News

POST TYPE

POLITICAL

ဧည့်စာရင်းတိုင်ကြားခြင်းကို ပယ်ဖျက်ရန် ပြည်သူ့လွှတ်တော် အတည်ပြု
နေပြည်တော်၊ စက်တင်ဘာ ၁၉

ရပ်ကွက် သို့မဟုတ် ကျေးရွာအုပ်ချုပ်ရေး ဥပဒေပါ ဧည့်စာရင်းတိုင်ကြားရေး ပြဋ္ဌာန်းချက်ကို ပြည်သူ့လွှတ်တော်က မဲခွဲဆုံးဖြတ်၍ ပယ်ဖျက်လိုက်ကြောင်း ကိုယ်စားလှယ်များက ပြောကြားသည်။

အမျိုးသားလွှတ်တော်၌ စတင် တင်သွင်းခဲ့သည့် အဆိုပါ ဥပဒေပြင်ဆင်ချက်ကို  စက်တင်ဘာ ၁၉ က  ကျင်းပသည့် ပြည်သူ့လွှတ်တော်တွင်  တစ်ပိုဒ်ချင်းစီအလိုက် အတည်ပြုရာတွင် အထက်ပါအတိုင်း ပယ်ဖျက်ခဲ့ခြင်းဖြစ်သည်။

မူလဥပဒေပါ ဧည့်စာရင်းတိုင်ကြားခြင်း ပြဋ္ဌာန်းချက်ကို ပယ်ဖျက်ခြင်းမပြုဘဲ မူလအတိုင်းထားရှိရန် ပြည်သူ့လွှတ်တော် ဥပဒေကြမ်း ကော်မတီက အစီရင်ခံစာ တင်သွင်းထားသော်လည်း မဲခွဲဆုံးဖြတ်ရာတွင် ပယ်ဖျက်ရန် သဘောတူညီခဲ့ကြခြင်းဖြစ်ကြောင်း ပြည်သူ့လွှတ်တော် ကိုယ်စားလှယ် ဦးဦးလှစောက ဆိုသည်။

သို့ရာတွင် ယင်းပြင်ဆင်ချက် အတည်ပြုရာတွင် အခြားဒေသရပ်ကွက်၊ ကျေးရွာများတွင် တစ်လထက်ပို၍ နေထိုင်မည် ဆိုပါက သက်ဆိုင်ရာ အုပ်ချုပ်ရေးမှူးထံ အကြောင်းကြားရမည့် အချက်ကို ပြန်လည်ထည့်သွင်း ပြဋ္ဌာန်းခဲ့ကြောင်း ၎င်းက ရှင်းပြသည်။

ယင်းသို့ သက်ဆိုင်ရာ အုပ်ချုပ်ရေးမှူးထံ တိုင်ကြားရမည်ဖြစ်သော်လည်း မတိုင်ကြားလျှင်လည်း အရေးယူမည် မဟုတ်ကြောင်း  ဥပဒေကြမ်းကော်မတီထံမှ သိရသည်။

"ရွေးကောက်ပွဲနဲ့ ပတ်သက်ပြီးတော့ ခြောက်လအတွင်း နေထိုင်မှသာလျှင် မဲပေးရမယ်ဆိုတဲ့ ခံစားခွင့်တွေ၊ ပြီးတော့ ဖားကန့်လို၊ မိုးကုတ်လို နေရာမျိုးတွေမှာ မူလဒေသခံထက် ဧည့်စာရင်းနဲ့ နေထိုင်တဲ့သူက ပိုများတော့ ကပ်ဘေးတစ်ခုခုကြောင့် အန္တရာယ် ဖြစ်သွားတယ် ဆိုရင် သက်ဆိုင်တဲ့ သတင်းအချက်အလက် စာရင်းဇယား ရနိုင်ဖို့ စတဲ့အချက်တွေကြောင့် တစ်လကျော် နေထိုင်ရင်  အကြောင်းကြားရမယ်ဆိုတဲ့ အချက်ကို ထည့်ထားတာပါ" ဟု ပြည်သူ့လွှတ်တော် ဥပဒေကြမ်း ကော်မတီအဖွဲ့ဝင် ဦးကျော်စိုးလင်းက မီဒီယာများကို ရှင်းပြသည်။

