News

POST TYPE

POLITICAL

ကြံ့ခိုင်ရေးပါတီ ညီလာခံ မီဒီယာ ဝင်ခွင့် မပြုဟု ဆို
19-Aug-2016 tagged as

နေပြည်တော်၊ သြဂုတ် ၁၉

သမ္မတဟောင်း ဦးသိန်းစိန် ဥက္ကဋ္ဌအဖြစ် တာဝန်ယူထားသော ကြံ့ခိုင်ရေးပါတီ၏ ညီလာခံ အကြိုဖွင့်ပွဲကို သြဂုတ် ၂၀ ရက်၌ နေပြည်တော်ရှိ ပါတီဌာနချုပ်တွင် စတင်ပြုလုပ်မည် ဖြစ်သော်လည်း မီဒီယာ ဝင်ခွင့်ပေးမည် မဟုတ်ကြောင်း ယင်းပါတီ ဌာနချုပ်မှ မီဒီယာ ပြန်ကြားရေး တာဝန်ရှိသူ ဦးသောင်းထိုက်က ပြောသည်။

ပါတီညီလာခံကို ၂၄ ရက်နေ့အထိ ပြုလုပ်သွားမည်ဖြစ်ပြီး ယင်းနေ့ မွန်းလွဲ ၂ နာရီ ရောက်မှသာ သတင်းစာ ရှင်းလင်းပွဲ ပြုလုပ်ပေးမည် ဖြစ်ကြောင်း ၎င်းက ဆိုသည်။

“လူကြီးတွေ စီစဉ်တဲ့အတိုင်း လုပ်ရတာပါ”ဟု ၎င်းက ပြောသည်။

ယင်းပါတီသည် အမျိုးသား ရင်ကြားစေ့ရေးနှင့် ငြိမ်းချမ်းရေးကို ၂၀၁၁ ခုနှစ် အာဏာရပါတီ ဖြစ်စဉ်ကပင် ကြွေးကြော် ပြောဆိုခဲ့ပြီး မီဒီယာ သည် စတုတ္ထ မဏ္ဍိုင်ဟု အသိမှတ်ပြု ပြောဆိုခဲ့သည့် ပါတီလည်း ဖြစ်သည်။

ပါတီညီလာခံ အဖွင့်နေ့၌လည်း ခေတ္တ မှတ်တမ်းဓါတ်ပုံ ရိုက်ယူခွင့်ပင် ရရှိမည် မဟုတ်သောကြောင့် သတင်းစာ ရှင်းလင်းပွဲကိုသာ စောင့်ဆိုင်ရန်လိုကြောင်း ဦးသောင်းထိုက်က ပြောသည်။

ယင်းပါတီသည် သြဂုတ်လ ၈ ရက်မှ ၁၁ ရက်အထိ ငြိမ်းချမ်းရေးနှင့် အမျိုးသား ပြန်လည်သင့်မြတ်ရေး အလုပ်ရုံ ဆွေးနွေးပွဲ ပြုလုပ်ခဲ့ပြီး  ငြိမ်းချမ်းရေးနှင့် အမျိုးသား ပြန်လည် ရင်ကြားစေ့ရေး စာတမ်းကို အစုအဖွဲ့ ၄ စုခွဲ၍ စာတမ်း ပြုစုခဲ့ကြောင်း၊ ယင်းစာတမ်းကို တစ်ခုတည်း ဖြစ်အောင် ကျင်းပမည့် ညီလာခံတွင် ပေါင်းစည်း၍ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဦးဆောင်သည့် ၂၁ ရာစု ပင်လုံညီလာခံသို့ တင်သွင်းမည်ဟု သမ္မတဟောင်း ဦးသိန်းစိန်(ပါတီဥက္ကဋ္ဌ)က အလုပ်ရုံ ဆွေးနွေးပွဲတွင် ပြောကြားထားသည်။

  • VIA
  • TAGS