News

POST TYPE

RELAX

အင်္ဂလိပ်စာကို ဘယ်လိုလေ့လာကြမည်နည်း
အင်္ဂလိပ်စာသည် ထူးခြားသည့် ကမ္ဘာသုံး ဘာသာစကားတစ်ခု ဖြစ်ပါသည်။ လုပ်ငန်းသုံး၊ ခရီးသွားသုံး၊ လူအချင်းချင်း ဆက်သွယ်ရန်သုံး စသဖြင့် မရှိမဖြစ်၊ မသိမဖြစ် ဘာသာစကားအသွင် ဆောင်လာသည်။ ဘာသာစကားတစ်ခုကို လေ့လာတတ်မြောက်ရန် ဆိုသည်မှာ လွယ်ကူလှသည်တော့ မဟုတ်ပါ။ အမှားပေါင်းများစွာ ကြုံတွေ့ရနိုင်သည်။ အခက်အခဲပေါင်း များစွာလည်း ရင်ဆိုင်ရနိုင်သည်။ ဆန္ဒရှိရန်၊ ဆန္ဒပြင်းပြရန်သာ လိုသည်။ မတတ်နိုင်၊ မရနိုင်ဆိုသည်မှာမရှိ။ မတတ်သေး၊ မသိသေးသည်သာ ရှိနိုင်သည်။ လေ့လာကြိုးစားရင်းဖြင့် အင်္ဂလိပ်စာ ကျွမ်းကျင်သူတစ်ယောက် ဖြစ်သွားနိုင်ပါသည်။

စကားပြောတတ်အောင် မည်သို့ ကြံဆောင်ကြမည်နည်း။

၁။ နေ့တိုင်း နည်းနည်းစီ ပြောဆိုပါ

မည်သည့် ဘာသာစကားမဆို တတ်ချင်လျှင် ပြောကြည့်ဟုသာ ဆိုရမည်။ ပုဂံတွင် အတန်းပညာ မရှိဘဲ အင်္ဂလိပ်လို၊ ပြင်သစ်လို မွှတ်နေအောင် ပြောဆိုနိုင်သည့် ကလေးပေါင်းများစွာ တွေ့ဖူးကြမည်ထင်သည်။ အလေ့အကျင့်က စကားပြောသည်။ အင်္ဂလိပ်စာလုံး ၅ လုံးတည်း သိပါစေ သိထားသည့် ၅ လုံးကို မည်သို့သုံးနိုင်ကြောင်း သိလျှင် ပိုပြီး အတတ်မြန်သည်။ သို့ဖြစ်ရာ

- အင်္ဂလိပ်လိုပြောလိုက်တာ ဟန်ကျပါ့မလား၊ မှန်ပါ့မလား စဉ်းစားမနေပါနှင့်။ အင်္ဂလိပ်စကားပြော နိုင်ငံက လူတွေပင် အင်္ဂလိပ်စာကို သဒ္ဒါနည်းကျကျ လှပစွာ မပြောနိုင်ပေ။ သို့ဖြစ်ရာ သူသိ၊ ကိုယ်သိ နှစ်ယောက်သိလျှင် တော်ပြီဆိုသည့် သဘောဖြင့် စပြောကြည့် စေလိုသည်။ ကိုယ်ပြောသည်ကို သူက မည်သို့ တုံ့ပြန်သနည်း၊ ကိုယ်က မည်သို့တုံ့ပြန်ရမည် ဆိုခြင်းကို အပေးအယူ တည့်လျှင် လုံလောက်သည်ဟု သဘောထားကာ ယခုစတင် လေ့ကျင့်လိုက်ပါ။

- ကိုယ်နှင့် အင်္ဂလိပ်စကား လာပြောပေးနိုင်မည့် အင်္ဂလိပ်စကားပြော နိုင်ငံမှ (Native English Speaker) တစ်ယောက်ကို ရှာနိုင်လျှင် ပိုကောင်းပါသည်။ သူကလည်း မြန်မာလိုလေ့လာနေသူ၊ ကိုယ် ကလည်း အင်္ဂလိပ်လို ပြောချင်နေသူဖြစ်လျှင် ပိုကောင်းပြီး အပေးအယူ တည့်နိုင်သည်။ သူတို့နှင့် တစ်ရက် မိနစ် ၃၀ လောက်ပြောဆိုနိုင်သည့် အခွင့်အရေးတစ်ခုကို ပိုက်ဆံပေး၍ဖြစ်စေ ရအောင် ယူသင့်ပါသည်။ အမြန်ဆုံး အင်္ဂလိပ်စကား ပြောတတ်စေနိုင်သည့် နည်းလမ်း ဖြစ်သည်။