လုံခြုံရေးဆိုင်ရာ ခြိမ်းခြောက်မှုများကို လက်တွေ့ကျကျ ကိုင်တွယ် ဖြေရှင်းနိုင်ရန်အတွက် အခြေခံကျသော ကိန်းဂဏာန်း အချက်အလက်နှင့် စာရင်းဇယား ရရှိရေးသည် အဓိက အချက်တစ်ချက် ဖြစ်သောကြောင့် ဧည့်စာရင်းတိုင်ကြားခြင်း ကိစ္စကို ပယ်ဖျက်ရန် မပြုသင့်ကြောင်း ပြည်ထဲရေး ဝန်ကြီးဌာန ဒုတိယဝန်ကြီး ဗိုလ်ချုပ်အောင်စိုးက ထောက်ပြသည်။

"ဧည့်စာရင်း စစ်ဆေးမှုတွေမှာ အားနည်းချက်များ ဖြစ်ပေါ်ခဲ့တာ မှန်သော်လည်းပဲ ဒီလိုဖြစ်ပေါ်ခဲ့ခြင်းဟာ ဥပဒေရဲ့အမှား မဟုတ်ဘဲနဲ့ ဥပဒေကို ကိုင်တွယ် ကျင့်သုံးကြတဲ့ ပုဂ္ဂိုလ်ရေးဆိုင်ရာ အားနည်းချက်တွေ ဖြစ်တယ်လို့ ယူဆစေလိုပါတယ်" ဟု ၎င်းကပြောသည်။

ယင်းကိစ္စနှင့် ပတ်သက်၍ ဧည့်စာရင်း တိုင်ကြားမှု ပြုလုပ်ရသည့် စာပိုဒ်ကို ပယ်ဖျက်ရန် တင်သွင်းခဲ့သော တန့်ဆည် မဲဆန္ဒနယ်မှ ဦးမြင့်ထွန်းက "အိမ်ဥပစာအတွင်းကို ရှာဖွေရမယ့် ရဲအရာရှိ တစ်ယောက်တောင်မှ ရှာဖွေ ဝရမ်းမပါဘဲနဲ့ ရှာလို့မရပါဘူး။ အဲ့ဒီဥပဒေရှိရဲ့သားနဲ့ အုပ် ချုပ်ရေးမှူးအဆင့် တစ်ယောက်က ကျွန်တော်တို့အိမ်ပေါ်ကို ညအချိန်မတော် တက်ရောက်ရှာဖွေခွင့် ပေးထားတာဟာ မတရားတဲ့ ဥပဒေလို့ ကျွန်တော် ထင်ပါတယ်" ဟု ပြောဆိုသည်။

ဧည့်စာရင်းကိစ္စကို ပြည်ထဲရေး ဝန်ကြီးဌာန ဒုတိယဝန်ကြီး ဗိုလ်ချုပ်အောင်စိုး အပါအဝင် တပ်မတော်သား ကိုယ်စားလှယ်များက ပယ်ဖျက်ခြင်းမပြုဘဲ မူလအတိုင်း ဆက်လက်ထားရှိရန် ဆွေးနွေးပြောဆိုခဲ့ကြသော်လည်း မဲခွဲဆုံးဖြတ်ရာတွင် ပယ်ဖျက်ရန် ထောက်ခံ မဲများသဖြင့် အတည်ပြုကြောင်း လွှတ်တော်ဥက္ကဋ္ဌက ကြေညာခဲ့သည်။ 

ဧည့်စာရင်း တိုင်ကြားရေးပယ်ဖျက်ရန် လွှတ်တော်နှစ်ရပ် သဘောထား တူညီခဲ့ပြီဖြစ်သော်လည်း ဥပဒေတစ်ရပ်လုံးကို အတည်ပြုရာတွင် သဘောကွဲလွဲချက်များလည်း ရှိနေသောကြောင့် ပြင်ဆင်ချက်ပါ ဥပဒေကြမ်းကို အမျိုးသားလွှတ်တော်သို့ ပြန်လည် ပေးပို့သွားမည်ဖြစ်ပြီး သဘောကွဲလွဲချက်များ ဆက်လက်ရှိနေပါက ပြည်ထောင်စုလွှတ်တော်၌ အဆုံးအဖြတ် ခံယူရမည်ဖြစ်ကြောင်း ပြည်သူ့လွှတ်တော် ဥပဒေကြမ်း ကော်မတီဝင် ဦးကျော်စိုးလင်းက ရှင်းပြသည်။