မြန်မာနိုင်ငံ၌ နွေရာသီရောက်တိုင်း လျှပ်စစ်ဓာတ်အား လိုအပ်ချက် ကြီးမားနေသောကြောင့် တရုတ် အပါအဝင် နိုင်ငံလေးနိုင်ငံက ပိုလျှံနေသည့် လျှပ်စစ်ဓာတ်အားများကို ပြန်လည်ရောင်းချရန် လာရောက် ကမ်းလှမ်းမှုများရှိကြောင်း လျှပ်စစ်နှင့် စွမ်းအင်ဝန်ကြီးဌာန ဒုတိယ အမြဲတမ်း အတွင်းဝန် ဦးစိုးမြင့်က ပြောကြားသည်။

ပုဂံယဉ်ကျေးမှုဒေသရှိ နံရံ ဆေးရေးပန်းချီများနှင့် ဗိသုကာသုခုမ တန်ဖိုးများဖြင့် ထင်ရှားသော လောကထိပ်ပန်ဘုရား၊ ရွှေလိပ်တူးဘုရားနှင့် မြေဘုံသာ ဘုရားလှတို့ရှိ နံရံဆေးရေး ပန်းချီများကို အရေးပေါ် ပြုပြင်ထိန်းသိမ်းမှုများ ဆောင်ရွက်မည်ဖြစ်ကြောင်း ရှေးဟောင်း သုတေသနနှင့် အမျိုးသားပြတိုက် ဦးစီးဌာနထံမှ သိရသည်။

တာချီလိတ်မြို့နယ် မိုင်းဟဲ(အောက်) ကျေးရွာအုပ်စု ကျဆီးကျေးရွာတွင် သြဂုတ်လ ၈ ရက်နေ့ နံနက်ပိုင်းက နေအိမ်လေးလုံးကို ပူးပေါင်းအဖွဲ့က ဝင်ရောက်စီးနင်းဖမ်းဆီးရာ စိတ်ကြွဆေးပြားသန်း ၂၀ ကျော် အပါအဝင် မူးယစ်ဆေးဝါးများနှင့် လက်နက်များ ဖမ်းမိကြောင်း တာချီလိတ် အထွေထွေအုပ်ချုပ်ရေး ဦးစီးဌာနက ထုတ်ပြန်သည်။

မြစ်ကြီးနားနှင့် တနိုင်းကြား လီဒိုလမ်းမပေါ်၌ ယနေ့ (သြဂုတ်လ ၉ ရက်) နံနက် ၅ နာရီခန့်က လက်လုပ်မိုင်း ပေါက်ကွဲမှုကြောင့် လူနှစ်ဦး သေဆုံးကြောင်း ကချင်ပြည်နယ် ရဲတပ်ဖွဲ့မှူးရုံးထံမှ သိရသည်။

ချင်းပြည်နယ် ထန်တလန်မြို့နယ် ကျေးရွာများရှိ ပြောင်းစိုက်ခင်းများအတွင်း ကြွက်များ ဝင်ရောက် ဖျက်ဆီးသဖြင့် စိုက်ခင်းများ ပျက်ခဲ့ကြောင်း ထန်တလန်မြို့မှ ပြည်နယ်လွှတ်တော်ကိုယ်စားလှယ် ဒေါက်တာမူထန်က ပြောကြားသည်။

ရခိုင်ပြည်နယ်အတွင်း လုပ်ကိုင် ဆောင်ရွက်လျက်ရှိသော နိုင်ငံတကာ အဖွဲ့များ၏ ဆောင်ရွက်ချက်များကို ရခိုင်ပြည်နယ် အစိုးရ၏ ကြီးကြပ်မှုဖြင့် ဆောင်ရွက်ခွင့် ပြုသွားမည်ဖြစ်ကြောင်း ပြည်နယ်အစိုးရမှ ဩဂုတ်လ ၈ ရက်နေ့၌ ကြေညာချက် ထုတ်ပြန်ခဲ့သည်။

ပုသိမ်မြို့နှင့် အနောက်ဘက်မိုင် ၉၀ ခန့်အကွာ ရခိုင်ကမ်းလွန် လုပ်ကွက် အမှတ် A6 တွင် တစ်ရက်ပျမ်းမျှကုဗပေ သန်း ၅၀ ခန့်ထွက်ရှိမည့် သဘာဝဓာတ်ငွေ့သိုက်ကို မြန်မာ အမျိုးသားပိုင် ရေနံကုမ္ပဏီက တွေ့ရှိခဲ့သည်ဟု လျှပ်စစ်နှင့် စွမ်းအင်ဝန်ကြီးဌာန ပြည်ထောင်စုဝန်ကြီး ဦးဝင်းခိုင်က ပြောကြားသည်။

H1N1 ရာသီတုပ်ကွေးနှင့် H5N1 (ကြက်ငှက်တုပ်ကွေးရောဂါ)ဖြစ်ပေါ်နေခြင်းကြောင့် ပြည်မြို့တွင် တစ်ပတ်အတွင်း ကြက်ဥဝယ်ယူသူ နည်းပါးသွားပြီး ကြက်ဥဈေးသည် သုံးပုံတစ်ပုံခန့် ဈေးထိုးကျသွားပြီး တစ်လုံးကို ကျပ် ၄၀ ခန့်အထိဖြစ်ကြောင်း၊ ပြည်မြို့ ကြက်ဥ၊ ကြက်သား ရောင်းဝယ်ရေး လုပ်ကိုင်သူများက ပြောကြားသည်။

