News

POST TYPE

TIP

ဆုမတောင်းဘဲ ကြိုးစားခဲ့သူ
22-Jul-2017 tagged as

“လုပ်ငန်းလုပ်ရင် ဆုတောင်းသူမဖြစ်စေနဲ့”

ပေါလ်တပ်စ်တင် (Paul Tustain) သည် BullionVault  ဆိုသည့် ကုမ္ပဏီကို ထူထောင်ထားသူဖြစ်သည်။ သူ့လုပ်ငန်းမှာ အွန်လိုင်းကတစ်ဆင့် ရွှေချောင်း၊ ငွေချောင်းနှင့် ပလက်တီနမ်များကို ရောင်းချခြင်းဖြစ်သည်။ သူက ရွှေငွေရောင်းချလိုသူများကို အွန်လိုင်းကတစ်ဆင့် ရောင်းချ အကျိုးဆောင်ပေးသည့် လုပ်ငန်းကို လုပ်ဆောင်သူလည်းဖြစ်သည်။

အွန်လိုင်းကတစ်ဆင့် ရွှေငွေရောင်းချခြင်း လုပ်ငန်းကို လုပ်ဆောင်ရာတွင် သူသည် “Betfair” ဆိုသည့် နည်းပညာကို အသုံးပြုသည်။ နည်းပညာဖြင့် ရောင်းလိုသူ ဝယ်လိုသူများကို တိုက်ရိုက် ဆက်သွယ်ပေးကာ အွန်လိုင်းကသာ အရောင်းအဝယ် လုပ်ဆောင်နိုင်ရန် ဝန်ဆောင်ပေးခြင်းဖြစ်သည်။

BullionVault ကုမ္ပဏီအနေနှင့် အရောင်းအဝယ် လုပ်ပြီးလျှင် ကော်မရှင်အနေနှင့် ဝ.၈% သာ ယူလေ့ရှိသည်။ ကော်မရှင်ယူသည့် ပမာဏမှာ များလှသည်ဟု မဆိုသာသော်လည်း သူ၏ အဆက်အသွယ်များ ကောင်းမှုကြောင့် တစ်လသူ၏ ကော်မရှင်ခရငွေမှာ စတာလင်ပေါင် ၂ သန်းကျော်ရှိကြောင်း သိရသည်။ သို့သော် သူ့တွင် ရှိသည့်ဝန်ထမ်းက ၈ ဦးသာဖြစ်သည်။ 
သူ့လုပ်ငန်းအားလုံးက ကွန်ပျူတာနှင့်သာ လုပ်ဆောင်သည်။ ငွေအများကြီး ရှာနိုင်သည့် လုပ်ငန်းဆိုသော်လည်း သူ့ရုံးခန်းထဲတွင် ဝန်ထမ်းကတစ်ယောက်မှမရှိ။ သို့သော် သူ့ဝန်ထမ်းတွေက တစ်ကမ္ဘာလုံးတွင် ရှိနေသည်။ တစ်ပတ် ၇ ရက် လုပ်သည်။ တစ်နေ့လုံး၊ တစ်ညလုံး အလုပ် လုပ်နေကြသည်။ သို့သော် သူ့ရုံးခန်းထဲတွင် ဝန်ထမ်းရှိချင်မှရှိသည်။
 
တပ်စ်တင်သည် Betfair ဆိုသည့် ကွန်ပျူတာ ပရိုဂရမ်ကြီး တစ်ခုလုံးကို နောက်ကွယ်က ထိန်းချုပ်ထားပြီး လုပ်ငန်းကို လုပ်ကိုင်နေသူဖြစ်သည်။ နောက်ပိုင်းသူက အခြား ကုမ္ပဏီတစ်ခုကို ထူထောင်ပြန်သည်။ ထိုကုမ္ပဏီသည် ဆော့ဖ်ဝဲရေးသည့် ကုမ္ပဏီဖြစ်ပြီး ဗြိတိန်နှင့် နိုင်ငံတကာမှ ရှယ်ယာရှင်များကို အချိန်နှင့်တစ်ပြေးညီ သိလိုသည်များကို ဖြေရှင်းပေးနေသည်။တစ်နည်းအားဖြင့် ဗြိတိန်အစိုးရ၏ စာချုပ်များ၊ အခြားလုပ်ငန်းကြီးများ၏ ရှယ်ယာများ အရောင်းအဝယ်တို့ကိုလည်း သူက အကျိုးဆောင်ပေးနေသည်။

