News

POST TYPE

PERSPECTIVE

အစိုးရကောင်းတစ်ရပ် ဘယ်အချိန်မှ ပေါ်ထွက်မလဲ
17-Mar-2017

ယခုရက်ပိုင်း လပိုင်းအတွင်း ဖြစ်ပေါ်ခဲ့သည့် နိုင်ငံရေး အခြေအနေ သတင်းများက ကြားရသူ ပြည်သူအပေါင်းကို စိတ်မသက်မသာ ဖြစ်စေခဲ့သည်။ ကြားရဖတ်ရသည့် သတင်းများအရ နိုင်ငံ၏ အရှေ့မြောက်ဖျားတစ်ဝိုက်တွင် စစ်ပွဲများ ပိုမိုပြင်းထန်လာပြီး သေဆုံးဒဏ်ရာရမှုများ၊ စစ်ဘေးရှောင်ကြရသူများ များပြားခဲ့သည်။ နိုင်ငံ၏ အနောက်ဘက်တွင်လည်း မငြိမ်သက်သေးသလို ပြီးခဲ့သည့် ရက်ပိုင်းကပင် လုံခြုံရေး ဝန်ထမ်းများထံမှ လက်နက်များ လုယူထွက်ပြေးသွားခဲ့သည့် သတင်းကို ကြားခဲ့ရပြန်သည်။ ရန်ကုန်မြို့လယ်ကောင်အထိ မူးယစ်ဆေးဝါးများ ရောက်ရှိနေရာယူလာပြီး ဖမ်းဆီးရမိမှုများ ရှိလာသည်။ သစ်တောထွက် သယံဇာတများ ခိုးထုတ်နေမှုကို ဖမ်းဆီးရမိမှု သတင်းများသည်လည်း နေ့စဉ်ရက်ဆက် ဆိုသလို ကြားနေရသည်။ သက်ငယ်မုဒိမ်းမှုများမှာ ပပျောက်ရန် မဆိုထားနှင့်၊ ယခင်ထက်ပင် ပိုမိုဖြစ်ပွားနှုန်း တိုးမြင့်လာနေခဲ့ပြီး ပြုကျင့်မှုဒဏ်ကို မကြားဝံ့ မနာသာ ဆိုသလို ၅ နှစ်အရွယ် ကလေးငယ်တစ်ဦးမှာ သားအိမ်ထုတ်ပစ်ရသည်အထိ ရက်စက်စွာ ပြုကျင့်မှုခံခဲ့ရပြီး လသားအရွယ် ကလေးငယ်တစ်ဦး သေဆုံးမှု အထိပင် ပါဝင်ခဲ့သည်။

ဗုဒ္ဓဘာသာ ထွန်းကားပြီး ဘာသာတရား ကိုင်းရှိုင်းသည့် နိုင်ငံတစ်ခုအတွက် အဆိုးဝါးဆုံးသော သတင်းမှာ မိခင်အရင်း ဖခင်အရင်းကိုပင် သားသမီးများက ပြန်လည်သတ်ဖြတ်လာသည့် မှုခင်းသတင်းများ ဖြစ်သည်။ ပစ္စည်းလုယက်သည့် သတင်းများ၊ လူသတ်သည့် သတင်းများမှာလည်း တစ်စွန်းတစ်စ ကြားနေရဆဲ ဖြစ်သည်။

