News

POST TYPE

RELAX

အန်ဂျလီနာ ဂျိုလီက ကတိပေးပြီး ပြန်မရောက်လာခဲ့ဟု ဗီယက်နမ် မိဘမဲ့ဂေဟာက စွပ်စွဲ
22-Nov-2016

အန်ဂျလီနာ ဂျိုလီဟာ သူမရဲ့ မွေးစားသား ပက်စ်နေထိုင်ခဲ့တဲ့ ဗီယက်နမ် မိဘမဲ့ဂေဟာကို ပြန်လာမယ်လို့ ပြောခဲ့တဲ့ ကတိကို ဖောက်ဖျက်ခဲ့ကြောင်း ယင်းမိဘမဲ့ဂေဟာက စွပ်စွဲလိုက်ပါတယ်။

Tam Binh မိဘမဲ့ ဂေဟာမှာ အခု ငွေကြေး အခက်အခဲနဲ့ ရင်ဆိုင်နေရပြီး သန်းပေါင်း များစွာ ချမ်းသာတဲ့ ဟောလိဝုဒ် မင်းသမီး အန်ဂျလီနာ ဂျိုလီမှာ အသက် ၃ နှစ်အရွယ် ကောင်လေးကို ခေါ်ယူသွားခဲ့တဲ့ ၂၀၀၇ ခုနှစ်ကတည်းက ပြန်ပေါ်မလာခဲ့ပါဘူး။

“မကြာခင် ပြန်လာခဲ့ပါမယ်”လို့ အသက် ၄၁ နှစ်အရွယ် ဂျိုလီက အဲဒီတုန်းက ကတိပေးခဲ့တယ်လို့ ဆိုပါတယ်။

အစိုးရ ထောက်ပံ့မှုနဲ့ ရပ်တည်နေရတဲ့ ယင်းဂေဟာမှာ ယခု ပျက်စီး ယိုယွင်းနေပြီး ဂျိုလီကလည်း ယင်းအချိန်ကတည်းက ဘာမှ ထပ်မံ လှူဒါန်းခြင်း မရှိခဲ့ဘူးလို့ ဆိုပါတယ်။

“ကျွန်မတို့ ဂေဟာက အစိုးရ မိဘမဲ့ဂေဟာပါ။ ဒါကြောင့် အစိုးရရဲ့ထောက်ပံ့ကြေး အမြဲရတယ်။ ဒါပေမဲ့ အစားအစာနဲ့ ကလေးတွေကို ပိုကောင်းအောင် ထားနိုင်ဖို့အတွက် ငွေလိုအပ်ပါသေးတယ်။ ကျွန်မတို့က တစ်လကို ၆၄ ဒေါ်လာပဲ ရတယ်။ ဘယ်လိုလုပ် လောက်မှာလဲ”လို့ ယင်းဂေဟာရဲ့ ဝန်ထမ်း Nguyen Kim Xuyen က ပြောပြခဲ့ပါတယ်။

အန်ဂျလီနာ ဂျိုလီဟာ ရုပ်ရှင်ကား တစ်ကားကို အမေရိကန် ဒေါ်လာ ၁၅ သန်းနီးပါး ရရှိသူဖြစ်ပြီး အဲဒီငွေကြေးဟာ Tam Binh မိဘမဲ့ ဂေဟာကို နှစ်ပေါင်း များစွာ လည်ပတ်စေနိုင်တဲ့ ငွေကြေး ပမာဏ ဖြစ်ပါတယ်။

Ref : The Sun

  • VIA