News

POST TYPE

RELAX

ကွန်ဖြူးရှပ်၏ စီးပွားရေးအမြင်
04-Aug-2018



“စီးပွားရေး” ဆိုသည့်စကားကို လိုအပ်သလောက်သာသုံးပြီး ချွေတာစုဆောင်းခြင်းသဘောဖြင့် ရှေးက သုံးစွဲလာကြကြောင်း တွေ့ရသည်။ သို့သော် ခေတ်သစ်တွင် စီးပွားရေးဆိုသည့်စကားမှာ အဓိကကျသောနေရာနှင့် အခန်းကဏ္ဍအဖြစ် အလေးထားသုံးစွဲလာကြသည်။ ခေတ်သစ်က စီးပွားရေးသဘောတရားကို ဒဿနအမြင်ထက် သိပ္ပံနည်းကျချဉ်းကပ်နိုင်ရန် ကြိုးစားကြသည်ကများသည်။ စီးပွားရေးဆိုသည်မှာ လူသားမပါဘဲ တိုးတက်ရန် မဖြစ်နိုင်ပါ။ လူသားပါလာသည့်ကိစ္စဖြစ်သောကြောင့် လူသားနှင့်ဆိုင်သော ကိုယ်ကျင့်တရား၊ တန်ဖိုးများလည်း ပါဝင်ပတ်သက်လာပါသည်။ ထို့ကြောင့် အောင်မြင်သော တရုတ်စီးပွားရေးသမားအများစုသည် ကွန်ဖြူးရှပ်၏ ဒဿနများအတိုင်း ကိုးကား၊ ကျင့်ကြံအားထုတ်တတ်ကြသဖြင့် တိုးတက်ကြီးပွား အောင်မြင်လေ့ရှိကြသည်ဟုလည်း ဆိုနိုင်သည်။

ကွန်ဖြူးရှပ်၏အတွေးအမြင်များသည် တရုတ်လူ့ဘောင်တွင် အမြစ်တွယ်ခဲ့သည်မှာ နှစ်ပေါင်းများစွာ ကြာခဲ့ပြီး ဝါဒသဘောတရားကြီးတစ်ခုအဖြစ်သာမက ကိုးကွယ်ယုံကြည်ရာ ဘာသာရေးဂိုဏ်းကြီးတစ်ခုအသွင်ပင် ဆောင်ခဲ့ကြောင်း တွေ့ရမည်ဖြစ်သည်။ ကွန်ဖြူးရှပ်အတွေးအမြင်များသည် စီးပွားရေးတစ်ခုတည်းကိုသာမက လူသားတို့၏ ဘဝပြဿနာနေရာအတော်များများကိုပင် ဖြေရှင်းပေးနိုင်ကြောင်းတွေ့ရသည်။ လူသားဆန်သော ရှုမြင်သုံးသပ်ချက်များနှင့်၊ လူသားဆန်စွာ ဖြေရှင်းနည်းများဖြင့် ဘဝအခက်အခဲမှန်သမျှကို ရင်ဆိုင်ဖြေရှင်းခိုင်းခဲ့သောကြောင့်လည်း ကိုးကွယ်အားထားရာတစ်ခုဖြစ်ခဲ့ရသည်။

နိုင်ငံတစ်နိုင်ငံ၏ စီးပွားဖွံ့ဖြိုးတိုးတက်ရေးအတွက် ကွန်ဖြူးရှပ်က စာတစ်စောင်၊ ပေတစ်ဖွဲ့ သီးခြားပြောသွားချက်များမရှိပါ။ “The Analects of Confucius” ဆိုသည့် စာအုပ်တွင် ကွန်ဖြူးရှပ်နှင့်သူ၏တပည့်များ ပြောဆိုဆွေးနွေးသွားသော စကားများကို ပြန်လည်ဖော်ထုတ်ပြထားသည်။ ထိုသို့တပည့်များနှင့် ဆွေးနွေးချက်များထဲတွင် စီးပွားရေးနှင့်ဆိုင်သည့် အကြောင်းရပ်များကို အလျဉ်းသင့်သလို ဆွေးနွေးသွားချက်များထဲက ကောက်နုတ်ပြီး စီးပွားရေးအမြင်ကို ထောက်ပြနိုင်ခြင်းဖြစ်သည်။ သို့သော် အခြားအကြောင်းအရာများကလည်း ဆက်စပ်တွေးတောနိုင်သည့် အကြောင်းအချက်ပေါင်းများစွာ ရှိပါသည်။ 

