News

POST TYPE

TIP

စတိဂျော့စ် (Steve Jobs) ပေးသည့် သင်ခန်းစာများ
05-May-2018



Apple ဆိုသည့် ပန်းသီးကိုက်ထားပုံလေးနှင့် ထုတ်ကုန်များကို လူတိုင်းသိကြသလို စိတ်ဝင်စားမှုလည်း ရှိကြသည်။ Apple ကို စတိဂျော့စ်ဆိုသည့် လူငယ်လေးတစ်ဦးက ၁၉၇၆ ခုနှစ်တွင် ကားဂိုဒေါင်တစ်ခုထဲတွင် စတင်ထူထောင်ခဲ့ခြင်းဖြစ်သည်။ ကမ္ဘာကျော်ပြီး ချမ်းသာလာအောင် သူလျှောက်ခဲ့ရသည့်လမ်းမှာ ယနေ့ခေတ် စွန့်ဦးလုပ်ငန်းရှင်လေးများအတွက် အတုယူဖွယ်ရာ ဖြစ်သည်။ စတိဂျော့စ် အဘယ်ကြောင့်အောင်မြင်ခဲ့ရသနည်း။

အောင်မြင်မှု၏ အစနှင့်အဆုံးသည် ဇွဲလုံ့လအပေါ်တွင် အခြေခံသည်

စတိဂျော့စ် အောင်မြင်ရသည့်အဓိကအကြောင်းမှာ ဆုံးရှုံးမှုပေါင်းများစွာကို ရင်ဆိုင်ခဲ့ရသောကြောင့်ဖြစ်သည်။ သို့သော် သူက ဆုံးရှုံးတိုင်း စိတ်ကူးသစ်တစ်ခုအတွက် လမ်းစဖြစ်သည်ဟု ခံယူပြီး ဆက်ကြိုးစားသည်။ သူထူထောင်ခဲ့သည့် Apple ကုမ္ပဏီက သူ့ကို ၁၉၈၅ ခုနှစ်တွင် အလုပ်ထုတ်လိုက်သည်။ လအနည်းငယ်အတွင်း သူက Pixar ဆိုသည့် ကုမ္ပဏီကို ထူထောင်လိုက်သည်။ ထို့နောက် NeXT ကိုထပ်ပြီး ထူထောင်သည်။ NeXT သည်လည်း မအောင်မြင်။ သို့သော် သူစိတ်ဓာတ်မကျ။ အင်တာဗျူးတစ်ခုတွင် သူက “အောင်မြင်တဲ့ စွန့်ဦးလုပ်ငန်းရှင်တိုင်းမှာ ဇွဲကောင်းကောင်းနဲ့မကြိုးစားဘဲ အောင်မြင်လာသူတွေ တစ်ဦးမှမရှိဘူး” ဟု ဆိုခဲ့သည်။ 

ကိုယ့်ဈေးကွက်ကို ကိုယ်ထူထောင်ပါ

စတိဂျော့စ်သည် ဈေးကွက်နှင့်ပတ်သက်သည့် ဆိုရိုးစကားများ၊ လမ်းညွှန်ချက်များကို သိပ်ပြီး အလေးထားသူတစ်ယောက်မဟုတ်ပေ။ သူက ဈေးကွက်သုတေသနဆိုသည့်ကိစ္စနှင့်ပတ်သက်ပြီး စကားတစ်ခွန်းပြောဖူးသည်။ “စားသုံးသူတွေဆိုတာ ကျွန်တော်တို့ မတီထွင်မချင်း သူတို့ဘာလိုချင်တယ်ဆိုတာ သိကြတာမဟုတ်ဘူး”ဟု ဆိုဖူးသည်။ ထို့ကြောင့်လည်း သူတီထွင်သမျှ ပစ္စည်းတိုင်းမှာ ထုတ်လိုက်လျှင် လူတိုင်းလိုလို မက်မောစရာဖြစ်သွားပြီး ဈေးကွက်တွင်လည်း ပေါက်သွားသည်က များသည်။ သူက စားသုံးသူကြိုက်နိုင်မည့်အရာကိုထုတ်ပြီး ဈေးကွက်က သူ့ထံလိုက်လာအောင် လုပ်ဆောင်နိုင်သူဖြစ်သည်။ ဥပမာ - ဈေးကွက်တွင် MP3 player တွေ ခေတ်စားနေချိန်တွင် iPod ကို သူ့နည်းသူ့ဟန်နှင့်ထုတ်ပြီး ပေါက်အောင်လုပ်နိုင်ခဲ့သည်။ 

