News

POST TYPE

TIP

ကွန်ဖြူးရှပ်ဝါဒနှင့် တရုတ်စီးပွားရေး
28-Jul-2018 tagged as



တရုတ်တို့ စီးပွားဖွံ့ဖြိုးတိုးတက်အောင် ကြံဆောင်နိုင်ကြခြင်းသည် ကွန်ဖြူးရှပ်၏ ကိုယ်ကျင့်တရားများအပေါ်တွင် အခြေခံနေကြောင်း တွေ့ရသည်။ ထို့ကြောင့်လည်း တရုတ်တို့သည် ခေတ်မည်မျှပြောင်းသည်ဆိုစေ ကွန်ဖြူးရှပ်၏ ကျေးဇူးတော်ကို အမှတ်ရသည့် အထိမ်းအမှတ်ပွဲများအား နှစ်စဉ်ကျင်းပနေကြခြင်းဖြစ်သည်။ သူတို့ဘာကြောင့် အောင်မြင်ရသနည်း၊ ကွန်ဖြူးရှပ်က ဘာတွေကို သင်ကြားခဲ့သနည်း။

ကွန်ဖြူးရှပ်အတွေးအခေါ်များကို ကြည့်လိုက်လျှင် အတူလက်တွဲနေထိုင် လုပ်ကိုင်နိုင်ခြင်း၊ အလုပ်ကိုကြိုးစား လုပ်ကိုင်တတ်ခြင်း၊ ခြိုးခြံချွေတာခြင်း၊ ငြိမ်းချမ်းစွာဖြင့် ဖွံ့ဖြိုးတိုးတက်အောင်လုပ်ဆောင်နိုင်ခြင်းတို့အပေါ်တွင် အခြေခံထားကြောင်းတွေ့ရသည်။ ၂၀၀၅ ခုနှစ်က တရုတ်သမ္မတကြီး ဟူကျင်တောင်းသည် ကွန်ဖြူးရှပ်၏ စကားတစ်ခွန်းကို ကိုးကားပြောဆိုခဲ့ဖူးသည်။ ငြိမ်းချမ်းစွာဖြင့် အတူလက်တွဲလုပ်ကိုင်နိုင်ခြင်းသည် အလွန်မြတ်နိုးချစ်ခင်စရာကောင်းသည့် မူဝါဒဖြစ်သည်ဟု ဆိုသည်။

တရုတ်ခေါင်းဆောင်ပိုင်းက ကွန်ဖြူးရှပ်အတွေးအခေါ် အယူအဆများကို နောင်လာနောက်သားများ အမွေဆက်ခံရစေရန် နည်းမျိုးစုံဖြင့် ဖော်ထုတ်ပေးနေသည်။ ကျောင်းသုံးပြဋ္ဌာန်းချက်များတွင် ထည့်ပေးခြင်း၊ တက္ကသိုလ်များတွင် သင်ကြားပို့ချခြင်း၊ ဆွေးနွေးပွဲများ စာတမ်းဖတ်ပွဲများ ကျင်းပပေးနေခြင်းများကို ပြုလုပ် ပေးနေသည်။ တစ်ချိန်က ကွန်မြူနစ် တရုတ်အာဏာပိုင်များသည် ကွန်ဖြူးရှပ်ဆိုသည်ကို တားဆီးပိတ်ပင်ခဲ့ဖူးသည်။ ယခုတော့ ကွန်ဖြူးရှပ်နှင့် ဆိုရှယ်လစ်စနစ်ကို ပူးပေါင်းရန် ကြံဆောင်နေခြင်းကလည်း အကြောင်းမဲ့ မဟုတ်တန်ရာ။

ကွန်ဖြူးရှပ်ဝါဒသည် တရုတ်နှင့် ဂျပန်အပါအဝင် အာရှအရှေ့နိုင်ငံများ၌ လွှမ်းမိုးလာခဲ့သည်မှာ နှစ်ပေါင်း ၂၀၀၀ တိုင် တော့မည်ဖြစ်သည်။ ကွန်ဖြူးရှပ် (၅၅၁-၄၇၈ ဘီစီ) သည် တရုတ်နိုင်ငံ၏ ပထမဆုံးဆရာအဖြစ် မှတ်ယူ၍ ရနိုင်မည်ထင်ပါသည်။ ကွန်ဖြူးရှပ်၏ ကိုယ်ကျင့်တရားဆိုင်ရာ အယူအဆများသည် သူ၏သင်ကြားမှုများ၊ သူ၏ လုပ်ဆောင်ချက်များနှင့် တိုက်ရိုက်ဆက်နွှယ်နေပြီး တပည့်များ၏ ဖော်ထုတ်မှတ်တမ်းတင်ချက်များကြောင့် ယနေ့တိုင်ကျန်ရှိကာ လေးစားလိုက်နာနေကြရခြင်းဖြစ်သည်။ 

