News

POST SECTION

PERSPECTIVE

06-Jul-2020
“ဖားကန့်မှာ မြေပြိုတယ်၊ လူသေတယ်”ဟု ကျွန်တော်တို့သတင်းစာတိုက်၏ သတင်းခန်းထဲတွင် ပြောဆိုနေသံများ စကြားခဲ့စဉ်က ထိုမျှလောက် ဝမ်းနည်းစရာကောင်းသည့်သတင်းမျိုးကြီး ဖြစ်လိမ့်မည်ဟု မထင်ခဲ့မိပေ။ ဖားကန့်ဘက်က ကျောက်စိမ်းလုပ်ကွက်အသီးသီးမှာ ကျောက်စိမ်းရှာသူတွေ၊ မြေစာပုံကြီးများတွင် ရေမဆေးကျောက်ရှာသူတွေ မြေပြို၍ဖြစ်ဖြစ်၊ အခြားမတော်တဆမှုကြောင့်ဖြစ်ဖြစ် ထိခိုက်သေဆုံးမှုတွေရှိသည်ဆိုသောသတင်းတွေကို မကြာခဏဆိုသလို ကြားခဲ့ဖူးပါသည်။
03-Jul-2020
သတိုးသီရိသုဓမ္မဘွဲ့ရ မြန်မာ့အလင်းဦးတင်က ၄.၄.၁၉၄၃ မှ ၃.၁၀.၁၉၇၈ အထိ ရိပ်သာကြီးကို လက်ဆင့်ကမ်းကာ ဆောင် ရွက်ပေးခဲ့ပါသည်။ ဒုတိယကမ္ဘာစစ်ကြီးပြီးဆုံးသောအခါ ရန်ကုန်မြို့ကြီးတွင် လူအများပြန်လည်စည်ကားလာသောအခါ သင်္ဃန်းကျွန်းရှိ နှင်းဆီကုန်းလူအိုရုံကို ဗဟန်းမြို့နယ်၊ ကမ္ဘာအေးစေတီလမ်းသို့ ပြောင်းရွှေ့ခဲ့သည်။ သို့နှင့် ယခုအခါတွင် ထင်ရှားကျော်ကြားလှသော နှင်းဆီကုန်းဘိုးဘွားရိပ်သာကြီးအဖြစ်သို့ တိုးချဲ့ကာအောင်မြင်စွာ ခရီးဆက်နိုင်ခဲ့တော့သည်။
03-Jul-2020
ဗိုလ်ချုပ်အောင်ဆန်းဆိုတာ တကယ်တမ်းပြောရရင် အများပြည်သူပိုင်တဲ့ အများပိုင်လူပုဂ္ဂိုလ်တစ်ဦးမဟုတ်လားဗျ။ ဘယ်သူ သုံးသုံး၊ ဘယ်ပါတီကသုံးသုံး အသုံးပြုခွင့်ရှိတယ်ဆိုတာ ပြောနေစရာတောင် လိုမယ်မထင်ဘူး ကိုရန်ပိုင်ရ။ ခုကျအသုံးပြုခွင့် ပိတ်ပင်တာကိုပါမကဘူး အသုံးပြုရင် ဗိုလ်ချုပ်ကိုပါ ဒီကနေ့နိုင်ငံရေးဇာတ်သွင်းပြီး ခြိမ်းခြောက်သလိုလိုနဲ့ တိုက်ခိုက်မှုတွေပါလုပ်လာတာက နိုင်ငံရေးပါရာဇိက ကံကျတယ်လို့ ပြောရမယ်ထင်တယ်။ ခုတော့ သမီးအရင်းဖြစ်သူ ဒေါ်အောင်ဆန်းစုကြည် ကိုယ်တိုင်ဖခင်ဖြစ်သူဓာတ်ပုံ အသုံးပြုခွင့် မူပိုင်ခွင့် ရရှိသူတစ်ဦးကိုတောင် အသုံးမပြုပါနဲ့လို့ သတိပေးလိုက်သလိုလုပ်ပြီး တရားသူကြီးနေရာက ဆုံးဖြတ်နေတာက အမှန်တရားနဲ့ ဆန့်ကျင်နေတယ်လို့ မြင်မိတယ်ဗျ။
02-Jul-2020
ဒါ့အပြင် ပထမဦးဆုံးအကြိမ်မဲပေးမယ့်လူငယ်တွေရဲ့ စိတ်ခံစားမှု၊ သူတို့ရဲ့ နိုင်ငံအပေါ်မှာထားတဲ့ နိုင်ငံရေး မျှော်လင့်ချက် ယုံကြည်ချက်က ဘာတွေလဲ၊ အမှန်တကယ်မဲပေးတော့မယ်ဆိုတဲ့အခါ ပါတီတွေအနေနဲ့ လှည့်လည်ပြီး ရွေးကောက်ပွဲစည်းရုံးရေး အောင်နိုင်ရေးလုပ်ကြတဲ့အခါ သူတို့ကြုံလာရမယ့် စိန်ခေါ်မှုတွေက ဘာတွေလဲ ၊ ပြည်သူတွေဘက်ကရော ဆန္ဒမဲပေဖို့ ဘာတွေအခက်အခဲရှိကြမလဲ ...
