News

POST TYPE

TIP

သင်ယူခြင်းဖြင့် ဘဝမြှင့်သူ လော့ဒ်ကာရင် ဘီလီမိုးရီးယား (Lord Karan Bilimoria)
07-May-2017 tagged as


“ဘဝတစ်သက်တာ သင်ယူပါ”

ကာရင် ဘီလီမိုးရီးယားတစ်ယောက် အဘယ်ကြောင့် အောင်မြင်ခဲ့ရသနည်း။ သူအောင်မြင်ခဲ့ရခြင်း၏ အဓိက အကြောင်းတရားသည် Lifelong Learning ဟုခေါ်သည့် ဘဝတစ်သက်တာလုံး လေ့လာသင်ယူ နေနိုင်ခဲ့သောကြောင့်ဖြစ်သည်။ 

ကာရင် ဘီလီမိုးရီးယားသည် Cobra Beer လုပ်ငန်းကို ၁၉၈၉ ခုနှစ်တွင် စတင် ထူထောင်ခဲ့သည်။ ထိုစဉ်က သူ့တွင် ကျောင်းနေခဲ့စဉ် တင်ခဲ့သောအကြွေး စတာလင်ပေါင် ၂၀ဝ၀ဝ ရှိနေသည်။ ထိုကာလတွင် ကမ္ဘာပေါ်၌ ပြိုင်ဆိုင်မှု အများဆုံးဖြစ်နေသည့် ဘီယာလောက အတွင်းကို သူဝင်ရောက်ခဲ့ခြင်းဖြစ်သည်။ လုပ်ငန်းခွင်ကိုသာ ဝင်လာသည် သူ့ထံတွင် ဘီယာလုပ်ငန်းနှင့် ပတ်သက်သည့် လုပ်ငန်း အတွေ့အကြုံကလည်း လုံးဝ မရှိပေ။

၁၉၉၀ ပြည့်နှစ်တွင် Cobra ဘီယာကို စတင်ဖြန့်ခဲ့သည်။ ထိုအချိန်က ဗြိတိန်တွင် စီးပွားရေး ကျဆင်းမှုဒဏ်ကို ခံနေရချိန်ဖြစ်သည်။ ယနေ့ Cobra ဘီယာသည် နှစ်စဉ် ပုလင်းပေါင်း သန်း ၅၀ ရောင်းချနေရသည့် ကုမ္ပဏီကြီး ဖြစ်လာသည်။ နိုင်ငံပေါင်း ၄၀ ကို တင်ပို့နေရပြီး၊ ဝန်ထမ်းပေါင်း ၁၅၀ နှင့် ရင်းနှီးမြှုပ်နှံမှု ပမာဏကလည်း စတာလင်ပေါင် သန်း ၈၀ ကျော်ဖြစ်လာသည်။

ဤအောင်မြင်မှုက အသက်ရှူမှားလောက်အောင်ဖြစ်ခဲ့ရသည်။ ဗြိတိန်လူငယ်များကြားတွင် စံပြုလောက်စရာ ကောင်းလောက်သည့် လူငယ်တစ်ယောက် ဖြစ်လာရပြီး ဗြိတိန်နိုင်ငံ ပါလီမန်လွှတ်တော်ကပင် ဖိတ်ကြားခြင်း ခံရသည့် ပထမဆုံး အိန္ဒိယအမျိုးသားတစ်ဦး ဖြစ်ခဲ့ရုံမက Lord ဆိုသည့်ဘွဲ့ဖြင့် ဂုဏ်ပြုခြင်း ခံရသူလည်း ဖြစ်လာသည်။

သူအဘယ်ကြောင့် အောင်မြင်ကျော်ကြားသူတစ်ဦး ဖြစ်လာရသနည်း။ အရှင်းဆုံးမှာ ဘဝတစ်လျှောက်လုံး လေ့လာသင်ယူခြင်း ဆိုသည့်သဘောတရားကို လက်ကိုင်ထားသည်။ အမြဲတမ်း လေ့လာသင်ယူမည်။ လူမှန် နေရာမှန် ပေးမည်။ အတော်ဆုံး လူများကို ငှားရမ်း အသုံးပြုမည်ဆိုသည့် စိတ်သဘောထားများက သူ့ကို အောင်မြင်သူတစ်ဦး ဖြစ်လာစေရန် ပံ့ပိုးပေးခဲ့သည်။