ထို့ပြင် ဘာသာတရားနှင့် နွယ်ယှက်သည့် ရဟန်းသံဃာနှင့် ပတ်သက်သည့် သတင်းများကလည်း ပြည်သူအပေါင်း၏ရင်ကို မငြိမ်းချမ်းစေခဲ့သလို မတူကွဲပြားနေသည့် ဂိုဏ်းဂဏအစွဲများ အကြားတွင် နောင်အနာဂတ် ရင်သွေးငယ် ကလေးများအတွက်ကိုပင် စိုးရိမ်ပူပန်မှု ဖြစ်ကြရသည်ဟု ပြည်သူအများက ဆိုလာခဲ့ကြသည်။ ထိုသတင်းများနှင့်အတူ မကြာခင် ကျင်းပတော့မည့် ကြားဖြတ်ရွေးကောက်ပွဲတွင် ပါဝင်ယှဉ်ပြိုင်ကြမည့် နိုင်ငံရေးပါတီများ၏ မဲဆွယ်စည်းရုံးမှု သတင်းကလည်း ရှိနေသေးသည်။ ပါတီစုံ ဒီမိုကရေစီစနစ် ကျင့်သုံးခြင်းနှင့်အတူ များပြားလာသည့် ပါတီများ၊ မတူကွဲပြားသည့် နိုင်ငံရေးလမ်းစဉ်များ၊ အမျိုးမျိုး ချမှတ်ကြသည့် မူဝါဒနှင့် စည်းမျဉ်းများ အကြားတွင် ပြည်သူအများမှာ အဘယ်သို့သော အစိုးရမျိုးကို လိုချင်သည်ဟုပင် မပြောတတ်အောင် အာရုံထွေပြားလျက် ရှိကြရ သည်ဟု ဆိုကြပြန်သည်။ ဖွဲ့စည်းပုံအခြေခံဥပဒေအရ ပေးအပ်ထားသည့် ဥပဒေဘောင်အတွင်း မတူညီသည့် ပါတီပေါင်းစုံမှ ထွက်ပေါ်လာသည့် နိုင်ငံရေးအ ယူအဆများနှင့်အတူ ပြည်သူများ အကြားတွင်လည်း အယူဝါဒ အသီးသီးကွဲပြားလျက် သူကတစ်မျိုး ငါကတစ်ဖုံ၊ သတင်းအစုံစုံ တွေ့မြင်ကြရရင်း သူငါအချင်းချင်း အမုန်းပွားလျက် ၆၆(ဃ)ကို လက်ကိုင်ပြုပြီး အမှုစွဲတင်ပို့နေကြသည့် သတင်းသည်လည်း ပြည်သူများအကြား ထိပ်တန်းသတင်းများ အဖြစ်သို့ ရောက်ရှိခဲ့ပြန်သည်။

