News

POST TYPE

PERSPECTIVE

အစွဲ အမုန်းသံသရာနဲ့ ပြိုကွဲပျက်စီးမှုဆိုတဲ့ ထောင်ချောက်ကို ရှောင်စေချင်
13-Aug-2019



လူ့အဖွဲ့အစည်းတစ်ခုမှာ ဘယ်အရာကအမှား၊ ဘယ်အရာ ကအမှန်ဆိုတာ ခွဲခြားနိုင်တဲ့သူ ရှားပါးလာပြီဆိုရင် အဲဒီအဖွဲ့အစည်းဟာ အဆိုးဘက်သို့သာ ဦးတည်သွားတတ်တာ အသေအချာပါ။ လူတစ်ဦးတစ်ယောက်ဘာပြောပြော မျက်စိစုံမှိတ်ပြီး ထောက်ခံလိုက် တတ်ကြပြီဆိုလျှင် ထိုလူ့အဖွဲ့အစည်းရဲ့ ဆင်ခြင်တုံတရားကို မေးခွန်းထုတ်စရာဖြစ်စေပါတယ်။ လူ့အဖွဲ့အစည်းနဲ့နိုင်ငံ့ငြိမ်းချမ်းရေးနဲ့ ဖွံ့ဖြိုးတိုးတက်ရေးကို အားထုတ်ကြိုးစားဆောင်ရွက်နေရတဲ့ ကာလမှာ အနည်းဆုံးငါးပါးသီလတောင် လုံခြုံအောင် စောင့်ရှောက် ထိန်းသိမ်းနိုင်မှု လျော့နည်းလာပြီ၊ အမှားအမှန်၊ အကောင်းအဆိုး အကြောင်းအကျိုး ဝေဖန်ပိုင်ခြားနိုင်မှု လျော့ပါးလာပြီ၊ စစ်မှန်တဲ့ဘာသာတရားရဲ့အဆုံးအမ အောက်မှာပင်လျှင် အမှန်ဟာအမှားရဲ့ လွှမ်းမိုးခြင်းခံရပြီဆိုရင် ခေတ်သစ် ဒေဝဒတ်တွေကို လက်ယပ်ဖိတ်ခေါ်သလို ဖြစ်နေတတ်ပါတယ်။

တကယ်က ကျွန်တော်တို့ဗုဒ္ဓဘာသာဟာ လူတွေကို စိတ်ထားဖြူစင်တဲ့သူတွေဖြစ်အောင် ပြုစုပျိုးထောင်လေ့ကျင့်ပေးတဲ့ မွန်မြတ်တဲ့ ဘာသာတစ်ခုဖြစ်ပါတယ်။ အခြားသော ဘာသာတရားတွေလည်း ထိုနည်းတူပဲဖြစ်မှာပါ။ ဘယ်ဘာသာတရားမှာမဆို လူကောင်းလည်း ရှိနိုင်သလို၊ လူဆိုးလည်းရှိနိုင်ပါတယ်။ အဆိုးအကောင်း အချင်းချင်း ပြုပြင်ဝေဖန်တဲ့နေရာမှာ အပြုသဘော ညင်ညင်သာသာ သိမ်သိမ်မွေ့မွေ့ ရှိကြလျှင်ဖြင့် မင်္ဂလာတစ်ပါးနဲ့အညီ ဖြစ်မယ်ထင်ပါတယ်။ ပြင်းပြင်းထန်ထန် တောက်လောင်နိုင်မယ့်မီးကို ငြှိမ်းသတ်ဖို့ရန် လူတိုင်းမှာ တာဝန်ရှိကြသလို မိမိတို့အပါအဝင် လူသားတိုင်းမှာ ရိုးသားဖြောင့်မတ်မှု၊ စစ်မှန်တဲ့မေတ္တာတရား အပြန်အလှန်ပေးစွမ်းနိုင်တဲ့ နားလည်မှု၊ လေးစားမှု၊ ထားအပ်တဲ့ကိုယ်ချင်းစာတရားများနဲ့သာ ခိုင်မြဲတဲ့ယုံကြည်မှုတည်ဆောက်နိုင်မယ်လို့ခံယူပါတယ်။ ကြည်ညိုအားထားရာ လူပုဂ္ဂိုလ်၊ ရဟန်းသံဃာ၊ ဘာသာ လူ့အဖွဲ့အစည်းတွေကို ရှုတ်ချဆဲဆိုဝေဖန်ဖို့ ဝန်မလေးကြတော့တဲ့အခါကာလတစ်ခုဟာ ကြုံတွေ့ရမယ့် ပျက်စီးခြင်းကပ် အခါသမယပဲဆိုတာ သတိထားသင့်ကြပါတယ်။

မသိမသာနဲ့စစ်မြေပြင်သဖွယ် တင်စားခြင်းခံနေရတဲ့ လူ့ဘောင်တစ်ရပ်မှာ များပြားလှတဲ့ပဋိပက္ခတွေ ဖြေလျှော့လျော့နည်းစေဖို့ရန် မိမိတို့တစ်ဦးချင်း၊ တစ်ဦးချင်းမှာ ကိုယ်ကျင့်တရားကို လုံအောင်ကျင့်ပြီး၊ စိတ်အမူအရာ၊ ကိုယ်အမူအရာတွေပြောင်းလဲနိုင်မှ တော်ကာကျပါမယ်။ ဒီမိုကရေစီနိုင်ငံသစ်ထူထောင်တဲ့ကာလမှာ ပြည်သူတွေအနေနဲ့ ပြောရေးဆိုခွင့်ရှိလာတဲ့ပလက်ဖောင်းပေါ် အခြားသူများရဲ့ အမြင်သဘောထားတွေကို လူကြီးလူကောင်းဆန်ဆန် တည်တည်ငြိမ်ငြိမ်နဲ့ လက်ခံရင်ဆိုင် နိုင်စွမ်းရှိဖို့ လိုအပ်လာပါပြီ။

