News

POST TYPE

POPULAR POST

ဆန္ဒပြသူနာပြု သင်တန်းသားများကို အရေးယူမည်
17-Mar-2017 tagged as


နေပြည်တော်၊ မတ် ၁၆

သူနာပြုများ ဖိနှိပ်ခံရသည်ဟုဆိုကာ ရန်ကုန်မြို့တွင် ဆန္ဒပြခဲ့သော သူနာ ပြုကျောင်းသူ၊ ကျောင်းသားများကို ကျောင်းစည်း မျဉ်းစည်းကမ်းနှင့်အညီ အရေးယူ ဆောင်ရွက်သွားမည်ဖြစ်ကြောင်း အမြဲတမ်း အတွင်းဝန် ပါမောက္ခ ဒေါက်တာ သက်ခိုင်ဝင်းနှင့် ညွှန်ကြားရေးမှူးချုပ် ဒေါက်တာ တင်တင်လေးတို့က ပြောကြားသည်။

ယမန်နေ့က သူနာပြု ၅၀ဝ ကျော် ဆန္ဒ ဖော်ထုတ်ခဲ့ခြင်းကြောင့် ယနေ့ (မတ် ၁၆) နေပြည်တော်ရှိ ကျန်းမာရေးနှင့် အားကစား ဝန်ကြီးရုံးတွင် သတင်းစာ ရှင်းလင်းပွဲ ပြုလုပ်ခဲ့ပြီး အထက်ပါအတိုင်းပြော ကြားခဲ့ခြင်းဖြစ်သည်။

စည်းမျဉ်းစည်းကမ်းအရ အရေးယူမည့်ကိစ္စတွင် မည်သည့် အတိုင်းအတာအထိ အရေးယူဆောင်ရွက်မည်ကို The Voice က မေးမြန်းခဲ့သော်လည်း ၎င်းတို့ နှစ်ဦးအပါအဝင် တာဝန်ရှိသူများက တိတိကျကျ ရှင်းလင်းပြောကြားမှု မရှိဘဲ စည်းမျဉ်းစည်းကမ်းအတိုင်းသာ လုပ်ဆောင်မည်ဟု ၎င်းတို့နှစ်ဦးက ဆိုသည်။

သူနာပြုဆရာမများသည် တစ်နိုင်ငံလုံးရှိ ကျန်းမာရေး စောင့်ရှောက်မှုတွင် ဦးရေ ၁၅၀ဝ၀ ခန့် လစ်လပ်လျက်ရှိနေပြီး ရာခိုင်နှုန်းဖြင့် ၅၂ ရာခိုင်နှုန်းကျော်သာ တာဝန်ထမ်းဆောင်နေရကြောင်း ゞင်းတို့ က ထုတ်ဖော်ပြောကြားသည်။

ယခင်က သူနာပြုကျောင်းသူများကို ကျောင်းဆင်းလက်မှတ် ထုတ်ပေးပြီး နိုင်ငံ့ဆေးရုံတွင် တာဝန် မထမ်းဆောင်လိုပါက လျော်ကြေးငွေ လေးသိန်းကျပ်ပေးကာ ပြင်ပတွင် တာဝန် ထမ်းဆောင်နိုင်သော်လည်း ဖေဖော်ဝါရီလ တစ်ရက်နေ့တွင် ထုတ်ပြန်သော ဝန်ကြီးဌာန၏ ထုတ်ပြန်ချက်အရ လျော်ကြေးဖြင့် ထွက်ခွင့် မရှိတော့သည့်အပြင် ပြည်သူ့ဆေးရုံများတွင် သုံးနှစ် တာဝန် ထမ်းရမည်ဖြစ်ကြောင်း၊ ထုတ်ပြန်ထားသော စည်းကမ်းကို လိုက်နာမှု မရှိပါက ပုဂ္ဂလိက ဆေးရုံများတွင် ခန့်အပ် တာဝန်ပေးခြင်း မပြုရန် ထည့်သွင်းထားခြင်းဖြစ်သည်။

ဝန်ကြီးဌာန၏ အဆိုအရ နိုင်ငံတော်မှ ပြုစုပျိုးထောင်ထားသော သူနာပြုများကို ကျန်းမာရေးဌာန ပြည်သူ့ဆေးရုံများတွင် တာဝန်ထမ်းဆောင်စေလိုပြီး ၎င်း သူနာပြုများ အနေနှင့် လုပ်ငန်းကျွမ်းကျင် မှုပိုမို ကောင်းမွန်လာမည်ဟု မျှော်လင့်ထားကြောင်း သိရသည်။

သူနာပြုဆရာ၊ ဆရာမများကို ကျပ်လေးသိန်း လျော်ကြေးတောင်း၍ ယခင်က လုပ်ငန်းလိုင်စင် ထုတ်ပေးခဲ့ရာတွင် လျော်ကြေးငွေများကို ကျန်းမာရေး ဝန်ကြီးဌာန၏ ဘတ်ဂျက် ရန်ပုံငွေအဖြစ် အသုံးပြုခဲ့ကြောင်း ပါမောက္ခဒေါက်တာ မြင့်ဟန်က ဆိုသည်။

ယနေ့ ပြုလုပ်သော သတင်းစာရှင်းပွဲသို့ နေပြည်တော်တွင် တာဝန်ထမ်းဆောင်နေသော သူနာပြုဆရာ၊ ဆရာမအချို့ လာရောက်ခဲ့ကြပြီး ရှင်းလင်းပွဲသည် တိကျပြတ်သားသည့်အဖြေကို ဝန်ကြီးဌာနက မပေးခဲ့ကြောင်း နေပြည်တော် ခုတင်တစ်ထောင် ဆေးရုံမှ သူနာပြု ဆရာမတစ်ဦးက ပြောသည်။ 

“ကလေးတွေကလည်း နောက်မဆုတ်တော့ဘူးလေ ရှေ့တိုးဖို့ပဲ ရှိတော့တယ်။ နောက်ကတော့ ဘယ်သူမှ မဆုတ်တော့ဘူးလေ ဒီလမ်းအထိတောင် လျှောက်ခဲ့ပြီးပြီ၊ ပြောရမယ်ဆိုရင် အရင်တုန်းက သပိတ်တွေ ဘာတွေ ကျောင်းသားတွေ သပိတ်တွေ လုပ်ခဲ့ဖူးတယ်၊ ဒါပေမဲ့ သူနာပြုတွေ ဘယ်တုံးကမှ မပါခဲ့ဘူး၊ သူနာပြုတွေ Professional တစ်ခုလုံး စော်ကားခံရပြီး အကုန်လုံး ငြိမ်ခံနေမှာ မဟုတ်ပါဘူး အကုန်လုံး ပါလာမှာပါ”ဟု ၎င်းက ပြောသည်။

ယင်းကိစ္စကိုဖြေရှင်းရန် ကျန်းမာရေးဝန်ကြီးဌာနမှ တာဝန်ရှိသူ ၇ ဦးပါသော ညှိနှိုင်းရေးအဖွဲ့ကို ယနေ့ နေ့လယ်ပိုင်းတွင် စတင်ဖွဲ့စည်းခဲ့ပြီး ယင်းအဖွဲ့နှင့် မီဒီယာများကို မတ်လ ၁၇ နံနက် ၁၀ နာရီ တွင် တွေ့ဆုံခွင့်ပေးမည်ဖြစ်ကြောင်း ပါမောက္ခဒေါက်တာမြင့်ဟန်က ပြောကြားသည်။                                      

S-01

  • TAGS