ကာရင် ဘီလီမိုးရီးယားသည် အိန္ဒိယနိုင်ငံ ဟိုင်ဒရာဘက်တွင် မွေးဖွားသည်။ သူတို့ကမျိုးက စစ်ဘက်နှင့် စီးပွားရေး လုပ်ငန်းများတွင် အောင်မြင် ထင်ရှားသူများ ဖြစ်သည်။ ဖခင်ကိုယ်တိုင် စစ်ဘက်အရာရှိကြီးတစ်ဦး ဖြစ်ခဲ့ပြီး သူက ဗြိတိန်ကို ရောက်လာကာ ပညာ သင်ကြားခဲ့သည်။ ကင်းဘရစ်ခ်ျတွင် ဥပဒေဘွဲ့ကို ယူခဲ့သူဖြစ်သည်။ သူက -

“ကျွန်တော့်ဘဝ အချိန် အတော်များများကို ပညာရေးမှာ ကုန်လွန်စေခဲ့တယ်။ Cobra ဘီယာလုပ်ငန်းကို စတင်တာ ၁၈၉၈ ခုနှစ်မှာ။ တစ်နေ့မှာ ငါ့လုပ်ငန်းကြီးကို နေရာအနှံ့ ဖြန့်ကြက်နိုင်ရမယ် ဆိုပြီးတော့ လုပ်ခဲ့တာ။ ဒါပေမဲ့ ၁၉၉၈ ခုနှစ်မှာ ကျွန်တော် ကရင်းဖီးလ်ကိုသွားပြီးတော့ Business Growth Programme တက်တယ်။ ကျွန်တော် သိထားတာတွေနဲ့ တခြားစီပဲ။ ကျွန်တော် Cobra ကိုပြန်ရောက်တော့ စိတ်ကူးသစ်တွေ၊ အကြံဉာဏ်သစ်တွေကို စပြီးတော့ အကောင်အထည် ဖော်မိတယ်” 

ဘဝတစ်သက်တာ လေ့လာသင်ယူခြင်းက ဘီလီမိုးရီးယားကို ပြောင်းလဲစေခဲ့သလို ဃသဘမေ ကိုလည်း ပြောင်းလဲစေခဲ့သည်။ သူက ဃသဘမေ တွင်နေရင်းက အမြဲတမ်း တစ်ခုခုကို သင်ယူနိုင်ရန် အားထုတ်နေတော့သည်။

“ကျွန်တော်နှစ်စဉ် ဟားဗတ်စီးပွားရေးကျောင်းနဲ့ လန်ဒန်စီးပွားရေးကျောင်းတွေကိုသွားပြီးတော့ သင်တန်းတွေ တက်တယ်။ ဟောဒီကုမ္ပဏီက လူတိုင်းကိုလည်း ပုံမှန် သင်တန်းတွေ သွားတက်ဖို့ အမြဲတွန်းအားတွေ ပေးနေတတ်တယ်”

ဘီလီမိုးရီးယား၏ ဖခင်က သားဖြစ်သူကို အားပေးတိုက်တွန်းထားမှုမှာလည်း စိတ်ဝင်စားစရာ ဖြစ်သည်။

“ကျွန်တော် လုပ်ငန်းစတော့ ကျွန်တော့်ဖခင်က ပြောဖူးတာရှိတယ်။ မင်းတာဝန် ပေးမယ်ဆိုရင်၊ အဲဒီတာဝန်ကို မင်းပထမဆုံး လုပ်ကြည့်လိုက်”ဖြစ်သည်။ သူ့ဖခင် ပြောသည့်အတိုင်းပင် လုပ်ငန်းတစ်ခုကို ကိုယ်တိုင် ဝင်လုပ်မှ နားလည်သဖြင့် သူတပါးကို ကောင်းစွာ ခိုင်းတတ်သွားသည်။ ကိုယ်က သူ့ထက် ပိုလုပ်ထားနိုင်သဖြင့် မဖြစ်နိုင်ဘူးဆိုသည့် ဆင်ခြေလည်း သူ့ထံက ကြားရတော့မည် မဟုတ်။ မဖြစ်နိုင်ဟု ပြောလာသည့် ဆင်ခြေကိုလည်း လက်ခံတော့မည် မဟုတ်ပေ။ တန်ဖိုးရှိလှသည့် ဖခင်၏ လမ်းညွှန်ချက်အတိုင်း သူကောင်းစွာ လုပ်ဆောင်နိုင်သည်ဟု ဆိုရမည်။ သူက-

