News

POST TYPE

SATIRE

ဖက်ဒရယ် အိုင်ဒေါ
ဘယ်နှခုနှစ်မှန်းပင် မသိတော့။

ဘာအကြောင်းအရင်းကြောင့်မှန်းလည်း မသိတော့။

နိုင်ငံတော်ကြီးရှိ များပြားလှသော တပ်မတော်များသည် အချင်းချင်း ချနေကြဆဲ။ နိုင်ငံအတွင်းရှိ လူမျိုးတိုင်းတွင် တပ်မတော် ရှိသည်။ မြန်မာ့တပ်မတော်၊ ကချင့်တပ်မတော်၊ ရှမ်းတပ်မတော်၊ ကရင့်တပ်မတော်၊ မွန်တပ်မတော်၊ ရခိုင့်တပ်မတော် ဘာညာကွိကွ တပ်မတော်များတင်လား။ အောင်မယ်... ကျောင်းသားတပ်မတော် ဆိုတာပါ ရှိသေးသည်။ ကမ္ဘာ့တပ်မတော် အများဆုံးနိုင်ငံအဖြစ် ဂင်းနက်စ်မှတ်တမ်း စာအုပ်တွင်ပင် ဖော်ပြခံခဲ့ရပြီးပြီ။ ထိုတပ်မတော်များ အားလုံးသည်လည်း တရားသောစစ်ကိုပင် တိုက်ကြသည်။ မတရားသောစစ် ဆိုလျှင် လက်ဖျားနှင့်ပင် မတို့ဟု ဆိုကြ၏။

သို့ဆိုလျှင် မတရားသည်မှာ တိုင်းရင်းသား ပြည်သူများသာ ဖြစ်မည်။ တပ်မတော်ကြီးများ၏ တရားသော စစ်ပွဲများတွင် ထိုတိုင်းရင်းသား ပြည်သူများမှာ အီစတွန့်ဗွမ် ကုန်ကြသည်မှာ ခေတ်အဆက်ဆက်။ ပြည်သူအပေါင်းသည် စစ်ပွဲများ ကျေးဇူးကြောင့် တောင်ပြေး မြောက်ပြေးဖြင့် ဟိုဝန်ကြီးချုပ်ကြီး ပြောသလို ဆီးချို၊ သွေးချိုရောဂါများ ကင်းဝေးကြကုန်သည်။ စစ်ဘေးရှောင် ဒုက္ခသည် ကူညီရေး စတိတ်ရှိုးများ ကြည့်ကြရကုန်သည်။ သေဘေးရှောင် စစ်စခန်းကြီးများတွင် ပျော်ရွှင်စွာ ထမင်းထုပ်စားကြလေသည်။ ကတုတ်ကျင်းကြီး များထဲတွင် တစ်နေကုန် ဗုံးခိုကြရသဖြင့် ပထဝီဓာတ်များ ကြွယ်ဝကုန်သည်။ တပ်မတော်ကြီးများ၏ ကျေးဇူးကား ထို့နှယ် ပြောကုန်ဖွယ် မရှိ။
စစ်ဆန့်ကျင်ရေးအတွက် လမ်းလျှောက်သည့် သူများလည်း လျှောက်ရင်းလျှောက်ရင်းဖြင့် မြောက်ဝင်ရိုးစွန်းအထိ ရောက်သွားကုန်ပြီ။

ပထမပင်လုံ၊ ဒုတိယပင်လုံ၊ တတိယပင်လုံမှသည် ၁၀၁ ကြိမ်မြောက် ပင်လုံတွေ ဘာတွေဖြစ်ကုန်သဖြင့် ပင်လုံမြို့သည် တိုင်းရင်းသားရိုးရာ ဝတ်စုံနှင့် အစားအစာပေါင်းစုံ ရောင်းချသည့် ဈေးတန်းကြီးတွေ၊ ရှောပင်းမောကြီးတွေနှင့် ဖြစ်ကုန်လေပြီ။

နိုင်ငံတော်အနှံ့အပြားတွင်ကား တပ်မတော်များအကြား လိဂ်ပွဲ၊ ဖလားပွဲ၊ ချစ်ကြည်ရေး လက်စမ်းပွဲ စသဖြင့် တိုက်ပွဲရာသီများ ပြတ်သည်မရှိ။ ဒီတော့ကာ တိုင်းပြည်သည် ဖွတ်ဖွတ်ညက်ညက်သည်ထက် ဖွတ်ဖွတ်ညက်ညက်ကုန်ပြီ။ ပညာရှင်များက စဉ်းစားကြသည်။ ဘယ့်နှယ်လုပ်ကြမတုံး။