အစိုးရသစ်၏ သက်တမ်းတစ်နှစ်ပြည့်ခါနီးသည့် တိုင်အောင် နိုင်ငံ၏ စီးပွားရေး မတိုးတက်ခြင်းနှင့်အတူ ပြည်ပသွင်းကုန် ၈၀ ရာခိုင်နှုန်းကိုသာ အားထားနေကြရပြီး ဒေါ်လာဈေးတက်ခြင်း၊ မြန်မာကျပ်ငွေတန်ဖိုးကျခြင်း၊ ဖောင်းပွခြင်းတို့အတွက် ကုန်ဈေးနှုန်း ကြီးမြင့်ခြင်းဒဏ်ကိုလည်း ပြည်သူအများ ခံစားကြရဆဲ ဖြစ်သည်။ မိမိတို့၏ ထုတ်ကုန်များမှာ အရည်အသွေး အကဲဖြတ်ချက်စံနှုန်း သတ်မှတ်ချက်အတွင်း လည်စင်းကျရောက်လျက် နိမ့်ကျနေမြဲ ဖြစ်သည်။ နိုင်ငံခြားငွေ တိုးတက်ရရှိနိုင်မည့် ပြည်ပပို့ကုန်များ မရှိသလောက် နည်းပါးနေခြင်းနှင့်အတူ ပြည်သူများ အတွက်ပင် အကျိုးစီးပွားကို မဖော်ဆောင်နိုင်သလို ပြည်ပသွင်းကုန် အစားထိုးရေး အိပ်မက် ဆိုသည်ကိုလည်း ဆက်မက်နေဆဲ ဖြစ်သည်။ ထို့အတွက် ထိုစက်ရုံ ၄၄ ရုံကို ယခုဘဏ္ဍာရေးနှစ်တွင် ဆိုင်းငံ့ပြီး လေ့လာဆန်းစစ်မှုများ ပြုလုပ်ပြီးမှသာ အကျိုးရှိ မရှိအပေါ် မူတည်လျက် ဆက်လက်ဆောင်ရွက်သင့်ကြောင်း လွှတ်တော်အတွင်း ဆွေးနွေးထောက်ပြကြသည့် သတင်းများကလည်း ပြည်သူများအတွက် ရတက်မအေးစရာ ဖြစ်ခဲ့ရသည်။ ယခုမှပင် စက်မှုတော်လှန်ရေးခေတ်သို့ ပြန်သက်ဆင်းနေပြီလား၊ စက်မှုစွမ်းအား ခေတ်ကျော်လွှား ဆိုသည့် ဆောင်ပုဒ်ကို ၄င်းတို့ကြားခဲ့ဖူးသည်မှာ နှစ်ပေါင်း ၆၀ ကျော်ပင် တိုင်သော်ငြားလည်း ယခုထိ စက်မှုလုပ်ငန်းများမှာ အပ်တိုတစ်ချောင်းကိုပင် အရည်အသွေးပြည့်ဝစွာ မထုတ်လုပ်နိုင်သေးသည့် အပေါ် နိုင်ငံကို အုပ်ချုပ်မင်းလုပ်ခဲ့ကြသည့် ခေတ်အဆက် ဆက်အစိုးရများအပေါ် ပြည်သူအများက ယုံကြည်မှု ကင်းမဲ့သထက် ကင်းမဲ့လာနေခဲ့ကြသည်။ သက်တမ်းကုန်လို့ ဆင်းသွားကြသူများနှင့် မဲမနိုင်လို့ မူလနေရာသို့ ပြန်သွားကြသည့် အုပ်ချုပ်သူ လူတန်းစားများကပင် ချမ်းသာသွားခဲ့ကြပြီး နိုင်ငံတော်နှင့် နိုင်ငံသားများမှာမူ ဆင်းရဲသထက် ဆင်းရဲလာမှုများက ပြည်သူများကို အသိအမြင် ကျယ်လာစေပြီး တွေးစရာလမ်းစများ ပြသခဲ့ကြသည်ဟု ဆိုသည်။ 

အရှေ့တောင်အာရှ ဒေသတွင်း နိုင်ငံများအကြား မိမိတို့နိုင်ငံ တစ်နိုင်ငံတည်းသာ နိုင်ငံခြားရင်းနှီးမြှုပ်နှံမှုများ မဝင်ရောက်ခြင်း၊ လျှပ်စစ်ဓာတ်အား မလုံလောက်ခြင်း၊ မြေဈေးများ ကြီးမားနေခြင်း၊ စက်မှုကုန်ထုတ်လုပ်ငန်းများ နိမ့်ကျနေခြင်း၊ လမ်းပန်းဆက်သွယ်ရေးစနစ်များ ခေတ်နောက်ကျနေခြင်း၊ ပညာရေးမြှင့်တင်မှု လုပ်ငန်းများ၊ ကျန်းမာရေး စောင့်ရှောက်မှု လုပ်ငန်းများ အပါအဝင် ပြည်သူ့ရေးရာ ဝန်ဆောင်မှုလုပ်ငန်း အဝဝ နောက်ကျကျန်ရစ်နေခဲ့မှုများက ပြည်သူများကို အလင်းပြပြီး မျက်စိပွင့်နားပွင့် ဖြစ်စေခဲ့သည်။ အလုပ်အကိုင်ရှားပါးခြင်းနှင့် တစ်ရက်တာ လုပ်ခ နိမ့်ပါးမှုများ အကြားတွင် နိုင်ငံရပ်ခြားသို့ထွက်ပြီး အလုပ်ထွက် လုပ်ကိုင်ကြသည့် လူငယ်လူရွယ် အတော်များများအတွက် သူတစ်ပါး နိုင်ငံများ၏ တိုးတက်မြင့်မားနေသည့် ပစ္စက္ခ အခြေအနေများက ၄င်းတို့ကို မီးမောင်းထိုးပြပေးခဲ့သယောင် ဖြစ်နေကြကြောင်း အသံများ ကြားခဲ့ရသည်။ ကိုယ့်နိုင်ငံအတွက် အားမလို အားမရ ဖြစ်ခဲ့ကြသည်ဟု ဆိုခဲ့ကြသည်။

