News

POST TYPE

REGIONAL

အမြန်လမ်းရဲတပ်ဖွဲ့အားနည်းချက်များကို အသိပေးတိုင်ကြားရန် ဖုန်းနံပတ်များ ထုတ်ပြန်
08-Aug-2019
တောင်ငူ၊ သြဂုတ် ၈

အမြန်လမ်းရဲတပ်ဖွဲ့၏အားနည်းချက်များကို အသိပေးတိုင်ကြားနိုင်မည့် တပ်ဖွဲ့စုမှူးနှစ်ခုနှင့် ဒုတပ်ဖွဲ့စုမှူးရုံးသုံးခု၏ ဖုန်းနံပတ်များကို အမြန်လမ်းရဲတပ်ဖွဲ့မှူးရုံးက သြဂုတ် ၈ ရက်၊ မွန်းလွဲပိုင်းတွင် ထုတ်ပြန်သည်။

တပ်ဖွဲ့စုမှူးရုံး(မန္တလေး) ၀၉-၂၅၀၆၈၆၁၀၀၊ တပ်ဖွဲ့စုမှူးရုံး(နေပြည်တော်) ၀၉-၇၇၃၅၄၉၁၈၈၊ ဒုတပ်ဖွဲ့စုမှူးရုံး(ရန်ကုန်) ၀၉-၄၀၁၈၈၈၈၀၇၊ ဒုတပ်ဖွဲ့စုမှူးရုံး(ဖြူး) ၀၉-၄၂၃၆၇၁၃၂၄နှင့် ဒုတပ်ဖွဲ့စုမှူးရုံး(သီးကုန်း) ၀၉-၄၂၈၄၈၀၇၆၆ တို့ကို ဆက်သွယ်အသိပေး တိုင်ကြားနိုင်မည်ဖြစ်သည်။

“အပြုသဘော အကြံပြုတာကိုလည်းလက်ခံသလို ချွတ်ယွင်းချက်ကလေးတွေကို အသိပေးတိုင်ကြားမှုကိုလည်း ကြိုဆိုပါတယ်။ အမြန်လမ်းမကြီးပေစ့်မက်ဆင်ဂျာကလည်း လက်ခံပေးနေသလို ဘိုက်ဘာတွေ၊ ဖုန်းတွေနဲ့လည်း အသိပေးနိုင်ပါတယ်”ဟု အမြန်လမ်း တပ်ဖွဲ့စုမှူးရုံး (မန္တလေး) မှ တာဝန်ရှိသူတစ်ဦးက ပြောကြားသည်။

အမြန်လမ်းမကြီးရဲတပ်ဖွဲ့ဝင်များအနေဖြင့် ၂၄ နာရီ ဝန်ဆောင်မှုပေးနေသည့်အပြင် အမြန်လမ်းတစ်လျှောက် ထူးခြားဖြစ်စဉ်များနှင့် သတိပြုရမည့်အခြေအနေများကို အချိန်နှင့်တစ်ပြေးညီသိရှိစေရန် ၂၀၁၈ ခုနှစ် သြဂုတ်လမှစပြီး အမြန်လမ်းမကြီး ရဲတပ်ဖွဲ့မှူးရုံး Page မှတစ်ဆင့် ဖော်ပြပေးနေကြောင်း အမြန်လမ်းရဲတပ်ဖွဲ့ထံမှ သိရှိရသည်။

R-15