News

POST TYPE

SATIRE

ဦးလေးဗြိ ပြောမယ့် ဝန်ကြီးဖြစ်နည်း
20-Nov-2016 tagged as

ငါ တူမောင်များ ကျန်းမာတော်မူကြပါစ။

တူမောင်ကြီးများက အလည်ခေါ်သော်ငြား ဦးလေးဗြိ တစ်ယောက်မှာ မောင်တို့ ရန်ကုန်မြို့ကြီးထဲ ဘတ်စ်ကား မစီးရဲတာကြောင့် အိမ်တွင်းသာ ပုန်းနေရတော့တာပဲ။

ဘယ့်နှယ် ဦးလေးဗြိရယ် ရန်ကုန်မှာ နေလို့ဖြင့် အရွတ်တွနေပြီ ခုမှ ဘတ်စ်ကား စီးရမှာ ကြောက်သတဲ့လားလို့ မမေးနဲ့မောင်။

အခု ဘတ်စ်ကား ဆရာလေးတွေက အားကြီး လက်သံ ပြောင်နေကြရဲ့ဆို။ ဘတ်စ်ကား အုံနာများကလည်း လက်ဖဝါးထဲ ကျမ်းတုံးထည့် ခေါင်းကွဲအောင် ရိုက်နိုင်သူကိုသာ စပယ်ယာ ဒရိုင်ဘာအဖြစ် ရွေးချယ်မယ်ဆိုပြီး အလုပ် ခေါ်ကြသလားကွယ်။

ဦးလေးဖြင့် ကြားရသမျှတော့ ဘတ်စ်ကားစီး ခရီးသည်တွေ၊ လမ်းပေါ်က တခြား ကားသမားတွေကို အဲ့ဒီ အာဠာဝက အဖွဲ့တွေက တီးလွှတ်လိုက်တဲ့ အမှုတွေချည်းပဲဆို။

ဦးလေးဗြိက အသက် ကြီးပြီကွဲ့။ သွားတွေ မခိုင်တော့ဘူး။ မောင်ရင်တို့ ဘတ်စ်ကား ဆရာ အာဠာဝက ကြီးများရဲ့ လက်သီး တစ်ချက်ဆို ရှိစုမဲ့စု သွားကျဲလေးတွေ ဘုရားဖူး ဂျောင်းကုန်ပါ့မယ်ကွယ်။ အရင်က လူဆိုး လူမိုက်ဆိုတာ အရက်သမား၊ ဆေးသမားတွေလိုရဲ့သာ ကြားဖူးတာ။ မောင်ရင်တို့ခေတ်မှ ဘတ်စ်ကားသမား ဆိုတာပါ ထပ်တိုးရမလိုပဲ။

ဒီတော့ ဦးလေးဟာ ဦးလေး အိမ်မှာပဲ စာဖတ် စာရေး အေးအေး နေပါရစေကွဲ့။

နို့ ... အစက အဲ့ဒီလို နေမလို့ ဆိုပေမယ့် တူမောင်ကြီးများက လူမလာနိုင်လည်း သတင်းစာကနေ မေးတာလေးတွေ ဖြေပေးပါ ဆိုပြန်တော့ ဦးလေးမှာ မနေနိုင်ပြန်ဘူး။

ဆိုရေးရှိက ဆိုအပ်စွ။ 

အမေးရှိရင် အဖြေရှိရမယ် ဆိုတော့ကာ

ကိုင်း ... မေးချင်စရာ မေးစမ်းပေါ့ဗျာ။ ဦးလေးဗြိ မြင်သမျှ တွေ့သမျှ တွေးသမျှ ငါ့တူများကို မျှပါ့မယ်။

အို ... ဘယ်လို ... ဝန်ကြီး ဖြစ်ချင်လို့ ဘာလုပ်ရမလဲ ဟုတ်လား။

အောင်မလေး ငါ့တူရယ် မင့်နာမည်ရှေ့ ဒေါက်တာ ပါအောင် အရင်လုပ်။

ဦးလေးဗြိနှယ် ကျုပ်တို့က ဆေးဆို ပါရာစီ တမော့နဲ့ ဘာမီတုံတောင် ခွဲမသိတာ ဘယ့်နှယ် ဒေါက်တာ ဖြစ်မတုံး။ ဝန်ကြီး ဖြစ်ချင်တယ် ပြောတာ ဒေါက်တာ လာလုပ်ခိုင်းနေတယ်လို့ ဦးလေးဗြိကို အပြစ် ပြောကြရော့မယ်။