- ကိုယ်က အင်္ဂလိပ်စကားပြော နိုင်ငံတစ်နိုင်ငံသို့ ရောက်နေလျှင် ပိုကောင်းသည်။ ကိုယ်နှင့် တွေ့ကြုံသူတိုင်းကို ကိုယ်တတ်သိထားသလောက်နှင့် ရဲရဲတင်းတင်း မိတ်ဆက်ပြီး လိုက်ပြောသင့်သည်။ Hello တစ်လုံးလောက်ကို ရင်းပြီး လူတိုင်းနှင့် ဆက်သွယ်ကြည့်ပါ။ ကြာလာလျှင် အဆင်ပြေသွားနိုင်ပါသည်။

၂။ အသံထွက်ကို ဂရုစိုက်ပါ

အင်္ဂလိပ်စာ အခြေခံရှိသူတွေ ရှိနိုင်ပါသည်။ သဒ္ဒါကိုလည်း ကောင်းကောင်းသိသည်၊ ဝေါဟာရလည်း ကြွယ်သင့်သလောက် ကြွယ်သည်။ သို့သော် အင်္ဂလိပ်စကားပြောနိုင်ငံသို့ ရောက်လျှင် ကိုယ်ပြောသည်ကို သူနားမလည်နိုင်သည့် အရေးမှာ အသံထွက်ကြောင့် ဖြစ်သည်။ အသံထွက်မမှန်လျှင် ပြောလိုရင်းကို သိနိုင်မည်မဟုတ်ပေ။

- စာလုံး၏ အသံထွက်ကို ပီသရှင်းလင်းစွာ သုံးနိုင်စေရန် ကြိုးစားသင့်သည်။ အင်္ဂလိပ်စကားပြော နိုင်ငံကလူတွေ မည်သို့အသံထွက်ကြောင်း မှတ်သားထားပါ။ ရုပ်ရှင်၊ ဗီဒီယိုတွေကိုကြည့်ပြီး လေ့လာပါ။

- အသုံးများပြီး ကိုယ်နှင့် မရင်းနှီးသည့် စာလုံးများ၏ အသံထွက်ကို လေ့ကျင့်နိုင်အောင် ကြိုးစားပါ။ များသောအားဖြင့် အင်္ဂလိပ်စာလုံး ‘r’ သည် အင်္ဂလိပ် စကားပြောနိုင်ငံများကသူများ မဟုတ်လျှင် အခက်အခဲ ရှိနိုင်သည်။ ထို့ပြင် ‘th’ အသံကိုလည်း ပီသစွာ မရွတ်ဆိုတတ်ကြပေ။ အလေ့အကျင့်များလျှင် အသားကျသွား နိုင်ပါသည်။

- အင်္ဂလိပ်အသံထွက်ကို ပုံသေမှတ်ထား၍မရပေ။ အဓိပ္ပာယ်အလိုက် စကားလုံးတူသော်လည်း အသံ ထွက်ပြောင်းသွားနိုင်သည်များ ရှိသည်။ အသုံးကို မူတည်ပြီး အသံထွက် ပြောင်းသွားတတ်သည်။ လေ့လာထားသင့်ပါသည်။

၃။ ဝေါဟာရကြွယ်အောင်လုပ် အီဒီယမ်ကို သတိပြု

အင်္ဂလိပ်စကားပြောလိုလျှင် အများသုံး ဝေါဟာရ အတော်များများကို လေ့လာ တတ်ကျွမ်းထားရမည်။ သိထားလျှင် ပြောရဲဆိုရဲလာသည့်အခါ အဆင်ပြေအောင် သုံးသွားနိုင်ပါသည်။