ကွန်ဖြူးရှပ်သည် ဝေမင်းနေပြည်တော်သို့ ရောက်ခဲ့စဉ်ကဖြစ်သည်။ ကျန်ယိဆိုသည့်တပည့်တစ်ဦးက သူ့ကို လှည်းမောင်းပြီးခေါ်လာသည်။ ကွန်ဖြူးရှပ်က မင်းနေပြည်တော်တွင် များပြားလှသည့် လူတွေကိုကြည့်ပြီး -

“လူတွေက ဖွေးဖွေးလှုပ်နေတာပဲ၊ များလိုက်တာ” ဟု ပြောလိုက်လေသည်။ တပည့်ဖြစ်သူက -

“ဆရာခင်ဗျား အဲဒီလောက်များလှတဲ့လူတွေကို အစိုးရအနေနဲ့ ဘာလုပ်သင့်တယ်လို့ထင်ပါသလဲ” ဟု မေးလိုက်လေသည်။ ကွန်ဖြူးရှပ်က -

“သူတို့ကို ချမ်းသာအောင် လုပ်ပေးရမှာပေါ့” ဟုဆိုသည်။ တပည့်က -

“ဆရာ သူတို့ကို ချမ်းသာအောင်လုပ်ပေးပြီးတော့ ဘာဆက်လုပ်မလဲ” ဟု မေးပြန်သည်။ ကွန်ဖြူးရှပ်က -

“သူတို့ကို ပညာသင်ပေးရမယ်”ဟု ဆိုသည်။

တိုင်းပြည်တစ်ပြည်အတွက် ပထမဦးစားပေးအရေးကြီးသည်မှာ လူတို့၏စားဝတ်နေရေးဖြစ်သည်။ စားဝတ်နေရေး သို့မဟုတ် စီးပွားရေးပြေလည်အောင် လုပ်ပေးပြီး ပညာသင်ပေးရမည်ဟု ဆိုလိုခြင်းဖြစ်သည်။ ကွန်ဖြူးရှပ်ဆိုလိုသည့် ပညာမှာ အသိပညာ၊ အတတ်ပညာများကို ဆိုလိုသည်။ ပညာတတ်မှ ရှိသည့်ဥစ္စာ ပစ္စည်းကိုစနစ်တကျစီမံခန့်ခွဲနိုင်မည်။ ပညာတတ်မှာ ကြီးပွားတိုးတက်အောင် ပိုပြီး ကြံဆောင်နိုင်မည်ဟု ဆိုလိုခြင်းဖြစ်သည်။ 

နိုင်ငံတစ်နိုင်ငံသည် ပထမဆုံး စီးပွားရေးတောင့်တင်းခိုင်မာလာအောင် ကြိုးစားအားထုတ်ရမည်။ နိုင်ငံကောင်းမှ ပြည်သူကောင်းမည်။ ပြည်သူကောင်းမှ နိုင်ငံကောင်းမည်။ အပြန်အလှန်ကျေးဇူးပြုနေသည်။ နိုင်ငံတစ်နိုင်ငံ စီးပွားရေးဖွံ့ဖြိုးတိုးတက်စေရန် လူသားရင်းမြစ်နှင့် သဘာဝအရင်းအမြစ်နှစ်ခုအပေါ်တွင် အခြေပြုရမည်။ 

လူသားရင်းမြစ်ဆိုရာတွင် မင်းနှင့်အုပ်ချုပ်သူ လူတန်းစားတို့ကိုလည်း ထည့်တွက်ရမည်။ အုပ်ချုပ်သည့်မင်းနှင့် အုပ်ချုပ်သည့် အဖွဲ့တို့သည် ပြည်သူကို အထောက်အပံ့ပေးရမည်။ ပြည်သူတို့ စားဝတ်နေရေးအပြင် ပညာရေးကိုပါ တိုးတက်ကြီးပွားစေကြောင်း ကြံဆောင်ပေးနိုင်သူများသာလျှင် မင်းကောင်းနှင့်မြတ်သော အုပ်ချုပ်ရေးအဖွဲ့အစည်း ဖြစ်နိုင်သည်။ ပြည်သူကို အထောက်အပံ့မပေးနိုင်သည့် အစိုးရနှင့် ကြီးပွားတိုးတက်စေကြောင်း စွမ်းဆောင်မပေးနိုင်သူများသည် သူအုပ်ချုပ်သည့်နိုင်ငံကိုလည်း အကာအကွယ် ပေးနိုင်မည်မဟုတ်ပေ။ ထို့ပြင် သဘာဝရင်းမြစ်နှင့် လူသားရင်းမြစ်တို့ကို ကောင်းစွာ စီမံခန့်ခွဲခြင်း မပြုနိုင်ရုံမက စီးပွားရေးကိုလည်း တိုးတက်အောင် ကြံဆောင်နိုင်လိမ့်မည်မဟုတ်ပေ။

