POST TYPE

POLITICAL

ရခိုင်ပြည်နယ်ဆိုင်ရာ အကြံပေးကော်မရှင်ကို နိုင်ငံသား ပညာရှင်များဖြင့်သာ ဖွဲ့စည်းပေးရန် အရေးကြီးအဆိုတင်
31-Aug-2016 tagged as ရခိုင်

နေပြည်တော်၊ သြဂုတ် ၃၀

ကုလသမဂ္ဂ အထွေထွေ အတွင်းရေးမှူးချုပ်ဟောင်း မစ္စတာကိုဖီအာနန် ဦးဆောင်သော ရခိုင်ပြည်နယ်ဆိုင်ရာ အကြံပေးကော်မရှင်တွင် မြန်မာနိုင်ငံသား ပညာရှင်များကိုသာ အစားထိုး ထည့်သွင်းဖွဲ့
စည်းပေးရန် အရေးကြီးအဆိုကို သြဂုတ်လ ၃၀ ရက်နေ့၌ ကျင်းပသော ပြည်သူ့လွှတ်တော် အစည်းအဝေးတွင် တင်သွင်းလိုက်သည်။

ယင်းအဆိုကို ပေါက်တောမဲဆန္ဒနယ်မှ ရခိုင်အမျိုးသားပါတီဝင် ပြည်သူ့လွှတ်တော် ကိုယ်စားလှယ် ဦးအောင်ကျော်ဇံက တင်သွင်းခဲ့ခြင်းဖြစ်ပြီး  လွှတ်တော်က ကန့်ကွက်သူ မရှိသောကြောင့် ဆက်လက် ဆွေးနွေးမည်ဖြစ်ကြောင်း လွှတ်တော် ဥက္ကဋ္ဌ ဦးဝင်းမြင့်က ပြောသည်။

ကော်မရှင်တွင် ကိုဖီအာနန်အပါအဝင် နိုင်ငံခြားသား ၃ ဦးကို အကြံပေးတာဝန် ပေးအပ်ခဲ့ခြင်းမှာ နိုင်ငံခြားသားများအား ပြည်တွင်းရေးတွင် ဝင်ရောက် စွက်ဖက်ခွင့် ပေးထားခြင်းဖြစ်ကြောင်း ဦးအောင်ကျော်ဇံက ဝေဖန်ပြောဆိုသည်။

"ရခိုင်ဒေသရဲ့ သမိုင်းကြောင်း၊ ပကတိအခြေအနေကို ထဲထဲဝင်ဝင် နားမလည်ဘဲနဲ့ နိုင်ငံတကာ သတင်းမီဒီယာတွေကတစ်ဆင့် သတင်းအလွဲ အမှားများကိုသာ သိရှိပြီး ဒီမိုကရေစီနှင့် လူ့အခွင့်အရေး ပယောဂဝင် ပူးကပ်နေသူများ ဦးဆောင်တဲ့ ကော်မရှင်ဟာ ပြည်တွင်းပြဿနာအား နိုင်ငံတကာပြဿနာအဖြစ် ဖန်တီးခွင့် ရရှိသွားသဖြင့် နိုင်ငံတော်လုံခြုံရေးနှင့် တရားဥပဒေ စိုးမိုးရေးကိုပါ ထိခိုက်လာနိုင်သည်ဟု ရှုမြင်သုံးသပ်ပါတယ်" ဟု ၎င်းကဆိုသည်။

ကော်မရှင်အကြံပေးချက် ပေါ်ထွက်လာပါက နိုင်ငံတကာအပါအဝင် ကုလသမဂ္ဂကိုပါ သြဇာ လွှမ်းမိုးသွားနိုင်ကြောင်း ၎င်းက ထပ်လောင်းပြောကြားသည်။

ရခိုင်ပြည်နယ်ဆိုင်ရာ အကြံပေးကော်မရှင်ကို ဖွဲ့စည်းရေးအတွက် နိုင်ငံတော် အတိုင်ပင်ခံရုံး ဝန်ကြီးဌာနနှင့် ကိုဖီအာနန် ဖောင်ဒေးရှင်းတို့အကြား နားလည်မှု စာချွန်လွှာတစ်ရပ် ရေးထိုးသွားမည်ဖြစ်ပြီး ယင်းပုဂ္ဂိုလ်များသည် အကြံပေးသဘော တရားသာဖြစ်ကြောင်း နိုင်ငံတော်သမ္မတရုံး ဒုတိယညွန်ကြားရေးမှူး ဦးဇော်ဌေးက ပြောဆိုထားသည်။

ယင်းအရေးကြီးအဆိုသည် ဒုတိယအကြိမ် ပြည်သူ့လွှတ်တော် ဒုတိယပုံမှန် အစည်းအဝေး ကာလအတွင်း လွှတ်တော်က လက်ခံဆွေးနွေးရန် ပထမဆုံး သဘောတူသည့် အဆိုဖြစ်သည်။

ရခိုင်ပြည်နယ်ဆိုင်ရာ အကြံပေးကော်မရှင်တွင် ကိုဖီအာနန်အပါအဝင်  နိုင်ငံခြားသားများ ပါဝင်နေခြင်းကြောင့် ရခိုင်အမျိုးသားပါတီက ကန့်ကွက်ကြောင်း ကြေညာချက်ထုတ်ပြန်ခဲ့သည်။


  • VIA