News

POST TYPE

TIP

ကွန်ဖြူးရှပ်၏ စီးပွားရေးအမြင်
30-Jun-2018



စင်ကာပူနိုင်ငံ၏ ထင်ရှားသော ခေါင်းဆောင်ကြီးတစ်ဦးဖြစ်သူ လီကွမ်ယုနှင့် မလေးရှားနိုင်ငံမှ ခေါင်းဆောင်မဟာသီယာသည် မိမိတို့နိုင်ငံပြုပြင်ပြောင်းလဲရေးတို့တွင် အနောက်တိုင်းယဉ်ကျေးမှုများ လွှမ်းမိုးလာမှုကို လက်ခံသလို အရှေ့တိုင်းယဉ်ကျေးမှုများကိုလည်း မပစ်ပယ်သူများဖြစ်သည်။ အထူးသဖြင့် သူတို့နှစ်ဦးသည် ကွန်ဖြူးရှပ်အတွေးအခေါ်မှ ဆင်းသက်လာသော “မိသားစုတန်ဖိုး” ဆိုသည့်သဘောတရားကို လက်ကိုင်ထားကြသူများဖြစ်ကြောင်း တွေ့ရသည်။ ဥပမာ-မိသားစုအတွင်း ကြီးသူကို ငယ်သူက ရိုသေလေးစား တန်ဖိုးထားခြင်း၊ လေးစားခြင်း၊ နေရာပေးခြင်း၊ ညီညွတ်မျှတစွာ နေထိုင်ခြင်းဆိုသည့် ထုံးစံများကို သူတို့ လိုက်နာကြသလို ပြည်သူတွေကိုလည်း လိုက်နာတတ်စေရန် ပျိုးထောင်လေ့ကျင့်ပေးသူများဖြစ်နေကြောင်း တွေ့ရသည်။

အနောက်တိုင်းအယူအဆဖြစ်သည့် “ဒီမိုကရေစီဖောင်းပွလွန်းခြင်း” အပေါ် သူတို့ သိပ်သဘောမတွေ့ကြပေ။ လွတ်လပ်စွာ ထုတ်ဖော်ပြောဆိုခွင့်ကို ပေးလွန်းခြင်းမှာ မိမိတို့လူမျိုး ဓလေ့ထုံးစံများနှင့် သိပ်မကိုက်ညီကြောင်း သူတို့က လက်ခံထားကြသည်။ အနှောင်အဖွဲ့မရှိ လွတ်လပ်ခွင့်ပေးလိုက်လျှင် သူတို့လက်ခံထားသည့် ကွန်ဖြူးရှပ် သဘောတရားဖြစ်သော မိသားစုစိတ်ဓာတ်ဖြင့် နှောင်တည်းထားမှုကို ဖြေလွှတ်ပေးလိုက်သလို ဖြစ်သွားမည်ကို စိုးရိမ်ကြသည်။

တရုတ်နိုင်ငံ ဒီမိုကရေစီကို အနောက်စံနှင့် တိုင်းတာ၍မရပေ။ သူတို့က ဘုံဝါဒဆိုသည့်စနစ်နှင့် ရင်းနှီးကျွမ်းဝင်ခဲ့ကြသူများဖြစ်သည်။ တစ်နည်းပြောရလျှင် ပဒေသရာဇ်စနစ်၊ အာဏာရှင်စနစ်အောက်တွင် နှစ်ပေါင်းများစွာ ရှင်သန်ခဲ့ကြရသူများဖြစ်ခြင်းကြောင့် အုပ်ထိန်းသူဖခင်နှင့်အကြီးအကဲ၏ အုပ်ချုပ်မှုစနစ်မျိုးကို လက်ခံထားကြသည်။ တစ်နည်းဆိုရလျှင် ထိန်းချုပ်မှုတစ်ခုအောက်တွင် မိသားစုအသွင်ဖြင့် စီးပွားရေးလုပ်ကိုင်ရခြင်းမျိုးကို သဘောကျသူများဟု ဆိုနိုင်သည်။