- အင်္ဂလိပ်စကားပြောနိုင်ငံက Native Speaker များနှင့် များများပြောလျှင် အဆင်ပြေနိုင်သည်။ သူတို့နှင့် အတွေ့အနေ အခြေအနေ မပေးနိုင်လျှင် အင်္ဂလိပ်စကားပြော တီဗီအစီအစဉ်များကို စောင့်ကြည့်မည်။ အင်္ဂလိပ်စာတန်းထိုး ဗီဒီယိုများကို ကြည့်၍ လိုက်ပြောကြည့်နိုင်သည်။

- စာလုံး သို့မဟုတ် စာလုံးတွဲ (Phrase) အသစ်တစ်ခုခု တွေ့လျှင် ဘယ်နေရာတွင် သုံးသည်ကို လေ့လာထားပြီး လိုက်သုံးကြည့်သင့်ပါသည်။ အင်္ဂလိပ်စာလုံး များကို အလွတ်ကျက်ထားရန် မဟုတ်။ အသုံးပြုနိုင်ရန် ကြိုးစားခြင်းက ပိုပြီး မှတ်မိလွယ်စေနိုင်သည်။

- အခြားမှတ်မိနိုင်သည့်နည်းမှာ အသုံးများသည့် စာလုံးနှင့် စာလုံးတွဲအသုံးများကို စာရွက်လေးများပေါ်တွင် ချရေးထားပြီး ကိုယ့်အခန်းထဲ မြင်သာသည့်နေရာတွင် လိုက်ကပ်ထားခြင်း ဖြစ်သည်။ မီးဖိုချောင်၊ ရေချိုးခန်း၊ မှန်တို့အပေါ်တွင် ကပ်ထားပြီး မြင်ဖန် များသောကြောင့်လည်း မှတ်မိနိုင်ပါသည်။

- ထူးခြားသည့် အီဒီယမ်စာလုံးများနှင့် အသုံးတို့ကို မှတ်စုစာအုပ်ထဲတွင် ရေးမှတ်ထားပြီး အားလပ်လျှင် ပြန်ပြီး လေ့လာစေချင်သည်။ ဥပမာ- ‘It’s raining cats and dogs’ ဆိုသည်မှာ Idiom သဘောဖြင့် သုံးထားခြင်းဖြစ်သည်။ မိုးသဲသဲမဲမဲ ရွာနေသည် ဆိုသည့်အဓိပ္ပာယ်ဖြင့် သုံးထားခြင်းဖြစ် သောကြောင့် မူရင်းအတိုင်း ယူလိုက်လျှင် မှန်ကန်နိုင် မည်မဟုတ်ပေ။ ‘cloud nine’ ဆိုသည်မှာ ပျော်ရွှင်သည့် သဘောဖြင့်သုံးပြီး ‘piece of cake’ ဆိုသည်မှာ သိပ်လွယ်ပါသည် ဆိုသည့်သဘောဖြင့် သုံးခြင်းကို လေ့လာ မှတ်သားထားမှသာ ရနိုင်ပေလိမ့်မည်။

၎။ အင်္ဂလိပ်စာသင်တန်းများ အင်္ဂလိပ်လို ဆွေးနွေးပွဲများ တက်ပါ

- အင်္ဂလိပ်စကား ကောင်းကောင်းပြောတတ်လိုလျှင် စနစ်တကျသင်ပေးသော သင်တန်းများကို တက်သင့်ပါသည်။ အထူးသဖြင့် Native Speaker များ နှင့် သင်ကြားပေးသည့် သင်တန်းများကို တက်ရောက် သင့်သည်။ သင်တန်းက နည်းမှန်လမ်းမှန် စနစ်မှန်ကို လမ်းညွှန်ပေးနိုင်ပါသည်။ ကပေါက်တိ ကပေါက်ချာ ပြောနေခြင်းထက် စနစ်တကျ ပြောဆိုနိုင်သည် ဆိုခြင်းက ပိုကောင်းပါသည်။

- အင်္ဂလိပ်လို ပြောဆိုဆွေးနွေးကြသည့် Discussion Group များအတွင်း ဝင်ရောက်ပြောဆို ဆွေးနွေးခွင့်ရလျှင် ပိုပြီး အခွင့်အရေးရသည့် သဘောဖြစ်သည်။ အင်္ဂလိပ်စာကို ကောင်းကောင်း လေ့လာနိုင်မည်၊ အချင်းချင်း အားမနာတမ်းပြောဆို ဆွေးနွေးတိုင်ပင်ခွင့်ရလျှင် အခွင့်အလမ်း ပိုများသည်။ ပြောပါများ ကြားပါများပြီး အလေ့အကျင့်များသည့် နည်းလမ်းကိုလည်း ကျင့်သုံးသင့်သည်။