ဧက ၁၀၀၀ ခန့်ကျယ်သည့် ခြံကြီးဝယ်။ အုတ်တံတိုင်းကို အမြင့်ကြီးခတ်။ တိုက်ရန်ခိုက်ရန် ရှိသည့် လက်နက်ကိုင်တပ်များမှ တပ်မှူးကြီးများကို ဆင့်ခေါ်ပြီး စာရင်းသွင်းခိုင်း။ ပြီးလျှင် ရက်ချိန်းယူ။ သူ့ရက်နှင့်သူ ကိုယ့်အဖွဲ့တွေ ကိုယ်ခေါ်လာပြီး ဒီခြံကြီးထဲမှ တိုက်ကြ။ အပြင်ကို မထွက်ရ။ ဆေးရုံ၊ ဆေးခန်းများကို ခြံပြင်တွင် အသင့်ဖွင့်ပေးထားမည်။ လက်နက်ရိက္ခာအတွက် နိုင်ငံတော်မှ ပံ့ပိုးပေးမည်။

အိုကေ... ဒီအစီအစဉ် မနှိပ်လား။

နို့...သို့ပေသိ...ဒီစီမံကိန်းလည်း မဖြစ်သွားခဲ့။ ဧက ၁၀၀၀ ရှိသည့် မြေနေရာတွင် အားလုံးက ဟိုဦးကပိုင်၊ ဒီအဒေါ်ကပိုင်၊ အာမီကပိုင်၊ ပါတီကပိုင်၊ သူဌေးကြီးတွေကပိုင်၊ ဘယ်သူမှ မဖယ်ပေးချင်ကြ။

တစ်ပေလွတ်လျှင် တစ်ပေကျူးမည်ဆိုသည့် မြန်မာ့ကျူးကျော် ကော်မတီများကလည်း နိုင်ငံတော်ပိုင်မြေဟု ဆိုလိုက်သည်နှင့် တဲလာထိုးရန် အသင့်အနေအထား။

ဒီလိုအခြေအနေမှာ ဒီစီမံကိန်းကို ဘယ့်နှယ် အကောင်အထည်ဖော်မတုံး။ နောက်တစ်မျိုး ပြောင်းစဉ်းစားကြသည်။

အိုကေ...ဟုတ်ပြီ။

တစ်ချိန်က ခေတ်စားခဲ့သည့် မြန်မာအိုင်ဒေါ ဆိုသည့် သီချင်းဆိုပြိုင်ပွဲကို သွားသတိရကြသည်။ ဒီပြိုင်ပွဲကို လူတွေ သဲသဲလှုပ်ခဲ့ကြသည်။ ကိုယ်ကြိုက်သည့် ပြိုင်ပွဲဝင်ကို ပြည်သူများက မဲပေးခြင်းဖြင့် ရွေးချယ်ကြသည့်ပွဲ။

နောက်ဆုံးကျန်ရစ်သူ သုံးဦးက ဘော်တွန်သရီးဟုခေါ်သော ထိုင်ခုံသုံးခုံမှာ ထိုင်ရမည်။ တစ်ဆင့်ချင်း တစ်ဆင့်ချင်းတွင် ပရိသတ်၏ မဲများအရ တစ်ယောက်စီ ဖြုတ်သွားမည်။ နောက်ဆုံး Winner တစ်ယောက်ပဲ ကျန်မည်။ ဒီနည်းသည် အကောင်းဆုံး။

သက်ဆိုင်ရာ လက်နက်ကိုင်တပ် အသီးသီးမှ ခေါင်းဆောင်ကြီးများ သီချင်းဆိုပြိုင်ကြမည်။ ပြည်သူက ကိုယ်ကြိုက်သည့်တပ်ကို Voting ပေးကြမည်။ မဲအများဆုံး တပ်မတော်ကို နိုင်ငံတော်၏ တစ်ခုတည်းသော တပ်မတော်အဖြစ် သတ်မှတ်ပေးမည်။ ကျန်သည့် တပ်မတော်တွေ လက်နက်ချကြပေတော့။