တရုတ်လူ့ဘောင်တွင် မည်သည့်နောက်ခံရှိပြီး မည်မျှပညာတတ်သည်ဆိုစေ ကွန်ဖြူးရှပ်၏တန်ဖိုးများကို သွေဖည်ပြီး ဆန့်ကျင်လုပ်ဆောင်ခြင်းမျိုးကို မတွေ့ရပေ။ သူတို့တွင် အနောက်နိုင်ငံများသို့သွားပြီး ပညာသင်ခဲ့သူများ၊ အလုပ်လုပ်ခဲ့သူများ ရှိသော်လည်း မိသားစုအပေါ် ချစ်မြတ်နိုးစိတ်၊ နိုင်ငံနှင့် လူမျိုးအပေါ် ခင်မင်တွယ်တာစိတ်များက ပိုပြီးကြီးမားကြသည်။ ယင်းသည် အစဉ်အဆက် ကွန်ဖြူးရှပ်၏ အတွေးအခေါ်နှင့် ကိုယ်ကျင့်တရားများအပေါ်တွင် အခြေခံနေကြောင်းလည်း တွေ့ရသည်။ 

မိသားစုဆိုသည့် သဘောတရားသည် တရုတ်လူ့ဘောင်တွင် အဆင့်တိုင်းနေရာတိုင်းတွင်ရှိသည်။ အထက်ပိုင်း မင်းစိုးရာဇာမှသည် အောက်ခြေကျောမွဲလူတန်းစားအထိ မိသားစုအပေါ် ညှာတာထောက်ထားရမည်ဆိုသည့် သဘောတရားများကို လိုက်နာကြသည်။ သူတို့၏ တိုင်းချစ်ပြည်ချစ်စိတ်များသည် ထိုသဘောတရားတွင် အခြေခံပြီး ဆင်းသက်လာသည်ဟု ဆိုရမည်။ ထို့ကြောင့် ဘာလုပ်ချင်သည်ဖြစ်စေမိသားစုကို ထောက်ထားရမည်၊ မိမိကြောင့် မိသားစုမျက်နှာမပျက်စေရ ဆိုသည့်ခံယူချက်များ ထားတတ်ကြောင်းလည်းတွေ့ရသည်။ ကွန်ဖြူးရှပ်က -

“ဤလောကတွင် အစဉ်အတိုင်း ဦးစားပေးစနစ်ဖြင့် တန်းစီထားရမည်ဆိုလျှင် နိုင်ငံတော်ဆိုသည်ကို ပထမနေရာတွင် ထားရမည်၊ ဒုတိယ မိသားစုကို နေရာပေးပြီးမှ မိမိဘဝကို ပျိုးထောင်ရမည်။ သို့မှသာ လူမှန်နေရာမှန်ရောက်နိုင်မည်”ဟု ဆိုခဲ့သည့်အတိုင်း တရုတ်တို့က နိုင်ငံတော်၊ မိသားစုနှင့် မိမိဆိုသည်ကို အဆင့်ခွဲကာ လုပ်ဆောင်ကြကြောင်းလည်းတွေ့ရသည်။ ကွန်ဖြူးရှပ်က -

“နိုင်ငံတော်၏အင်အားသည် မိသားစု၏ ဂုဏ်သိက္ခာက ဆင်းသက်လာသည်” ဟုဆိုထားသည်။ မိသားစု သို့မဟုတ် အိမ်ထောင်စုတစ်ခုတွင် ဂုဏ်သိက္ခာကို စတင်ထူထောင်လာမှ နိုင်ငံတော်လည်း ဂုဏ်သိက္ခာရှိပြီး ခိုင်မာသည့်နိုင်ငံတစ်နိုင်ငံ ဖြစ်လာစေနိုင်ကြောင်း ကွန်ဖြူးရှပ်ကပြောခဲ့သည်။

တရုတ်နှင့် စီးပွားရေးဆက်ဆံလိုသူတိုင်း သို့မဟုတ် တရုတ်စီးပွားရေးကို ယှဉ်လိုသူတိုင်းသည် ကွန်ဖြူးရှပ်၏ တရုတ်ယဉ်ကျေးမှုအပေါ် လွှမ်းမိုးနေမှုများအား လေ့လာသုံးသပ်နိုင်သူများဖြစ်ရန် လိုသည်။ သူတို့သည် ကွန်ဖြူးရှပ်၏ လမ်းစဉ်ကို လိုက်နာနေမှန်းသိပါမှ၊ ကွန်ဖြူးရှပ်က ဘာတွေဆိုခဲ့ကြောင်း သိထားပါမှ သူတို့ ဘာဆက်လုပ်နိုင်သည်ဆိုခြင်းကို အကဲခတ်နိုင်ပေလိမ့်မည်။

