News

POST TYPE

POPULAR POST

လူဝင်မှုဆန့်ကျင်ရေးစည်းရုံးမှု အားကောင်းနေချိန်တွင် ဆွီဒင်ရွေးကောက်ပွဲကျင်းပ
စတော့ဟုမ်း၊ စက်တင်ဘာ ၁၁

ဆွီဒင်နိုင်ငံ၌ လူဝင်မှုဆန့်ကျင်ရေးပါတီက အမတ်နေရာများစွာ အနိုင်ရရန် ကြိုးစားနေချိန်တွင် ပြည်သူများက အထွေထွေ ရွေးကောက်ပွဲကို မဲပေးလိုက်ကြသည်ဟု BBC သတင်းတွင် ဖော်ပြထားသည်။

အမျိုးသားရေးလှုံ့ဆော်သော ဆွီဒင်ဒီမိုကရက် SD ပါတီသည် ထောက်ခံမဲ ၂၀ ရာခိုင်နှုန်းဖြင့် ဒုတိယနေရာရရှိရန် တစ်ပြေးနေသည်။

စတော့ဟုမ်းတွင် ကိုယ်တိုင်မဲပေးခဲ့သည့် ဝန်ကြီးချုပ် လတ်ဖင်ကမူ SD ပါတီကို လူမျိုးကြီးဝါဒပါတီဟု သတ်မှတ်ပြောဆိုထားသည်။ ယခုရွေးကောက်ပွဲတွင် လတ်ဖင်၏ ဆိုရှယ်ဒီမိုကရက်အစုကော၊ အတိုက်အခံလက်ယာယိမ်း Modrates နေရာအများစု အနိုင်ရဖွယ်မရှိပေ။

မကြာသေးမီနှစ်များအတွင်း အင်အားကောင်းလာသော SD ပါတီသည် ၂၀၁၄ ရွေးကောက်ပွဲတွင် အမတ်နေရာ နှစ်ဆတိုးခဲ့ပြီး ယခုရွေးကောက်ပွဲတွင် နောက်ထပ် နှစ်ဆတိုးမည်ဟု ခန့်မှန်းထားကြသည်။

ဆွီဒင်မဲဆန္ဒရှင် လေးပုံတစ်ပုံကျော်မှာ မဲဆွယ်ကာလ နောက်ဆုံးသီတင်းပတ်အထိ မဆုံးဖြတ်နိုင်ကြသေးဟု Sifo သဘောထား စစ်တမ်းကုမ္ပဏီထုတ်ပြန်ချက်အရ သိရှိရသည်။

အခြားဥရောပတိုင်းပြည်များတွင်လည်း မကြာသေးမီနှစ်များအတွင်း လူဝင်မှုဆန့်ကျင်ရေးပါတီများ ထောက်ခံမှုအားကောင်းလာသည်ကို တွေ့မြင်ရသည်။ 

ဒိန်းမတ်ပြည်သူ့ပါတီသည် ၂၀၁၅ တွင် ၂၁ ရာခိုင်နှုန်း အနိုင်ရခဲ့ပြီး ဂျာမနီမှ လက်ယာစွန်းဗ်ီပါတီသည်လည်း ၂၀၁၇ တွင် ၁၂ ဒသမ ၆ ရာခိုင်နှုန်း အနိုင်ရရှိခဲ့သည်။

SD ပါတီခေါင်းဆောင် ဂျင်မီအက်ကီဆန်က ဆွီဒင်သည် လူဝင်မှုကိစ္စတစ်ခုတည်းကြောင့်သာမကဘဲ အကြောင်းအမျိုးမျိုးကြောင့် တစ်ဖက်စွန်း တိုင်းပြည်တစ်ခုဖြစ်နေခဲ့ကြောင်းနှင့် ရွှေ့ပြောင်းဒုက္ခသည် လျှော့၍လက်ခံမည့် အစီအစဉ်သည် ဥရောပတွင် ပုံမှန်နိုင်ငံရေးပုံစံတစ်ခုအဖြစ် သတ်မှတ်ခံရမည်ဖြစ်ကြောင်း စနေနေ့က ပြောကြားခဲ့သည်။