ထို့တစ်ဖန် နိုင်ငံ့ဝန်ထမ်းများနှင့် အစိုးရအကြား ဂယက်ထသွားခဲ့သည့် နှစ်သစ်ကူးရက်ရှည် ရုံးပိတ်ရက် သတင်းကိစ္စ အပေါ်လည်း သူတို့ ပြည်သူများမှာ ကြားမှနေပြီး ငထွားက ခါးနာခဲ့ကြသည်ဟု ဆိုနေကြပြန်သည်။ အကြောင်းမှာ အစိုးရအနေနှင့် နှစ်ဦးသင်္ကြန်ရက်ရှည် ရုံးပိတ်ရက်ကို ယခင် ၁၀ ရက်မှ ယခုငါးရက်သို့ လျှော့ချသည်ကို ၎င်းတို့လက်ခံသော်လည်း ယခုလို အချိန်နီးကပ်သည့် အချိန်တွင်မူ မလုပ်သင့်ကြောင်းနှင့် အခြေအနေနှင့် အချိန်အခါအပေါ် လိုက်ပြီး စီမံခန့်ခွဲတတ်သည့် အရည်အချင်းမျိုးကို အစိုးရတစ်ရပ် ပိုင်ဆိုင်ကြစေလိုကြောင်း ပြည်သူအများက ဆိုခဲ့ကြခြင်း ဖြစ်သည်။ ဆိုလိုရင်းမှာ အစိုးရသစ်၏ စီမံခန့်ခွဲမှု ညံ့ဖျင်းခြင်းမျိုးဆိုသည့် သဘောကို သူတို့ လက်မခံလိုရင်း ဖြစ်သည်။ အမှန်တကယ် လုပ်သင့်သည်မှာ နိုင်ငံ့စီးပွားတိုးတက်ရေးအတွက် ဝန်ကြီးဌာနများရှိ ဝန်ကြီး၊ ဒုဝန်ကြီးတို့၏ အရည်အသွေးနှင့် စီမံခန့်ခွဲမှုတို့ကို ပြောင်းလဲမြှင့်တင်ရန် လိုအပ်နေခြင်းပင် ဖြစ်ကြောင်း၊ ယခုအခြေအနေမျိုးတွင် ပြည်သူများ အလားတူ စနစ်ဒဏ်ကို ခံစားနေကြရသည့် အောက်ခြေဝန်ထမ်းများ၏ ခံစားခွင့်များကို မကန့်သတ် မချုပ်ချယ်သင့်သေးကြောင်း ဆိုခဲ့ကြသည်။

