ပြည်ပ ချေးငွေ ရယူ၍ စီမံကိန်းနှင့် လုပ်ငန်းအကောင်အထည်ဖော်ဆောင်ရာတွင် ၅၀ ရာခိုင်နှုန်းအောက်သာ အကောင်အထည်ဖော်နိုင်သည့် ဝန်ကြီးဌာနနှင့် နိုင်ငံတော်ပိုင် စီးပွားရေး အဖွဲ့အစည်း စုစုပေါင်း ၁၁ ခုရှိနေကြောင်း ပြည်ထောင်စု စာရင်းစစ်ချုပ်နှင့် ပြည်သူ့ငွေစာရင်း ပူးပေါင်းကော်မတီတို့က လွှတ်တော်သို့ တင်ပြထားသည်။

စစ်ကိုင်းတိုင်းဒေသကြီး၊ ဖောင်းပြင်မြို့နယ် ညောင်ပင်သာကျေးရွာ သင်္ချိုင်းကုန်းအနီး လယ်စောင့်တဲပေါ်တွင် မူးယစ်ဆေးဝါး သုံးစွဲနေသည့် လူ ၄ ဦးကို ဝင်ရောက်ဖမ်းဆီးရာ ဓားဖြင့်ပြန်လည်ခုခံခဲ့သဖြင့် သေနတ်ဖြင့် ပစ်ခတ်ဖမ်းဆီးရာမှ အမျိုးသားတစ်ဦး ကျည်ဆန်ထိမှန်သေဆုံးခဲ့ကြောင်း ဖောင်းပြင်မြို့မရဲစခန်းထံမှ သိရသည်။

မကွေးတိုင်းဒေသကြီးအတွင်း လျှပ်စစ်မီးလင်းရေးအတွက် လာမည့်ဘဏ္ဍာရေးနှစ်တွင် ကျပ် ၃၆ ဘီလီယံအထိ သုံးစွဲမည်ဖြစ်ကြောင်း တိုင်းဒေသကြီး လျှပ်စစ်နှင့်စွမ်းအင်ဝန်ကြီး ဦးမြင့်ဇော်က ပြောကြားသည်။

စစ်ကိုင်းတိုင်းဒေသကြီး၊ ထီးချိုင့် မြို့နယ်နှင့် ဗန်းမောက်မြို့နယ်တို့တွင် ဩဂုတ်လ ၉ ရက်နေ့က တစ်ရက်အတွင်း ကျပ်သိန်း ၁၀၀ ကျော်တန်ဖိုးရှိ မူးယစ်ဆေးဝါးများကို ဖမ်းဆီးရမိခဲ့ကြောင်း မြို့နယ်ရဲစခန်း များမှ စုံစမ်းသိရှိရသည်။

တိုင်းနှင့် ပြည်နယ်အချို့တွင် မိုးသည်းထန်စွာရွာသွန်း၍ ရေကြီးရေလျှံမှုများ ဖြစ်ပေါ်လျက်ရှိသောကြောင့် ရေဘေးသင့်ဒေသများ၏ ပြန်လည်ထူထောင်ရေးလုပ်ငန်းများတွင် ပူးပေါင်းပါဝင်ရန် ဖိတ်ခေါ်ထားကြောင်း မြန်မာနိုင်ငံ ဆန်စပါးအသင်းချုပ်ထံမှ သိရသည်။

ချောက်မြို့၏ မြောက်ဘက်နှစ်မိုင်ခန့်အကွာ ရွှေပုံတောင်ရဲကင်းအနီးနှင့် စဥ့်ကူရဲစခန်းကြားရှိ ချောက်-ညောင်ဦးသွား ကားလမ်းပေါ်ရှိ စဥ့်ကူးချောင်းရေသည် ယနေ့ (သြဂုတ် ၁၀ ရက်) ညနေ ၅ နာရီအချိန်ခန့်မှစတင်ပြီး ကျလာနေသဖြင့် မော်တော်ယာဉ်များ ဖြတ်သန်းသွားလာခွင့် ယာယီပိတ်ထားကြောင်း

ထားဝယ်ခရိုင်၊ လောင်းလုံးမြို့နယ်ရှိ ရှင်ကိုးရှင်စာရင်းဝင် ရှင်မော်တောင်နှင့် လမ်းတစ်လျှောက်တွင် မြေပြိုကျမှုများဖြစ်ပေါ်နေသည့်အတွက် ရှင်မော်ဘုရားဂေါပကအဖွဲ့အဝင်အချို့နှင့် ဈေးသည်အချို့ ပိတ်မိနေကြောင်း ၎င်းတို့ကို သွားရောက်ကူညီရန် ကြိုးစားနေသည့် အရေးပေါ်လူနာကူညီသယ်ဆောင်ရေးအဖွဲ့များထံမှ သိရသည်။