BullionVault ကို တပ်စ်တင်သည် ၂၀ဝ၅ ခုနှစ်ကတည်းက စတင် ထူထောင်ထားခြင်းဖြစ်သည်။ သူ့တွင်ရှိသော ရွှေချောင်း သုံးချောင်း၊ ငွေသား အနည်းငယ်ဖြင့် မိဘလုပ်ငန်းတွင် ဝင်ရောက် လုပ်ကိုင်ရင်းက ကြီးပွားအောင်မြင်လာခဲ့ရသူ ဖြစ်သည်။

သူကိုင်တွယ်လုပ်ဆောင်ရသည့် လုပ်ငန်းကြီးမှာ ပေါ့သေးသေးမဟုတ်။ ဘဏ်များနှင့်လည်း ချိတ်ဆက်ရသည်။ အစိုးရနှင့်လည်း ယုံကြည်မှုများ တည်ဆောက်ရသည်။ အဘယ်ကြောင့်ဆိုသော် သူကိုင်တွယ်ကစားနေရသည်မှာ “ရွှေ” ဖြစ်နေသောကြောင့်ပင်ဖြစ်သည်။

သူပထမဆုံး တည်ထောင်လိုက်သည့် Website မှာ www.galmarley.com ဖြစ်သည်။ ထို Website မှာ ပညာရေးအတွက် ပညာပေးရန်ဖြစ်သည်။ ရွှေနှင့် ငွေသမိုင်းများ၊ ခေတ်သစ် ရွှေနှင့်ငွေ အသုံးပြုမှုများ၊ ကမ္ဘာတစ်ဝန်းလုံးတွင် ရွှေကို ကုန်သွယ်နေကြသည့် သမိုင်းများကို သူက ရေးသားပြီး Website ပေါ် တင်ထားပေးသည်။ ဤသို့သော အနေအထားမှ ရွှေဝယ်ယူရောင်းချရေး ဈေးကွက်လိုင်းပေါ် ရောက်သွားခဲ့ရခြင်း ဖြစ်သည်။

၂၀ဝ၅ ခုနှစ် မတ်လက တပ်စ်တင်သည် သူ့လုပ်ငန်းကို စတာလင်ပေါင် ၂ သန်းဖြင့် မတည်ကာ ထူထောင်နိုင်ခဲ့သည်။ ရွှေကို အချောင်းများ၊ အတုံးများ ပြုလုပ်ထားပြီး ရောင်းဝယ်ရေးဆိုသည့် လုပ်ငန်းမှာ အွန်လိုင်းပေါ်တွင် ထိုစဉ်က စိတ်ပင်မကူးမိသည့် လုပ်ငန်းတစ်ခုဖြစ်သည်။ 

ရွှေကို လှောင်ချင်သူ၊ ဈေးကစားချင်သူတိုင်းအတွက် ကြားခံတစ်နေရာ ရှိမှဖြစ်မည်ကို တပ်စ်တင်က သိမြင်လာသည်။ သူ့အိမ်က တားမြစ် ကန့်ကွက်နေသည့်ကြားက သူသည် အွန်လိုင်း ရွှေချောင်း၊ ငွေချောင်း ရောင်းချရေး လုပ်ငန်းကို မရမက စတင် လုပ်ဆောင်ခဲ့သည်။ ယနေ့ဆိုလျှင် သူ့ဖောက်သည်တွေက နိုင်ငံပေါင်း ၈၅ နိုင်ငံတွင် ရှိနေသည်။ ရွှေချောင်း တစ်ချောင်းလျှင် ဒေါ်လာ ၅၀ဝ တန်အထိ သိမ်းဆည်းပေးထားပြီး အရောင်းအဝယ်များ လုပ်ပေးနေသည်။