ထို့ထက် ထူးခြားသည့် သတင်းတစ်ရပ် အတွက်လည်း သူတို့ (ပြည်သူများ) အကြား သံသယစိတ်များ ကြီးထွားနေကြဆဲဟု ဆိုသည်။ ၄င်းကိစ္စမှာ ပြည်ထောင်စုအဆင့် ဖြစ်သည့် ပြည်သူ့လွှတ်တော်အတွင်း မတ်လ ၇ ရက်နေ့၌ ပြည်သူ့လွှတ်တော်တွင် လွှတ်တော်ကိုယ်စားလှယ် ၂၅ ဦးက မြိုင်မြိုင်ဆိုင်ဆိုင် ဆွေးနွေးခဲ့ကြသည့် ‘တရားစီရင်ရေးကဏ္ဍ တိမ်းစောင်းနေမှုအား ပြန်လည်တည့်မတ်နိုင်ရေး အတွက် ပြည်ထောင်စု တရားလွှတ်တော်ချုပ်သို့ တိုက်တွန်းသည့်အဆို’ အကြောင်းပင် ဖြစ်သည်။ ၄င်းအဆိုကို ပြည်သူ့လွှတ်တော် ကိုယ်စားလှယ် ဦးတင်ထွေး (ဝေါ မဲဆန္ဒနယ်) က တင်သွင်းခဲ့ခြင်း ဖြစ်ပြီး အစိုးရသစ်၏ တစ်နှစ်တာသက်တမ်း ကုန်ဆုံးခါနီးအချိန်နှင့် တိုက်ဆိုင်စွာပင် တရားစီရင်ရေး ကိစ္စများတွင် အဂတိတရားများ ကြီးစိုးပြီး ငွေနှင့် အာဏာရှိသူများက ကြားဝင်ကြီးစိုးနေမှုကြောင့် တရားစီရင်ရေး ကဏ္ဍကြီး ပျက်ယွင်းနေမှုအပေါ် ထူးဆန်းစွာ တင်သွင်းလာသည့် အဆိုတစ်ခုဟု ဆို၍ရနိုင်သည်။ တစ်နည်းအားဖြင့် ပြောရလျှင် ထိုအဆိုမှာ ဥပဒေပြုရေးမဏ္ဍိုင်က တရားစီရင်ရေးမဏ္ဍိုင်ကို ထိန်းကျောင်းသည့် အဆိုလည်း ဖြစ်သည်။ ယခင့်ယခင် အဆိုများကမူ ပြည်ထောင်စု အစိုးရအဖွဲ့သို့သာ တိုက်တွန်းခဲ့ကြသည်သာ များခဲ့သည်။ ယခုမှာမူ တရားစီရင်ရေး မဏ္ဍိုင်အား တိုက်တွန်းခံခဲ့ရခြင်း ဖြစ်ပြီး ယခင် လွှတ်တော်သက်တမ်း ၅ နှစ်တွင်လည်း ထိုအဆိုမျိုး မရှိခဲ့ပေ။ အကြောင်းမှာ ပြည်သူလူထုနှင့် အများဆုံး ပတ်သက်ဆက်နွှယ်နေသည့် တရားစီရင်ရေး ကိစ္စများတွင် အဂတိတရားများ ကြီးထွားလာနေသဖြင့် လွှတ်တော်ကပင် အဆိုတင်သွင်းပြီး ထိန်းကျောင်းခဲ့ရသည့် အဆင့်ထိ ဖြစ်လာခြင်း ဖြစ်သည်။ သို့အတွက် ပြောင်းလဲမှုကို ငံ့လင့်နေကြသည့် ပြည်သူများအဖို့ အစိုးရသစ်၏ ပြောင်းလဲမှုဖော်ဆောင်နေသည်ဟု ပြောကြားချက်များအပေါ် သံသယ ဖြစ်လာခဲ့ခြင်းပင် ဖြစ်သည်။

