News

POST TYPE

SATIRE

ဘယ်သူ့အပြစ်လဲ
27-Aug-2017

မှန်သည်။ 

အလုံးစုံသော အပြစ်တို့သည် ဒေါ်အောင်ဆန်းစုကြည်နှင့် တပ်ချုပ်တို့တွင်သာရှိ၏။ အကြမ်းဖက်သမားများတွင် မရှိ။ အကြမ်းဖက်သမားများသည် အပြစ်ကင်းစင်သူများ ဖြစ်သည်။

ယမန်နေ့က ဘူးသီးတောင်နှင့် မောင်တောရှိ လုံခြုံရေးစခန်းများ၊ တပ်စခန်းများနှင့် ကျေးရွာများကို အကြမ်းဖက်သမားများက ဝင်တိုက်ခဲ့သည်။ လောလောဆယ်အချိန်အထိ လုံခြုံရေးတပ်ဖွဲ့ဝင် ၁၁ ဦးနှင့် ဝန်ထမ်းတစ်ဦး ကျဆုံးခဲ့သည်။ အကြမ်းဖက်သမား ၇၇ ဦး လည်း အလ္လာအရှင်မြတ်၏ အမိန့်တော်ကို ခံယူသွားသည်။

ထိုအခြေအနေကို အွန်လိုင်းပေါ်တွင် ဆရာကြီးများက သုံးသပ်ရာ တစ်ဖက်က ဒေါ်အောင်ဆန်းစုကြည်နှင့် NLD ကြောင့်ဟု အပြစ်တင်သည်။ ယမန်နေ့က ရခိုင်ဒေသရှိ အကြမ်းဖက်သမားများကို ချေမှုန်းရေး အဆိုကို လွှတ်တော်တွင်တင်သည်။ 

၂၃၂ ဦးသော အမတ်များက ကန့်ကွက်သည်။ ဒါကြောင့် ထိုအဆိုလည်း ရှုံးလေ၏။ NLD အမတ်များက ကန့်ကွက်ခြင်းဟု ယူဆရသည်။ ထို့ကြောင့် ဒေါ်အောင်ဆန်းစုကြည်နှင့် NLD အမတ်များ အပြစ် ရှိသည်ဟု တစ်ဖက်က ဆိုလေသည်။

တစ်ဖက်ကလည်း တပ်ချုပ်နှင့် သူ့စစ်တပ်ကြောင့်ဟု ပြန်လည်အပြစ်တင်သည်။ တော်လှန်ရေးနေ့က ပြသသည့် လက်နက်ကြီးတွေ တပ်ဖွဲ့တွေ ဘယ်ရောက်ကုန်ပြီလဲဟု မေးခွန်းထုတ်သည်။ အခုလို အကြမ်းဖက်သမား သောင်းကျန်းနေခြင်းသည် လွှတ်တော်တွင် စစ်တပ်က ဝင်ထိုင်နေလို့ ဖြစ်သည်။ စစ်တပ်ကသာ တိုင်းပြည်အာဏာကို အလုံးစုံ စွန့်လွှတ်လို့ ဒီလိုအခြေအနေတွေ ဖြစ်မလာနိုင်။ ဒေါ်အောင်ဆန်းစုကြည်နှင့် NLD ပါတီသာ တိုင်းပြည်အာဏာကို အပြည့်အဝရှိလျှင် အခုအကြမ်းဖက်သမားတွေကို နှိမ်နင်းပြီးပြီ။ စစ်တပ်သည် အစိုးရလက်အောက်တွင် မရှိခြင်းကြောင့်သာ အခုလိုဖြစ်ခြင်း ဖြစ်သည်။ စစ်တပ်နှင့် ရဲသည် နိုင်ငံတော်လုံခြုံရေးကို တာဝန်ယူရမည်။ အခုလို အကြမ်းဖက်သမားတွေ သောင်းကျန်းခြင်းသည် စစ်တပ်နှင့် ရဲတွေ တာဝန်ပေါ့ဆမှုရှိလို့ဟု တစ်ဖက်က ဆိုသည်။

အခြားသော လူများကလည်း မျိုးစုံ အပြစ်တင်ကြသည်။ ဒီလိုအခြေအနေမျိုးနှင့် ဒေါ်အောင်ဆန်းစုကြည်နှင့် NLD ပါတီကို ဘယ်လိုစိတ်ချရမလဲဟု ဆိုသူဆို။ စစ်တပ်က တိုင်းပြည်လုံခြုံရေးတောင် တာဝန်မယူနိုင်လျှင် တပ်ချုပ်ကြီး နုတ်ထွက်သင့်ပြီဟု ဆိုသူကလည်း ဆို။

