပူ Space and Technology Association’s Space Academy ကကြီးမှူးပြီး ဖွင့်ထားသည့် သင်တန်းလည်းရှိသည်။ အာကာသဆိုင်ရာ သဘောတရားများနှင့် လေ့ကျင့်ခန်းများကို သင်ကြားပေးသည်။ ဂျူနီယာစခန်းသွင်း သင်တန်းတွင် အသက် ၉ နှစ်မှ ၁၂ နှစ်အရွယ်များကို စတင်လက်ခံသည်။ သင်တန်းကိုပို့ချသည့် ဆရာများသည် အာကာသစခန်းများတွင် နှစ်ပေါင်း ၂၀ ခန့် လေ့ကျင့်သင်ကြားပေးခဲ့သူများဖြစ်သည်။ ကလေးများကို သင်္ချာ၊ သိပ္ပံနှင့် နည်းပညာဆိုင်ရာ သဘောတရားများသင်ပေးသည်။ သင်ကြားမှုထဲတွင် လူလိုက်ပါခြင်းမရှိသည့် မောင်းနှင်ရသောယာဉ်များ သဘောတရား၊ အာကာသအတွင်း နေထိုင်နည်း၊ ဒုံးပျံစနစ်အကြောင်း၊ ဂြိုဟ်တုနှင့် အာကာသပျံသန်းမှုဆိုင်ရာ သဘောတရားများပါသည်။ အသက် ၁၄ နှစ်မှ ၂၁ နှစ်အရွယ် ကလေးများအတွက် သီးခြား အာကာသသင်တန်း ထပ်ဖွင့်ပေးသည်။ Youth Space Camp တွင် အာကာသဆိုင်ရာသဘောတရားများကို ပိုပြီးသင်ပေးသည်။ 

စက်ရုပ်တီထွင်မှုကို စိတ်ဝင်စားနေကြသော ခေတ်ဖြစ်ပြီး AI နည်းပညာကို ဦးစားပေးနေသော ခေတ်ဖြစ်သောကြောင့် ကလေးများကို စက်ရုပ်တီထွင်ဖန်တီးမှုသင်တန်းနှင့် စက်ရုပ်များကိုခိုင်းစေနိုင်သည့် Programming သင်တန်းများကိုလည်း မိဘများက စိတ်ဝင်စားစွာဖြင့် သားသမီးများကို တက်ခိုင်းနေကြသည်။ 

အသက် ၅ နှစ်မှ ၁၅ နှစ်အရွယ် ကလေးများအတွက် mBot Robotics Workshop သင်တန်းတွင် Programming သဘောတရား၊ အီလက်ထရွန်နစ်နှင့် ကလေးများအတွက် စက်ရုပ်အခြေခံတည်ဆောက်နည်းပညာရပ်များကို သင်ကြားပေးသည်။ ကလေးများကို ခက်ခဲသည့် ကွန်ပျူတာ Code များဖြင့် စိတ်မပျက်စေဘဲ mBlock Programming သဘောတရားဖြစ်သည့် mBot ပရိုဂရမ်နည်းဖြင့် သင်သည်။ ထိုနည်းက ကီးဘုတ်ကတစ်ဆင့် လုပ်ဆောင်ခိုင်းရုံသာဖြစ်ပြီး Code ရေးရန်မလိုသောကြောင့် ကလေးများ စိတ်ဝင်စားကြသည်။ 

အသက် ၉ နှစ်မှ ၁၅ နှစ်အရွယ် ကလေးများအတွက် ဖန်တီးနိုင်စွမ်း၊ ပိုင်းဖြတ်နိုင်စွမ်းများ ဖြစ်လာစေရန် Arduino Robotics Workshop ဆိုသည့် သင်တန်းများလည်းရှိသည်။ Creative and Analytical Sklii သဘောတရားများကို အဓိကထားပြီး သင်ကြားပေးသည်။ စက်ရုပ်များကို ကလေးများသာမက မိဘများပါ ပြန်လည်တည်ဆောက်နိုင်ရန်အတွက် ပူးပေါင်းဆောင်ရွက်ရသည့် အစီအစဉ်များကို ထည့်သွင်းပေးထားသည်။ လာမည့် ဇွန်လကစပြီး ပိတ်ရက်များတွင် သင်တန်းကို စတင်တက်နိုင်ပြီဖြစ်သည်။ ဤသင်တန်းကို ကျောင်းသားနှင့် မိဘ ပူးပေါင်းသင်တန်းဟု ဆိုထားသဖြင့် မိဘများလည်း လာတက်နိုင်သည်။ အသက် ၁၅ နှစ်အောက်သာ မိဘများကို ပူးတွဲလက်ခံသည်။ စက်ရုပ်များကို တည်ဆောက်ရာတွင် DIY ဟုခေါ်သော ကိုယ်တိုင်ဖန်တီးနိုင်စွမ်းများကို ဦးစားပေးထားသည်။ ကားကို တစ်ရက်အတွင်း တည်ဆောက်တတ်စေရန် သင်ပေးသည်။ 