၎င်းအပြင် အစိုးရသစ်ကာလအတွင်း နိုင်ငံအတွင်း ဖြစ်ပွားခဲ့သည့် လေးလောင်းပြိုင် လူသတ်မှု၊ လေဆိပ်လူသတ်မှုနှင့် မုံရွာတွင် သတင်းထောက်တစ်ဦး အသတ်ခံရသည့် ဖြစ်စဉ်အပါအ၀င် လူသတ်မှု အတော်များများကိုလည်း အစိုးရသစ် အနေနှင့် ပင်မရင်းမြစ်တရားခံများကို ပေါ်အောင် မဖော်ထုတ်နိုင်သေးသည်မှာလည်း ထောက်ပြဝေဖန်စရာ ဖြစ်လာခဲ့သည်။ ၄င်းပြင် တရားဥပဒေစိုးမိုးရေးကို ဆောင်ရွက်နေကြသည့် နိုင်ငံ့ဝန်ထမ်းများကိုပင် ပြန်လည်ရန်ရှာကာ လက်ရဲဇက်ရဲ သတ်ဖြတ်လာမှုများ အတွက်လည်း မည်သည့်အတွက် ထိုသို့အထိ ဖြစ်ရသည်ကို နားမလည်နိုင် ဖြစ်ကြရရှာသည်ဟု  ဆိုကြပြန်သည်။ ထို့ပြင် ဖွဲ့စည်းပုံအခြေခံဥပဒေက ပေးအပ်ထားသည့် နိုင်ငံသားများ၏ အခွင့်အရေးများကို ထိပါးခံခဲ့ရသည့် သဘောသက်ရောက်ခဲ့သည့် ၆၆(ဃ) လိုမျိုး အမှုများအတွက်လည်း ဥပဒေပိုင်းဆိုင်ရာ အားနည်းချက်လား၊ လူပုဂ္ဂိုလ်ဆိုင်ရာ အားနည်းချက်လား ဆိုသည်ကို အဆိုပါ ဥပဒေကို ပြဋ္ဌာန်းခဲ့သည့် လွှတ်တော်အတွင်း အထိပင် ယနေ့ထက်ထိ အဖြေရှာမရ ဖြစ်နေသည်ကိုလည်း ၄င်းတို့ အံ့အားတသင့် ဖြစ်ခဲ့ရသည်။ 

အလုပ်သမားထုအတွင်း အခြေခံလစာ နိမ့်ပါးနေခြင်းနှင့် အချိန်ပို၊ ခံစားခွင့် ကိစ္စများမှာလည်း မရေရာ မသေချာဆဲ အဆင့်ဖြင့်သာ စခန်းသွားနေကြရပြီး လယ်သမားလူတန်းစားများ အတွက်လည်း စပါးဈေး တက်မလာခြင်းနှင့်အတူ ကုန်ဈေးနှုန်း ကြီးမြှင့်မှုဒဏ်ကို ခံစားနေကြရဆဲ ဖြစ်သည်။ နိုင်ငံအတွင်းရှိ အသေးစား စက်မှုလက်မှု လုပ်ငန်းရှင်များ အနေနှင့် ထုတ်ကုန်ကဏ္ဍကို မတိုးမြှင့်နိုင်ကြဘဲ ပြည်ပမှ မှာယူတင်သွင်းကြရသည့် ကုန်ကြမ်းများဈေးနှုန်း ကြီးမြှင့်မှု သံသရာစက်ဝန်း အကြားတွင် ယခင့်ယခင် အတိုင်းသာ ဆက်လက်အရှုံးပေါ်နေဆဲ ဖြစ်ပြီး မိရိုးဖလာလုပ်ငန်းလေး အစမပျောက်ရေးကိုသာ မေးထားသည့် အဆင့်ဖြင့် အသက်ဆက်နေကြရသည်ဟု ထိုအသိုင်းအဝိုင်းများကြားက စကားသံ ပေါ်ထွက်လာပြန်သည်။ သို့ဖြင့် အခြေခံလူတန်းစား အလွှာအတွင်း ဆင်းရဲတွင်း နက်သထက် နက်နေကြခြင်းနှင့် ချမ်းသာသူများ အနေနှင့် ချမ်းသာသည်ထက် ချမ်းသာသွားကြခြင်းများ ဖြစ်ပေါ်ပြီး ဆင်းရဲချမ်းသာ ကွာခြားချက် အလွန်ကြီးမားသည့်ဘက်သို့သာ ဆက်လက်တွန်းပို့နေဆဲ ဖြစ်သည်ဟု ဆိုသည်။