၅။ အင်္ဂလိပ်အဘိဓာန် ဆောင်ထားပါ

ယခုခေတ်တွင် အဘိဓာန်တစ်အုပ်ကို ကိုယ်နှင့်မကွာ ဆောင်ယူရန် ခက်ခဲသည်မဟုတ်ပါ။ လူတိုင်း ဖုန်းကိုင်နိုင်သည့်ခေတ်တွင် ဖုန်းထဲကို အင်္ဂလိပ်အဘိဓာန် တစ်အုပ်မက ထည့်ထားနိုင်ပါသည်။

- အဘိဓာန် (Dictionary) ဆောင်ခိုင်းခြင်းသည် အခက်အခဲကို ကျော်လွှားနိုင်စေရန် ဖြစ်ပါသည်။ ပြောနေရင်း မေ့နေလျှင်ဖြစ်စေ၊ တစ်ခုခုကို ပြောချင်ပြီး မသုံးတတ်လျှင်ဖြစ်စေ အဘိဓာန်က များစွာ အထောက်အကူပြုနိုင်ပါသည်။ ဖုန်းနှင့် အဘိဓာန်ကို သုံးလျှင် စာလုံး၏အဓိပ္ပာယ် ကိုသာမက အသံထွက်ကိုပင် မှန်ကန်စွာ သိနိုင်ပါသည်။

- အချို့သော အဘိဓာန်များတွင် စာလုံးကိုသာမက အသုံးကိုပါ ဖော်ပြထားသည်။ အင်္ဂလိပ်လို တတ်ချင်လျှင် အင်္ဂလိပ် အဘိဓာန်ကိုဆောင်ပြီး အင်္ဂလိပ်သံဖြင့် နားထောင်ရန် တိုက်တွန်းလိုပါသည်။

- အချိန်ရလျှင် အားနေလျှင် Facebook နှင့် အချိန်ကုန်နေမည့်အစား အဘိဓာန်ကို အချိန်အနည်းငယ် ပေးပြီး အဓိပ္ပာယ်၊ အသံထွက်များကို လေ့လာစေချင်သည်။ ဘတ်စ်ကားစောင့်၊ မီးရထားစီးရင်း တစ်နေ့လျှင် အင်္ဂလိပ်စာလုံး ၂၀ မှ ၃၀ ခန့်ကို အလွယ်တကူ လေ့လာနိုင်မည့် အခွင့်အရေးတစ်ခု ဖြစ်ပါသည်။

- အင်္ဂလိပ်စာကို ယခုမှ စတင်လေ့လာသူများ ဆိုလျှင် အင်္ဂလိပ်-မြန်မာ အဘိဓာန်ကို သုံးလျှင်လည်း ဖုန်းထဲထည့်ထားနိုင်သည့် အဘိဓာန်ဆောဖ့်ဝဲများ ရှိနေပါသည်။ အကောင်းဆုံးမှာ အင်္ဂလိပ်-အင်္ဂလိပ် အဘိဓာန်သာ ဖြစ်ကြောင်း စိတ်ထဲတွင် စွဲမြဲထားသင့်သည်။

အင်္ဂလိပ်စာ တတ်လိုသူများအတွက် Input နှင့် Output နှစ်မျိုးကို ကောင်းစွာနားလည်ထားရန် လိုသည်။

Input (ကိုယ့်ဆီကို မပြတ် ထည့်သွင်းပေးပါ)
နားထောင်ခြင်း (နားဖြင့်)
ဖတ်ခြင်း (မျက်လုံးဖြင့်)
Output (ကိုယ်ကမပြတ် လုပ်ပေးပါ) 
ပြောဆိုခြင်း (ပါးစပ်ဖြင့်)
ရေးခြင်း (လက်ဖြင့်)

နား၊ မျက်လုံး၊ ပါးစပ်၊ လက် လေးမျိုးဖြင့် မပြတ် လေ့ကျင့်နေခြင်းဖြင့်သာ အင်္ဂလိပ်ကို အောင်နိုင်ရာ၏။

အငြိမ်းစားကျောင်းဆရာတစ်ဦး