တပ်စ်တင်၏ လုပ်ငန်းသည် အဘယ်ကြောင့် အောင်မြင်ခဲ့ရပါသနည်း။ သူပြောသည်ကတော့ ရှင်းသည်။

“ဘယ်သူမှ ဒီဝန်ဆောင်မှုမျိုးကို မလုပ်နိုင်ကြဘူးလေ”

သူအောင်မြင်ရသည့် အကြောင်းတရားထဲတွင် ကွန်ပျူတာ ဆော့ဖ်ဝဲနှင့် နိုင်အောင် ထိန်းချုပ်လုပ်ကိုင်နိုင်ခြင်းကလည်း ပါဝင်သည်။ ကွန်ပျူတာနှင့် အွန်လိုင်းကတစ်ဆင့် အရောင်းအဝယ် လုပ်နေသည်ဆိုခြင်းမှာ ရွှေလုပ်ငန်းကဲ့သို့ အရောင်းအဝယ်ကိစ္စတွင် မည်သူမျှ စိတ်ကူးယဉ်ခဲ့ရန်ပင် အကြောင်းမရှိပေ။ ဤလုပ်ငန်းသည် ယုံကြည်မှုတစ်ခုတည်းနှင့် လေရောင်း လေဝယ်လုပ်၍မရ။ တန်ဖိုးကို ကြိုတင်သွင်းရသည်များ၊ ကြိုတင်သွင်းထားသည်များ မှန်၊ မမှန်တို့ကို ဆော့ဖ်ဝဲ၏ အထောက်အကူမပါဘဲ လုံးဝ စစ်ဆေးရန်လည်း မဖြစ်နိုင်ပေ။

ဤကဲ့သို့သော လုပ်ငန်းမျိုးကို လုပ်ဆောင်ရန် ဆိုသည်မှာ တော်ရုံကျွမ်းကျင်မှုမျိုးနှင့်လည်း မဖြစ်နိုင်ပေ။ သူအဘယ်ကြောင့် အောင်မြင်ခဲ့ရကြောင်းကို တပ်စ်တင်က ပြောရာတွင် ရောင်းလိုအားနှင့် ဝယ်လိုအားကိုကြားမှ အင်တာနက် နည်းပညာကို အသုံးပြုပြီး ထိန်းညှိပေးလိုက်ရုံသာ ဖြစ်သည်ဟုဆိုသည်။ သို့သော် အပြောလွယ်သလောက် အလုပ်ခက်သည်။

“ကျွန်တော့်အတွက် အခက်ဆုံးကတော့ ဈေးကွက်ကို ချဲ့ရတာပဲ။ ဥပမာ - အမေရိကန် ပြည်ထောင်စုလို နေရာမျိုးမှာ ရွှေချောင်း အမှာမျိုးကို ရဖို့ခက်တယ်။ ဒါကြောင့် ဈေးကွက်သစ်တစ်ခုကို သိမ်းပိုက်ချင်ရင် ဖြည်းဖြည်းမှန်မှန်နဲ့ စိတ်ရှည်ဖို့ လိုတယ်။ မှန်ကန်တဲ့ လမ်းကြောင်းပေါ် ရောက်သွားရင်တော့ အမေရိကလည်း လုပ်ဆောင်ဖို့ မခက်တော့ပါဘူး”

သူကဆက်ပြီး -

“လူတွေက အလုပ် လုပ်ရင် ဆုတောင်းနေကြတာ များတယ်။ သူတို့မှာ စိတ်ကူးကောင်းတွေ ရှိကောင်း ရှိမယ်။ ဒါပေမဲ့ တစ်ခုခုကို ဆုတောင်းပြီးတော့ အားထုတ်ချင်စိတ်ကို ရပ်လိုက်တာဆိုးတယ်။ တစ်ခုခုထဲကို ဝင်ဖို့ အခက်အခဲ ဆိုတာဘာ၊ ဘာကြောင့် မဝင်နိုင်သေးတာလဲ ဆိုတာတွေကိုသိရင် ကျွန်တော်တို့မှာ ဘာပြဿနာမှ မရှိတော့ဘူး”

  • TAGS