တစ်နေ့လုံး တစ်ဖက်နှင့်တစ်ဖက် အပြစ်တင်တာ၊ ဝေဖန်တာ၊ သရော်တာ...။ အောက်လုံးထိုးတာနှင့် လုံးလည်ချာလည် လိုက်နေသည်။

တပ်ချုပ်ဘက်ကို ဝေဖန်လျှင်  ဒေါ်စု ထောက်ခံသူတွေက ဝမ်းသာအားရကုန်၏။ လိုက်ခ်တွေ ပေးကြကုန်၏။ 

မှန်တယ်။ ဒါပေါ့...။ တပ်ချုပ် ရှက်သင့်တယ်။ သူတို့ကြောင့် ဒီလိုဖြစ်နေတာ...ဟု ကွန်မန့်တွေ ပေးကြကုန်၏။

ဒေါ်အောင်ဆန်းစုကြည်ကို ဝေဖန်လျှင် တပ်ချုပ်ကို ထောက်ခံသူတို့က ပျော်ရွှင်ကြပြန်၏။ လိုက်ခ်ပေး၏။ မေမေ့အကွက်တွေ လှတယ်ဆို၊ အခု ဘယ်လိုဖြစ်တာလဲ။ ပြောပစ်၊ အမတ် ၂၃၂ ယောက်ကို ရခိုင်ပို့ရမှာ...ဟု မန့်ကြကုန်၏။

သို့ဖြစ်ရာ ဝေဖန်သူတို့မှာလည်း ရရှိသော လိုက်ခ်များကို ရေတွက်ရင်း၊ ကွန့်မန့်အပေါင်းကို လိုက်ခ်ပေးရင်း ပီတိတွေ ဖြစ်ကြကုန်၏။ ထိုသူတို့ အဆိုကို ထောက်ချင့်သော်...။

ထိုဘူးသီးတောင်၊ မောင်တောတွင် နေထိုင်ကြကုန်သော ရခိုင်တွေလည်း အပြစ်မကင်း။ သူတို့ ဘာလို့သွားနေတုံး။ သွားနေတော့ အတိုက်ခိုက်ခံရတာပေါ့။

အဲ့မှာ တာဝန်ကျသည့် ဝန်ထမ်းတွေ၊ ရဲတွေလည်း အပြစ်မကင်း။ ဘာလို့ ဝန်ထမ်းလုပ်သတုံး။ မသေချင်ရင် ထွက်ပေါ့။ အကြမ်းဖက်သမားတွေ ဝိုင်းနေမှ မငိုနှင့်။ 

စစ်တပ်လည်း အပြစ်မကင်း...။ ကိုယ့်ဟာကိုယ် လွှတ်တော်ထဲထိုင်နေပေါ့။ ဘာလို့ တောထဲတောင်ထဲ သွားနေတုံး။ 

ဘင်္ဂါလီအချို့လည်း အပြစ်မကင်း။ ဘာလို့ အကြမ်းဖက်သမားတွေနဲ့ လူမျိုးတူနေတာတုံး။

အကယ်၍ ဤရခိုင်မြေကို ဘုရားသခင်သည် ဖန်ဆင်းတော်မူသည်ဟု ဆိုအံ့။ ဘုရားသခင်လည်း အပြစ်မကင်းပေ။ 

အားအားယားယား ဘူးသီးတောင် မောင်တောမြေကို ဖန်ဆင်းရသလား။

ထို့ကြောင့် ဤရခိုင်အရေး၊ ဘင်္ဂါလီအရေးသည် ဘုရားသခင်မှစ၍  ဒေါ်အောင်ဆန်းစုကြည်နှင့် တပ်ချုပ် အလယ် ပြည်သူတွေ၊ ဝန်ထမ်းတွေအဆုံး အပြစ်ရှိ၏။

အကြမ်းဖက်သမားတို့တွင်ကား အပြစ်တစ်စုံတစ်ရာ မရှိ။

အကြမ်းဖက်သမားတို့သည်ကား လူဟူသော သတ္တဝါတို့ကို ကျွတ်လွတ်စေရန် သို့တည်းမဟုတ် အလ္လာအရှင်မြတ်၏ အမိန့်တော်ကို ခံယူစေကာ ခရစ်တော်၌ အိပ်ပျော်စေ၍ ကောင်းကင်ဘုံသို့ ရောက်ရှိစေရန် စေတနာဗလပွဖြင့် အကျိုးဆောင်ပေးခြင်းသာ ဖြစ်ပေသည်။ 

စိုပြေ