တယ်ခက်တဲ့ မောင်တွေပဲ။

ဒေါက်တာဆိုတာ ဆေးပညာ ဒေါက်တာ တစ်ခုတည်း မဟုတ်ဘူး။ သောင်းပြောင်းထွေလာ ဒေါက်တာ အမျိုးမျိုး ရှိသဗျ။

ခုနေခါက ဒေါက်တာ ခေတ်ကွဲ့။ 

ဘာပဲနေနေ မောင်ရင် နာမည်ရှေ့ ဒေါက်တာလေးသာ တပ်လိုက်။ ရယက ဥက္ကဋ္ဌလောက်တော့ ဝင်ရွေးခံလို့ ရတယ်။ အရင်အရင့် အဘကြီးများ လက်ထက်က ဗိုလ်ကြီး၊ ဗိုလ်မှူးဆို ဟန်ကျသလိုပေါ့ကွယ်။

ဒီခေတ် အစိုးရမင်းများကတော့ ဒေါက်တာဆို သဘောကျပြီးသားကွဲ့။ မောင်ရင်တို့လည်း ဝန်ကြီး ဖြစ်ဖို့အရေး နာမည်ရှေ့မှာ ဟုတ်ဟုတ် မဟုတ်ဟုတ် ဒေါက်တာသာ တပ်လိုက်။  ဒေါက်တာ ထည့်တာတော့ ဟုတ်ပါပြီ။ ကိုယ်က ဝန်ကြီးဖြစ်ပြီး ဘာမှ မလုပ်တတ်ရင် ဘယ့်နှယ်လုပ်မတုံး စောဒက တက်ကြပြန်မယ် ထင်တယ်။

မပူနဲ့ ငါလူတို့။

ဝန်ကြီးဆိုတာ ဝင်ကတည်းက အကြီးကြီး ဆိုတော့ အောက်ကလူ ကိုယ့်တပည့်ချည်းပဲ မဟုတ်လား။ အဓိကက ဟန်ကိုယ့်ဖို့ နေတတ်ဖို့နဲ့ ကလောင်တံ ကိုင်ပြီး လက်မှတ် ထိုးတတ်ဖို့ပဲ။ အဓိက က အပေါင်း အနုတ် အမြှောက် အစား တတ်ရင် ရပြီကွယ်။

ကိုယ် ဝန်ကြီး ဖြစ်တဲ့အခါကျ ကိုယ့်ကို မေးခွန်းတွေ မေးပြီး အကျပ် ရိုက်စေမယ့် လွှတ်တော် အမတ်များကို ပေါင်းတန်ပေါင်း။ ကိုယ့်အောက်ကနေ ကိုယ့်ထက် သိတတ်နေပြီး ကိုယ့်ကျော်တက်မယ့် လူဆို နုတ်တန် နုတ်။ ပါတီက ဩဇာရှိ လူကြီးသူမများဆို ဂါရဝတရား အပြည့်နဲ့ မြှောက်တန် မြှောက်ပေး။ စားတာကတော့ ကိုယ့်လစာနဲ့ပဲ ချွေတာ စားကြပါကွယ်။ ကျန်တာတော့ မပြောရဲဘူး။

ဦးလေးလည်း ၆၆ မျိုးဆက် ဂျေးသွင်း လူ့အဖွဲ့အစည်းထဲ မပါချင်သေးဘူး။ အသက်က ကြီးလှပြီကွဲ့။

ဘာပဲဖြစ်ဖြစ် ဦးလေးဗြိ ပြောခဲ့သလို သင်္ချာ ပညာလည်း ကျွမ်းကျင် ဒေါက်တာဘွဲ့လေးလည်း ရှိဆို ဝန်ကြီး စာမေးပွဲမှာ မအောင် မရှိ ငါ့တပည့်လို့ပဲ ဦးလေးဗြိ ရဲရဲကြီး အာမခံသကွဲ့။

တကယ်လို့ ငါ့တူကြီးများ ဝန်ကြီးဖြစ်ရင် မရှိ မဖြစ် လိုအပ်တဲ့ နောက် အရည်အချင်း တစ်ခုကတော့ ဘိုးဘိုးအောင်ဗျူဟာကို တတ်ဖို့ပဲ။

တို့ခေါင်းဆောင်တွေတော့ နိုင်ငံခြားတွေသွားပြီး တိုင်းပြည်အတွက် တိုးတက်ရာ လမ်းစတွေ ရှာနေကြပြီ။

ကျုပ်တို့ ဝန်ကြီးများကလည်း ခြောက်လအတွင်း နှစ်ဆ တိုးအောင် လုပ်ပေးပါမယ်တို့ ဘာတို့နဲ့ ဘိုးဘိုးအောင် ဂိုက်နဲ့ ရဲရဲသာ ကတိပေး။

