News

POST SECTION

PERSPECTIVE

28-Jul-2020
ကိုယ်က သူများကို ဒါလုပ်ဆိုတဲ့တာဝန်ပေးပြီး ကိုယ်ကဝင်မပါဘဲ ကိုယ်နဲ့မဆိုင်သလို နေရင်တော့၊ ဟိုတစ်ဖက်ကိုလည်း နားလည်သလိုလုပ်၊ မင်းဖြစ်မင်းခံ ကိုယ်နဲ့မဆိုင်သလိုနေရင်တော့ အဲသည်နေရာအတွက် တာဝန် ခွဲပေးတာမျိုး မဟုတ်ဘဲ တာဝန်လွှဲပေးလိုက်တာမျိုး သက်ရောက်ပါ တယ်။ မိမိက ဒီအလုပ်ကို လုံး၀မလုပ်တော့မှာဖြစ်လို့ တစ်နည်း ဒီအဝန်း အဝိုင်းနဲ့ ဘယ်တော့မှ ပတ်သက်စရာမလိုတဲ့အခါမျိုးမှာဆိုရင်တော့ ဖြစ်ကောင်းဖြစ်ပါလိမ့်မယ်။
27-Jul-2020
ဘာသာစကားနဲ့ စာပေရဲ့အရေးပါပုံကို သတိထားမိကြတာက ဟိုးလွန်ခဲ့တဲ့ နှစ်ပေါင်းထောင်သောင်းသိန်းချီကတည်းက၊ ပဝေရှေးက ဘိုးဘေးဘီဘင်တို့ လက်ထက်ကတည်းက ဖြစ်ပါတယ်။ ဘယ်လိုပုဂ္ဂိုလ်မျိုးအတွက်မဆို ဒီနှစ်ခုတတ်မြောက်ဖို့ မဖြစ်မနေလိုအပ်ပါတယ်လို့ သိရှိနားလည်လက်ခံခဲ့ကြတာ အလွန့်အလွန်ကြာမြင့်ခဲ့ပြီ ဆိုပေမယ့် ဒီကနေ့ ဒီအချိန်အထိ အခြေခံအရေး၊ အဖတ်၊ အတွက်လောက်ကိုမှ နားမလည်ကြသေးတဲ့သူတွေ ရှိနေသေးတာက တကယ်ကို ဝမ်းနည်းစရာကောင်းပါတယ်။ စာတတ်မြောက်မှုရာခိုင်နှုန်းက ဟိုတစ်ချိန်တွေတုန်းကထက်စာရင် အတော်ကြီးတိုးတက်လာခဲ့ပြီဆိုပေမယ့် ရာနှုန်းပြည့်အထိတော့ မရောက်နိုင်သေးဘဲဖြစ်နေပါတယ်။
27-Jul-2020
ဆိုရှယ်မီဒီယာပို့စ်များမှ မှတ်ချက်များထက် ပို၍ ထိထိရှရှ ရှိလှသည်မှာ ဒေါ်အောင်ဆန်းစုကြည်၏ အနောက်တွင် အရိပ်တစ်ခုပမာ အမြဲတွေ့ရသော သူ၏ဓာတ်ပုံများပင် ဖြစ်လေသည်။ ယင်းပုံများအနက် တစ်ပုံကြောင့် ကျွန်တော်တော့ အတော့်ကိုစိတ်မကောင်းဖြစ်မိသည်။ ပုံထဲတွင် လိမ္မော်ရောင်အင်္ကျီနှင့် ယောဂီရောင်ဟုယူဆရသည့် ထဘီ ဝတ်ဆင်ထားသော ဒေါ်အောင်ဆန်းစုကြည်နှင့် သူမ၏နောက်က ကပ်လျက်ပါလာသူ ဦးစိုးဝင်းကို တွေ့ရသည်။ ဒေါ်အောင်ဆန်းစုကြည်ရော၊ ဦးစိုးဝင်းရော မိုးရေများစိုရွှဲ၍နေသည်။ ဒီပဲယင်းကာလလောက် သို့မဟုတ် ယင်းမတိုင်ခင်ကာလတုန်းက ဓာတ်ပုံဖြစ်လိမ့်မည်ဟု ကျွန်တော်မှန်းဆကြည့်မိသည်။
24-Jul-2020