တရုတ်တို့၏ မျက်မှောက်ခေတ်လမ်းစဉ်ကို လေ့လာသုံးသပ်ကြည့်လျှင် ကွန်ဖြူးရှပ်၏ အတွေးအခေါ်များ လွှမ်းမိုးနေကြောင်း တွေ့ရမည်ဖြစ်သည်။ ငြိမ်းချမ်းစွာ အတူလက်တွဲနေထိုင်ရေး၊ ခေတ်မီနည်းစနစ်များဖြင့် လုပ်ဆောင်ရေး၊ ဟန်ချက်ညီ ဖွံ့ဖြိုးတိုးတက်ရေး လမ်းကြောင်းများကို လွန်ခဲ့သော နှစ်ပေါင်း ၂၀၀၀ ခန့်ကတည်းက ကွန်ဖြူးရှပ်သည် ချမှတ်ဆုံးမခဲ့ပြီးသားဖြစ်သည်။ ယင်းနည်းကို ခေတ်သစ်ခေါင်းဆောင်များက ဆိုရှယ်လစ်လမ်းစဉ်နှင့်ပေါင်းကာ အနောက်နည်း အနောက်ဟန်များကို ပယ်ဖျောက်နိုင်အောင် ကြိုးစားနေသည်။

ပုဂ္ဂလိကစီးပွားရေးစနစ်ခိုင်မာရေး၊ ကိုယ့်အားကိုယ်ကိုယ်စီးပွားတိုးတက်အောင်လုပ်ရေးနှင့် ရက်စက်စွာ ပြိုင်ဆိုင်မှုကိုလျှော့ချရေး၊ အကျင့်ပျက်ခြစားမှုများ လာဘ်ပေးလာဘ်ယူမှုများ ပပျောက်ရေး၊ ရုပ်ဝါဒ အဓိကထားမှုများကို လျှော့ချရေး၊ စည်းမဲ့ကမ်းမဲ့ လွတ်လပ်မှု၊ ကိုယ်ကျင့်တရား ပျက်ယွင်းမှု၊ အနောက်တိုင်းကို အလွန်အမင်း အထင်ကြီးလေးစားမှု မရှိရေးတို့ကို တရုတ်တို့က ကွန်ဖြူးရှပ်လမ်းစဉ်ဖြင့် ပြန်လည်ဖွံ့ဖြိုးအောင် လုပ်ဆောင်နေကြောင်းလည်းတွေ့ရသည်။ 

မျက်မှောက်ခေတ်အနေအထားများကို ပြန်လည်ဆန်းစစ်ကြည့်လိုက်သည့်အခါတွင် စိတ်ဖိစီးမှုများ ပြည့်နေသည်။ မိသားစုနှင့် အိမ်ထောင်ရေး ပြိုကွဲမှုတွေဖြစ်နေသည်။ အကျင့်ပျက်ခြစားမှုတွေ၊ အကြမ်းဖက်မှုတွေ တိုးပွားနေသည်။ ရုပ်ဝါဒကိုလက်ခံခဲ့သော ကွန်မြူနစ်တွေက ကိုယ်ကျင့်တရားနှင့် ကိုးကွယ်ယုံကြည်မှုဆိုင်ရာ အတွေးအမြင်တို့ကလွဲပြီး ထိုသဘောတရားများကို ကုစားနိုင်ခြင်းမရှိကြောင်း ကောင်းစွာသိမြင်လာကြသည်။ သို့ဖြစ်ရာ ဘာသာတရားနှင့် ကိုယ်ကျင့်တရား စံမြင့်မားရေးတို့ကို ပြန်လည်ပျိုးထောင်ပေးရန် အလေးထားလာကြသည်။