သူ တီထွင်ထုတ်လုပ်လိုက်သမျှမှာ ရှေ့ပြေးဖြစ်နေတတ်သည်ကများသည်။ သူ့စိတ်ကူးက လိုအပ်ချက်ကို အမြဲတီထွင်နေသည်။ သူတီထွင်လိုက်သည့်အရာများသည် သူပထမဆုံးလုပ်ခဲ့သည့် အားထုတ်ခဲ့သည့် အရာများမဟုတ်ပေ။ သို့သော် သူ့တီထွင်မှုတစ်ခုဖြစ်အောင် ထူထောင်နိုင်သည်။ တစ်နည်းအားဖြင့် နည်းပညာလောကတွင် သူသာစွန့်ဦးတီထွင်ခဲ့သူအဖြစ် နာမည်ကျော်အောင် လုပ်နိုင်သည်။ ဥပမာ iPad သည် သူ့စိတ်ကူးမဟုတ်ပါ။ ၁၉၈၉ ခုနှစ်လောက်က GridPad ဆိုသည့် တက်ဘလက်ကို စိတ်ကူးသူတွေ လုပ်ကြည့်ကြသည်။ သို့သော် မပေါက်။ စတိဂျော့စ် ထလုပ်လိုက်သည့်အခါမှ iPad ဆိုသည့် တက်ဘလက်တွေက ကမ္ဘာကျော်သွားခဲ့ရသည်။ သူက သူ့ဈေးကွက်ကို ရအောင် ကိုယ်တိုင်ဖောက်နိုင်သည်။

အကောင်အထည်ဖော်ရာ ထူးချွန်ပါ

Apple ထုတ်သမျှ ပစ္စည်းတိုင်းသည် ဈေးကွက်သာမက သုံးစွဲသူတွေပါ စောင့်ကြည့်ရသည့်ပစ္စည်းဖြစ်သည်။ ထို့ပြင် ပြိုင်ဘက်တွေက သူ့နောက်ကိုလိုက်ပြီး ဆင်တူယိုးမှားတွေ ထုတ်ရသည်သာဖြစ်သည်။ သူက ဈေးကွက်ကို ဦးအောင်သိမ်းသည်။ သူများတွေက လက်ဦးမှုရယူထားလည်း သူက Apple ဆိုသည့် ပစ္စည်းကို ယုံကြည်မှု၊ ခိုင်မာမှုရအောင် လုပ်တတ်သည်။ သူလုပ်သမျှ ထူးချွန်အောင် လုပ်နိုင်စွမ်းရှိသည်မှာ မတွန့်ဆုတ်တတ်သည့်စိတ်ဓာတ်ကြောင့်လည်း ဖြစ်သည်။ 

သူ့အတွက် ဒီဇိုင်းသာမက အသုံးတည့်မှုကလည်း အရေးကြီးသည်။ ထို့ကြောင့် တီထွင်လျှင် အသေးစိတ် ဂရုစိုက်သည်။ သူက သူ့အမြင်တစ်ခုတည်းဘက်က မကြည့်။ အခြားအင်ဂျင်နီယာတစ်ယောက်ဆိုလျှင် မည်သို့ လုပ်မည်နည်းဆိုသည့် ရှုထောင့်ဘက်က ကြည့်တတ်သည်။ သူ့စိတ်ထားက မြင်ရသည့် ပြင်ပအသွင်အပြင်သာမက မမြင်ရသည့် အတွင်းပိုင်းပစ္စည်းအထိ ခံစားနိုင်ရမည်ဟု ဆိုသည်။ 

