News

POST TYPE

RELAX

Mother
28-Nov-2016

နေရောင်ခြည်နုနုကလေးတွေ ဖြာကျနေမှုကြောင့် မြက်ရိုင်းလွင်ပြင်သည် ရွှေရောင်တောက်နေသည်။ ဂီတသံကလေး ခပ်လွင့်လွင့် တက်လာချိန်၌ မီးခိုးရောင်ဖျော့ဖျော့ တောက်နေသော အနွေးထည် ကလေးအောက်ခံ၌ အပြာရင့်ရောင့် အင်ကျီစကက်ဝမ်းဆက်နှင့် အမျိုးသမီးကြီး တစ်ယောက် လွင်ပြင်ထဲသို့ ရောက်လာသည်။

သူမမျက်နှာသည် တစ်စုံတစ်ရာကို ဖမ်းဆုပ်ရရှိနိုင်ခဲ့၍ ပီတိဖြာနေပုံပေါ်သည်။ ထို့နောက်တွင် ခန္ဓာကိုယ်ကို ယိမ်းနွဲ့လှုပ်ခါလျက် ကခုန်နေလေသည်။

ဂီတသံတွေ တစ်ဖြည်းဖြည်း မြန်ဆန်လာပြီ။ ထို့အတူ အဲသည်မိခင်ကြီးရဲ့ စိတ်အဟုန်တွေကလည်း။

မိခင်ကြီး၏ ဘဝဟာ မည်သူမဆို သူတို့အကြောင်းတွေကို ကြားလိုက်ရုံမျှဖြင့် ကရုဏာသက်သွားမှာ သေချာပါသည်။ ခင်ပွန်းသည်လည်း မရှိတော့ချေ။ မွေးထားတဲ့ သားကလေးကလည်း လူကောင်သာ ထွားလာပေမယ့် ဦးနှောက်က ဖွံ့ဖြိုးမလာ။ မှတ်ဉာဏ်တည်ဆောက်ပုံက တစ်ပတ်လျှင် တစ်ပိုင်းသာ ထုတ်လွှင့်သော ရုပ်သံစီးရီးအား ဟိုတစ်ပိုင်း ဒီတစ်ပိုင်းလောက်သာ ကြည့်ဖူးသည့် လူတစ်ယောက်လိုမျိုး သူမှတ်မိချင်တာဆိုလျှင် စွဲထင်နေအောင် မှတ်မိပြီး မေ့ချင်တာကြတော့ မေ့တတ်လိုက်တာ မပြောစမ်းနှင့်။ မိခင်ကြီးခမျာ မှတ်ဉာဏ်ချို့တဲ့ရှာသည့် သားကလေးနှင့်သာ ဘဝကို ဖြတ်သန်းနေရသည်။ အသက်မွေးဝမ်းကြောင်းလုပ်ငန်း အတွက် အပ်ပုန်းဆေးဆရာဟု ခေါ်ရမည့် လိုင်စင်မဲ့ အပ်စိုက်ကုထုံး ဆေးပညာဖြင့် အသက်မွေးသည်။ တိုင်းရင်းဆေးတွေ လုပ်ရောင်းသည်။ ထိုသို့ အမေတစ်ခု သားတစ်ခုဘဝ ဖြစ်နေသော သူတို့မိသားစုကို မြို့ကလေးထဲက ရဲတွေကအစ ခင်ကြသနားကြသည်။

သားကလေးကလည်း ဉာဏ်ရည်သာချို့တဲ့တာ ပေါင်းတဲ့အပေါင်းအသင်းတွေကတော့ တကယ့်လူဆိုးလူပေတွေ။ သား ပြသာနာ ဖြစ်သမျှ မိခင်ကြီးမှာ လိုက်ပြီး ဖြေရှင်းပေးရပေါင်းလည်း မနည်းတော့ချေ။ ရဲစခန်းရောက်လည်း ရဲတွေခမျာ အပြစ်မယူရက်ပြန် ဆိုဆုံးမပြီးသာ ပြန်လွှတ်ရလေသည်။