ကွန်ဖြူးရှပ်၏အတွေးအမြင်များထဲတွင် အရာရာကို ဟန်ချက်ညီစွာဖြင့် မျှတစွာဖွံ့ဖြိုးတိုးတက်အောင် လုပ်ဆောင်နိုင်ရေးမှာ အလွန်အရေးကြီးသည်။ ဆီးဆောသဘောတရားအရ အတက်အကျကို ဟန်ချက်တို့ဖြင့် ထိန်းရသည်။ တစ်ဖက်တည်း လေးနေလျှင်မကြွ။ ဟန်ချက်ညီမှရကြောင်းသည် ကွန်ဖြူးရှပ်အတွေးအခေါ်တွင် အရေးပါသော အချက်တစ်ချက်ဖြစ်သည်။ တရုတ်တို့က ထိုသဘောတရားကို ကောင်းစွာ သဘောပေါက်ပြီးသားဖြစ်သည်။ စီးပွားရေးကို ပြည်တွင်းနှင့်ပြည်ပ အမြဲချိန်ညှိတတ်သည်။ နိုင်ငံခြားရင်းနှီးမြှုပ်နှံမှုများ၊ ပြည်တွင်းလုပ်ငန်းများ၊ နိုင်ငံခြားလုပ်ငန်းများကို အမြဲတမ်းဟန်ချက်ညီညီ စဉ်းစားပြီးမှ လုပ်ကိုင်ခွင့်များပေးလေ့ရှိသည်။

ကွန်ဖြူးရှပ်အတွေးအခေါ်များတွင် အုပ်ချုပ်သူအာဏာပိုင်များကို ဆန့်ကျင်ရန်မတွေ့ရပေ။ အုပ်ချုပ်သူ အာဏာပိုင်များကို ရိုသေလေးစားရမည် ဆိုသည့်အချက်များကို ကွန်မြူနစ်ပါတီအနေနှင့်လည်း လက်မခံနိုင်စရာ အကြောင်းမရှိပေ။ ကွန်ဖြူးရှပ်၏ ကိုယ်ကျင့်တရားများကို လူမှုရေးထဲတွင် ရိုက်သွင်းလိုက်ခြင်းဖြင့် ခေတ်သစ်ထဲတွင် သူတို့အတွက် ဘာမှဆုံးရှုံးစရာ အကြောင်းမရှိဟု မြင်ကောင်းမြင်နိုင်ပေမည်။

အနောက်တိုင်းလွှမ်းမိုးမှုမှ ကာကွယ်ရေးမှာ တရုတ်နည်းတရုတ်ဟန်ဖြင့် စည်းကမ်းလိုက်နာရေး၊ ကိုယ်ကျင့်တရား တန်ဖိုးထားရေးတို့ကို ဖော်ဆောင်မှသာရပေလိမ့်မည်။ ထို့ကြောင့် ကွန်ဖြူးရှပ်ကို အမှီပြုပြီး အာဏာရှင်စနစ်ပပျောက်ရေး၊ ကိုယ့်ဆွေးမျိုးကောင်းစားရေး၊ အစဉ်အလာသမားမဖြစ်ရေးတို့ကို အစိုးရကိုယ်တိုင်က လုပ်ဆောင်နေကြောင်း ပြည်သူတို့ သိမြင်ရန် လိုအပ်နေသည်။ 

ကွန်မြူနစ်ဝါဒက ကွန်ဖြူးရှပ်ဝါဒသည် အရင်းရှင်စနစ်နှင့် ပိုပြီး နီးစပ်ကြောင်း ဝေဖန်ခဲ့ကြဖူးသည်။ သို့သော် တရုတ်သမိုင်းတွင် ကွန်ဖြူးရှပ်ဝါဒ လွှမ်းမိုးခဲ့သော ခေတ်ကာလများဆီက စီးပွားရေးနိမ့်ကျသွားသည်ကို မတွေ့ခဲ့ကြရပေ။ စီးပွားရေးပညာရှင်များက ကွန်ဖြူးရှပ်အယူဝါဒ လွှမ်းမိုးသည့် တရုတ်နိုင်ငံနှင့် ဗုဒ္ဓဘာသာလွှမ်းမိုးခဲ့သော အိမ်နီးချင်း ထိုင်းနိုင်ငံနှင့် မြန်မာနိုင်ငံနှစ်နိုင်ငံတို့၏ စီးပွားရေးဖွံ့ဖြိုးတိုးတက်မှုချင်း အဘယ်ကြောင့် ခြားနားသွားရသနည်းဟု ထောက်ပြချက်များကလည်း စိတ်ဝင်စားစရာဖြစ်သည်။ မည်သို့ဆိုစေ တရုတ်တွင် ကွန်ဖြူးရှပ်အတွေးအခေါ်များ ပြန်လည်ထွန်းကားလာခြင်းနှင့် တရုတ်စီးပွားရေး ခေါင်းထောင်လာခြင်းမှာ ဆက်စပ်စဉ်းစားရမည့် အနေအထားဖြစ်သည်။

  • TAGS