ဒီအတိုင်းဆို လူများစုရှိသည့် ဗမာမဲတွေနှင့်ပဲ နိုင်တော့မည်ပေါ့တဲ့။ ဘာမှမပူနှင့်။ 

လူတစ်ဦးလျှင် တစ်မဲမဟုတ်။ မိမိဖုန်းများမှ တစ်ဆင့် ကိုယ်ကြိုက်သလောက် ငွေကုန်ခံပြီး မဲပေးနိုင်မည်။ ဗုတ်တင်သည် မိမိသက်ဆိုင်ရာ တပ်များကို မိမိလူထုမှ ဘယ်လောက်စေတနာထားကာ ချစ်နိုင်မလဲ အပေါ်မှာသာ မူတည်နေသည်။

ထိုဗုတ်တင်ပေးကြရာမှ ရသည့်ငွေများကို ရှုံးသည့် လက်နက်ကိုင်အဖွဲ့ဝင်များ ပြင်ပတွင် စီးပွားရေး လုပ်စားရန် ပြန်ခွဲဝေပေးမည် ဟူ၏။

နဂိုကတည်းက အနုပညာအရာတွင် ခေသူမဟုတ်ကြသော လက်နက်ကိုင်အဖွဲ့ အသီးသီးမှ ခေါင်းဆောင်ကြီးများက ဒီအစီအစဉ်ကို သဘောတူကြသည်။ တစ်သက်လုံး စစ်တိုက်လိုက်၊ ငြိမ်းချမ်းရေး ဆွေးနွေးလိုက် လုပ်လာတာ ငြီးငွေ့လာပြီ။ အခုတော့ ပျော်ပျော်ပါးပါး သီချင်းဆိုပြိုင်ရင်း အနိုင်အရှုံးကို ဆုံးဖြတ်ကြမည်။ အဆိုပြိုင်ပွဲများတွင် ဂိုက်လုပ်ပေးသော အဆိုပညာရှင်များကို လက်နက်ကိုင် တပ်အသီးသီးမှ နည်းပြအဖြစ် အလုအယက် ငှားရမ်းကြသည်။

နာမည်ကျော် အဆိုပြိုင်ပွဲများဖြစ်သည့် မြန်မာအိုင်ဒေါ၊ အိပ်မက်ဆုံရာတို့မှ အဆိုနည်းပြများ ဖြစ်သော မထရေစီ၊ ကိုခိုင်မြဲသာတို့သည် အပြောင်းအရွှေ့ ဈေးကွက်တွင် ကြေးအမြင့်ဆုံး ဖြစ်သွား၏။

ခေါင်းဆောင်ကြီးများသည် ကေတီဗီများကို ပုတ်ပြတ်ငှားသူ ငှားကြ၊ စတူဒီယိုကြီးများကို တပ်ပိုင်မြေအဖြစ် သတ်မှတ်ကာ လေ့ကျင့်သူ လေ့ကျင့်ကြနှင့်။

xxx

ပြိုင်ပွဲနာမည်ကို ဖက်ဒရယ်အိုင်ဒေါဟု ပေးလိုက်ကြသည်။ ပြိုင်ပွဲစပြီ။

“မြန်မာပြည်တစ်ဝန်းမှ ဖက်ဒရယ်အိုင်ဒေါ ပရိသတ်များ အားလုံး မင်္ဂလာပါ”

အစီအစဉ် တင်ဆက်သူ မောင်ကျော်ထက်အောင်သည် အလံဖြူကြီးတစ်လက်ကို ခါးတွင်ထိုးပြီး အောင်မြင်ခံ့ညားသော အသံဖြင့် ပွဲကို စတင်ဖွင့်လှစ်လိုက်သည်။

“ဖက်ဒရယ်အိုင်ဒေါရဲ့ အရေးပါဆုံးသော ဒိုင်များဖြင့် မိတ်ဆက်ပေးပါရစေ”

အန်ကယ်ကြီး ထွက်လာသည်။
သူ့ထုံးစံအတိုင်း ဖက်ရှင်ကတော့ မိသည်။ ကျည်ကာအင်္ကျီ စစ်စိမ်းရောင် ဝမ်းဆက်နှင့်။

“ဒီအင်္ကျီက အန်ကယ့်ဇနီးက ရုရှားစစ်ဘက်ဆိုင်ရာ သိပံ္ပဌာနက မှာပေးထားတာပါ။ မြန်မာငွေနဲ့ဆို  သိန်းငါးထောင်လောက် ပေးရတယ်လေကွယ်။ သူက လစ်မိတက် အက်ဒီရှင်ပဲ ထုတ်တာ။ လစ်မိတက်အက်ဒီရှင်ဆိုတာ ဝယ်သလောက်ထက် ပိုမရောင်းဘူးလေကွယ်။ အာပီဂျီနဲ့ပစ်တောင် ပွန်းရာမထင်ဘူးလေ။ ကြည့်စမ်း အန်ကယ် မလှဘူးလား”

