News

POST TYPE

PHOTO ESSAYS

ဗဟိုဘဏ်၊ ယဉ်ကျေးမှုဝန်ကြီးဌာန နှင့် သတ္တုတွင်းဝန်ကြီးဌာနတို့၏ ဝက်ဘ်ဆိုက်များ ထပ်မံတိုက်ခိုက်ခံရ
04-Sep-2017

တူရကီဟက်ကာများက မြန်မာနိုင်ငံအပေါ် ဆိုက်ဘာစစ်ပွဲဆင်နွဲရန်ကြေငြာထားပြီး ဆိုက်ဘာတိုက်ခိုက်မှုများကို ဆက်တိုက်ဆောင်ရွက်လျက်ရှိရာ စက်တင်ဘာ ၄ ရက် နံနက် ၃ နာရီ ခန့်အထိ နောက်ဆုံးသိရသည့်သတင်းများအရ ဗဟိုဘဏ်၊ ယဉ်ကျေးမှုဝန်ကြီးဌာနနှင့် သတ္တုတွင်းဝန်ကြီးဌာနတို့၏ ဝက်ဘ်ဆိုက် ၂ ခု ထပ်မံတိုက်ခိုက်ခံခဲ့ရသည်။ 

ဆိုက်ဘာတိုက်ခိုက်ခံရသည့် ဝက်ဘ်ဆိုက်များ၏ မူလစာမျက်နှာများတွင် ၎င်းတို့ ပေးလိုသည့် အချက်အလက်များကို Deface တင်ခဲ့ပြီး ရခိုင်ဒေသအတွင်း လူမျိုးတုံးသတ်ဖြစ်မှုများ ချက်ခြင်းရပ် ဟူသည့်စာသားများဖြင့် ရေးသားခဲ့သည်။

ယင်းအပြင် မအူပင်တက္ကသိုလ်၏ ဝက်ဘ်ဆိုက်ကိုလည်း တူရကီဟက်ကာများက တိုက်ခိုက်ခဲ့ပြီး Deface များတင်ခဲ့သည်။

မြန်မာလူငယ် UG Hacker များကလည်း တူရကီဝက်ဘ်ဆိုက်များကို ဆိုက်ဘာတိုက်ခိုက်မှုများဖြင့် တုံ့ပြန်လျက်ရှိသည်။

ဆိုက်ဘာတိုက်ခိုက်မှု သတင်းများကို The Voice နေ့စဉ်သတင်းစာ၏ ဝက်ဘ်ဆိုက်မှတဆင့် အချိန်နှင့် တပြေးညီဖော်ပြပေးသွားမည်ဖြစ်ပါသည်။