News

POST TYPE

RELAX

ကိုကောင်းကျော်ဆွေ၊ တေးသံရှင် ရေဗက္ကာဝင်းတို့ ဇနီးမောင်နှံနဲ့ တွေ့ဆုံခြင်း
12-Feb-2018


“သူလုပ်တဲ့ အနုပညာအလုပ်မှာ ဘယ်ဘက်ကနေ ပံ့ပိုးပေးရမလဲဆိုတာကိုပဲ ကျွန်တော်က စဉ်းစားပါတယ်” (ကောင်းကျော်ဆွေ)

“ရေဗက္ကာတို့က ချစ်ခြင်းမေတ္တာနဲ့ပဲ တစ်ယောက်ကိုတစ်ယောက် ညှိနှိုင်းပြီးတော့ နေထိုင်ပါတယ်” (ရေဗက္ကာဝင်း)

အိမ်ထောင်သက်တမ်း ငါးနှစ်နီးပါးရှိပြီဖြစ်တဲ့ ကိုကောင်းကျော်ဆွေ၊ တေးသံရှင်ရေဗက္ကာဝင်းတို့ ဇနီးမောင်နှံနဲ့တွေ့ဆုံပြီး နားလည်မှုချစ်ခြင်းတွေနဲ့ ခရီးဆက်နေတဲ့ အိမ်ထောင်ရေးအကြောင်းအပြင် ဖေဖော်ဝါရီလ ၁၂ ရက်နေ့မှာ ထွက်ရှိလာတော့မယ့် ကချင်ဘာသာစကားနဲ့ သီဆိုထားတဲ့ ပထမဆုံး တစ်ကိုယ်တော်သီချင်းခွေ “Maka” အကြောင်း အပြည့်အစုံကို The Voice က မေးမြန်းဖော်ပြလိုက်ပါတယ်။ 

Voice : ရေဗက္ကာရဲ့ ပထမဆုံးတစ်ကိုယ်တော်ခွေမှာ ခင်ပွန်းတစ်ယောက်အနေနဲ့ ဘယ်လိုပံ့ပိုးမှုမျိုးတွေ လုပ်ခဲ့ရလဲ၊ အကြံဉာဏ်ပေးတာ မျိုးတွေရှိလား။
KKS : ဒီခွေက သူ့ရဲ့ပထမဆုံး တစ်ကိုယ်တော်လည်းဖြစ်တယ်၊ သီချင်းကလည်း ကချင်တိုင်းရင်းသား ဘာသာစကားကို အထူးပြုပြီးဆိုတဲ့ သီချင်းဖြစ်တော့ ကျွန်တော့်အနေနဲ့ သူလိုအပ်တာမှန်သမျှကို အစစအရာရာမှာ လှိုက်လှိုက်လှဲလှဲ ကူညီပေးပါတယ်။ နောက်တစ်ခုက ဒီခွေက Audio ရော၊ MTV ပါ တစ်ခါတည်းထွက်တာဆိုတော့ သီချင်းရွေးချယ်ပုံအပြင် သူ သရုပ်ဆောင်တာကအစ လိုက်ပြီးတော့ အကြံပေးတယ်၊ ပံ့ပိုးပေးခဲ့ပါတယ်။ အဓိက ဒီခွေလေးထွက်အောင် ကျွန်တော်တို့နှစ်ယောက်ပေါင်းပြီး ဖန်တီးခဲ့ကြတာပါ။ 

Voice : အိမ်ထောင်ကျပြီးတဲ့နောက်မှာ ရေဗက္ကက ဂီတလှုပ်ရှားမှုတွေ ကျဲသွားတာဆိုတော့ ကိုယ်က ခွင့်မပြုတာကြောင့်များလား။
KKS : ကျွန်တော်က သူ အနုပညာလုပ်တာကို အားပေးပါတယ်။ သူလုပ်တဲ့ အနုပညာအလုပ်မှာ ဘယ်ဘက်က နေပံ့ပိုးပေးရမလဲဆိုတာကိုပဲ ကျွန်တော်က စဉ်းစားပါတယ်။ ဘာဖြစ်လို့လဲဆိုတော့ ကျွန်တော်က သူအနုပညာလုပ်တာကို ခွင့်ပြုထားလို့ပါ။ နောက်တစ်ခုက သူနဲ့ကျွန်တော်က နှစ်ယောက်တစ်ဘဝလည်း ဖြစ်တယ်၊ အိမ်ထောင်ဖက်လည်း ဖြစ်တဲ့အတွက်ကြောင့် သူဘာလုပ်ချင်လဲ၊ သူလုပ်ချင်တဲ့အပေါ်မှာ ကျွန်တော်က စီးပွားရေး၊ ပညာရေး၊ လူမှုရေးအားလုံးကို အတတ်နိုင်ဆုံး ပံ့ပိုးပေးပါတယ်။ 

