News

POST TYPE

PERSPECTIVE

ဒေါ်အောင်ဆန်းစုကြည်၏ အစိုးရသစ်နှင့် ရက် ၁၀၀
10-Jul-2016


ဆောင်းပါးတွင် အဓိက အချက်သုံးချက်သာ ရှိပါသည်။ ဒေါ်အောင်ဆန်းစုကြည်၊ အစိုးရသစ်၊ ရက် ၁၀၀ ဟူ၍ ဖြစ်သည်။ အာရှ-ပစိဖိတ်ဒေသတွင်း မီဒီယာကြီးတစ်ခုက မြန်မာအစိုးရသစ် ရက် ၁၀၀ ပြည့်အဖြစ် ထုတ်လွှင့်မည်ဖြစ်ရာ ထိုအစီအစဉ်အတွက် စာရေးသူကို အင်တာဗျူးသည်။ ထိုအင်တာဗျူးကို အခြေခံ ရေးသားလိုက်ပါသည်။

ရက် ၁၀၀ သင့်တော် မတော်

အစိုးရသစ်ကို ရက် ၁၀၀ နှင့် အကဲဖြတ်လျှင် သင့်တော်သလားဟု ထိုမီဒီယာက မေးသည်။ စာရေးသူအဖြေက Yes and No။ သင့်တော်လည်း သင့်တော်သည်၊ မသင့်လည်း မသင့်တော်။ မသင့်တော် No ဆိုသည်က အစိုးရ အဆက်ဆက် ဆိုးမွေကောင်းမွေကို ရက် ၁၀၀ တည်းနှင့် ရှင်းဖို့လင်းဖို့ တွန်းဖို့က မဖြစ်နိုင်။ နိုင်ငံ၏ အခြေအနေကို အရင်ဆုံးသိအောင်လုပ်၊ ပြီးမှ ဖြေရှင်းရန် လုပ်ရမည်။ တက်လာသော အစိုးရအဖွဲ့ဝင် အများစုက ထိပ်ပိုင်းအုပ်ချုပ်ရေး အဝန်းအဝိုင်းနှင့် ကွာလှမ်းကြသည်။ နိုင်ငံ့အခြေအနေစုံကို စနစ်တကျ တိုင်းတာမှတ်တမ်းတင်ထားသော အချက်အလက်ကလည်း နည်းပါးသည်။

ထို့ကြောင့် စာရေးသူအမြင် အချိန်တစ်နှစ်လောက် လိုသည်။

သို့သော် တစ်ဖက်က ကြည့်ပြန်လျှင် Yes။ ရက် ၁၀၀ နှင့် အကဲဖြတ်လျှင် သင့်လျော်သည်။ ပထမရက် ၁၀၀ သည် အစိုးရသစ် ဦးဆောင်နေသော မြန်မာနိုင်ငံသစ်အတွက် ‘အကူးအပြောင်းတွင်းမှ အကူးအပြောင်း’ Transition Within Transition ဖြစ်သည်။ အတိုက်အခံ အင်အားစုအဖြစ် ရာစုနှစ် လေးပုံတစ်ပုံ ရပ်တည်ခဲ့သော ဒေါ်အောင်ဆန်းစုကြည်နှင့်တကွ NLD သည် အတိုက်အခံဘဝမှ အစိုးရအဖြစ် ကူးပြောင်းနိုင်စွမ်းကို ရက် ၁၀၀ တွင် မြင်နိုင်သည်။ ရက် ၁၀၀ သည် ကျန်သည့်ငါးနှစ်အတွင်း လျှောက်လှမ်းမည့် အစိုးရ၏ ခြေလှမ်းများအတွက် လမ်းဖောက်ပေးသည့် ကာလဖြစ်ရာ လမ်းကြောင်းစောင်းလျှင် အစိုးရ၏ ပန်းတိုင်၊ နိုင်ငံ့ပန်းတိုင် လွဲချော်သွားမည်။ ဝန်ကြီးများ ခန့်အပ်ခြင်း လွဲမှားသွားလျှင် ခြောက်လ၊ တစ်နှစ်နှင့် ပြန်ဖြုတ်မရနိုင်သည့်အတွက် အလွဲဝန်ကြီးများနှင့် ရှေ့ဆက်တိုးရလျှင် လွဲသည်ထက် လွဲမည်။ နောက်တက်မည့် ဝန်ကြီးသည် ရှေ့ဝန်ကြီး၏ အလွဲများကို ပြန်ပြင်ရန် ခက်လိမ့်မည်။ ထို့ကြောင့် အစိုးရသစ်၏ လုပ်ရည်ကိုင်ရည်ကို ရက် ၁၀၀ နှင့် အကဲဖြတ်ခြင်းသည် လျော်ကန်သင့်မြတ်သည်။ ရက် ၁၀၀ အတွင်း စီမံအုပ်ချုပ်မှု ပြောင်မြောက်လျှင် နောက်ငါးနှစ် စိတ်အေးရမည်။

