News

POST TYPE

PHOTO ESSAYS

ရန်ကုန်ဆိပ်ကမ်းနှင့် မြဝတီတို့တွင် မထုတ်ရသေးသည့် Delivery Van အစီးရေ ၇၀၀ ကျော်ကျန်
ရန်ကုန်၊ စက်တင်ဘာ ၉

အကောက်ခွန်ဦးစီးဌာန၏ ရန်ကုန်ဆိပ်ကမ်းနှင့် မြဝတီနယ်စပ်တို့မှ Delivery Van ယာဉ်များထုတ်ယူခွင့် နောက်ဆုံးရက် ကျော်လွန်သွားသော်လည်း မထုတ်ယူရသေးသည့် ယာဉ်အစီးရေ ၇၅၀ ခန့် ကျန်ရှိကြောင်း ယင်းယာဉ်တင်သွင်းထားသူများထံမှ သိရသည်။

မြဝတီနယ်စပ်၌ အစီးရေ ၆၀၀ ခန့် နှင့် ရန်ကုန်ဆိပ်ကမ်း၌ အစီးရေ ၁၅၀ ခန့် ထုတ်ရန်ကျန်ရှိနေသည့်အတွက် အကောက်ခွန်ဦးစီးဌာန၏ ထုတ်ပြန်ချက်အရ စက်တင်ဘာလ ၇ ရက်နေ့ နောက်ဆုံးရက်အမီ မထုတ်နိုင်ခဲ့ခြင်းကြောင့် အဆိုပါယာဉ်များ သိမ်းဆည်းခံရတော့မည်ဖြစ်သည်။

“ရန်ကုန်ကကားတွေက ဆိပ်ကမ်းထားခပေးနေရတာဖြစ်တဲ့အတွက် နောက်ဆုံးရက် မသတ်မှတ်သင့်ပါဘူး။ အဆင်ပြေသလို ထုတ်ခွင့်ပေးသင့်တာပါ။ အခုဒဏ်ကြေးကလည်းများ၊ ဆိပ်ကမ်းခကလည်း များတော့ သွင်းထားသူတွေက ငွေအသင့်မရှိလို့ မထုတ်နိုင်ဘဲ ကျန်ခဲ့ကြတာပါ” ဟု အဆိုပါယာဉ်များ တင်သွင်းထားသူတစ်ဦးဖြစ်သည့် ဦးမြတ်မင်းချစ်က ပြောဆိုသည်။

အဆိုပါ Delivery Van ယာဉ်များဖြစ်သည့် ဟိုက်ဂျက်နှင့် ဆူဇူကီးကဲ့သို့ ကားသေးများအနေနှင့် ဆိပ်ကမ်းထားခ ဒဏ်ကြေး ကျပ်သိန်း ၂၀ မှ ၂၅ သိန်းနှင့် အုပ်စု C မှ ယာဉ်များအနေနှင့် ဒဏ်ကြေးကားတန်ဖိုး၏ လေးပုံတစ်ပုံဖြစ်သည့်အတွက် ကျပ်သိန်း ၃၀ မှ ၄၀ ခန့်ဖြင့် ထုတ်ယူခဲ့ရပြီး Nissan Vanette နှင့် Hiace ကဲ့သို့ အုပ်စု D မှ ယာဉ်များအနေနှင့် ဆိပ်ကမ်းခ ကျပ်သိန်း ၃၀ မှ ၄၀ အထိနှင့် ဒဏ်ကြေးမှာ ကားတန်ဖိုးအတိုင်းဖြစ်သည့်အတွက် ကျပ်သိန်း ၇၀ မှ ၈၀ ခန့်အထိ ပေးဆောင်ခဲ့ရကြောင်း ယင်းယာဉ်တင်သွင်းထားသူများထံမှ သိရသည်။

ထို့ကြောင့် ယင်းသို့ဒဏ်ကြေးများ ပေးဆောင်၍ ထုတ်ယူထားရသည့် Delivery Van များ၏ ဈေးနှုန်းမှာ မြင့်တက်သွားမည်ဖြစ်ကြောင်း ယင်းယာဉ်တင်သွင်းရောင်းချသူများက ဆိုသည်။

S-04