News

POST TYPE

POPULAR POST

ဆန္ဒဆိုးကို ဥပဒေဖြင့် ထိန်းပါ(Weekly,Vol-12/No-44)
25-Nov-2016

အသက် မပြည့်သေးသော မိန်းကလေးငယ်ကလေးများ အဓမ္မ ပြုခံရသည့် သတင်းများ ယခု ရက်ပိုင်းအတွင်း ဆက်တိုက် ဆိုသကဲ့သို့ ထွက်ပေါ်နေခြင်းသည် အစဉ်အလာအားဖြင့် ယဉ်ကျေးမှုနှင့် ကျင့်ဝတ် တန်ဖိုးများကို အလေး ထားခဲ့သော မြန်မာ လူ့အဖွဲ့အစည်းကို အိုးမဲ သုတ်နေသကဲ့သို့ များစွာ အရုပ်ဆိုး အကျည်းတန်လှသည်။ 

အတိတ်ကာလများထက် ကျူးလွန်မှု ပိုများလာခြင်းကြောင့်လော၊ ရဲတပ်ဖွဲ့၏ ယခင်က ထိန်းချုပ် ကန့်သတ်ထားသော ထုတ်ပြန်မှု ပုံစံမှာ ယခုနောက်ပိုင်း ပို၍ ပွင့်လင်းစွာ ထုတ်ပြန် အသိ ပေးလာသော ပုံစံသို့ ပြောင်းသွားခြင်းကြောင့်လော မသိသော်ငြား ယင်းသတင်းများသည် လူအများအကြား ပြောဆို ဆွေးနွေးရန်ပင် များစွာ နှုတ်ဆွံ့ရှက်ရွံ့ဖွယ် ကောင်းလှသည်။ 

သက်ငယ် အဓမ္မမှု အပါအဝင် အဓမ္မ ကျူးလွန်မှုများကို လေ့လာကြည့်သော် မြန်မာ လူ့အဖွဲ့အစည်း၏ လိင်ကိစ္စအပေါ် အရှက်၊ အကြောက်တရားကို အခြေပြုကာ အဓိပ္ပာယ် ကောက်ယူမှု လွဲချော်နေခြင်း၊ လူသားတို့၏ စိတ်နှင့် ခန္ဓာကိုယ်ပိုင်းဆိုင်ရာ သဘာဝ အလျောက် ဖြစ်ပေါ်တတ်သော စိတ်ခံစားမှုများ၊ အပြောင်းအလဲများ၊ တုံ့ပြန်မှုများကို နားမလည်ခြင်း တစ်နည်းအားဖြင့် လိင် ပညာပေး မရှိသလောက်နီးနီး အားနည်းခြင်း၊ ယခင်ထက်ပို၍ ကျယ်ပြန့် ပွင့်လင်းလာပြီး အထိန်းအကွပ် မဲ့လာသော မီဒီယာများကို ဆင်ခြင်ဉာဏ်ဖြင့် စားသုံးနိုင်စွမ်း မရှိခြင်းစသော အချက်များကို တွေ့ရသည်။ 

လိင်ကိစ္စအပေါ် အရှက်၊ အကြောက်ဖြင့် အခြေခံ အဓိပ္ပာယ် ဖွင့်ဆိုခြင်းကြောင့် အခြားသော ကမ္ဘာ့နိုင်ငံ အသီးသီးတွင် တွေ့မြင်နိုင်သည့် အခကြေးငွေဖြင့် လိင်အာသာဖြေရာ နေရာဌာနများ တရားဝင် တည်ထောင် လုပ်ကိုင်ခွင့် မရှိဘဲ ကျူးလွန်သူ အမျိုးသား၊အမျိုးသမီး နှစ်ဦးစလုံးကို ထောင်ချ အရေး ယူနိုင်သည်အထိ အရေး ယူနိုင်သော ဥပဒေဖြင့်ပင် တားမြစ် ပိတ်ပင်ထားသည်။ 

ထို့အပြင် အသက်အရွယ်အလိုက် ငယ်စဉ်ကပင် လိင်ကိစ္စနှင့် ပတ်သက်၍ လိုအပ်သော အသိပညာ ဗဟုသုတများကို ကျန်းမာရေး ဆေးပညာ ရှုထောင့်မှသော်လည်းကောင်း၊ လူမှုဗေဒ သဘောအရလည်းကောင်း အဆင့်လိုက် ပညာပေးမှု မရှိဘဲ ရှက်စရာ ကိစ္စ တစ်ခုအဖြစ် သဘောထားခဲ့ကြသည်။ 