ရက် ၁၀၀ ဘယ်က စရေတွက်မည်နည်း ဆိုသည်ကလည်း တစ်ကိစ္စ။ အကြိမ်ကြိမ်ရေးခဲ့ပြီး ဖြစ်သော်လည်း ဆီလျော်သည့်အတွက် ထပ်ရေးပါဦးမည်။ အစိုးရသစ် Executive Branch တရားဝင် စတင်တာဝန်ယူသည့်နေ့ ဧပြီ ၁ ရက်နေ့က စလျှင် ဇူလိုင် ၉ တွင် ရက် ၁၀၀ ပြည့်သည်။ ကတိသစ္စာပြုသည့်နေ့ မတ်လ ၃၀ ရက်နေ့ကစလျှင် ဇူလိုင် ၇ တွင် ရက် ၁၀၀ ပြည့် သည်။ လွှတ်တော်သစ် စတက်သည့်နေ့ ဖေဖော်ဝါရီ ၁ ရက်နေ့က စရေလျှင် မေလ ၁၀ ရက်နေ့တွင် ရက် ၁၀၀ ပြည့်သည်။

တွန်းသောနယ်ပယ် မတွန်းသောနယ်ပယ်

အစိုးရသစ် လက်ထက် ရက် ၁၀၀ အတွင်းတွင် အဓိက အားသွန်ဆောင်ရွက်နေသော မူဝါဒနယ်ပယ် မည်သည်နည်း။ ငြိမ်းချမ်းရေးဟု မြင်သည်။ ဒေါ်အောင်ဆန်းစုကြည် တက်ရောက်သည်ကို အများဆုံးလိုလို မြင်တွေ့ရသော နယ်ပယ်ဖြစ်သလို ဒေါ်အောင်ဆန်းစုကြည်၏ လက်ထောက် နိုင်ငံတော် အတိုင်ပင်ခံပုဂ္ဂိုလ်ရုံး ဝန်ကြီး ဦးကျော်တင့်ဆွေသည်လည်း ပါဝင်ပတ်သက်နေသည်။ ငြိမ်းချမ်းရေးသည် မြန်မာနိုင်ငံအတွက် အလွန်အရေးကြီးကြောင်း အားလုံးလက်ခံကြမည် ဖြစ်ရာ အထူးအထွေပြောရန် မရှိ။ တစ်ချက်သာ ပြောလိုသည်။ နိုင်ငံတော် တည်ဆောက်ရေးတွင် ငြိမ်းချမ်းရေးနှင့် အလားတူ အရေးကြီးသည့် အခြားကိစ္စရပ်ကြီးများ ရှိနေသေးရာ ငြိမ်းချမ်းရေးတွင် အားကုန်သွားမည်ကိုလည်း စိုးရိမ်ပါသည်။