တစ်ညမှာတော့ မိခင်ကြီးမှာ ထိန်းမရသဖြင့် သားကို မြို့ထဲလွှတ်လိုက်ရသည်။ သူက ပေါင်းနေကျ သူငယ်ချင်းလူမိုက်နှင့် အရက်အတူတူသောက်သည်။ သောက်ပြီး ပြန်ထွက်လာတော့ လမ်းမပေါ်တွင် ကျောင်းသူအဝတ်အစားဖြင့် မိန်းကလေးတစ်ယောက်ကို တွေ့၍ နောက်က လိုက်သွားသည်။ ထွက်ပြေးသဖြင့် ဆဲဆို ခဲနှင့်ထု၍ ပြန်လာခဲ့လေသည်။

မနက်ခင်းရောက်ချိန်တွင် တစ်မြို့လုံး အုံးအုံးကျွတ်ကျွတ် ဖြစ်ကုန်ကြပြီ။ ညက မိခင်ကြီး၏ သားဖြစ်သူ ဆုံခဲ့ရသော မိန်းကလေးသည် အိမ်ဝရံတာနားဝယ် သေဆုံးနေလေပြီ။ တစ်စုံတစ်ယောက်က သတ်ဖြတ်သွားသလိုမျိုး ဖြစ်သည်။ သေဆုံးသူ မိန်းကလေး၏ ဘဝအကြောင်းတွေကလည်း မကောင်းလှပါ။ အထက်တန်းကျောင်းသူ အရွယ်သာ ရှိသော်လည်း မြို့ကလေးထဲဝယ် သွေးသားပျော်တော်ဆက်ကလေး ဖြစ်နေလေသည်။

သူမ သေဆုံးသွားတာက အရေးမကြီးသော်လည်း မိခင်ကြီးရဲ့ သားဖြစ်သူမှာ အဓိက တရားခံ ဖြစ်သွားခဲ့သည်။ မနက်ခင်းက သူကိုယ်တိုင် ဂေါက်ကွင်းထဲကနေ ယူလာခဲ့သည့် ဂေါက်သီးတစ်လုံးမှာ အခင်းဖြစ်ပွားရာတွင် ကျန်နေခဲ့သည်ကို တွေ့ရှိလိုက်ရာက စ၍ လူသတ်တရားခံအဖြစ် ဖမ်းဆီးခံရတော့သည်။

မိခင်ကြီး သောကရတက် ပွေရပြီ။ သားဖြစ်သူ အဲသည်လောက်အထိ ရက်စက်တတ်သူ မဟုတ်မှန်း ယုံကြည်ထားသည်။ ခက်တာက ဉာဏ်ရည်ချို့တဲ့သော သားလေးဖြစ်သဖြင့် ရဲတွေရှေ့မှာ အဆင်ပြေအောင်လည်း မပြောတတ်။ ဘာမှလည်း တိတိပပ မမှတ်မိ။ အမှုထင်ရှားပါက သေဒဏ်။

သားကလေး လွတ်မြောက်ဖို့အတွက် ကြိုးစားမှု ဖြစ်ပေမည်။

ထိုအခါဝယ် သူမ ထင်မှတ်နေသလိုမျိုးထက် အရာရာဟာ ရှုပ်ထွေးနေတာကို စတင်တွေ့ရှိလာချိန်မှာတော့ မိခင်ကြီး၏ မေတ္တာတရား အတိမ်အနက်ဟာ ပို၍ ပို၍သာ ထင်ရှားလာတော့သည်။