အာပီဂျီကျည်ပေါက် မပေါက်တော့ မသိ။ ရုရှားပြည်မှ ဝယ်လာသော တိုက်လေယာဉ်များ မိုးပေါ်မပျံခင်ပင် မြေကြီးထဲ ဒိုင်ဗင်ထိုးပျက်ကျခဲ့သည့် သတင်းများကို အန်ကယ် တကယ်ပင် မသိပေရောလား။

ဒုတိယ ထွက်လာသူက တီဆွေ။ 
သူက  ကြက်ခြေနီ ယူနီဖောင်းနှင့်။ 

“ဂျနီဗာကွန်ဗင်းရှင်းအရ ကြက်ခြေနီတံဆိပ် ပါရင်၊ ကြက်ခြေနီဆိုရင် မပစ်ရဘူးလေ... ဒါ့ကြောင့် အန်တီက ဒီဖက်ရှင်ကို ရွေးချယ်ခဲ့တာ”

သို့သော် ဒီနိုင်ငံတွင်တော့ ဂျနီဗာကွန်ဗင်းရှင်းတွေ ဘာတွေမသိ။ ဆော်ကြပြီဆိုလျှင် ကြက်ခြေနီကားပင်မချန် ဆော်ကြသည် ဆိုသည်ကိုတော့ တီဆွေ မသိရှာ။ တီဆွေ ကံကောင်းပါစီဟုသာ ဆုတောင်းပေးရတော့မည်။

နောက်တစ်ယောက်။ မကြီးတင်ဇာ။

သူကတော့ UN တံဆိပ်အကြီးကြီးကို နဖူးမှာ စီးလာသည်။

“UN တံဆိပ်ပါရင် တိုက်ပွဲတွေထဲ သွားလို့လာလို့ ရတယ်လေ... အစ်မအနေနဲ့ကတော့ အင်တာနေရှင်နယ်လယ်ဗယ်အရ ပြိုင်ပွဲဝင် စစ်သားကြီးတွေ နောက်တစ်ဆင့်အထိ ငြိမ်းချမ်းရေးကို ဆွဲခေါ်သွားနိုင်လိမ့်မယ်လို့ ထင်တယ်”

UN ဟုဆိုလျှင် ဆန္ဒပြရန် ချောင်းနေသော ဒီနိုင်ငံအကြောင်းကို မကြီးတင်ဇာ မသိရောသလား။

ပြိုင်ပွဲမစမီ ပြိုင်ပွဲဝင်များမှ စုပေါင်းပြီး သီချင်းတစ်ပုဒ် ဆိုကြသည်။

“တရားသောစစ် အောင်စေ...အောင်မြင်ပါစေလေ...တူနယ့်နဲ...တူနယ်...တဲနယ်တူ”

ခေါင်းဆောင်ကြီးများသည် ကီးကိုအမြင့်ဆုံး ထိအောင် အော်ဆိုကြသည်။

အိုကေ...ပြိုင်ပွဲစပြီ။

“ရန်သူနှင့်တွေ့တော့ မီးလို...ပြည်သူနဲ့တွေ့တော့ ဓာတ်ဆီ”
 
“ဝုန်းဒိုင်းကြဲသံဆူညံသည်...တို့တိုင်းပြည်က ဖြစ်ပါသည်... အာပီဂျီနဲ့ကျွေးတော့ ဟိုဒင်းတုန်သည်... စစ်ကူလည်း ရောက်လာပြီ...ဒီတစ်ပွဲပြီးရင် နားဦးမည် ...မြို့သို့တက်ကာ တွေ့ဆုံဝိုင်သောက်မည်”

“ကချင်မြေကိုလာပါ... တကယ်ဆော်တယ် နော့...ဟေ့...ကချင်မြေကိုလာပါ တကယ်ဆော်တယ်နော်”

“ဆောင်းနှင့်ဖွေးဖွေးလေး တောင်တန်းများကြားမှာ ဗုံးပေါက်တဲ့ ကျွန်တော်တို့ မြို့လေးကို...အလည်တစ်ခေါက် ရောက်လာမယ်လို့ဆို မှာချင်ပါသေးတယ် ... အပိုတစ်စုံ ဆောင်လာခဲ့ ချိုင်းထောက်တစ်စုံ”