ဘာကို နှစ်ဆ တက်အောင် လုပ်ပေးမယ်တော့ ထည့် ပြောမနေနဲ့။ နောက်ခါလာ နောက်ခါဈေး လောလောဆယ် လူတွေ လက်ခုပ်တီးကောင်းအောင်သာ ပြော။

ခြောက်လ ကြာတော့ ကုန်ဈေးနှုန်းတွေချည်း နှစ်ဆတက်မှ ကဲ ကျုပ်မပြောလား နှစ်ဆ တိုးအောင် လုပ်ပေးပါပြီဆိုတဲ့ မျက်နှာ ပြောင်ပြောင်သာ ထားတတ်ဖို့လိုတာ။

နဂိုကမှ ကိုယ်မတတ်လို့ အစိုးရကို ပုံအပ်ထားတဲ့ ပြည်သူကို ရွှီးရတာတော့ ဟုတ်ပါပြီ။ လွှတ်တော်မှာ ကိုးလိုးကန့်လန့်တွေ မေးရင် ဘယ်လို ဖြေရမလဲ ဟုတ်လား။

ဒါများ တူမောင်တို့ရာ။

အဆင်သင့် မဖြစ်သေးလို့ မဖြေနိုင်ပါဘူး ခင်ဗျာပေါ့။ နော့ ... ဘာများ ခက်သတုံး။

ဆောင်ရန်တွေတော့ ဦးလေး ပြောပြီးပြီ။ ရှောင်ရန်လည်း ပြောမှ သင့်ပေမယ် ငါတူတို့။ ဝန်ကြီးဖြစ်ဖြစ်၊ ဝန်ကလေးဖြစ်ဖြစ်၊ အရည်အချင်း ရှိရှိ မရှိရှိ ငါတူမောင်များ အနေနဲ့ အထက်ကိုတော့ ကလန်ကဆန် သွားမလုပ်လေနဲ့။

မင့် ဘယ်လောက် အလုပ် လုပ်ပါစေ။ ဆိုင်ရာ ပိုင်ရာက မျက်စိ နောက်တာနဲ့ ကန်ထုတ်ခံရလိမ့်မကွဲ့။ ဦးလေး ဆိုလိုတာက ဆိုင်ရာပိုင်ရာ အထက်နတ်များကို ဆိုလိုတာပါကွယ်။

ရှေးထုံးရိုးရာဆိုတာ မပယ်ကောင်းဘူးကိုးကွဲ့။ တခြားတော့ ချော်မတွေးပါနဲ့။  ဦးလေး ပြောပြီးပါပကော။ ၆၆ ဂျေးသွင်း လူ့အဖွဲ့အစည်းထဲ မပါချင်သေးဘူးဆို။

ငါ့တူ မောင်လဘာဂျာများအထဲက တစ်ယောက် တလေများ ချွတ်ချော်လို့ ဝန်ကြီး ဖြစ်ခဲ့ရင် ဦးလေးဗြိ တောင်းဆိုချင်တာလေး တစ်ခု ရှိပါတယ်။

အဲဒါကတော့ နာဠာဂီရိဆင် အရက် ကိုးမောင်း တိုက်သလို အရှိန် ဝရုန်းသုန်းကား ဘတ်စ်ကားကြီးများထက်က လက်ရဲဇက်ရဲ ဘတ်စ်ကားဆရာ အဂုင်္လိ မာလကြီးများကို ထောင်ရက် နည်းနည်းလောက် ချပြီး မိုက်ဂုဏ် မြှင့်ပေးမယ့်အစား ယဉ်ကျေးလိမ္မာ ဓမ္မစကူးများသို့ ပို့ပေးကြပါလို့။

ဦးလေးဗြိကတော့ တူမ ဝမ်းကွဲ တစ်ယောက် မီးဖွားထားတာ မကြာသေးသမို့ ကင်းတာဝန်ယူ သွားစောင့်ပေးရဦးမှာမို့ သွားလိုက်ဦးမယ်ကွယ်။

မသွားလို့ မဖြစ်ဘူးကွဲ့။

ခေတ်အခါက ကိုယ်ဝန်ဆောင် အာထရာစောင်း အဖြေ စာရွက်မှာ မိန်းကလေး ဆိုတာနဲ့တောင် စာရွက်ကို မဟားတရား လုပ်ဖို့ ကြံစည်နေတဲ့ တဏှာရူးများ ခေတ် မဟုတ်ပေမင့်လား။

ကိုင်း ငါ့တူမောင် ဘာလချောင် ဝန်ကြီးလောင်းများ အဖြုတ်အထုတ် ကင်းစေသော်။

ဗြိတိသျှကိုကိုမောင်


  • TAGS