News

POST TYPE

POPULAR POST

နိုင်ငံတကာအဖွဲ့အစည်း Advans နှင့် ရိုးမဘဏ်တို့ ပူးပေါင်း၍ အသေးစားချေးငွေများ ထုတ်ချေးမည်
29-May-2018

ရန်ကုန်၊ မေ ၂၈

နိုင်ငံတကာ ငွေရေးကြေးရေးအဖွဲ့အစည်း Advans နှင့် ရိုးမဘဏ်တို့ ပူးပေါင်းပြီး စစ်ကိုင်းတိုင်းနှင့် မန္တလေးတိုင်းဒေသကြီးရှိ မိသားစုများကို အသေးစားချေးငွေများ ထုတ်ချေးပေးသွားမည်ဖြစ်ကြောင်း အဆိုပါဘဏ်ထံမှ သိရသည်။

ရိုးမဘဏ်နှင့် Advans တို့ ပူးပေါင်းမှုတွင် ငွေကြေးလုပ်ဆောင်ချက် သဘောတူညီချက် ၃ ခုကို လုပ်ဆောင်ခဲ့ပြီး ယင်းသဘောတူညီမှုများမှာ အမေရိကန်ဒေါ်လာ ခုနစ်သိန်းတန်ဖိုးရှိ နိုင်ငံခြားငွေကြေးချေး ငွေဖလှယ်မှုနှင့် မြန်မာကျပ် တစ်ဘီလီယံတန် back-to-back ကာလတို ချေးငွေနှစ်ခုပါဝင်ကြောင်း ရိုးမဘဏ်ထံမှသိရသည်။

နိုင်ငံခြားငွေကြေး ချေးငွေဖလှယ်မှု သဘောတူညီချက်အရ နိုင်ငံခြားမှ ငွေချေးယူရာတွင် တွေ့ကြုံရသည့် နိုင်ငံခြားငွေလဲလှယ်မှု ဆုံးရှုံးနိုင်ခြေကို အပြည့်အဝ ရှောင်ဖယ်နိုင်မည်ဖြစ်ပြီး စစ်ကိုင်းနှင့် မန္တလေးတိုင်းဒေသကြီးရှိ မိသားစုပေါင်း နှစ်ထောင်ကျော်ကို အသေးစားချေးငွေများ ပံ့ပိုးပေးနိုင်မည်ဖြစ်ကြောင်း ရိုးမဘဏ်၏ ထုတ်ပြန်ချက်အရသိရသည်။

“ဒီငွေကြေးဝန်ဆောင်မှုတွေဟာ လူမှုအသိုင်းအဝန်းတွေအတွက် ဒေသတွင်း စီးပွားရေးလုပ်ငန်းတွေကို အားကောင်းလာစေမှာဖြစ်ပြီး လူနေမှုအဆင့်အတန်း တိုးတက်လာစေမှာဖြစ်တဲ့အပြင် ရေရှည်အလုပ်အကိုင် အခွင့်အလမ်းတွေကို ဖန်တီးပေးနိုင်မှာဖြစ်ပါတယ်”ဟု Advans မြန်မာ၏ အုပ်ချုပ်မှုဒါရိုက်တာ Mrs. Jana Chmelnizki Kadian က ပြောကြားကြောင်း အဆိုပါထုတ်ပြန်ချက်တွင် ဖော်ပြထားသည်။ 

Advans မြန်မာအဖွဲ့အစည်းသည် မြန်မာနိုင်ငံတွင် ဘဏ်လုပ်ငန်းနှင့် အလှမ်းဝေးသော လူမှုအသိုင်းအဝန်းအတွက် သင့်တင့်မျှတ၍ လွယ်ကူစွာရယူနိုင်သော ငွေကြေးဝန်ဆောင်မှုများကို လုပ်ဆောင်ပေးနေသည့် အဖွဲ့အစည်းတစ်ခုဖြစ်ပြီး အသေးစားချေးငွေများ၊ တစ်ဦးချင်းချေးငွေ၊ မြို့ပြနှင့် အနီးအနားမြို့ ပြဒေသများရှိ ကုန်ထုတ်လုပ်မှုလုပ်ငန်းများနှင့် အသေးစားအလတ်စား စွန့်ဦးတီထွင်လုပ်ငန်းရှင်များအတွက် ငွေကြေးဝန်ဆောင်မှုများ ပေးလျက်ရှိသည့် အဖွဲ့အစည်းဖြစ်သည်။

J-01

  • VIA