News

POST TYPE

REGIONAL

ပျူ ရှေးဟောင်းအဆောက်အအုံအချို့ မိုးကြောင့်ပျက်စီး
12-Sep-2018



ပြည်၊ စက်တင်ဘာ ၁၁

ကမ္ဘာ့အမွေအနှစ်စာရင်းဝင်ဖြစ်ပြီး ပဲခူးတိုင်းဒေသကြီး ပြည်မြို့အနီးရှိသည့် သရေခေတ္တရာပျူမြို့ဟောင်းရှေးဟောင်း ဇုန်အတွင်း ယခုနှစ်မိုးတွင်းကာလတွင် မိုးများခဲ့မှုကြောင့် ရှေးဟောင်းအဆောက် အအုံအချို့နှင့် ဇုန်ပတ်လမ်းပျက်စီးမှုများဖြစ်ပေါ်ခဲ့ကြောင်း ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ကမ္ဘာ့အမွေအနှစ်ဌာနခွဲ သရေခေတ္တရာဌာနစု ဒုတိယညွှန်​ကြား​ရေးမှူး ဦး​ကျော်​မျိုးဝင်းက ​ပြောကြားသည်​။

မိုးသည်းထန်စွာ ရွာသွန်းခဲ့မှုကြောင့် မြို့ဟောင်းအတွင်း မြို့ရိုးတစ်ခု၏ နေရာအချို့တွင် ရေစိမ့်ကာပျက်စီးခြင်း၊ ရှေးဟောင်းဘာသာရေးအဆောက်အအုံတစ်ခုဖြစ်သည့် ဘုရားထောင်ဘုရား မြောက်ဘက်နံရံအိကျလာခြင်းနှင့် မြေသားလမ်းများဖြစ်သည့် ဇုန်ပတ်လမ်းများပျက်စီးခြင်းတို့ဖြစ်ပေါ်ခဲ့ကြောင်း ယင်းဌာနမှ သိရသည်​။

“ဒီနှစ်အတွင်းမှာ မိုးတွေတအားကြီးတဲ့အတွက်ကြောင့် လမ်းတွေပျက်တာရှိတယ်။ ဇုန်ပတ်လမ်းတွေပျက်စီးမှုမှာ ဘတ်ဂျက်ကလည်းမရှိတော့ ဌာနက ယောကျာ်းလေးတွေစုပြီး လမ်းပြင်တာတွေကိုပြုလုပ်နေပါတယ်”ဟု ဦးကျော်မျိုးဝင်းက ​ဆိုသည်​။

အဆိုပါ ပျက်စီးမှုများအတွက် ​နေပြည်တော်ဌာနသို့ တင်ပြထားပြီး ဘုရားထောင်ဘုရား​ ရှေးဟောင်းအဆောက်အအုံမှာ အကြီးစားပြင်ဆင်မှုများလုပ်ဆောင်ရမည်​ဖြစ်ကြောင်း ၎င်းက ဆက်​လက်ပြော ကြားသည်​။

မိုးများမှုကြောင့် ဇုန်အတွင်း ရဟန္တာကန်အတက်နေရာ၊ မိဖုရားသင်္ချိုင်းနှင့် ကုန်းအမှတ် (၅၃)၊ ပျူအရိုးအိုးသင်္ချိုင်းသို့ သွားရာနေရာများတွင် ဌာနရှိ ယောကျာ်းလေးများစုစည်းကာ ကိုယ်ထူကိုယ်ထလမ်း ပြင်နေမှုများကိုလည်း ဆောင်ရွက်ခဲ့ကြောင်း အဆိုပါဌာနထံမှ သိရသည်။ 

ရှေးဟောင်းအဆောက်အအုံ ပျက်စီးမှုကိုပြင်ဆင်ရန် ဘတ်ဂျက်ကို နေပြည်တော်သို့တင်ပြထားပြီး ဘတ်ဂျက်ကျသည့်နှင့် တစ်ပြိုင်နက် ပြင်ဆင်ထိန်းသိမ်းမှုလုပ်ငန်းများကို လုပ်ဆောင်သွားမည်ဖြစ်ကြောင်း ယင်းဌာနတာဝန်ရှိသူများထံမှ သိရသည်။

သရေခေတ္တရာမြို့ဟောင်းသည် ပြည်မြို့၏တောင်ဘက် ငါးမိုင်ခန့်အကွာတွင် တည်ရှိပြီး အေဒီ ၄ ရာစုမှ အေဒီ ၉ ရာစုအတွင်း ထွန်းကားခဲ့သောရှေးပျူမြို့ဟောင်းတစ်မြို့ ဖြစ်ကာ မြို့ရိုး၊ ကျုံး၊ နန်းတော်ရာ၊ ဘာသာရေးဆိုင်ရာ အဆောက်အအုံများ၊ ဒင်္ဂါးများ၊ ဆင်းတုတော်များ၊ ပျူကချေသည်အရုပ်များနှင့် ရွှေပေလွှာများကိုတွေ့ရှိခဲ့ရပြီး မြို့ရိုးပတ်ပတ်လည်မှာ ၈ မိုင် ၅ ဖာလုံရှည်လျားပြီး ဧရိယာ အားဖြင့် ၅ ဒသမ ၅ စတုရန်းမိုင်ကျယ်ဝန်းသည်။

M-06