ရွေးကောက်ပွဲတွေ မဲပေးရွေးချယ်ရေးတွေပြောလို့ အဓိက ကျတဲ့ မြန်မာမဲဆန္ဒရှင်ပြည်သူတွေကို ခွဲခြမ်းစိတ်ဖြာကြည့်မယ်ဆိုရင် အကြမ်းဖျင်းကိန်းဂဏန်းတွေက အခုလာမယ့် ၂၀၂၀ အထွေထွေရွေးကောက် ပွဲကြီးမှာ မဲပေးမယ့်ပြည်သူအရေအတွက်က ၃၇ သန်း၊ အသက်သုံးဆယ် အောက်က ၁၅ သန်းနဲ့ ၂၀၂၀ မှ မဲစတင်ပေးမယ့် လူငယ်မဲဆန္ဒရှင်တွေက ၅ သန်းရှိတယ်လို့ ဖတ်မိမှတ်မိသလောက်ဆိုရရင် အဓိကမဲဆန္ဒရှင် သန်း ၂၀ ခန့်ဟာ လူငယ်လူရွယ်တွေအများစုလို့ ဆိုရမယ်ခင်ဗျ။ ဒါ့ကြောင့် လူငယ်လူရွယ်တွေနဲ့ သက်ဆိုင်မယ့် စည်းရုံးလှုံ့ဆော်ရေးနည်းလမ်းတွေ၊ အထူးသဖြင့် ဆိုရှယ်မီဒီယာတွေပေါ်ကနေ စည်းရုံးရေးနည်းနာတွေလည်း စဉ်းစားသင့်တယ်လို့တော့ ထင်မိတယ်ဗျ။
24-Jul-2020
တရားမျှတမှုနှင့် တရားဥပဒေစိုးမိုးရေး ဆိုသည်က ဒွန်တွဲနေသည့် အပြန်အလှန်အကျိုးပြုနေသည့် မိတ်ဖက်အရာများဟု ဆိုနိုင်သည်။ လူ့အဖွဲ့ အစည်းတစ်ခုတည်းအတွင်း ယှဉ်တွဲတည်ရှိနေသော်လည်း မတူညီသော တရားမျှတမှုများကြောင့် ဖြစ်လာနိုင်သည့်အကျိုးဆက်တို့ကို ကိုယ်ချင်း စာကြည့်လျှင် သိနိုင်၊ မြင်နိုင်၊ ခံစားနိုင်ပါသည်။ တရားမျှတမှု၏ အရင်းခံ ဖြစ်သည့် ညီမျှမှု၊ တန်းတူရည်တူရှိမှုတို့ဆိုသည်က အားလုံးအတွက် စရွေး ကိုက်ဖြစ်ရမည်ဟု မဆိုလို။ သို့သော် ကွာဟမှုကြီးမားလာလျှင်မူ ကောင်း ကျိုးထက် ဆိုးကျိုးသို့ ဦးတည်နေပေလိမ့်မည်။ သည့်အတွက် အားလုံး အကြား တရားမျှတမှု လိုအပ်သည်မှာ အထူးပြောစရာမလိုဟု ထင်သည်။
23-Jul-2020
ကာတွန်းဆရာက သူ့အမြင်ကို ကာတွန်းလေးထဲကနေ ပြောတယ်။ ကျွန်တော်က ကာတွန်းလေးထဲက ပြောတဲ့အကြောင်းအရာကို ကျွန်တော် ကိုယ်တိုင် မြင်ရတဲ့အမြင်တွေ၊ ကြုံရတဲ့အခြေအနေတွေနဲ့ ဆက်စပ် တွေးတောမိတယ်။ ကာတွန်းဆရာရဲ့ရင်ဘတ်နဲ့ ကျွန်တော့်ရင်ဘတ်တို့ ရင်ဘတ် ရင်ဘတ်ချင်း ချိတ်ဆက်မိသွားပါတယ်။ တချို့လူတွေက အမှန် ကိုပြောရင် နာကြပါတယ်။ အနာပေါ်တုတ်ကျတာပေါ့လေ။ နာလွန်းမကနာ လို့ လဲသေသွားရင်လည်း ကျွန်တော်တို့ကတော့ အရှိကိုအရှိတိုင်း ဆက် ပြောနေကြဦးမှာပါပဲ။ ဒီကာတွန်းလေးကနေ ရမိတဲ့အတွေးကတော့ မျက်ကန်းတပည့်တွေ များလာလေလေ ဆရာလုပ်သူတွေ စားသာလာ လေလေဆိုတဲ့ အတွေးလေးပါပဲ။
23-Jul-2020
ကမ္ဘာပေါ်မှာ ဖွံ့ဖြိုးတိုးတက်နေတဲ့နိုင်ငံတွေကိုကြည့်ရင် ဝန်ထမ်းတွေကို မလိုအပ်ဘဲ အချိန်ပိုခေါ်တာတို့၊ ရုံးချိန်အပမှာ ခေါ်ခိုင်းတာတို့၊ ရုံးပိတ်ရက်မှာ ခေါ်ခိုင်းတာတို့ မရှိသလောက်ဖြစ်ပြီး၊ လိုအပ်တဲ့စာရင်းဇယားတွေ ကို အချိန်မီရရှိဖို့အတွက် ကြိုတင်စဉ်းစားတွေးခေါ်ပြီး ပုံမှန်အခြေအနေမှာ ကောက်ယူစုဆောင်းထားရှိပြီး သိုလှောင်ထားရှိတယ်လို့ သိရပါတယ်။ မြန်မာနိုင်ငံအနေနဲ့လည်း လိုအပ်တဲ့အချိန်မှာ လိုအပ်တဲ့စာရင်းဇယားအချက်အလက်တွေကို ထုတ်ယူသုံးစွဲနိုင်အောင် အဲဒီလိုဆောင်ရွက်ဖို့လို အပ်နေပြီဖြစ်ပါတယ်။
22-Jul-2020
နောက်နေ့မနက်မှာ ကြောင်ကလေး နှစ်နှစ်ခြိုက်ခြိုက်အိပ်ပျော်နေပုံကိုကြည့်ရင်း ကျွန်မမှာ ဝန်တိုစိတ်တွေဖြစ်လို့ မုဒိတာမပွားနိုင်ခြင်းကလည်း ကျွန်မအတွက် အတွေးတွေကနေ မငြိမ်းချမ်းစေတဲ့ ဒုက္ခတစ်မျိုးကို ဖန်တီး ပေးနေခြင်းပါပဲ။ ကျွန်မရဲ့ လွဲမှားတဲ့အတွေးတွေကို မပြောင်းလဲနိုင်သရွေ့ ကျွန်မဟာ ပုံသဏ္ဌာန်အမျိုးမျိုးသော ဒုက္ခတွေထဲ မှာ စုန်ချည်ဆန်ချည် ဖြစ်နေဦးမှာပါ။ သူငယ်ချင်းကတော့ပြောတယ်။ လူဖြစ်ရတဲ့ဒုက္ခတွေကြားထဲမှာ လူ့ဘ၀ကြီးက ပျော်စရာမကောင်းပေမယ့် လူ့ဘ၀ ရတုန်းလေး အကျိုးရှိအောင်တော့ တို့တစ်တွေနေထိုင်သွားဖို့ လိုမယ်တဲ့။
22-Jul-2020
နိုင်ငံတစ်နိုင်ငံ ဖွံ့ဖြိုးတိုးတက်လိုလျှင် အဓိကအားဖြင့် ပညာရေးတွင် ရင်းနှီးမြှုပ်နှံမှု ဆောင်ရွက်ကြရသည်။ ထိုသို့ရင်းနှီးမြှုပ်နှံရာတွင် နိုင်ငံသားများ၏ပညာရည်အဆင့်အတန်းမြင့်မားရေးသည် များစွာအရေးပါလျက်ရှိသည်။ အထူးသဖြင့် မျိုးဆက်သစ်များ ပညာရည် မြင့်မားနေမှသာလျှင် ထိုနိုင်ငံသည် အဆင်းရဲဆုံးနိုင်ငံများစာရင်းမှ လွတ်မြောက်နိုင်မည်ဖြစ်သည်။ ထိုသို့မျိုးဆက်သစ်များ ပညာရည်အဆင့် အတန်းမြင့်မားရေးအတွက် သင့်တော်သည့် သင်ရိုးညွှန်းတမ်းများ၊ စနစ် တကျသင်ကြားပြသ ပို့ချပေးနိုင်မှုနှင့် စာမေးပွဲစနစ်များရှိနေရန် လိုအပ်မည်ဖြစ်သည်။