“ဆန်းသစ်တီထွင်ပါ။ အသစ်တွေ ဖန်တီးပါ။ ကိုယ်က အမြဲပိုလျှောက်ပါ။ ရှေ့ကပြေးနေပါ” ဟုဆိုသည်။

Cobra ဘီယာ မည်သို့ တီထွင်ဆန်းသစ်ထားသည်ကို ပုလင်းနှင့် အပြင်အဆင်များအား ကြည့်ကာ သိနိုင်သည်။ ၂၀ဝ၃ ခုနှစ်တွင် ဘီလီမိုးရီးယားက ရှာရှာဖွေဖွေ စိတ်ကူးတစ်ခု ထုတ်လိုက်သည်။ သူက ဘီယာကို အတွဲလိုက် ရောင်းရန် စိတ်ကူးလိုက်ခြင်း ဖြစ်သည်။ ယင်းစိတ်ကူး တစ်ချက်ကလည်း သူ့လုပ်ငန်း တိုးတက်စေခဲ့သည့် အချက်တစ်ခု ဖြစ်နေသည်။ 

တီထွင်ဆန်းသစ်သည့် ပုလင်းပုံစံများနှင့် ရောင်းချမှု စနစ်များကြောင့် ရောင်းအားပိုပြီး တက်လာသည်။ ထိုအကြောင်းကို သူက-

“လုပ်ငန်းမှာ အရေးအကြီးဆုံးက အဖွဲ့လိုက် ပူးပေါင်း လုပ်ဆောင်တတ်ခြင်းပဲဗျ။ Cobra မှာ ကျွမ်းကျင်ပါတယ်ဆိုလို့ မခန့်ဘူး။ စိတ်ဆန္ဒ ဘယ်လောက်ရှိသလဲ ဆိုတဲ့အပေါ် မူတည်ပြီးတော့လည်း ခန့်ချင်ခန့်တယ်။ နှစ်ခုစလုံး ရှိရင်တော့ ပိုကောင်းတာပေါ့ဗျာ” ဟုဆိုသည်။

“စိန်ခေါ်မှုတွေ၊ အခက်အခဲတွေ ဘယ်လောက်ပဲရှိရှိ ကျွန်တော်တို့ကို အံ့ဩလောက်အောင် အားပေးသူတွေ ရှိနေတယ်။ အစောပိုင်းကတည်းက မှန်တာကိုပဲ လုပ်တယ်။ အဖွဲ့အစည်းတွေကို လှူဒါန်းတယ်။ လူမှုရေး လုပ်ငန်းတွေ အများကြီး လုပ်တယ်။ ကျွန်တော်ခံယူတာကလည်း win-win အနေအထားကိုပဲ။ လှူစရာရှိတာ လှူ၊ ထောက်ပံ့စရာ ရှိတာတွေ ထောက်ပံ့နေလို့လည်း ကျွန်တော်တို့ကို အားပေး ထောက်ခံနေတာတွေ ရှိနေတယ်”

သို့သော် ဘီယာလုပ်ငန်း ဆိုသည်မှာ ဗြောင်ကျကျ ပေါ်ပေါ်တင်တင် နေရာတိုင်းတွင် လုပ်နိုင်သည့် လုပ်ငန်းတစ်ခုတော့ မဟုတ်ပေ။ 

“ကျွန်တော် Cobra ဖောင်ဒေးရှင်းဆိုပြီး ထူထောင်ထားတယ်။ လှူဒါန်းမှုတွေ အများကြီးလည်း လုပ်နေတယ်။ ဒီလို လူမှုရေးလုပ်ငန်းတွေကို လုပ်နေလို့လည်း လုပ်ငန်းအနေနဲ့ ပြန်ရတာတွေ ရှိပါတယ်။ အဖွဲ့အစည်းတွေနဲ့ ကျယ်ကျယ်ပြန့်ပြန့် ဆက်သွယ်နိုင်တော့ လုပ်ငန်းအတွက် ကောင်းတာပေါ့”

  • TAGS