News

POST TYPE

TIP

အမှားများက သင်ခန်းစာရယူခဲ့သူ
13-Aug-2017 tagged as


“မှန်ကန်တဲ့ လုပ်ငန်းပုံစံရဖို့ အရေးကြီးတယ်”

ဗီမဲလ် ရူအီယာ (Vimal Ruia) နှင့် သူ့ဝမ်းကွဲညီအစ်ကိုသုံးယောက်သည် Ruia Group ဆိုသည့် မိသားစု အထည်အလိပ်လုပ်ငန်းကို ဦးဆောင်နေသည့် ဒုတိယ မျိုးဆက်များဖြစ်ကြသည်။ သူ့ဖခင်နှင့် ဦးလေးများသည် ရက်ကန်းချည်ထည်များကို ၁၉၅၀ ပြည့်နှစ်ခန့်ကတည်းက ဗြိတိန်နိုင်ငံသို့ အိန္ဒိယမှ တင်ပို့လာခဲ့ကြသူများဖြစ်သည်။ သူတို့တင်ပို့လိုက်သည့် ချည်ထည်ကုန်ကြမ်းများကို ဗြိတိန်ရောက်မှ ဆေးဆိုးကာ တစ်ဆင့်ပြန်လည်ရောင်းချကြခြင်းဖြစ်သည်။ 

သူတို့ချည်ထည်လုပ်ငန်းသည် ၂၅ နှစ်ခန့် အလွန် အကျိုးအမြတ်များသည့် လုပ်ငန်းကြီးတစ်ခု ဖြစ်နေပြီး နောက်ပိုင်းတွင် လမ်းကြောင်း အနည်းငယ် ပြောင်းခဲ့သည်။ အိပ်ရာခင်းများမှသည့် ပျော့ပျောင်းနူးညံ့သည့် ခြေအိတ်များအထိ နိုင်ငံခြားက တင်သွင်းမှုများကို ပြုလုပ်လာခဲ့သည်။ 

ခေတ်က အင်တာနက်ခေတ် ရောက်လာသဖြင့် ဆက်သွယ်ရေးစနစ်များက ကောင်းလာသည်။ ပို့ကုန်သွင်းကုန် လုပ်ငန်းများလည်း ပိုပြီး အဆင်ပြေလာပြီး သူတို့သည် အွန်လိုင်းကတစ်ဆင့် ဆက်သွယ်ရောင်းဝယ်မှုများ ပြုလာနိုင်သည်အထိ အောင်မြင်လာခဲ့သည်။ Ruia Group ဟူ၍ အခိုင်အမာ ထူထောင်နိုင်ခဲ့ခြင်းမှာ အဘယ်ကြောင့်နည်း။

Ruia Group ၏ စီးပွားရေးဒဿနက ရိုးရိုးလေးဖြစ်သည်။ ကိုယ့်ထံသို့ ပစ္စည်းပေးသွင်းနေသူများကို ကောင်းစွာ ဆက်ဆံ မွေးမြူထား၊ အစိုးရ သို့မဟုတ် ပတ်ဝန်းကျင်နှင့် ပြေလည်အောင် ဆက်ဆံ၊ ချမှတ်ထားသည့် စည်းကမ်းနှင့် ဥပဒေကိုလိုက်နာ၊ ကလေးလုပ်သားများကို မခိုင်းပါနှင့်သည် သူတို့လုပ်ငန်းစု အောင်မြင်ရေး၏ ဒဿနတစ်ခု ဖြစ်လာသည်။

ဗြိတိန်တွင် မန်ချက်စတာ အရပ်အနီးတွင် ဗစ်တိုးရီးယန်း အထည်စက်ရုံကြီးတစ်ရုံကို သူတို့ တည်ထားနိုင်ခဲ့သည်။ စတုရန်းပေ ၂၄၀ဝ၀ဝ ကျယ်ဝန်းသည့် စက်ရုံကြီးကို စနစ်တကျနှင့် လည်ပတ်နေခြင်းဖြစ်သည်။ စက်ရုံတွင် ရာပေါင်း များစွာသော အလုပ်သမားများကို ခန့်ထားခဲ့ပြီး ယခုအခါ စတာလင်ပေါင် သန်း ၄၀ ကျော်တန်သည့် လုပ်ငန်းကြီး ဖြစ်နေပြီ။