21-Jul-2020
ပသို့ဆိုစေ လက်ရှိမြန်မာပြည်၏ ကျန်းမာရေး စောင့်ရှောက်မှုသည် ပြည်သူလူထု၏ လိုအပ်ချက်များကို သုံးပုံတစ်ပုံမျှပင် နွေးထွေးမှု မပေး နိုင်သေးပါ။ တစ်နည်းအားဖြင့် အခြေခံလူတန်းစားများအတွက် အခမဲ့ ကျန်းမာရေးစောင့်ရှောက်မှုက မရှိသလောက် ရှားလှသည်။ ရောဂါတစ်ခု ဖြစ်လာလျှင် သို့မဟုတ် ကျန်းမာရေးချို့တဲ့လာလျှင် မိဘပြည်သူများ အတွက် မျက်ကလဲဆန်ပျာနှင့် ငွေကုန်ကြေးကျ များကြရလေသည်။ နိုင်ငံ တော်ပိုင် ပြည်သူ့ဆေးရုံများဖြစ်လျက် ပြည်သူလူထုတွေအဖို့ အပြည့်အဝ အားကိုးရာမရောက်နိုင်သေးပေ။ ပိုက်ဆံမရှိလျှင် အသက်ရှင်နိုင်ခြေ နည်းပါးသဖြင့် သေဖို့သာပြင်ထားကြပေရော။ လူတန်းစားမရွေး အထိုက်အလျောက် အကုန်အကျခံနိုင်မှသာ ဆေးရုံများသို့ သွားရောက်ပြသနိုင် ခွင့်ရှိနေသည်။
21-Jul-2020
သာမန်အားဖြင့်တော့ လွှတ်တော်ရဲ့ ဥပဒေပြုရေးလုပ်ငန်းတွေ အရေးတကြီး ဆွေးနွေးပြဋ္ဌာန်းရန်၊ လွှတ်တော်အစည်းအဝေးတွေ ပြန်လည်ခေါ်ယူဖို့ မရှိနိုင်တော့ပေမယ့်လည်း အခြားတစ်ဖက်က အစိုးရအဖွဲ့နဲ့ နိုင်ငံတော်သမ္မတရဲ့လုပ်ငန်းစဉ်တွေထဲမှာ ပြည်ထောင်စု လွှတ်တော်ရဲ့ အတည်ပြုချက်နဲ့သာ ဆောင်ရွက်ခွင့်ရှိတဲ့လုပ်ငန်းတွေ၊ ပြည်ထောင်စုလွှတ်တော်မှာ မှတ်တမ်းထားရမယ့်လုပ်ငန်းတွေ ရှိလာမယ် ဆိုရင်တော့ ဒါတွေအတွက် အစည်းအဝေးခေါ်ယူကျင်းပပေးဖို့ နိုင်ငံတော် သမ္မတက သဝဏ်လွှာပေးပို့ခဲ့ရင် ၁၈ ကြိမ်မြောက်အစည်းအဝေးတွေ ပြန်လည်ခေါ်ယူကျင်းပပေးကြရဦးမှာပဲ ဖြစ်ပါတယ်။
20-Jul-2020
ယခုနှစ် အာဇာနည်နေ့မှာ သူ့ကျန်းမာရေးကို စဉ်းစားပြီး ကျွန်တော်စိတ်ပူမိသည်မှာတော့ အမှန်ပင်။ သူ့အနေနှင့် ကျန်းကျန်းမာမာဖြင့် အလုပ်တွေဆက်လုပ်နိုင်မှဖြစ်မည်။ တိုင်းပြည်အတွက် ဒီမိုကရေစီအုတ်မြစ်ကောင်းတွေချပေးရန် ကျန်နေသေးသည်။ သူပါမှဖြစ်မည့်ကိစ္စတွေ အမြောက်အမြားရှိနေသေးသည်။ ဒီမို ကရေစီရေးတွင် သူ၏ “အား”မှာ အင်မတန်အရေးပါနေသည်။ အနာဂတ် မျိုးဆက်တွေ၊ အနာဂတ်နိုင်ငံအတွက် သူ့ထံမှ ကျွန်တော်တို့တစ်တွေ တောင်းနိုင်တာ ဒီမိုကရေစီအမွေဟု ထင်သည်။