ကွန်ပျူတာပရိုဂရမ်ကို အလွယ်ရေးနိုင်သည့် Raspberry Pi Computer Workshop ကို ကလေးများအတွက် ဖွင့်ပေးပါသည်။ အသက် ၁၂ နှစ်မှ ၁၆ နှစ်အရွယ်များ တက်ရောက်သင်ကြားနိုင်သည်။ ကျောင်းပိတ်ရက်များတွင် ကလေးအများဆုံး လာရောက်လေ့ကျင့် သင်ကြားနေကြသော ကွန်ပျူတာ Program သင်တန်းလည်း ဖြစ်သည်။

Raspberry Pi သဘောတရားက မခက်ပါ။ Scratch ကို အသုံးပြုပြီး အလွယ်တကူရေးနိုင်သည့်အပြင် ပျော်စရာလည်းကောင်းသည်။ ထိုသင်တန်းပြီးလျှင် ကွန်ပျူတာပရိုဂရမ်ရေးရန် ကောင်းစွာနားလည်ပြီးဖြစ်သဖြင့် အခြေခံသင်တန်းတစ်ခုအဖြစ် မိဘများက သင်ကြားခိုင်းကြသည်။ 

Basic Electronics Workshop တွေလည်း ကလေးများအတွက် ဖွင့်ထားပေးပါသေးသည်။ အသက် ၁၂ နှစ်မှ ၁၇ နှစ်အရွယ် ကလေးများအတွက်ဖြစ်သည်။ အီလက်ထရွန်နစ် သဘောတရားအခြေခံများ ကလေးများကို ရရှိသွားစေရန်ဖြစ်သည်။ အီလက်ထရွန်နစ်ဆိုင်ရာ အခေါ်အဝေါ်များကို သိရှိစေရန်၊ လျှပ်စစ်ပစ္စည်းများ လုပ်ဆောင်ပုံနှင့် အခြေခံဆက်သွယ်နည်းတို့ကအစ လေ့ကျင့်ပေးသည့် သင်တန်းများဖြစ်သည်။ 

စင်ကာပူနိုင်ငံတွင် ကျောင်းများကို Term 1 အဖြစ် မတ်လ ၁၀ မှ မတ်လ ၁၈ ရက်အထိ တစ်ပတ်ခန့် တစ်ကြိမ် ပိတ်ပါသည်။ ထို့နောက် မေလမှ ဇွန်လအထိ တစ်လခန့် တစ်ကြိမ်ပိတ်သည်။ ထို့နောက် Term 2 ကို စက်တင်ဘာလအတွင်း တစ်ပတ်ပိတ်ပြီး၊ နှစ်ဆုံးအဖြစ် နိုဝင်ဘာမှ ဒီဇင်ဘာအထိ တစ်လခန့် ထပ်နားသည်။ 

ထိုကာလများတွင် စင်ကာပူမိဘများသည် ကျောင်းပြီးလျှင် ကျောင်းစာကိုမသင်ခိုင်း။ မိမိတို့ကလေးများကို ကမ္ဘာနှင့်ယှဉ်နိုင်အောင်၊ တိုးတက်နေသည့် ခေတ်နှင့်အပြိုင်လိုက်နိုင်အောင် မည်သည့်သင်တန်းတွေ တက်ခိုင်းနေသနည်းဆိုခြင်းကို သိစေချင်ပါသည်။ စင်ကာပူကိုကျော်ချင်လျှင် မြန်မာတို့၏ နွံနစ် အရိုးစွဲနေသော ကျူရှင်မှကျူရှင် စိတ်ဓာတ်များကို ဦးစွာစပြင်ရပေလိမ့်မည်။

မောင်ခေတ်
(Ref: Tertiary Courses; Little Day Out; Honey Kids)

  • VIA