အလုပ်ဆိုသည်မှာ အသွေးအသားထဲက ဖြစ်လာရကြောင်း ရူအီယာက ဆိုသည်။

“ကျွ၁န်တော့်အဖေက အိန္ဒိယနိုင်ငံ မွမ်ဘိုင်းကနေ ဗြိတိန်ကို ရောက်လာခဲ့ရတာပါ။ သူနဲ့ ကျွန်တော့်ဦးလေးတို့က အိန္ဒိယနိုင်ငံကနေ ကုန်စည်တွေ ဗြိတိန်နိုင်ငံကို သွင်းကြတယ်။ အဲဒီကနေ လုပ်ငန်းကို စတင်ခဲ့ရတာပါ”

၁၉၈၀ ပြည့်နှစ်ပိုင်းလောက်တွင် အဖေနှင့် ဦးလေးတို့၏ မျိုးဆက်အမွေကို သူတို့ညီအစ်ကိုတွေက ဒုတိယမျိုးဆက်အဖြစ် လက်ခံခဲ့ပုံနှင့် ပတ်သက်ပြီး သူက -

“ကျွန်တော့်အဖေက ၁၉၈၇ ခုနှစ်မှာ လုပ်ငန်းတွေကနေ အနားယူခဲ့တယ်။ ကျွန်တော်တို့က လုပ်ငန်းကြီးကို ဘယ်လိုပုံစံပြောင်းပြီး ဆက်လက် လည်ပတ်ကြမလဲလို့ စဉ်းစားကြတယ်”

ယနေ့ သူတို့လုပ်ငန်းကြီးက ကဏ္ဍအလိုက် မိသားစုလုပ်ငန်းကြီးအဖြစ် ကိုယ်တာဝန်ယူထားသည့် အပိုင်းကို ထိန်းချုပ်ပြီး လုပ်ကိုင်နေသည်။ မည်သူ့ထံမှလည်း အမှီအခိုမယူဘဲ ကိုယ်ပိုင် ရပ်တည်ချက်များဖြင့် ရပ်တည်နိုင်စေရန် လုပ်ဆောင်နေကြခြင်းဖြစ်သည်။

“ကျွန်တော်တို့အားလုံး လွတ်လပ်စွာ လုပ်ကိုင်နိုင်ကြတယ်။ ကျွန်တော်တို့မှာ ကိုယ်ပိုင်စွမ်းရည်တွေ အသီးသီး ရှိကြတယ်။ ဒါကြောင့် မခွဲခြားဘဲ မကွဲမပြား လုပ်ကိုင်နေကြတယ်”ဟု ရုအီယာက ဆိုသည်။

သူတို့လုပ်ငန်း အဘယ်ကြောင့် အောင်မြင်ရသနည်း။ အောင်မြင်မှုသည် ထုတ်ကုန်နှင့် ဝန်ဆောင်မှုအပေါ်တွင် တည်နေကြောင်း သူကပြောပြသည်။ ကိုယ့်ထုတ်ကုန် အရည်အသွေးကို ရာသက်ပန် ထိန်းထားနိုင်ရမည်။

“လုပ်ငန်းမှာ အရေးကြီးတာက မှန်ကန်တဲ့ လုပ်ငန်းပုံစံချမိဖို့ပဲ။ ကိုယ့်အချိန်တွေ၊ ငွေတွေကို မှန်ကန်တဲ့ ထုတ်လုပ်မှုနဲ့ ဝန်ဆောင်မှုတွေမှာ ရင်းနှီးမြှုပ်နှံဖို့လိုတယ်။ ဒါမှ ရှေ့ဆက်နိုင်မှာပေါ့။ စိုးရိမ်ရမှာက ဈေးကွက်နဲ့ PR ပဲဗျ”