SD ပါတီသည် နာဇီလက်သစ်များ၊ လက်ယာစွန်းအစုများနှင့် ယခင်ကတည်းက အဆက်အသွယ်ရှိခဲ့ပြီး ၂၀၁၀ တွင် ပါလီမန်သို့ ဝင်ရောက်လာခဲ့သည်။ 

SD သည် ပါတီအမှတ်တံဆိပ်ကိုလည်း ယခင် မီးတုတ်ကိုအသုံးပြုခဲ့ရာမှ ဆွီဒင်အလံမှ အပြာနှင့် အဝါရောင်ပါဝင်သော ဒေစီပန်းတံဆိပ်သို့ ပြောင်းလဲကာ ပုံရိပ်ပြောင်းရန် လုပ်ဆောင်ခဲ့သည်။

ယခင်က အလုပ်သမားလူတန်းစားကို ဆွဲဆောင်ခဲ့သော SD သည် ယခုအခါ အမျိုးသမီးများ၊ ပညာတတ်များနှင့် ဝင်ငွေမြင့်သော မဲဆန္ဒရှင်များကို စည်းရုံးရန် ကြိုးစားလာခဲ့သည်။ ၂၀၀၅ တွင် ပါတီခေါင်းဆောင်ဖြစ်လာခဲ့သော အက်ကီဆန်က ပါတီအတွင်း လူမျိုးရေးခွဲခြားမှုကို သည်းမခံကြောင်းနှင့် ပါတီဝင်များစွာကို ထုတ်ပယ်ခဲ့ကြောင်း ပြောကြားသည်။

သို့တိုင်အောင် SD သည် လူမျိုးရေးခွဲခြားမှုအရှုပ်အထွေးများတွင် ပါဝင်ပတ်သက်နေဆဲပင်ဖြစ်သည်။

ဆွီဒင်သည် စီးပွားရေးကောင်းမွန်နေသော်လည်း ၂၀၁၅ တွင် ရွှေ့ပြောင်းဒုက္ခသည်များစီးဝင်လာမှုကြောင့် အိမ်ရာ၊ ကျန်းမာရေးစောင့်ရှောက်မှုနှင့် လူမှုဖူလုံရေးကဏ္ဍများအပေါ် ဖိအားကျရောက်လာမည်ကို ပြည်သူများက စိုးရိမ်နေကြသည်။ ထိုနှစ်ကရွှေ့ပြောင်းဒုက္ခသည် ၁၆၃,၀၀၀ ကို ဆွီဒင်က အီးယူခွဲတမ်းအရ လက်ခံခဲ့ရသည်။

ထို့အပြင် SD သည် အီးယူမှ နုတ်ထွက်ရေးအတွက် Swexit ဆန္ဒခံယူပွဲကို ကျင်းပရန် လိုလားနေသော်လည်း အင်အားကြီးပါတီကြီးများ၏ကန့်ကွက်မှုကြောင့် ရှေ့ဆက်တိုးနိုင်ဖွယ်မရှိဟု သိရှိရသည်။

လက်ရှိဝန်ကြီးချုပ် လတ်ဖင်သည် ဆိုရှယ်ဒီမိုကရက်နှင့် ဂရင်းပါတီတို့ကို မဟာမိတ်ဖွဲ့၍ ၎င်း၏ ညွှန့်ပေါင်းအစိုးရကို စုစည်းထားခြင်းဖြစ်သည်။

လက်ရှိကာလတွင် ဆိုရှယ်ဒီမိုကရက်များနှင့် အင်အားကြီး အတိုက်အခံလက်ယာ ယိမ်း Modrates တို့ နှစ်ဖွဲ့စလုံး ထောက်ခံမှုကျဆင်းနေသော်လည်း SD ပါတီနှင့် မဟာမိတ်ဖွဲ့မည်မဟုတ်ဟု နှစ်ဖွဲ့စလုံးက ကြေညာထားကြသည်။ 

ယခုရွေးကောက်ပွဲတွင် လတ်ဖင်၏ ဆိုရှယ်ဒီမိုကရက်များက ပွတ်ကာသီကာ အနိုင်ရကာ နောက်တစ်ကြိမ် ညွှန်ပေါင်းအစိုးရဖွဲ့နိုင်ဦးမည်ဟု မျှော်လင့်ရသည်။

F-04