20-Jul-2020
နိုင်ငံရေးပဋိပက္ခများ၊ မိမိအာဏာရလိုမှုများကြောင့် လုပ်ကြံသွေး စွန်းခဲ့ရမှုတွေ နှစ်ပေါင်း ၇၀ ကျော် လွတ်လပ်ရေးသက်တမ်းအတွင်း များစွာရှိခဲ့သည်။ မိမိတို့နှင့် အယူအဆမတူ ရန်သူကို လက်ဦးအောင် ချေမှုန်းပြီး သွေးချောင်းစီးခဲ့သည့် သာဓကတွေ ပူပူနွေးနွေး ရှိနေသေးသည်။ အန်အယ်လ်ဒီပါတီ၏ အဖိနှိပ်ခံဘ၀၊ ဒီပဲရင်းလုပ်ကြံမှုကြီးက သည်ဘက်ခေတ် သာဓက တစ်ခုဖြစ်သည်။ သမိုင်းမှာ ဗိုလ်ချုပ်တို့ လုပ်ကြံသတ်ဖြတ်ခံရသလိုမျိုး ပဒေသရာဇ် ကုန်းဘောင်ခေတ်နှောင်းမှာလည်း ရှိခဲ့သည်။ ဖြတ်လမ်းမှ အာဏာရယူရန် ကြိုးပမ်းကြသော ပဒေသရာဇ် မင်းညီမင်းသားတို့၏ သမိုင်းဖြစ်ရပ်တွေ များစွာရှိခဲ့သည်။ ကုန်းဘောင်ခေတ် နောက်ဆုံးကာလက မြင်ကွန်း မြင်းခုန်တိုင် အရေးအခင်းကြောင့် အမြော်အမြင်ကြီးမား အားထားရသော အိမ်ရှေ့စံ ကနောင်မင်းသားကြီး ကွယ်လွန်ခဲ့ရသည်။
17-Jul-2020
လူဆိုသည်မှာ မွေးဖွားစဉ်ကာလက ကိုယ်၊ စိတ်၊ နှလုံး သုံးပါးစလုံး သန့်ရှင်းစင်ကြယ်စွာ ယဉ်ကျေးသိမ်မွေ့စွာ မွေးဖွားခဲ့ကြသူများသာ။ သို့ရာတွင် နိုင်ငံရေး၊ စီးပွားရေး၊ လူမှုရေးနှင့် အခြားနောက်ခံပယောဂများကြောင့် လူသားအချင်းချင်း လှည့်စားဖြားယောင်းမှု နှိပ်စက်ညှဉ်းပန်းမှု၊ လုပ်ကြံသတ်ဖြတ်မှု စသည့်အကုသိုလ် ဒုစရိုက်များကို လက်ရဲဇက်ရဲ ကျူးလွန်ခဲ့ကြ။ တဏှာစေခိုင်းသမျှ မောဟအမှောင်ကျခဲ့သည်။ လူသားတို့၏ စစ်မှန်သော ဘ၀အဓိပ္ပာယ်ကို မိမိတို့မေ့လျော့ထားခဲ့ကြပါသည်။
17-Jul-2020
အနုနည်းဆိုတာက ဥပမာ-ဒေါ်အောင်ဆန်းစုကြည်ကို နေအိမ်အကျယ်ချုပ်ကနေလွှတ်၊ အဖွဲ့ချုပ်ကို အမျိုးသားညီလာခံကိုခေါ် စတဲ့ နည်းလမ်းမျိုးစုံသုံး၊ ဒါလည်းအဆင်မပြေတော့ လမ်းပြမြေပုံ ၇ ချက်ပြဋ္ဌာန်း၊ ဖွဲ့စည်းပုံ အခြေခံဥပဒေကို စိတ်ကြိုက်ရေးပြီး ရွေးကောက်ပွဲလမ်းကြောင်းကို သွားခဲ့ရာမှာ ဗိုလ်ချုပ်မှူးကြီးက အားလုံးသေချာစီမံခဲ့တယ်ဆိုတာ အငြင်းပွားဖွယ်မရှိဘူးထင်ပါတယ်။