News

POST TYPE

POPULAR POST

ချောက်၌ မီးသင်္ဂြိုဟ်စက်သစ် စမ်းသပ်ကာလအဖြစ် တစ်လအခမဲ့ သင်္ဂြိုဟ်ခွင့်ပေးမည်
03-Mar-2018 tagged as


ချောက်၊ မတ် ၃ 

မကွေးတိုင်း ချောက်မြို့ အမှတ်(၁၅) မြေနီကုန်းသုသာန်တွင် တည်ဆောက်ထားသည့် မီးသင်္ဂြိုဟ်စက်သစ်ကို စမ်းသပ်ကာလအဖြစ် မတ်လတစ်လကို အခမဲ့ သင်္ဂြိုဟ်ခွင့်ပေးမည်ဖြစ်ကြောင်း မနောဖြူ လူမှုကူညီရေးအသင်းထံမှ သိရသည်။

ယခုလအပြီး နောက်လများ၌ အခကြေးငွေအဖြစ် ယခုစမ်းသပ်ကာလအတွင်းက တစ်ဦးလျှင် မီးသင်္ဂြိုဟ်ရသည့် ဒီဇယ် ကုန်ကျမှုအပေါ် မူတည်၍ ကောက်ခံသွားမည်ဖြစ်ပြီး တစ်ဦးလျှင် ကျပ်နှစ်သောင်းအောက် ကောက်ခံသွားမည်ဖြစ်ကြောင်း ယင်းအသင်းထံမှ သိရသည်။

“စမ်းသပ်တဲ့ မတ်လတစ်လပဲ အသင်းက အကုန်အကျခံပြီး သင်္ဂြိုဟ်ပေးမှာပါ။ ဒီလမှာ လူတစ်ယောက် မီးသင်္ဂြိုဟ်စရိတ် ဒီဇယ်ဆီ ကုန်ကျတာကို တွက်ချက်မယ်။ နောက်လတွေမှာ သေဆုံးသူရဲ့ မိသားစုတွေက ဒီဇယ်ဆီဖိုးပဲ ပေးရမှာ”ဟု မနောဖြူ လူမှုကူညီရေးအသင်း အတွင်းရေးမှူး ဦးမျိုးဝင်းက ပြောဆိုသည်။

အသင်းအနေနှင့် ဆင်းရဲနွမ်းပါးသူများအတွက် မီးသင်္ဂြိုဟ်ခြင်းနှင့် မီး မသင်္ဂြိုဟ်လိုသူများအတွက် အသင်းပိုင် မြေနေရာများ၌ အခမဲ့ မြေမြှုပ်သင်္ဂြိုဟ်ခြင်းများကို ပြုလုပ်ပေးနိုင်ရန် သီးခြား အလှူခံ၍ ကူညီမည်ဖြစ်ကြောင်း မီးသင်္ဂြိုဟ်စက်ကို ဧပြီလ ၄ ရက်က ချောက်မြို့နယ် စည်ပင်သာယာရေးအဖွဲ့သို့ လွှဲအပ်မည်ဖြစ်ကြောင်း ၎င်းက ပြောဆိုသည်။

“ကျွန်မတို့မြို့မှာ မီးသင်္ဂြိုဟ်စက်နဲ့ မီးသင်္ဂြိုဟ်ပေးတာ ကောင်းပါတယ်။ ကူးစက် တတ်တဲ့ရောဂါနဲ့ သေဆုံးခဲ့ရင် ချက်ချင်း မီးသင်္ဂြိုဟ်လို့ ရတယ်လေ။ လူသေတွေကို မီးသင်္ဂြိုဟ်တော့ အနံ့အသက်တွေ ရောဂါ မရတော့ဘူးပေါ့။ ကူးစက်ရောဂါဆိုလည်း ကူးစက်မှု နည်းသွားတာပေါ့”ဟု ဒေသခံတစ်ဦးက ပြောသည်။

မနောဖြူ လူမှုကူညီရေးအသင်းက ဦးဆောင်ပြီး မီးသင်္ဂြိုဟ်စက်ကို ၂၀၁၇ ခုနှစ် နိုဝင်ဘာလ ၄ ရက်မှစ၍ ကျပ်သိန်း ၅၀၀ ကျော်သုံး၍ တည်ဆောက်ခဲ့ပြီး မတ်လ ၂ ရက်က ပထမဆုံး အသက် ၅၆ နှစ် အရွယ်ရှိ ဦးအောင်ရွှေ (ခ) ဦးအောင်ကိုကို ကို စမ်းသပ်သင်္ဂြိုဟ်ပေးခဲ့သည်။ 

နေနိုင်(ချောက်)

  • TAGS