မီဒီယာ မျိုးစုံ အထူးသဖြင့် မိုဘိုင်း တယ်လီဖုန်း တစ်လုံး ရှိရုံမျှဖြင့် အင်တာနက် မီဒီယာမှတစ်ဆင့် အတားအဆီး မရှိ  စက္ကန့်နှင့်အမျှ ဝင်ရောက် နေသော အဆိုး၊ အကောင်း ရောမွှေထားသည့် သတင်း အချက်အလက်၊ အရုပ်၊ အသံများစွာ အနက် လိင်အသားပေး၊ လိင်စိတ်နှိုးဆွ ဝက်ဘ်ဆိုက်များကို အသိပညာရေချိန် မြှင့်တင်ထားခြင်း မရှိဘဲ့ ဝင်ရောက် ကြည့်ရှုမှု များပြားလာသည်။ 

အထက်ဆိုခဲ့ပါ အခြေခံ အကြောင်းတရားများသည် အရွယ် ရောက်လာသူတို့၏ စိတ်နှင့် ခန္ဓာကိုယ်ပိုင်းဆိုင်ရာ တဒင်္ဂ လိင်စိတ် တောင့်တခြင်းကို ဖြေဖျောက်ရန် မမှန်ကန်သော နည်း သို့မဟုတ် အလို မတူသော အဓမ္မမှုများ ကျူးလွန်လာစေရန် အားပေး အားမြောက် ပြုသကဲ့သို့ ဖြစ်သွားစေခဲ့သည်။ 

အဓမ္မ ကျူးလွန်းလာခြင်း၏ နောက်ကွယ်တွင် အခြား စေ့ဆော်ပေးသော အကြောင်းတရား များစွာ ရှိနေနိုင်သော်လည်း အထက်ဆိုခဲ့ပါ အချက်များမှာ အဓိက အကျဆုံး အကြောက်တရားများ ဖြစ်သည်။

ပန်းကလေးများနှင့် တူသော သနားစရာ ကလေးငယ်များကိုပါ အဓမ္မ ပြုကျင့်မှုများ တိုးလာခြင်းမှာမူ ဥပဒေစိုးမိုးမှု တစ်နည်းအားဖြင့် ယင်းသို့ ကျူးလွန်မှုများအပေါ် အရေးယူ အပြစ် ပေးသည့် အပြစ်ဒဏ်များ လျော့ပေါ့ အားနည်းခြင်းနှင့် တရားရေးမဏ္ဍိုင် ခြစား ယိမ်းယိုင်နေခြင်းကြောင့်ဖြစ်သည်။

အိမ်နီးချင်း နိုင်ငံများ အပါအဝင် နိုင်ငံအများစုမှာ မုဒိမ်းမှု အထူးသဖြင့် သက်ငယ် မုဒိမ်းမှု ကျူးလွန်သူများကို ပြင်းထန်၊ ထိရောက်စွာ အရေးယူ အပြစ်ပေးနေချိန်တွင် ကိုယ်ကျိုးစီးပွား ကာကွယ်ရေး၊ နုိုင်ငံရေးအရ ဆန့်ကျင်၊ ကန့်ကွက်၊ ဖီဆန်၊ ဝေဖန်၊ ထောက်ပြမည့် လူပုဂ္ဂိုလ်၊ ပါတီ၊အဖွဲ့အစည်းနှင့် မီဒီယာများအပေါ် ဖိနှိပ် ကန့်သတ်ရေးဆိုင်ရာ ဥပဒေများကိုသာ အာရုံ စိုက်နေသော မြန်မာနိုင်ငံတွင် ကလေးငယ်များ၏ အနာဂတ်အထိပါ အမည်းစက် စွန်းထင်း၊ အမှောင် ဖုံးသွားစေမည့် ကိစ္စရပ်မျိုးတွင် ယနေ့ အချိန်အထိ ဥပဒေ ပြဋ္ဌာန်းရန် မကြိုးစားသေးခြင်းမှာ ပစ္စုပ္ပန်ရော၊ အနာဂတ် နိုင်ငံတော် အတွက်ပါ တာဝန်မဲ့ရာ ကျကြောင်း သိစေအပ်ပေသည်။

အယ်ဒီိတာ(၂၃-၁၁-၂၀၁၆)

  • VIA