သို့ဖြင့် ခေတ်အဆက်ဆက်တွင် တရားဥပဒေစိုးမိုးရေး၊ ပြည်သူများ၏ လူမှုစီးပွားဘ၀များ တိုးတက်ပြောင်းလဲရေး၊ ကျေးလက်ဒေသများ ဖွံ့ဖြိုးတိုးတက်ရေးနှင့် သောက်သုံးရေ၊ လျှပ်စစ်မီးများ နေရာအနှံ့ ရရှိရေး၊ ဆင်းရဲမွဲတေမှု ပပျောက်စေရေးတို့ ဆိုသည်မှာ အိပ်မက်အဆင့် ဆိုသည်ထက် မပိုကြောင်းနှင့် ထိုအခြေအနေများ အားလုံးမှာ ယခင်ကလို ဒုံရင်းဒုံရင်းလိုပင် စခန်းသွားနေကြကြောင်း ပြောကြပြန်သည်။ အနာဂတ် လူငယ်ထုအတွက် အန္တရာယ်များသည့် ပေါများလာနေသည့် မူးယစ်ဆေးဝါး ပြဿနာကို ဘယ်လိုကိုင်တွယ်ဖြေရှင်းကြမလဲ ဆိုသည်ကိုလည်း ယနေ့အချိန်ထိ စစ်ဆင်ရေးတစ်ရပ်သဖွယ် အစိုးရက မကိုင်တွယ်နိုင်သေးသည်ကိုလည်း ပြည်သူများက နားမလည်နိုင် ဖြစ်နေကြရသည် ဆို၏။

သို့အတွက် တင်ပြရလျှင် ပြည်သူအများ လိုချင်တောင့်တနေသည့် ပြောင်းလဲလာမည့် အရာများအပေါ် ဖြည့်ဆည်းဆောင်ရွက်ပေးနိုင်သည့် အစိုးရတစ်ရပ်မှာ ယနေ့အချိန်ထိ ကောင်းစွာ မပေါ်ထွန်းသေးသည်မှာ ထင်ရှားနေပြီး ထိုအရာကို ပြည်သူအများကလည်း မျှော်လင့်ချက် ကြီးမားစွာ ထားနေကြဆဲပင် ဖြစ်သည်။ အစိုးရတစ်ရပ်၏ ပြုပြင်ပြောင်းလဲရေး မူဝါဒများ ကောင်းလျှင် ကောင်းသလောက် ထိုအကျိုးကို ပြည်သူအများ ခံစားရလေ့ရှိပြီး မကောင်းပါကလည်း မကောင်းသည့် အကျိုးကို ပြည်သူများကသာ အများအားဖြင့် ခံစားရတတ်လေ့ ရှိသည်မှာ ဓမ္မတာပင် ဖြစ်သည်။ အစိုးရတစ်ရပ် အနေနှင့်လည်း မိမိတို့ ဖော်ဆောင်သည့် မူဝါဒများ မမှားယွင်း မတိမ်းစောင်းစေရေး အထူးဂရုပြုရမည့်အပြင် မှားယွင်းပါက ပြန်လည်ပြုပြင်ရန်မှာ ဆယ်စုနှစ်တစ်စုခန့် ကြာတတ်သည့် သဘော ရှိသည်။ သို့အတွက် အထူးဂရုပြုကြရန် လိုအပ်ပါကြောင်းနှင့် မိမိတို့ အစိုးရ၏ မူဝါဒ လုပ်ငန်းစဉ်များကို အောင်မြင်အောင် အကောင်အထည်ဖော်ဖို့ဆိုလျှင် အရည်အချင်းနှင့် စိတ်ဓာတ်ကောင်းမွန်သူများ အထူးလိုအပ်မည် ဖြစ်ပါကြောင်း စိတ်ကောင်းစေတနာဖြင့် ရေးသားတင်ပြလိုက်ရပါသည်။ 

ရန်ကြီးအောင် (ဥပဒေ)