အစိုးရသစ် လက်ထက်တွင် ရွေ့သင့်သလောက် မရွေ့သော မူဝါဒ နယ်ပယ်မှာ စီးပွားရေး ဖြစ်သည်။ အာဏာရယူအပြီး ဒေါ်အောင်ဆန်းစုကြည် ပထမဆုံး ပြောကြားသော မိန့်ခွန်းတွင်လည်း စီးပွားရေး မူဝါဒအကြောင်း ထည့်ပင်ပြောမသွား။ ပြည်တွင်းတွင် ငွေပင်ငွေရင်း နည်းသဖြင့် နိုင်ငံခြားရင်းနှီးမြှုပ်နှံမှု ဖိတ်ခေါ်ပြီး စီးပွားရေး တိုးတက်အောင် ဆောင်ရွက်ရမည့် နိုင်ငံတွင် အစိုးရသစ် လက်ထက် ‘မြန်မာနိုင်ငံ ရင်းနှီးမြှုပ်နှံမှုကော်မရှင်’ Myanmar Investment Commission (MIC) ကို ရက် ၆၀ ကျော် ဇွန်လဆန်းမှ ဖွဲ့စည်းနိုင်သည်။ MIC ၏ ပထမဦးဆုံး အစည်းအဝေးကို ဇွန် ၂၇ ရက်နေ့မှ ကျင်းပနိုင်ခဲ့ရာ ရင်းနှီးမြှုပ်နှံမှု စီမံကိန်းပေါင်း ၁၀၀ ကျော်သည် MIC ကို အချိန်အတော်ကြာ စောင့်နေခဲ့ရသည်။ စီးပွားရေး မူဝါဒများကို ချမှတ်မည့် National Economic Co-ordination Committee ကိုလည်း အလားတူပင် ဇွန်လဆန်းမှ ဖွဲ့စည်းနိုင်သည်။ ထိုကော်မတီမှာလည်း ဗဟိုဘဏ် ဒုဥက္ကဋ္ဌများမှလွဲလျှင် ကျန်သူအများစုမှာ NLD စီးပွားရေး ကော်မတီဝင်များသာ ဖြစ်ပြီး ပြင်ပပညာရှင် မပါသလောက်ဖြစ်ရာ ဖွဲ့စည်းချိန် ယခုလောက် ယူစရာလိုသည် မထင်ပါ။

ဒေါ်အောင်ဆန်းစုကြည်

ရက် ၁၀၀ အတွင်း ရှင်းလင်းပြတ်သားသွားသည်မှာ အစိုးရသစ်သည် ဦးထင်ကျော် အစိုးရမဟုတ်၊ ဒေါ်အောင်ဆန်းစုကြည် အစိုးရသာ ဖြစ်ကြောင်း။ အရပ်သား သမ္မတ ငတ်နေသော မြန်မာအများစုက ဦးထင်ကျော်သည် ရုပ်ပြသမ္မတ မဟုတ်၊ တကယ့်သမ္မတကြီးဟု ဂုဏ်ယူလိုကြသော်လည်း တကယ်တမ်းတွင် လက်ရှိ အခြေခံဥပဒေအရ ဒေါ်အောင်ဆန်းစုကြည် သမ္မတ မလုပ်ရခြင်းကို ကျော်သည့် ဆုံးဖြတ်ချက်သာ ဖြစ်ကြောင်း ထင်ရှားလာသည်။

ယခုအစိုးရသည် ဒေါ်အောင်ဆန်းစုကြည် တင်ထားသော အစိုးရဖြစ်ရာ ဒေါ်အောင်ဆန်းစုကြည်အပေါ် ဗဟိုပြု လည်ပတ်နေသည်။ ဒေါ်အောင်ဆန်းစုကြည်သည် သမ္မတရုံး ဝန်ကြီးဌာန၊ နိုင်ငံတော် အတိုင်ပင်ခံရုံး ဝန်ကြီးဌာန၊ နိုင်ငံခြားရေး ဝန်ကြီးဌာန ဟူသော ထိပ်ဆုံးဝန်ကြီးဌာန သုံးခု၏ အကြီးအကဲဖြစ်သည်။ အရေးကြီးဆုံးဖြတ်ချက် အားလုံးသည် ဒေါ်အောင်ဆန်းစုကြည်ထံမှသာ စီးဆင်းနေပုံ ပေါက်သည်။ ထိုအတိုင်းဆိုလျှင် ဆုံးဖြတ်ချက်များသည် ထိပ်ဝတွင် တစ်ဆို့နေခြင်း ‘ပုလင်းလည်ပင်း ပြဿနာ’ bottle-neck နှင့် ရင်ဆိုင်ရကိန်း ရှိသည်။