Voice : အိမ်ထောင်သက်တမ်းက ဘယ်လောက်ရှိသွားပြီလဲ၊ တစ်ယောက်နဲ့ တစ်ယောက်က ဘယ်လိုခရီးဆက်နေကြလဲ။
KKS : အိမ်ထောင်သက်တမ်းကတော့ လာမယ့် မေလတစ်ရက်နေ့ဆိုရင် ငါးနှစ်ပြည့်ပါပြီ။ အဓိက ကျွန်တော်တို့ နှစ်ယောက်က ချစ်ခြင်းမေတ္တာတွေ၊ နားလည်မှုတွေနဲ့ ရှေ့ဆက်သွားနေပါတယ်။ နောက်တစ်ခုက ကျွန်တော်က အနုပညာလောကနဲ့တော့ စိမ်းပါတယ်။ ဒါပေမဲ့ သူ့ရဲ့အနုပညာအလုပ်အပေါ်မှာတော့ တန်ဖိုးထားပါတယ်။ အဲ့ဒါကြောင့် သူရှေ့ဆက်ပြီးလုပ်မယ့် အနုပညာအလုပ်တွေမှာ အတတ်နိုင်ဆုံးကူညီ ပေးသွားမှာပါလို့ ပရိသတ်ကြီးကို ပြောချင်ပါတယ်။ 

Voice : ကိုယ့်ရဲ့ပထမဆုံး တစ်ကိုယ်တော်ခွေကို မြန်မာဘာသာစကားနဲ့ မထုတ်ဘဲ ကချင်ဘာသာစကားနဲ့ လုပ်ဖြစ်တဲ့ စိတ်ကူးကနေ စပြောပေးပါဦး။
RBCW : ရေဗက္ကာက သီချင်းစဆိုကတည်းက ကချင်ဘာသာစကားနဲ့ သီဆိုတဲ့ သီချင်းခွေလုပ်ချင်တဲ့ဆန္ဒက အရမ်းကို ရှိခဲ့ပါတယ်။ အဲ့ဒါ ကြောင့် ရေဗက္ကာရဲ့ ပထမဆုံးတစ်ကိုယ်တော်ခွေကို ကချင်ဘာသာစကားနဲ့ဆိုပြီး ထုတ်ဖြစ်တာပါ။ နောက်တစ်ခုက ရေဗက္ကာက ငယ်ငယ်တုန်းကတော့ ကချင်ဘုရားကျောင်းမှာပဲ တက်ပြီးတော့ အိမ်မှာလည်း ကချင်လိုပဲ ပြောခဲ့ကြတာပေါ့နော်။ ဒါပေမဲ့ ရေဗက္ကာက သီချင်းတွေဆိုပြီး အဆိုတော်ဖြစ်သွားတဲ့ နောက်ပိုင်းမှာတော့ ကချင်အသိုင်းအဝိုင်းနဲ့ နည်းနည်းလေးဝေးသွားတယ်၊ ကချင်အသင်းတော်မှာလည်း ပါဝင်မှု နည်းသွားတယ်။ အိမ်ထောင်ကျသွားတဲ့ နောက်ပိုင်းမှာတော့ ပိုဆိုးသွားတယ်။ ကချင်ဘာသာစကားနဲ့ ပိုပြီးဝေးသွားတယ်။ ရေဗက္ကာက ကချင်စကားမပြောတာ ခုနစ်နှစ်၊ ရှစ်နှစ်လောက်ရှိသွားပြီ။ အဲ့ဒါကြောင့် ကချင်စကားကို ပြန်ပြီးပြောတဲ့အခါမှာ ရေဗက္ကာအတွက် နည်းနည်းတော့ အခက်အခဲရှိပါတယ်။ ဘာသာစကားတစ်ခုက အရမ်းနက်နဲတဲ့ အခါကျတော့ ဝေါဟာရအားလုံးကို ပီပြင်အောင်ပြောနိုင်ဖို့ အတွက်ကို ရေဗက္ကာအနေနဲ့ တော်တော်လေးကြိုးစားရပါတယ်။ 

Voice : သီချင်းအကြောင်းအရာတွေက အဓိက ဘယ်ဘက်ကို ဦးတည်ထားတာလဲ။
RBCW : ဒီခွေမှာ သီချင်းအကြောင်းအရာတွေကတော့ အစုံပါပါတယ်။ ဒါပေမဲ့ အချစ်သီချင်းကတော့ အများစု ပါဝင်ပါတယ်။ ခွေ Title သီချင်းဖြစ်တဲ့ “Maka” ကလည်း ရိုးရိုးအချစ်သီချင်းလေးပါ။ ဒီခွေမှာပါတဲ့ သီချင်းအားလုံးက ရေဗက္ကာကိုယ်တိုင် ကြိုက်လို့ဆိုခဲ့တဲ့ သီချင်းတွေချည်းပါပဲ။ နောက်တစ်ခုက ပရိသတ်တွေ နားလည်ဖို့အတွက်ကိုလည်း MTVရိုက်ထားတယ်၊ စာတန်းထိုးတဲ့အခါမှာလည်း ဘာသာပြန်ထားတယ်။ အဲ့ဒါကြောင့် ပရိသတ်က စာသားနဲ့အရုပ်ကိုတွဲပြီး ကြည့်မယ်ဆိုရင်တော့ နားလည်ပါလိမ့်မယ်။ 

