News

POST TYPE

POPULAR POST

ယာဉ်မောင်းလိုင်စင်ကြေး နိုဝင်ဘာ ၁ ရက်မှစ၍ တိုးကောက်မည်
04-Oct-2018

ရန်ကုန်၊​ အောက်တိုဘာ ၄

ယာဉ်မောင်းလိုင်စင်အသစ် ပြုလုပ်ခြင်းနှင့် ယာဉ်မောင်းလိုင်စင်သက်တမ်းတိုးခြင်းများ ပြုလုပ်ပါက နိုဝင်ဘာ ၁ ရက်မှစ၍ ထပ်မံ တိုးမြှင့်ကောက်ခံမည်ဖြစ်ကြောင်း ကုန်လမ်းပို့ဆောင်ရေး ညွှန်ကြားမှုဦးစီးဌာနမှ တိုင်းဦးစီးမှူး ဦးလျန်ကျင့်မန်က အတည်ပြုပြောကြားသည်။

“ယာဉ်မောင်းလိုင်စင်အသစ် လုပ်တာနဲ့ သက်တမ်းတိုးတာတွေ နိုဝင်ဘာလကစပြီး ဈေးနှုန်း နည်းနည်းစီ တက်မယ်။ ဈေးနှုန်းတက်မယ့်နှုန်းထားကို မကြာခင် ကြေညာပေးသွားပါမယ်။ အပြင်မှာ ပျံ့နေသလို ငါးသောင်းလောက်တက်မယ်ဆိုတာတော့ မဟုတ်ပါဘူး။ နည်းနည်းစီလောက်ပဲ တက်မှာပါ”ဟု ဦးလျန်ကျင့်မာန်က ဆိုသည်။

လက်ရှိတွင် ယာဉ်မောင်းလိုင်စင်အသစ်ပြုလုပ်ပါက ကျပ်ရှစ်ထောင်ကျော်ခန့်သာ ကျသင့်ပြီး ယာဉ်မောင်းလိုင်စင် သက်တမ်းတိုးပါက ကျပ်တစ်သောင်းခန့်မှ တစ်သောင်းနှစ်ထောင်အထိ ကောက်ခံလျက်ရှိကြောင်း ကုန်းလမ်းပို့ဆောင်ရေး ညွှန်ကြားမှုဦးစီးဌာနထံမှ သိရသည်။ 

နိုဝင်ဘာလတွင် ယာဉ်မောင်းလိုင်စင်အသစ် ပြုလုပ်ပါက ငါးသောင်းတစ်ထောင်အထိ ကျသင့်မည်ဖြစ်ပြီး ယာဉ်မောင်းလိုင်စင် သက်တမ်းတိုးပါက ခြောက်သောင်းနှစ်ထောင်အထိ ကျသင့်မည်ဟု သတင်းများထွက်ပေါ်နေကြောင်း ယာဉ်မောင်းများထံမှ သိရသည်။

“ယာဉ်မောင်းလိုက်စင်အသစ် လုပ်ရင် လိုင်စင်ဖြေလို့ အောင်ရင် ရှစ်ထောင်ကျော်ပဲကျတယ်။ နိုဝင်ဘာလကျရင် ငါးသောင်းတစ်ထောင်ပေးရမယ်ကြားတယ်။ ဟုတ် မဟုတ်တော့ သေချာမသိသေးဘူး။ ယာဉ်မောင်းလိုင်စင်သက်တမ်းတိုးတာတွေလည်း တက်မယ်ကြားတယ်”ဟု ဒဂုံမြို့သစ်မြောက်ပိုင်းမြို့နယ် ယာဉ်မောင်းသင်တန်းကျောင်းမှ တာဝန်ရှိသူတစ်ဦးက ပြောသည်။ 

ယာဉ်မောင်းလိုင်စင်ဖြေဆိုသူများအနေနှင့် မြင်သာ (က.ည.န)ရုံးတွင် ယာဉ်စည်းကမ်း၊ လမ်းစည်းကမ်းကို စာတွေ့ဖြေဆိုမှုအောင်မြင်ပါက ရွာသာကြီး(က.ည.န)ရုံးတွင် လက်တွေ့မောင်းနှင်မှုကို ဖြေဆိုရမှာဖြစ်ပြီး ယာဉ်မောင်းလိုင်စင်လက်တွေ့ဖြေဆိုရာတွင် ဌာနရှိ ယာဉ်များကို ငှားရမ်း၍ မောင်းနှင်ဖြေဆိုနိုင်ပြီး ကိုယ်ပိုင်ယာဉ်များဖြင့်လည်း ဖြေဆိုခွင့်ပြုထားကြောင်း က.ည.န ထံမှ သိရသည်။

မြန်မာနိုင်ငံတွင် တရားဝင်မှတ်ပုံတင်ပြုလုပ်သည့် မော်တော်ယာဉ်အစီးရေ ရှစ်သိန်းကျော်ရှိပြီး ယာဉ်မောင်းလိုင်စင် ရှစ်သိန်းခန့် ထုတ်ပေးထားပြီဖြစ်ကြောင်း ကုန်လမ်းပို့ဆောင်ရေးညွန်ကြားမှု ဦးစီးဌာန စာရင်းအရ သိရသည်။

J-10