ရက် ၁၀၀ အတွင်းတွင် ဒေါ်အောင်ဆန်းစုကြည်အနေနှင့် ပါတီခေါင်းဆောင်ဘဝမှသည် နိုင်ငံ့ခေါင်းဆောင် transition from party leader to the leader of government အဖြစ်သို့ ကူးပြောင်းနေရဆဲ ကာလ ဖြစ်သည်။ ကျန်ထိပ်တန်းအဖွဲ့ဝင်များ ဆုံးဖြတ်နိုင်စွမ်း ပိုအားကောင်းလာလျှင် သားရွှေအိုးထမ်းကိန်း ဆိုက်မည်။

ပြည်သူလူထု ထောက်ခံချက်

ရက် ၁၀၀ အတွင်း သိသာထင်ရှားစွာ မြင်ရချက်မှာ အစိုးရကို ပြည်သူလူထု ထောက်ခံမှု များပြားခြင်း ဖြစ်သည်။ ပြည်သူအများစုသည် အစိုးရ ဘာလုပ်လုပ် ထောက်ခံလိုစိတ် ရှိနေရာ ယခုအချိန်သည် မှန်ကန်သော မူဝါဒများဖြစ်လျင် လုပ်ဆောင်ရန် အကောင်းဆုံးအချိန် ဖြစ်သည်။ တစ်ဖန် လွဲချော်သော မူဝါဒများဖြစ်လျှင် စေတနာကောင်းများဖြင့် ထောက်ပြလိုသူ အများစုပင် ပြည်သူ့ဖိအားကြောက်ပြီး ရေငုံနှုတ်ပိတ်နေကြမည် ဖြစ်သဖြင့် ထိတ်လန့်စရာ အချိန်လည်း ဖြစ်သည်။

ရိုးသားသော စိတ်ထက်သန်သော

ရက် ၁၀၀ ကိုကြည့်လျှင် အစိုးရသစ်သည် ရိုးသားကြောင်း၊ တိုင်းပြည်ကို တိုးတက်အောင် စိတ်အား အလွန်ထက်သန်နေကြောင်း မြင်ရသည်။

ငါးနှစ် အနုတ် ရက် ၁၀၀ လား

အစိုးရသစ်တို့အတွက် တက်စ ရက် ၁၀၀ သည် သြဇာနှင့် အာဏာ အထွတ်အထိပ်သို့ ရောက်ချိန်ဖြစ်သည်။ ဝေဖန်သူနည်း၊ ချစ်ခင်သူ များသည့်အတွက် ကျန်သည့်ကာလ ‘ငါးနှစ် အနုတ် ရက် ၁၀၀’ တွင် ဖော်ဆောင်မည့် မူဝါဒများအတွက် အခြေခံကောင်းချ ရချိန်၊ ချနိုင်ချိန် ဖြစ်သည်။ တစ်ဖန် ၂ နှစ်ခွဲ ကျော်သွားလျှင် အစိုးရသက်တမ်း တစ်ဝက်ကျိုးသည့်အတွက် ၂၀၂၀ ရွေးကောက်ပွဲနှင့် နီးသွားပြီး ရွေးကောက်ပွဲကို အာရုံပြုမည်ဖြစ်ရာ ပြည်သူအကျိုးရှိမည့် မူဝါဒထက် ပြည်သူကြိုက်မည့် မူဝါဒများကိုသာ အကောင်အထည်ဖော်ဖို့ လမ်းများသွားပြီ။

ထို့ကြောင့် ‘၂ နှစ်ခွဲ အနုတ် ရက် ၁၀၀’ တွင် ဖော်ဆောင်မည့် မူဝါဒများကို ရက် ၁၀၀ တွင် အုတ်မြစ်ချပြီး မချပြီးကို အကဲဖြတ်ရန်လိုသည်။ ရက် ၁၀၀ အရေးကြီးသည်။

ဇေယျသူ

ABOUT AUTHOR

(ဇေယျသူ)