မွန်ပြည်နယ်၊ ပေါင်မြို့နယ်၊ ရန်ကုန်-မော်လမြိုင် ကားလမ်းဘေးရှိ သဲဖြူကုန်းကျေးရွာတွင် သြဂုတ် ၉ ရက် နံနက်ပိုင်းက သဲဖြူကုန်းတောင်(ဒေသအခေါ် ရဲပြားကုန်းတောင်)ပြိုကျမှုကြောင့် လူနေအိမ် ၁၆ လုံးနှင့် ဘုန်းကြီးကျောင်း တစ်ကျောင်း၊ မော်တော်ယာဉ်မျာအပေါ် ကျောက်/မြေသားများ ဖုံးလွှမ်းခဲ့သဖြင့် ရဟန်းတစ်ပါးအပါအ၀င် ၃၇ ဦး သေဆုံးခဲ့ကြောင်း ပြည်ထဲရေးဝန်ကြီးဌာန၏ ထုတ်ပြန်ချက်အရ သိရသည်။

လှည်းကူးမြို့နယ်၊ မှော်ဘီမြို့နယ်နှင့် တိုက်ကြီးမြို့နယ်အတွင်း လယ်သမားများထံမှ သိမ်းဆည်းထားသော လယ်ယာမြေများကို သြဂုတ် ၁၀ ရက်တွင် တိုက်ကြီးမြို့နယ်၊ ရွှေဂျိုးဖြူခန်းမ၌ တောင်သူများထံ ပြန်လည်ပေးအပ်ခဲ့သည်။

ပဲခူးတိုင်း ဖြူးမြို့နယ် အနောက်ဖြူးချောင်းရေလှောင်တမံသည် ယနေ့ (သြဂုတ်လ ၁၀) နံနက် ၇ နာရီ ၄၀ မိနစ်ခန့်မှ စတင်ပြီး ရေပိုလွှဲမှ ရေကျော်နေပြီဖြစ်ကြောင်း ဖြူးချောင်းတမံက ထုတ်ပြန်သည်။

ရန်ကုန်-မန္တလေး အမြန်လမ်း နေပြည်တော်ကောင်စီနယ်မြေ အဝင် အထွက်နေရာများတွင် သြဂုတ်လ ၈ ရက်နေ့က လိုင်စင်မဲ့ယာဉ် ငါးစီးဖမ်းဆီးရမိခဲ့ပြီး ယာဉ်မောင်းနှစ်ဦး တိမ်းရှောင်နေကြောင်း အမြန်လမ်းရဲတပ်ဖွဲ့မှူးရုံးမှ သိရသည်။

ချင်းပြည်နယ်အတွင်း အထက်တန်းပြကျောင်းဆရာ၊ ဆရာမ လိုအပ်ချက်မှာ ၄၀၀ ကျော်ရှိကြောင်း ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီးက ပြောကြားသည်။

လာမည့်ဘတ်ဂျက်နှစ်တွင် နိုင်ငံအဝန်းမှ အခွန်အကောက်ရငွေ စုစုပေါင်း ဘီလီယံ ၇၀၀၀ ကျော် (ကျပ်သန်းပေါင်း ၇,၈၆၉,၃၉၇ ဒသမ ၈၈၄ ) ရရှိမည်ဟု မျှော်မှန်းထားကြောင်း စီမံကိန်းနှင့် ဘဏ္ဍာရေးဝန်ကြီးဌာန၏ လျာထားချက်တွင် တွေ့ရှိရသည်။

တိုက်ကြီးမြို့နယ်၊ ဥက္ကံ၊ ဖလုံရွာမကျေးရွာအုပ်စုတွင် မိုးသည်းထန်ပြီး တောင်ကျချောင်းရေများ၍ သြဂုတ်လ ၈ ရက်၊ နံနက် ၁ နာရီခန့်မှစ၍ နေအိမ် ၁၀၀ ခန့် ရေဝင်နစ်မြုပ်ခဲ့ပြီး လယ်ဧက ၈၀ ခန့်လည်း ရေနစ်မြုပ်နေကြောင်း ဖလုံရွာမကျေးရွာအုပ်စု ကျေးရွာသားများထံမှ သိရှိရသည်။

အမြန်လမ်းရဲတပ်ဖွဲ့၏အားနည်းချက်များကို အသိပေးတိုင်ကြားနိုင်မည့် တပ်ဖွဲ့စုမှူးနှစ်ခုနှင့် ဒုတပ်ဖွဲ့စုမှူးရုံးသုံးခု၏ ဖုန်းနံပတ်များကို အမြန်လမ်းရဲတပ်ဖွဲ့မှူးရုံးက သြဂုတ် ၈ ရက်၊ မွန်းလွဲပိုင်းတွင် ထုတ်ပြန်သည်။