02-Jul-2020
လူမှန်၊ နေရာမှန်ဆိုတဲ့ စကားလုံးကို မြန်မာနိုင်ငံမှာ သုံးစွဲပြောဆိုခဲ့ကြတာ ဆယ်စုနှစ်လေးငါးဆယ် မကတော့ပါဘူး။ ဒါပေမဲ့ ကျွန်တော်တို့ နိုင်ငံရဲ့ နေရာအတော်များများမှာ လူမှန်၊ နေရာမှန်မဖြစ်သေးဘူးဆိုတာ အားလုံးအသိပဲ ဖြစ်ပါတယ်။ အဲဒါဘာကြောင့်လဲဆိုရင် လူတွေကို အကဲခတ်၊ ရွေးချယ်၊ တာဝန်ပေးအပ်ရမယ့်နေရာတွေမှာ ရောက်ရှိနေတဲ့သူတွေ ကိုယ်တိုင်က လူတွေကို မှန်မှန်ကန်ကန် အကဲမခတ်နိုင်သေးတာရယ် အဂတိ တရားလိုက်စားမှုတွေ မကင်းနိုင်ကြတဲ့အတွက်ပဲ ဖြစ်ပါတယ်။
01-Jul-2020
ခက်တာက လူရဲ့လောဘတွေဆိုတာ ဘယ်တော့မှမပြည့်တတ်ကြပါဘူး။ ရပြီးရင်း ရချင်ကြပါတယ်။ ချမ်းသာပြီးရင်း ချမ်းသာချင်ကြပါတယ်။ ဂုဏ်ရှိပြီးရင်း ရှိချင်ကြပါတယ်။ အာဏာရပြီးရင်း ရချင်ကြပါတယ်။ လောဘတွေနောက်မှာ ဒေါသတွေ၊ မောဟတွေ ဆင့်ကာ ဆင့်ကာ ပါလာလိမ့်မယ်။ ဒါကြောင့်လည်း မြတ်စွာဘုရားက အတိတ္တော လောကော လို့ဟောကြားတော်မူခဲ့တာပါ။ လောကသားများဟာ ဘယ်တော့မှ တင်းတိမ်မသွားဘူးလို့ ဆိုပါတယ်။ လောဘ၊ ဒေါသ၊ မောဟ တရားတွေ ဖုံးလွှမ်းမှု များလာရင် ပညာတွေ၊ အသိတရားတွေ၊ ဆင်ခြင်နိုင်စွမ်းတွေလည်း လျော့ပါး ပျောက်ကွယ်လာတတ်ကြပါတယ်။ အဲဒီနောက်မှတော့ ကောင်းသော အတွေး၊ ကောင်းသောအကြံ၊ ကောင်းသောအပြော၊ ကောင်းသော အလုပ် ဆိုတာထက် မကောင်းတဲ့ဘက်ကိုပဲ ဦးတည်ကြတော့မှာပါ။ အဲဒီလို သူ့ဘက်ကိုယ့်ဘက် မကောင်းတဲ့ဘက် ဦးတည်လာကြမယ်ဆိုရင် ရလဒ်ကတော့ သေချာပါတယ် ပျက်စီးခြင်းပါပဲ။
01-Jul-2020
မရောက်သေးတဲ့အနာဂတ်ဆီက မမြင်ရတဲ့ကံကြမ္မာဆိုတဲ့ ပန်းချီ ကားချပ်တစ်ချပ်မှာ ကိုယ့်အတွက် ဘယ်လိုရုပ်ပုံပေါ်လာမလဲဆိုတာက မိမိတို့မြင်နေ၊ ကြုံနေရတဲ့ပစ္စုပ္ပန်ကို ဘယ်လိုအတွေးစုတ်ချက်တွေ တင်နေ သလဲဆိုတာနဲ့ အများကြီးပတ်သက်နေပါတယ်။ တစ်ခုသတိပြုရမှာ ရှိသေးတယ်။ ကောင်းတဲ့အတွေးတွေ တွေးဖြစ်ရင်ရော။ အင်း အတွေးတွေက တော့ ကောင်းပါရဲ့။ လက်တွေ့လည်း ဖော်ဆောင်ဖို့တော့ လိုသေးတယ်နော်။ ကိုယ်တွေးထားတာ ကိုယ်ယုံဖို့၊ ကိုယ်ယုံသလို အများလက်ခံလာဖို့၊ လက်ခံလာတဲ့သူတွေကို အကျိုးရှိစေဖို့ပေါ့။ ဒီလိုသာဆို ကိုယ့်ရဲ့အတွေး ကောင်းတစ်ခုကို ဖော်ဆောင်တတ်မှုကြောင့် ကိုယ်အတွက်တင်မကဘဲ တခြားသူတွေရဲ့ အနာဂတ်တွေပါ အရောင်လက်လာတာမျိုးပေါ့။
30-Jun-2020
ရှေ့နောက်မျိုးဆက်နှစ်ဆက်၏ ချိတ်ဆက်မှုအပိုင်းတွင် ရိုကျိုးလေးစားမှုများ ပျောက်ကွယ်သွားနိုင်သည့် ထိပ်ပုတ်ခေါင်းစမ်းတတ်ကြ သည့်အကျင့်များကို ရှေ့ဆောင်လူကြီးများအနေနှင့် အထူးရှောင်ကြဉ်ရပေမည်။ ရိုကျိုးလေးစားမှုများကို လျော့နည်းအားပြတ်စေမည့် ခေတ်အရွေ့ မတူညီသည့်စံနှုန်းများဖြင့်လည်း မျိုးဆက်သစ်လူငယ်များကို တိုင်းတာခြင်းများ မပြုလုပ်မိရန် အထူးလိုအပ်လှပါသည်။ ရှေ့မျိုးဆက်များနှင့် နောက်မျိုးဆက်များ သွေးကွဲနိုင်သည့် စံနှုန်းယိမ်းထိုးမှုများလည်း မပြုလုပ်မိကြစေရန်အတွက် ဆင်ခြင်နိုင်ကြဖို့ လိုအပ်ပါသည်။
30-Jun-2020
စင်စစ်အားဖြင့် မူးယစ်ဆေးဝါးပြဿနာတည်းဟူသော ပင်စည်၏ အောက်ခြေတွင် လူမှုရေး၊ စီးပွားရေး၊ တရားဥပဒေစိုးမိုးရေး၊ ပြစ်မှုတရား စီရင်ရေးတို့က အမြစ်များသဖွယ် တွယ်ဆက်နေသည်ကို တွေ့ရမည်ဖြစ်သည်။ တစ်နည်းအားဖြင့် မူးယစ်ဆေးဝါးတိုက်ဖျက်ရေးတွင် မူးယစ်ဆေးဝါးရောင်းဝယ်မှုများကို ဖော်ထုတ်ဖမ်းဆီးခြင်း သက်သက်ဖြင့် မူးယစ်ဆေးဝါးအန္တရာယ် လျော့နည်းပျောက်ကွယ်ရေးအတွက် အောင်မြင်နိုင်မည်မဟုတ်ပေ။ ဆက်စပ်နေသည့် အခြေခံအကြောင်းတရားများကိုပါ မြှင့်တင်ပေးရန် လိုအပ်လျက်ရှိသည်။ အထူးသဖြင့် ကလေးသူငယ်နှင့် လူငယ်များရှိနေသည့် မိသားစုတိုင်းသည် မိမိတို့၏ ကလေး၊ လူငယ်များ၏ အသံနှင့် ကလေးများ၏ ခံစားချက်တို့ကို အလေးအနက်ထားနားထောင်ကာ ကလေးများ၏အနာဂတ် ဘဝဖွံ့ဖြိုးရေး၊ ဘေးကင်းလုံခြုံစွာကြီးပြင်း လာနိုင်ရေးအတွက် စီမံဆောင်ရွက်ပေးရန် လိုအပ်မည်ဖြစ်သည်။