ယခုရုပ်ရှင်ကို ၂၀၀၉ ခုနှစ်မှာ ထုတ်လုပ်ဖြန့်ချီခဲ့ပြီး မူရင်းဖြန့်ချီရာ တောင်ကိုရီးယားနိုင်ငံမှာ သာမက ဥရောပနှင့် အာရှရုပ်ရှင်ပွဲတော်များမှာပါ ဆုတံဆိပ်ပေါင်းများစွာ ဆွတ်ခူးရရှိခဲ့ပါသည်။ ဇာတ်ကား၏ ပဲ့ကိုင်ရှင် ဒါရိုက်တာကြီး Bong Joon-ho သည် သူ၏ အကောင်းဆုံးသော ဖန်တီးမှုပါရမီကို ယခင်က ရိုက်ကူးဖြန့်ချီထားခဲ့သည့် ‘Memories Of Murder’ ဇာတ်ကားကဲ့သို့ပင် ယခုဇာတ်ကားကိုလည်း အကောင်းဆုံး ဖန်တီးတင်ဆက်နိုင်ခဲ့ပါသည်။ ပြနေကျ စတိုင်လ်အတိုင်း ရုပ်ရှင်ကားတစ်ခုလုံး၏ စက္ကန့်ပိုင်းမျှသာ ကြာသော အခန်းငယ်ကလေးကအစ ဇာတ်ကားတစ်ခုလုံး၏ အဓိကဇာတ်ရှိန် မြှင့်တင်ပေးရာ ဇာတ်ကွက်တွေနှင့်ပါ မလွတ်ကင်းအောင် ချိတ်ငင်ဖန်တီးပြနိုင်ခဲ့သည်။

ခေတ်သစ် မော်ဒန်စာပေများနှင့် ရုပ်ရှင်ကား အများစုတွင် ပါဝင်လေ့ရှိသည့် ‘မရေရာမှု’ ဆိုတဲ့ အချက်ကိုလည်း ယခုကားထဲမှာလည်း အဓိက ထည့်သွင်းထားသည်ကို သိမြင်ခံစားခဲ့ရသည်။ သူဦးတည်ပြထားသည့် ဇာတ်ကောင်ရဲ့ တွေးတောပုံ။ ဆုံးဖြတ်ပုံ စုံစမ်းပုံတွေကို ကြည့်ပြီး မှန်ကန်တာရော ဟုတ်ရဲ့လား စလို့ ထင်မှတ်မထားနိုင်သည့် ပြောင်းလဲမှု များစွာကို တွေ့မြင်ရမည့် ဇာတ်ကား ဖြစ်ပါသည်။

ဇာတ်ကောင်ဖန်တီးမှုမှာလည်း သဘာဝထက် မပိုခဲ့။ အထူးသဖြင့် အဓိက ဇာတ်ဆောင်နှစ်ဦး ဖြစ်ကြသည့် မိခင်ကြီးနေရာက သရုပ်ဆောင်သည့် Kim Hye-ja နှင့် သားဖြစ်သူ Won Bin တို့မှာ အကောင်းဆုံး သရုပ်ဆောင်နိုင်ခဲ့သည်။ မိခင်ကြီးအဖြစ် သရုပ်ဆောင်သည့် Kim Hye-ja မှာ ယခုဇာတ်ကားကနေ ဆုပေါင်းများစွာ ရရှိတာလည်း မပြောနှင့်။ သူမ၏ သဘာဝအကျဆုံးသော အမူအယာများဖြင့် သားဖြစ်သူကို သိပ်ချစ်သော မိခင်တစ်ယောက်အဖြစ် အကောင်းဆုံး တင်ဆက်သွားနိုင်ခဲ့သည်။

ရုပ်ရှင်ထဲက အပ်စိုက်ကုထုံး ပညာမှာ သုံးတဲ့ေ ဆးအပ်ကလေး ဘူးကလေးက တကယ်မမေ့စရာ။ တစ်နေရာကိုထိုးလျှင် အတိတ်ကို သတိရစေပြီး အခြားတစ်နေရာကို စိုက်လျှင်တော့ အတိတ်တွေကို အားလုံးကို မေ့ပစ်နိုင်သတဲ့။

မိခင်ကြီးက ပျော်ပျော်ရွှင်ရွှင်နှင့် မြက်ရိုင်းလွင်ပြင်ထဲမှာ ဘာကြောင့် ကနေတာလဲ။

သားဖြစ်သူ၏ အတိတ်ဆိုးတွေက ပြန်လည်ကောင်းမွန်သွားလို့လား ယင်းသို့မဟုတ်လျှင် အတိတ်ဟာ အတိတ်မှာပဲ ကျန်ခဲ့ပြီး အနာဂါတ်ကာလဟာ လှပသွားတော့မှာ မို့လို့လား ဆိုတာကိုမူ မိခင်ကြီး ကိုယ်တိုင်သာ သိနိုင်ပါမည်။

ညီလင်းအိမ်