ကိုယ့်ဩဇာနှင့်ဂုဏ်သိက္ခာကို ထူထောင်ပါ

သူက ဈေးကွက်တွင် ဂုဏ်သိက္ခာနှင့် ဩဇာကို အလွန်တန်ဖိုးထားသည်။ ဈေးကွက်ကို ခေါင်းဆောင်လိုလျှင် ဂုဏ်သိက္ခာနှင့် ဩဇာရှိအောင် ထူထောင်ရမည်ဟု သူကမြင်သည်။ စတိဂျော့စ်သည် Apple ကုမ္ပဏီကို ၁၉၉၇ ခုနှစ်တွင် ပြန်ရောက်လာရသည်။ သူ့ကြောင့် Apple က ပြန်လည်ထောင်မတ်လာရပြီး ၂၀၁၀ ပြည့်နှစ်တွင် ကမ္ဘာ့ထိပ်တန်းကုမ္ပဏီကြီးတစ်ခုဆိုသည့် ဂုဏ်သိက္ခာကို ရယူနိုင်ခဲ့သည်။ သူက Apple ဆိုသည့် တံဆိပ်လေးကို နေရာတစ်ခုရစေရန် ပင့်တင်နိုင်ခဲ့သူဖြစ်သည်။ 

ရိုးရှင်းမှုကိုရောင်းချပါ

ရိုးရှင်းခြင်းသည် စတိဂျော့စ်၏ လက်ကိုင်မူဝါဒဖြစ်သည်။ Apple က ထုတ်သမျှ ပစ္စည်းတိုင်းသည် အလွယ်ကူဆုံး အသုံးပြုနိုင်မှုကို ဦးတည်ထားသည်။ သူက ခက်ခဲစွာ အသုံးပြုရခြင်းကို မကြိုက်။ သူထုတ်လုပ်သည့် ပစ္စည်းတိုင်းသည် လွယ်ကူရေး ပထမဖြစ်သည်။ ထို့ကြောင့် ပြိုင်ဘက်တွေနှင့် သဘောတရားချင်းတူလျှင်ပင် သူ့ပစ္စည်းတွေက သုံးရပိုလွယ်အောင် လုပ်ပေးထားသောကြောင့် လူပိုကြိုက်ကြသည်။ သူက လူတို့သည် ရိုးရှင်းစွာ သုံးနိုင်လျှင် ဈေးမကြောက်ဆိုသည့် သဘောတရားကိုလည်း ကောင်းစွာကျေညက်ထားသည်။ 

ပတ်ဝန်းကျင်မှာ လူတော်တွေထားပါ

စတိဂျော့စ် အောင်မြင်ရခြင်းကိုကြည့်လျှင် သူ့ဝန်းကျင်၌ အောင်မြင်သည့်ပညာရှင်တွေကို ထားခြင်းဆိုသည့် သဘောတရားတစ်ခုကိုလည်း သွားတွေ့ရသည်။ သူက သူသဘောကျသူတွေနှင့် အဖွဲ့အစည်းတစ်ခုကိုဖွဲ့ပြီး သူ့စိတ်ကြိုက်ပစ္စည်းများကို တီထွင်တတ်သည်။ သူက အတော်ဆုံးသူတွေကသာ အကောင်းဆုံး စိတ်ကူးတွေရှိပြီး သူ့ကို အများဆုံး အထောက်အပံ့ပေးနိုင်လိမ့်မည်ဟု ယုံကြည်ထားသည်။ 

ထို့ကြောင့်လည်း သူက တင်မ်ကွတ်ကို မွေးထားနိုင်ခဲ့သည်။ သူအငြိမ်းစား ယူလိုက်ချိန်တွင် တင်မ်ကွတ်ကို သူ့နေရာ လွှဲပေးနိုင်ခဲ့သည်။ သူက ကုမ္ပဏီ၏ အနာဂတ်ကို ကြိုတွက်ပြီးသားဖြစ်သည်။ သူ့အနာဂတ်ကိုလည်း သိထားသဖြင့် Apple ကို ဆက်ထိန်းနိုင်မည့် သူ့အရိုက်အရာကို ဆက်ခံနိုင်သူကို ရွေးချယ်မွေးထုတ်ပေးခဲ့သည်မှာ သူ့အမြော်အမြင်ကောင်းမှုသာဖြစ်သည်။