ရူအီယာက လုပ်ငန်းတစ်ခုလုပ်ရာတွင် အဆင့်တိုင်း အရေးကြီးကြောင်း ပြောပြသည်။ နိုင်ငံရပ်ခြားမှ အထောက်အပံ့ပေးနေသူများ၊ ထုတ်လုပ်သူများနှင့် လုပ်ငန်းများ လုပ်ကိုင်ရာတွင် အဆက်အသွယ် မပြတ်ရန် အရေးကြီးကြောင်း သူက လက်ခံထားသည်။ ထို့ကြောင့် သူနှင့် ဆက်သွယ်ထားသည့် လုပ်ငန်းနေရာတိုင်းကို လေယာဉ်ဖြင့် မကြာခဏ သွားရောက် လည်ပတ်လေ့ရှိသည်။ 

“နိုင်ငံတကာနဲ့ ကုန်သွယ်ရတာ ဆက်သွယ်ရမှု အပိုင်းမှာ လွန်ခဲ့တဲ့နှစ်ပေါင်း ၃၀ လောက်ကထက် ပိုပြီး လွယ်ကူလာပါတယ်။ ၉၀ ရာခိုင်နှုန်းလောက်ကို လွယ်ကူလာတာပါ။ လုပ်ငန်းလုပ်ဖို့ဆိုတာ အမြဲတမ်းလိုလို မျက်နှာချင်းဆိုင် တွေ့နေဖို့လိုတယ်”

သူ့လမ်းညွှန်ချက်က စိတ်ဝင်စားစရာ ဖြစ်သည်။ သူက သူ့စက်ရုံနှင့် ဆက်သွယ်ထားသည့် လုပ်ငန်းမှန်သမျှကို တိုက်ရိုက် ဆက်သွယ်နိုင်စေရန် ကြိုးစားသည်။ ထို့ကြောင့်လည်း လုပ်ငန်းသဘောတရားကို ကိုယ်တိုင်ဦးစီး လုပ်ကိုင်နိုင်ခြင်းဖြစ်သည်။

သူ၏ လုပ်ငန်းဆိုင်ရာ ကိုယ်ကျင့်တရားကလည်း ရှင်းသည်။ သူ့ကုမ္ပဏီတွင် လုပ်ကိုင်နေသည့် ဒါရိုက်တာတိုင်း လုပ်ငန်းဆိုင်ရာ ကိုယ်ကျင့်တရားများကို လိုက်နာကြရသည်။ 

“အမှားဆိုတာ လုပ်နိုင်တာပဲ။ အမှားလုပ်တာလည်း ခပ်ကောင်းကောင်းပဲ။ ဘာဖြစ်လို့လဲဆိုတော့ အမှားလုပ်မိမှ သင်ခန်းစာ ယူနိုင်မယ်။ နောက်တစ်ကြိမ် ပိုကောင်းအောင် လုပ်နိုင်မယ်”

မိမိဖောက်သည်များအပေါ် ဆက်ဆံရေးနှင့် ပတ်သက်ပြီး သူက -

“ခင်ဗျားတို့မှာ ဖောက်သည်တွေအပေါ် ဝန်ဆောင်မှု ကောင်းကောင်း မရှိဘူးဆိုရင် တစ်ခုခုတော့ လိုအပ်နေပြီ။ ဝန်ဆောင်မှု မကောင်းရင် ခင်ဗျားလုပ်ငန်းမှာ ကစားလို့မရဘူး။ ဝန်ဆောင်မှု ကောင်းကောင်းပေးခြင်းဟာ ခုခေတ်မှာ အနိမ့်ဆုံး ဖြစ်နေပြီ။ ကျွန်တော်တို့ အောင်မြင်မှုတွေ ရခဲ့တာ အွန်လိုင်းကနေမှာလိုက်ရင် နောက်တစ်နေ့မှာတဲ့ဆီကို ရောက်အောင် ဝန်ဆောင်မှုပေးနိုင်လို့ပဲ။ ဒါက ပုံမှန်လုပ်နေကျပဲ”

  • TAGS