News

POST TYPE

POPULAR POST

မြောက်ဥက္ကလာတွင် နယ်ထိန်းကို ကားနှင့်တိုက်သတ်
13-Feb-2017 tagged as

ရန်ကုန်၊ ဖေဖော်ဝါရီ ၁၃

မြောက်ဥက္ကလာပမြို့နယ်၊ သန္တာ ၆ လမ်းထိပ်တွင် ဆူညံနေသည့် အရက်ဝိုင်းကို လာရောက်ထိန်းသိမ်းခဲ့သည့် လှည့်ကင်းအဖွဲ့မှ နယ်ထိန်းကို စူပါကာစတန်ယာဉ်ဖြင့် တိုက်သတ်ခဲ့ကြောင်း ရဲတပ်ဖွဲ့ထံမှ သိရသည်။

199 ဖုန်းနံပါတ်ထံ ယနေ့ (ဖေဖော်ဝါရီလ ၁၃ ရက်) နံနက် ၁ နာရီက ဆူညံနေသည့် လမ်းဘေး အရက်ဝိုင်း လာထိန်းသိမ်းပေးရန် တာဝန်သိပြည်သူတစ်ဦးက ဖုန်းဆက်တိုင်ကြားခဲ့သည်။

တိုင်ကြားမှုကြောင့် လှည့်ကင်း ရဲတပ်ဖွဲ့က ယင်းအရက်ဝ်ိုင်းထံ သွားရောက်ထိန်းသိမ်းခဲ့ပြီး အခြားရပ်ကွက်များသို့ လှည့်ကင်းတာဝန် ထမ်းဆောင်နေစဉ် မေဓာဝီလမ်းနှင့် ဝဇီရာလမ်းထောင့်အရောက် စူပါကာစတန်ယာဉ်တစ်စီး အရှိန်ဖြင့် အနောက်မှလိုက်လာပြီး နယ်ထိန်းခေါင်းဆောင် ရဲတပ်ကြပ် ညီညီထွေး၏ ဆိုင်ကယ်ကို ဝင်တိုက်ပြီး မောင်းပြေးခဲ့ကြောင်း ရဲတပ်ဖွဲ့ထံမှ သိရသည်။

“ရပ်ကွက်က ဆူညံနေလို့ 199 ဆီ ဖုန်းဆက်တိုင်တယ်။ လှည့်ကင်းအဖွဲ့က သွားထိန်းတယ်။ လူငါးယောက်ထိုင်ပြီး အရက်သောက်နေတာ။ မချေမငံ ပြန်ပြောတယ်။ ဘေးမှာ စူပါကာစတန်ကားတစ်စီး ရပ်ထားတာ သတိထားမိလိုက်တယ်။ အဲ့ဒီဝိုင်းထဲက တစ်ယောက်က မကျေမနပ်ဖြစ်နေတာ။ လှည့်ကင်းအဖွဲ့ ပြန်ထွက်သွားမှ နောက်က အဲ့ဒီကားနဲ့ လိုက်တိုက်တာ။ ဖြစ်စဉ်အမှန် ထုတ်ပြောရမှာ အထက်လူကြီးတွေ အလုပ်လေ။ အခု လိုင်းပေါ် ပျံ့နေပြီ။ သတင်းအမှန် ရဲတပ်ဖွဲ့ဘက်က ထုတ်ပြန်ပေးစေချင်တယ်”ဟု အခင်းဖြစ်စဉ်အချိန် ရှိနေခဲ့သော အမည်မဖော်လိုသူ ရဲတပ်ဖွဲ့ဝင်တစ်ဦးက ပြောသည်။

ယာဉ်ဖြင့် တိုက်ခံရသည့် ဆိုင်ကယ်မှ ရဲတပ်ကြပ် ညီညီထွေးမှာ ပေါက်ပြဲဒဏ်ရာများဖြင့် သေဆုံးခဲ့ပြီး မောင်းပြေးသည့် ယာဉ်နံပါတ်ကို လိုက်လံ စုံစမ်းခဲ့ရာ ယာဉ်ပိုင်ရှင်မှာ မြောက်ဥက္ကလာပမြို့နယ် ရွှေပေါက္ကံမြို့သစ်၊ (၁၂ )ရပ်ကွက်၊ အောင်ရွှေစင်လမ်းတွင် နေထိုင်သူဖြစ်ကြောင်း သိရှိရပြီး ဖေဖော်ဝါရီလ ၁၂ ရက် ည ၉ နာရီက ယာဉ်ပိုင်ရှင်၏ အသက် ၂၅ နှစ်အရွယ် သားဖြစ်သူမှာ အဆိုပါယာဉ်ကို ယူမောင်းခဲ့ကြောင်း သိရသည်။

ယာဉ်တိုက်မှု ကျူးလွန်ခဲ့သူမှာ ဒဂုံမြောက်ရှိ ၎င်း၏ အဒေါ်နေအိမ်ထံ ထွက်ပြေးတိမ်းရှောင်ခဲ့ပြီး ယနေ့ (ဖေဖော်ဝါရီလ ၁၃ ရက်) နံနက် ၁၀ နာရီက ရဲစခန်းထံ ကိုယ်တိုင် လာရောက် ဖမ်းဆီး အရေးယူခံခဲ့သည်။

ယင်းဖြစ်စဉ်အမှန်ကို သိရှိရန် သတင်းမီဒီယာများက မြောက်ဥက္ကလာပမြို့နယ် ရဲတပ်ဖွဲ့ထံ ဆက်သွယ် မေးမြန်းခဲ့သော်လည်း ယာဉ်မတော်တဆမှုကြောင့် တပ်ဖွဲ့ဝင်တစ်ဦး သေဆုံးခဲ့ကြောင်းသာ အတည်ပြု ဖြေကြားခဲ့သည်။

S-03

  • TAGS