“သို့ဖြစ်ရာ အုပ်ချုပ်သူမင်းသည် ပထမဆုံး မိမိကိုယ်မိမိ ကိုယ်ကျင့်သီလမည်မျှရှိသနည်းဆိုသည်ကို ပိုင်းဖြတ်နိုင်ရမည်။ မင်းတွင် ကိုယ်ကျင့်သီလအပြည့်ရှိလျှင် ပြည်သူတွေကိုလည်း ကိုယ်ကျင့်သီလကောင်းအောင် ကြံဆောင်နိုင်မည်။ မင်းနှင့်ပြည်သူ အတူတစ်သားတည်းရှိမှ သူသည် ကိုယ်အုပ်ချုပ်သည့် တိုင်းပြည်ကို နိုင်နင်းစွာ စီမံအုပ်ချုပ်နိုင်မည်။ သူ့ပိုင်နက်နိုင်ငံကို ကောင်းစွာ ထိန်းသိမ်းအုပ်ချုပ်နိုင်လျှင် ကိုယ်တိုင်လည်းချမ်းသာ၊ တိုင်းပြည်လည်း ကြွယ်ဝလာလိမ့်မည်”ဟုလည်း ကွန်ဖြူးရှပ်က ဆိုခဲ့သည်။

“အုပ်ချုပ်သူလူတန်းစားသည် ကိုယ်ကျင့်တရားကောင်းမွန်သည့် အဖွဲ့အစည်းတစ်ခုဖြစ်လာလျှင် သဘာဝရင်းမြစ်များကို စီမံခန့်ခွဲရာတွင် ပိုပြီးထိရောက်သည်။ သဘာဝရင်းမြစ်များကို ကောင်းစွာစီမံခန့်ခွဲနိုင်လျှင် နိုင်ငံချမ်းသာပြီ။ နိုင်ငံချမ်းသာလာလျှင် ပြည်သူတွေလည်း ငြိမ်းချမ်းစွာနေထိုင်ကြရပြီး အကျိုးစီးပွားများကို ပိုပြီး တိုးပွားအောင် စွမ်းဆောင်နိုင်လိမ့်မည်”ဟုလည်း ပြောခဲ့သည်။ 

ကွန်ဖြူးရှပ်အတွေးအခေါ်များကို ကြည့်လိုက်လျှင် အုပ်ချုပ်သူ သီလကောင်းလျှင် တိုင်းပြည်ကောင်းမည်ဆိုသည့် သဘောတရားများကိုတွေ့ရသလို ငြိမ်းချမ်းမှုမရှိဘဲ တိုင်းပြည်ဖွံ့ဖြိုးတိုးတက်အောင် မလုပ်ဆောင်နိုင်ဆိုသည့် သဘောတရားများကိုပါ တွေ့ရသည်။ ကွန်ဖြူးရှပ်၏အတွေးအမြင်များက ကိုယ့်ကျင့်တရား၊ စီမံခန့်ခွဲမှု၊ ငြိမ်းချမ်းရေးနှင့် ပညာရေးများလွှမ်းနေသည်။ အားလုံးကလည်း ဆက်စပ်နေသည်။ အားလုံးကောင်းမှ တိုင်းပြည်ကောင်းမည်။ အုပ်ချုပ်သူလူတန်းစားကစပြီး ခေါင်က မိုးမလုံလျှင် ပြည်သူတွေ အေးချမ်းစွာ နေထိုင်ရမည်မဟုတ်ဟုလည်း သူကဖွင့်ဆိုခဲ့သည်။