မြန်မာ-ဘင်္ဂလားဒေ့ရှ် နယ်ခြားစည်းရိုး ကာရံမှု ၄၂မိုင် ကျန်ရှိနေသေးကြောင်း ဒုသမ္မတ(၁)ဦးမြင့်ဆွေ ဦးဆောင်သည့် ရခိုင်ပြည်နယ် မောင်တောဒေသ စုံစမ်းစစ်ဆေးရေး ကော်မရှင်၏ ယနေ့ (သြဂုတ်လ ၆ ရက်)ထုတ် အစီရင်ခံစာတွင် ဖော်ပြထားသည်။

မန္တလေးတိုင်းဒေသကြီး သပိတ်ကျင်းမြို့နယ် အုန်းဇုန်းကျေးရွာအုပ်စု ကွင်း (၃၀) ကျေးရွာမြောက်ဘက်ရှိ ရွှေသီဟမြန်မာစည်သူ ကုမ္ပဏီဟောင်းတွင် လူတစ်စုက ဓားဖြင့်ခုတ်ကာ ငွေနှင့်ရွှေဖြုန်း (ရွှေစပါသည့် မြေသားအစိုင်အခဲ) အိတ်များ လုယူမှု ဖြစ်ပွားခဲ့ကြောင်း သပိတ်ကျင်း မြို့မရဲစခန်းထံမှ သိရှိရသည်။

ဟားခါးမြို့ ပြည်သူ့ဆေးရုံတွင် ရာသီတုပ်ကွေး H1N1 ဖြင့် ဆေးကုသမှု ခံယူနေသူနှစ်ဦး ကျန်းမာရေး ပြန်လည်ကောင်းမွန်လာကြောင်း ယင်းဆေးရုံအုပ်ကြီး ဒေါက်တာတင်လှက ပြောကြားသည်။

ရှမ်းပြည်နယ် အရှေ့ပိုင်းရှိ မြို့နယ် ၁၀ မြို့နယ်အနက် လူဦးရေ ထူထပ်သည့် ကျိုင်းတုံမြို့နယ်နှင့် တာချီလိတ်မြို့နယ်တို့တွင် မူးယစ်ဆေးဝါး သုံးစွဲမှု ဖြတ်တောက်ပြီးသူများနှင့် မူးယစ်ဆေး သုံးစွဲသူများကို စေတနာ့ ဝန်ထမ်းများဖြင့် စောင့်ကြည့်မည်ဖြစ်ကြောင်း ယင်းပြည်နယ် လူမှုဝန်ထမ်း ဦးစီးဌာနမှူး ဦးကျော်သူနိုင်က ပြောကြားသည်။

ပဲခူးတိုင်း ထန်းတပင်မြို့နယ် ထန်းတပင်-ဇရပ်ကြီး-မုပ္ပလင်လမ်းမပေါ်ရှိ ကျုးကျော်ဆိုင်ခန်းများ၊ နေအိမ်များ၊ ခြံစည်းရိုးများကို ဖယ်ရှားပေးရန် ပဲခူးတိုင်းဒေသကြီး လမ်းဦးစီးဌာနမှ စာထုတ်ပြန်ထားကြောင်း ထန်းတပင်မြို့နယ် လမ်းဦးစီးဌာန အရာရှိတစ်ဦးက ပြောကြားသည်။

တနင်္သာရီ တိုင်းဒေသကြီး မြိတ်မြို့တွင် ဩဂုတ်လ ၅ ရက် နံနက်က မိုးသည်းထန်စွာ အဆက်မပြတ် ရွာသွန်းမှုကြောင့် မြေနိမ့်ပိုင်း ရပ်ကွက်များဖြစ်သည့် မြိတ် တောင်၊ အောင်မင်္ဂလာ၊ ရာပြည့်၊ ပါရမီ၊ ရွှေပြည်တန်၊ ကန်ဖျားမြေနီလမ်းနှင့် တပ်ပြင်ရပ်ကွက်တို့ရှိ မြေနိမ့်ပိုင်းနေအိမ် အချို့နှင့် လမ်းမများပေါ်သို့ ရေလျှံမှုများ ဖြစ်ပေါ်ခဲ့သည်။

မန္တလေးတိုင်းဒေသကြီး သပိတ်ကျင်းမြို့နယ် ၇ မိုင်ကျေးရွာအုပ်စု အုန်းတကူးကျေးရွာအနီးတွင် ပြောက်ကျားဝတ်စုံများ ဝတ်ဆင်ထားပြီး လက်နက်ကိုင်ဆောင်သူများ ဝင်ရောက်လာသည်ကို တွေ့ရှိရကြောင်း အမျိုးသမီးတစ်ဦး၏ အဆိုအရ တပ်မတော် စစ်ကြောင်းနှစ်ခုက လိုက်လံရှာဖွေခဲ့ရာ ပြောက်ကျားဝတ်စုံများ ဝတ်ထားပြီး အလုပ်လာလုပ်သည့် လီဆူတိုင်းရင်းသားများ ဖြစ်နေကြောင်း ကျောက်ကြီးကျေးရွာ၊ အမှတ် (၁) သိပ္ပံနည်းပညာတပ်မှ တာဝန်ရှိသူတစ်ဦးက ပြောကြားသည်။