“ကိုယ်ကျိုးစီးပွားအတွက် လုပ်လွန်းသူသည် မုန်းတီးမှုများ တိုးပွားစေလိမ့်မည်” ဆိုသည့် ကွန်ဖြူးရှပ်သဘောတရားကိုလည်း တရုတ်တို့ လိုက်နာခဲ့သည်။ သူတို့အနောက်နိုင်ငံများနှင့် စီးပွားရေးဆက်ဆံရာ၌ ကိုယ်ကျိုးချည်းသက်သက်ပေါ်တွင်ကြည့်ကာ အတင်းအကျပ်လုပ်ဆောင်ခဲသည်။ သူတို့လိုချင် ဖြစ်ချင်သည့် ကိစ္စများကို သူတို့ဘက်သို့ မပါပါလာစေရန် မိတ်ဆွေသဘောနှင့် ချဉ်းကပ်ပြီးမှ ရယူသွားလေ့ရှိသည်။ သူတို့၏ ဗျူဟာမှာ ယုံကြည်မှုတည်ဆောက်သည်။ ရိုးသားကြောင်းပြသည်။ မည်မျှကိုယ့်မိတ်ဆွေအပေါ်တွင် သစ္စာရှိကြောင်း ဖော်ထုတ်သည်။ ဤသဘောတရားများဖြင့် နိုင်ငံရေး၊ စီးပွားရေးတို့ကို သိမ်းပိုက်နိုင်အောင် ကြိုးစားကြသည်ချည်းဖြစ်သည်။

ကွန်ဖြူးရှပ်စတိုင် စီးပွားရေးလုပ်ခြင်းဆိုသည်မှာ ကွန်ရက်ကြီးတစ်ခုကို ထူထောင်ခြင်းဖြစ်သည်။ တရုတ်တို့သည် အချင်းချင်းလည်း ကွန်ရက်ကြီးတစ်ခုကို တည်ဆောက်ပြီး ငွေအား၊ လူအား၊ အကြံဉာဏ်အားများကို တောင့်တင်းအောင် တည်ဆောက်ကြသလို နိုင်ငံတကာနှင့်ဆက်သွယ်ရာတွင်လည်း သူတို့အပေါ် ယုံကြည်မှုဖြင့် ကွန်ရက်ကိုထူထောင်တတ်ကြသည်။ ယုံကြည်မှုကွန်ရက်ကို တည်ဆောက်ရာတွင် သူတို့သည် နေ့ချင်း ညချင်း ပေါ်ပေါက်လာမည့် သဘောတရားတွေကို မသုံး။ ဖြတ်လမ်း မလိုက်။ ရေရှည်ကွန်ရက်တစ်ခု ထူထောင်ထားပြီး ရေရှည်ခိုင်မြဲသည့် ဆွေမျိုးပေါက်ဖော်ဖြစ်ရေးကို အလေးပေးသည်။ ထိုသို့လုပ်ဆောင်ရန်အတွက် ကွန်ဖြူးရှပ်က နည်းလမ်းပေးထားသည်။ 

“ကိုယ့်မိသားစုကို မသင်နိုင်ဘဲ အခြားသူများကို သင်ကြားနိုင်မည်မဟုတ်” ဆိုသည့်စကားကို ကွန်ဖြူးရှပ် လမ်းညွှန်ချက်တွင်တွေ့ရသည်။ ကိုယ့်အိမ်၊ ကိုယ့်နိုင်ငံအတွင်း ခိုင်မာသည့် ကွန်ရက်တစ်ခုကို မတည်ဆောက်ဘဲ အခြားသူများနှင့် စီးပွားရေးတွဲလုပ်ရန် မဖြစ်နိုင်။ ကိုယ်မတတ်ဘဲ သူများကိုမသင်နိုင်ဆိုသည့် သဘောတရားများကို တရုတ်တို့က နောကျေပြီးသားဖြစ်နေသောကြောင့် သူတို့ကို နားမလည်ဘဲ သူတို့နှင့် လက်တွဲလုပ်ရန်ဆိုသည်မှာ မဖြစ်နိုင်ဟုဆိုရခြင်းဖြစ်သည်။