29-Jun-2020
အဲဒီတော့လည်း ဇွန်လကုန်ရက်နီးလာတော့ ဇူလိုင်မှာ ကန့်သတ်ထားချက်တွေ ရုပ်တော့မလား မျှော်မိခဲ့တာပါ။ ရောဂါကူးစက်မှာ မကြောက်လို့၊ မစိုးရိမ်လို့တော့ မဟုတ်ပါဘူး။ သတိထားနိုင်ရင်တော့ အကောင်းဆုံးပါပဲ။ ဒီလိုအခြေအနေမျိုးမှာ စီးပွားရေးပြန်လည်နိုးထဖို့၊ အလုပ်အကိုင် ဖန်တီးပေးနိုင်ဖို့၊ ပြည်သူတွေရဲ့ စားဝတ်နေရေး အဆင်ပြေစေဖို့လည်း စဉ်းစားဖို့ လိုလိမ်မ့ယ်။ ကိုယ့်အိမ်နီးချင်း အာဆီယံနိုင်ငံတွေက တစ်ဆင့်ချင်း ဖြေလျှော့မှုတွေ လုပ်နေကြချိန်မှာ ကိုယ့်နိုင်ငံကလည်း အချိန်ကာလ တစ်ခုသတ်မှတ်ပြီး ဖြေလျှော့မယ့် အစီအစဉ်တွေချထားဖို့ လိုလိမ့်မယ်။ ဒီလိုမှ မဟုတ်ရင်တော့ ၁၅ ရက်တစ်ကြိမ် မျှော်နေရင်းနဲ့ပဲ လုံးချာလိုက်နေပါဦးမယ်...
26-Jun-2020
ကျွန်တော်တို့တစ်တွေသည် လောကကို အမြင်ကျဉ်းကျဉ်းဖြင့် ရှုမြင်သုံးသပ်ကြသည့်အခါမျိုးများ၌ အပြစ်ဟူသော ပုစ္ဆာများသာ ထွက်လို့လာပေမည်။ အပြစ်ဟူသော မေးခွန်းတိုင်း၏အဖြေတွင် စာနာ နားလည်ပေးတတ်ခြင်းဟူသည့် အချစ်မျိုးများ မရရှိနိုင်ကြပါပေ။ မထားနိုင်ကြပါပေ။ ရရှိနိုင်ခဲ့ကြလျှင်လည်း နည်းပါးသေးသိမ်နေသေးသည့် ချစ်ခြင်းအတုများသာ ဖြစ်ဖို့များပေသည်။ ထို့ကြောင့် ကျွန်တော်တို့တစ်တွေအနေနှင့် လောကကြီးကို အကောင်းမြင်လိုသောဆန္ဒများဖြင့်သာ အမြင်ကျယ်ကျယ်နှင့် ကြည့်တတ်ကြဖို့ရန် အထူးအရေးကြီးလှပါသည်။ တစ်နည်းအားဖြင့် လူကို လူဟုမြင်တတ်သည့် စိတ်ကောင်းများကို မွေးမြူနိုင်ဖို့ရန် လိုပေသည်။
26-Jun-2020
