News

POST TYPE

REGIONAL

ခန္တီးမြို့အနီး ချင်းတွင်းမြစ်ရေကြီး၍ အနိမ့်ပိုင်းကျေးရွာများ ရေလွတ်ရာ ပြောင်းရွှေ့
14-Jul-2019

ကလေး၊ ဇူလိုင် ၁၄

စစ်ကိုင်းတိုင်းဒေသကြီး ခန္တီးမြို့အတွင်း ချင်းတွင်းမြစ်ရေသည် ဇူလိုင်လ ၁၄ ရက်နေ့ မနက် တိုင်းထွာချက်အရ စိုးရိမ်ရေမှတ်ကျော်လွန်ရောက်ရှိနေပြီး အနိမ့်ပိုင်းကျေးရွာတစ်ချို့တွင် ရေ၀င်ရောက်သဖြင့် လူများ ပြောင်းရွှေ့နေထိုင်မှုများ ရှိလာကြောင်း ခန္တီးမြို့နယ် အထွေထွေအုပ်ချုပ်ရေးမှူးရုံးမှ သိရသည်။

ခန္တီးမြို့အနီး ချင်းတွင်းမြစ်ရေသည် ယနေ့ နံနက် တိုင်းထွာချက်အရ စိုးရိမ်ရေမှတ် ၁၃၆၀ စင်တီမီတာ ၏ အထက် ၁၃၇၈ စင်တီမီတာ တွင် ရောက်ရှိနေပြီဖြစ်သည်။

ယင်းအတွက်ကြောင့် ခန္တီးမြို့နယ် ချင်းတွင်းမြစ်ကမ်းဘေးရှိ အနိမ့်ပိုင်းကျေးရွာများဖြစ်သည့် ဆင်သေကျေးရွာ၊ ရွှေမြင့်မိုရ်ကျေးရွာနှင့် နန်းဖီးလင်းကျေးရွာတို့တွင် မြစ်ရေများ ၀င်ရောက်နေပြီဖြစ်သည်။

မြစ်ရေ၀င်ရောက်မှုကြောင့် ဆင်သေကျေးရွာမှ အိမ်ထောင်စု ၆၆ စု၊ ရွှေမြင့်မိုရ်ကျေးရွာမှ အိမ်ထောင်စု ၁၃ စုနှင့် နန်းဖီးလင်းကျေးရွာမှ အိမ်ထောင်စု ၂၂ စုတို့သည် ရေလွတ်ရာဆွေမျိုးများ အိမ်သို့ ပြောင်းရွှေ့နေထိုင်နေရပြီဖြစ်ကြောင်း ခန္တီးမြို့နယ် အထွေထွေအုပ်ချုပ်ရေးမှူး ဦးခင်မောင်ဆင့်က ပြောသည်။