Voice : အိမ်ထောင်ကျသွားပြီးတဲ့ နောက်ပိုင်းမှာ ဂီတလှုပ်ရှားမှုတွေ ကျဲသွားတယ်နော်၊ ခင်ပွန်းရဲ့အလုပ်တွေကို ကူလုပ်ပေးနေတာကြောင့်လား။
RBCW : ရေဗက္ကာက အိမ်ထောင်မကျခင်ကတည်းက အနုပညာအလုပ်ကို နားလိုက်တာပါ။ ရေဗက္ကာ အိမ်ထောင်ကျတာ ငါးနှစ်ရှိပါပြီ။ အဲ့ဒါကြောင့် အနုပညာအလုပ်ကို မလုပ်ဖြစ်တာဆိုရင် ခုနစ်နှစ်၊ ရှစ်နှစ်လောက်ရှိသွားပြီ။ အဓိက ရေဗက္ကာက MBA ကျောင်းတက်လိုက်တယ်။ နောက်တစ်ခုက အမျိုးသားနဲ့လည်း ပေါင်းပြီးတော့ စီးပွားရေးလုပ်တယ်။ အိမ်ထောင်ကျသွားလို့ အနုပညာအလုပ် မလုပ်ဘူးဆိုတာက တစ်စိတ်တစ်ဒေသလောက်ပါပဲ။ 

Voice : အိမ်ထောင်ရေးမှာ နှစ်ယောက်စလုံးက ဘယ်လိုနားလည်မှုတွေနဲ့ ရှေ့ဆက်နေကြလဲ၊ မိသားစုဘဝလေးကို မထူထောင်သေးဘူးလား။
RBCW : ရေဗက္ကာတို့က လူမျိုးလည်းမတူ၊ ဘာသာလည်းမတူ၊ အသိုင်းအဝိုင်းလည်း မတူပါဘူး။ တကယ်ဆို မတူညီကွဲပြားမှုတွေ အများကြီးရှိပါတယ်။ ဒါပေမဲ့ ရေဗက္ကာတို့က ချစ်ခြင်းမေတ္တာနဲ့ပဲ တစ်ယောက်ကိုတစ်ယောက် ညှိနှိုင်းပြီးတော့ နေထိုင်ပါတယ်။ နောက်တစ်ခုက ရေဗက္ကာတို့အနေနဲ့လည်း မိသားစုဘဝလေး တည်ဆောက်ဖို့ စဉ်းစားထားတာတော့ ရှိပါတယ်။ လောလောဆယ်မှာတော့ ပရိသတ်ကြီးကို ကြိုမပြောပြချင်သေးဘူး။ 

Voice : “Maka” ခွေနဲ့ပတ်သက်ပြီး ပရိသတ်ကြီးကို ထပ်လောင်း အသိပေးချင်တာမျိုး ရှိသေးလား။
RBCW : ရေဗက္ကာအနေနဲ့ ဒီခွေကို ကချင်ဘာသာစကားနဲ့ ထုတ်တယ်ဆိုပေမယ့် ဒီခွေက ဒီနိုင်ငံမှာနေထိုင်ကြတဲ့ တိုင်းရင်းသားတွေ အားလုံးကို ကိုယ်စားပြုပါတယ်။ ရေဗက္ကာရဲ့ ကချင်လူမျိုးတစ်ခုတည်းကို ကိုယ်စားပြုတာ မဟုတ်ပါဘူး။ တိုင်းရင်းသားတွေမှာ ကိုယ်ပိုင်ယဉ်ကျေးမှုတွေ၊ ဝတ်စားဆင်ယင်မှုတွေ၊ ဓလေ့ထုံးထမ်းစဉ်လာတွေ၊ ဂီတအနုပညာတွေ၊ စာပေဘာသာစကားတွေ အသီးသီးရှိကြပါတယ်။ အဲ့ဒါကို ရေဗက္ကာက အနုပညာအဖြစ် အသွင်ပြောင်းပြီးတော့ တစ်နိုင်ငံလုံး ကြည့်ရှုလို့ရအောင်၊ တခြားတိုင်းရင်းသား သီချင်းခွေတွေလည်း ဈေးကွက်ပိုပြီးတော့ ကျယ်ပြန့်သွားအောင် ထုတ်တာပါ။

ဝင်းထွန်းနိုင်

  • VIA