နိုင်ငံရေးမှာ Character Assassination ဆိုရာမှာ များသော အားဖြင့် တစ်ဦးချင်း ဒါမှမဟုတ် အဖွဲ့အစည်းတစ်ခု၏ ဂုဏ်သိက္ခာ၊ ယုံကြည်စိတ်ချရခြင်း စတာတွေကို ရည်ရွယ်ချက်ရှိရှိ ကြိုတင်ပြင်ဆင်ထားတဲ့ နိုင်ငံရေး “Smear Campaign” (အိုးမဲသုတ်ကမ်ပိန်း) အစိတ်အပိုင်း တစ်ခုလို့လည်း အဓိပ္ပာယ်ဖွင့်ဆိုကြတယ် ကိုရန်ပိုင်ရ။ ကမ်ပိန်း၏ ထိုကဲ့သို့ လှုံ့ဆော်မှု ရည်ရွယ်ချက်မှာလည်း တစ်ဖက်အဖွဲ့အစည်း၊ လူပုဂ္ဂိုလ်အပေါ် ထောက်ခံနေမှု အခြေအနေကို အားနည်းစေရန်ဖြစ်တယ်လို့လည်း ဆိုကြ တယ်ဗျ။ အခုလို ကမ်ပိန်းများတွင် ကောလာဟလများ၊ ပုံဖျက်ထားသော အမှန်တရားတစ်ဝက်နှင့် အကြောင်းအရာများ၊ ချဲ့ကားပြောဆိုမှုများနှင့် အတိုက်အခံပြုခြင်းလို့ဆိုတယ်ဗျ။
25-Jun-2020
လိမ်ညာတတ်တဲ့သူကတော့ သူ့ပင်ကိုဗီဇအတိုင်း လိမ်နေဦးမှာပဲ။ ညာနေဦးမှာပါပဲ။ လိမ်ညာရက်လေခြင်းဆိုတဲ့ အစွဲအလမ်းတွေကိုထားပြီးတော့ မုန်းတီးနာကြည်းစိတ်တွေဝင်နေမယ်ဆိုရင် ကိုယ့်အကုသိုလ်ကို ကိုယ်တိုင်ဖန်တီးနေသလိုပဲ ဖြစ်နေတော့မယ်ဆိုတာ သဘောပေါက်သွားခဲ့ပြီ။ လောကကြီးမှာ ကိုယ့်အကုသိုလ်ကို ကိုယ်တိုင်ဖန်တီးယူတဲ့လူ လောက် မိုက်တဲ့လူမရှိတော့ဘူးလို့ ကျွန်မကတော့ထင်မိပါတယ်။ တကယ်တမ်းကျတော့ ကျွန်မတို့တစ်တွေဟာ လူ့ဘဝကိုရောက်လာတဲ့ခဏလေးမှာ ဘယ်သူ့ကိုမှ မုန်းတီးစိတ်ဝင်ပြီး သံသရာကို ဆွဲဆန့်မနေသင့်ပါဘူး။
25-Jun-2020
မြန်မာ့ဒီမိုကရေစီအသွင်ကူးပြောင်းရေး အခြေကျခိုင်မာရန် ဆောင်ရွက်ရန်များစွာ ကျန်ရှိနေသေးရာ ဒီမိုကရေစီစံချိန်စံညွန်းများနှင့် တိုင်းတာပါက ပြောင်းလဲပြုပြင်ရန်များ လိုအပ်နေဆဲဖြစ်သည်။ ထိုသို့သော စပ်ကူးမပ်ကူး အသွင်ကူးပြောင်းရေးကာလတွင် မူလရည်မှန်းထားသည့် ဒီမိုကရေစီပန်းတိုင်နှင့် ဟန်ချက်ညီသော နိုင်ငံတည်ဆောက်ရေးများဖြစ်ရန် လိုအပ်မည်ဖြစ်သည်။ ဒီမိုကရေစီရင့်ကျက်ပြီးသည့် နိုင်ငံများတွင်ပင် ဒီမိုကရေစီနောက်ပြန်စေသည့် သို့မဟုတ် ဒီမိုကရေစီအရည်အသွေး လျော့နည်းစေသည့် နိုင်ငံရေးအသွင်ပုံစံများ နေရာယူလာသည်ကို သတိပြုကြရမည်ဖြစ်သည်။