News

POST TYPE

POLITICAL

ပြည်သူနှင့် လွှတ်တော်ကိုယ်စားလှယ် တိုက်ရိုက် ဖုန်းပြောနိုင်ရန် တိုင်းနှင့် ပြည်နယ် အသီးသီးတွင် ပြုလုပ်ရန် စီစဉ်
27-Aug-2016

ရန်ကုန်၊ သြဂုတ် ၂၇

ပြည်သူများအနေနှင့် မိမိတို့ ရွေးချယ် တင်မြှောက်ထားသည့် လွှတ်တော်ကိုယ်စားလှယ်များထံ လိုအပ်သည်များ ဆွေးနွေး၊ မေးမြန်းနိုင်မည့် တိုက်ရိုက် ဖုန်းခေါ်ဆိုမှု အစီအစဉ်ကို တိုင်းဒေသကြီးနှင့် ပြည်နယ် အသီးသီးတွင် ပြုလုပ်ရန် စီစဉ်နေကြောင်း Blue Ocean Contact Center မှ ဦးအောင်အောင်ဇော်က ပြောကြားသည်။

စမ်းသပ် အစီအစဉ်အဖြစ် သြဂုတ်လ ၂၇ရက် နံနက်ပိုင်းက ရန်ကုန်တိုင်းဒေသကြီး ဒလ၊ ဆိပ်ကြီးခနောင်တို၊ တွံတေး၊ ကော့မှူး၊ ကွမ်းခြံကုန်း၊ ကိုကိုးကျွန်း မြို့နယ်များမှ အမျိုးသားလွှတ်တော်၊ ပြည်သူ့လွှတ်တော်၊ တိုင်းဒေသကြီး လွှတ်တော်ကိုယ်စားလှယ်များက Hotline နံပါတ် (ဝ၁-၂၃၉၉၁ဝ၈) မှတစ်ဆင့် ပြည်သူများ၏ မေးမြန်း ဆွေးနွေးမှုများကို ဖြေကြားပေးခဲ့ကြောင်း Blue Ocean ကုမ္ပဏီထံမှ သိရှိရသည်။

Hotline နံပါတ် ဝ၁-၂၃၉၉၁ဝ၈ သို့ ပေးပို့လာသည့် ပြည်သူများ၏ လိုအပ်ချက်များ၊ အကြံပြုချက်များကို Blue Ocean Contact Center မှ လက်ခံရယူပြီး လွှတ်တော်ကိုယ်စားလှယ်များထံ အချိန်နှင့်တစ်ပြေးညီ ပေးပို့မည်ဖြစ်ပြီး မကြာမီတွင် အမျိုးသားလွှတ်တော်၊ ပြည်သူ့လွှတ်တော်၊ တိုင်းဒေသကြီး လွှတ်တော်ကိုယ်စားလှယ်များက ယခုဖုန်းမှတစ်ဆင့် ဆွေးနွေးမှုများ၊ အကြံပြုချက်များ၊ တိုင်ကြားချက်များကို ဖြေကြားမည့် အစီအစဉ်များ ပြုလုပ်မည်ဖြစ်ကြောင်း ယင်းလုပ်ငန်းထံမှ သိရှိရသည်။

  • VIA