“မွန်တို့ဌာန ရာမညတိုင်းဆီ...စစ်တောင်းတံတားကြီး ဗုံးထောင်ခွဲမယ်ဆို”

“လာပါ...လာပါ...အရောက်လာပါ...ရခိုင် ပဟိုရ်စည်ကြီး တီးချိန်မှာ...ဒီအချိန်အခါမှာ အရောက်လာပါ...အာပီဂျီနဲ့ ထုမယ်ကွာ”

နိုင်ငံတကာမှ လက်နက်ကုမ္ပဏီများကလည်း ကြော်ငြာများ အလုအယက် ထည့်ကြသည်။

“ဆိုမာလီမှာရှိတဲ့ ကျွန်မအစ်မက ပြောတယ်။ ၉ မမက ပစ္စတိုက သိပ်ကောင်းတယ်တဲ့။ ကျွန်မလည်း စမ်းသုံးကြည့်လိုက်တော့...ဝိုး...အုတ်နီခဲစာ မိတော့တာပဲ”

“စတီးဝေးလ် မစ်ဇိုင်း ဖိုက်တူးသောင်ဇင်း အမ်ဆယ်ဗန်တီး စကက်ဒုံး” စသည်ဖြင့် ကြော်ငြာနည်းများလည်း ပါသည်။

ပြိုင်ပွဲဝင် ခေါင်းဆောင်ကြီးများ များလွန်းသဖြင့် အဆိုပြိုင်ပွဲကို ခုနစ်ရက်ဆက်တိုက် ကျင်းပရလေသည်။

ခုနစ်ရက်တာ ကျင်းပပြီးနောက် အဆုံးအဖြတ်နေ့သို့ ရောက်လာလေပြီ။ မဲရလဒ်များကို ကြေညာတော့မည်။

ထိုင်ခုံအသီးသီးပေါ်တွင် ခေါင်းဆောင်ကြီးများ မြိန့်မြိန့်ကြီး ထိုင်နေကြသည်။

သူတို့ရှေ့ မလှမ်းမကမ်းတွင်တော့ ထိုင်ခုံသုံးခုံ ရှိသည်။ မဲအနည်းဆုံးလူများ ထိုင်ရမည့် ထိုင်ခုံ။

“မကြာမီအချိန်အတွင်းမှာ မြန်မာတစ်နိုင်ငံလုံးက ရရှိထားတဲ့ SMS ဗုတ်တင်တွေ၊ ဖေ့ဘွတ်ဗုတ်တင်တွေအရ ဘယ်သူဟာ ဘော်တွန်သရီးမှာ ထိုင်ရမလဲ။ ဘယ်တပ်ဟာ ဖက်ဒရယ်အိုင်ဒေါကနေ ထွက်ခွာရမလဲဆိုတာ ကြေညာပေးပါတော့မယ်”

“ဟုတ်ကဲ့...ကျေးဇူးပြုပြီး...မီးလေးခဏ မှိတ်ပေးပါခင်ဗျား”

ရုတ်တရက် မီးမှောင်သွားချိန်။

“ဟာ...မီးအမှောင်ချလိုက်ပြီဟေ့...ဒါ တို့ကို သက်သက်လုပ်ကြံဖို့ ဉာဏ်ဆင်တာ...ပစ်ကွာ... ဒိုင်းညှောင့်”

“ဟာ...စပစ်ပြီဟေ့...မင်းတို့ စပစ်တာနော်... ရတယ်လေ...လာပြီဟေ့ လက်ပစ်ဗုံး...ဂလုန်း”

“ရွှီး...ဒိုင်းညှောင့်...ဒက်ဒက်ဒက်ဒက်...”

အမှောင်ခန်းထဲတွင် ဖက်ဒရယ်ပြိုင်ပွဲဝင်တို့ ရမ်းသမ်းဆော်ကြပြီ။

တိုက်ပွဲက နာရီဝက်သာကြာသည်။

အမှောင်ခန်းအတွင်း တိတ်ဆိတ်သွားသည်။

ထိုအချိန်တွင် အခန်းတွင်းမှ အောင်မြင်ခံ့ညားသော အသံတစ်သံ ထွက်လာသည်။

“စစ်ချစ်သူ ပရိသတ်များကို ပြောချင်တာကတော့ ဒီတစ်ခါလည်း အန်ကယ်ကတော့ နိုးပါကွယ်” ဟူ၏။ 

ဗြိတိသျှကိုကိုမောင်