ယနေ့ Social Media တွေမှာ မြင်တွေ့ကြားသိနေရတာတွေ၊ ကိုယ့်အားနည်းချက်ကို ကိုယ်မမြင်တဲ့သူတွေကများနေပြီး တခြားလူရဲ့ အားနည်းချက်ကိုတော့ မြင်တတ်၊ ဖော်တတ် တစ်ဆိတ်ကို တစ်အိတ်လုပ်ချဲ့ကားပြောဆိုပြီး ကိုယ့်အားနည်းချက်ကိုတော့ ဖုံးဖုံးဖိဖိ လျစ်လျူရှု ပြောဆိုဝေဖန်မှုတွေသာ မြင်တွေ့ကြားသိနေရပါတယ်။ ဆင်ခြင်တုံတရားနဲ့ ယှဉ်တဲ့အတွေးအခေါ်တွေ၊ တစ်ဦးအပေါ်တစ်ဦး မြင့်မားတဲ့ တန်ဖိုးထားမှုတွေ ဆိတ်သုဉ်းလာရင် နိုင်ငံကော၊ လူ့အဖွဲ့အစည်း အားလုံးကိုပါ ဒုက္ခရောက်နိုင်သလို အထူးသဖြင့် အရေးကြီးတာက ကိုယ့်နိုင်ငံကို ဖွံ့ဖြိုး တိုးတက်စေလိုတဲ့ စိတ်ကူးယဉ်အိပ်မက်တွေ အကြီးကြီးရှိနေကြတဲ့ ယနေ့ လူငယ်တွေ၊ မျိုးဆက်သစ်လူငယ်တွေမှာ သူတို့ရဲ့စိတ်ဓာတ်တွေကျဆင်းပြီး ကိုယ်ကျင့်တရားတွေပျက်ပြားကာ အဆိုးသံသရာသို့သာ တွန်းပို့ သလိုဖြစ်သွားနိုင်တဲ့ အကြောင်းတရားတွေကိုလည်း အထူးဂရုပြုကာကွယ် စောင့်ရှောက်ကြရမှာ ဖြစ်ပါတယ်။ စိတ်ဓာတ်ကျဆင်းမှုဟာ စိတ်ဓာတ် ပျက်ပြားမှုကိုဖြစ်စေပြီး လမ်းလျှောက်ရင်း လမ်းပျောက်တဲ့အခြေအနေတွေကိုလည်း လူငယ်တွေ ကြုံတွေ့ရနိုင်ပါတယ်။ ဆိုလိုတာက လူငယ်တွေမှာ ညောင်သီးလည်းစား၊ လေးသံလည်း နားထောင်၊ ကျီးလန့်စာ စားဘဝနဲ့ ငါတို့မှာ မှီခိုအားထားရာမရှိ၊ စစ်မှန်တဲ့မေတ္တာပေးစွမ်းနိုင်တဲ့ မိတ်ဆွေကောင်းလည်းမရှိ၊ အားပေးမြှင့်တင်နိုင်မှုလည်းမရှိတဲ့အခြေအနေမှာ စနစ်ရဲ့သားကောင်တွေ ဖြစ်ကြရပြီဆိုပြီး လွဲမှားတဲ့အတွေးများနဲ့ လမ်းမှားကိုရောက်ရှိသွားနိုင်တာကို ဆိုလိုတာပါ။

နိုင်ငံဖွံ့ဖြိုးတိုးတက်ရေးမှာ သက်ဆိုင်ပါဝင်သူ အားလုံးဟာ တိုင်းပြည်အတွက် အနုတ်လက္ခဏာမဖြစ်စေဘဲ အပေါင်းလက္ခဏာသာ ဖြစ်စေချင်ပါတယ်။ ကောင်းကျိုးတွေသာ ပြုစေချင်ပါတယ်။ မျှမျှတတနှင့် ညီညီညွတ်ညွတ် ရှိချင်ကြသူများလည်း အများကြီးပါ။ စည်းမျဉ်းစည်းကမ်း လိုက်နာတတ်ပြီး ဥပဒေစိုးမိုးမှုအောက်မှာ တရားဥပဒေကိုလိုက်နာ စောင့်ထိန်းသူတွေကိုသာ ပြည်သူအများစုက လိုလားကြတာဖြစ်ပါတယ်။ အတ္တနှင့် ပရမျှတပြီး အများအကျိုးကို ကြည့်တတ်မယ့်သူတွေ ယနေ့ခေတ်မှာ များစွာလိုအပ်နေပါတယ်။ အာဃာတတွေ လျှော့ကြမှ စိတ်ဓာတ် တွေပြင်ကြမှသာ တစ်ဖွဲ့နှင့်တစ်ဖွဲ့ကြား၊ တစ်ဦးနှင့်တစ်ဦးကြား အမျိုးသား ရင်ကြားစေ့ရေးဟာ ပီပီပြင်ပြင်မြင်တွေ့လာရမှာဖြစ်ပါတယ်။ ဘာသာတရားအဆုံးအမတွေ လိုက်နာကြပါမှလည်း စိတ်ကောင်းနှလုံးကောင်း ထားနိုင်ကြပြီး ဒုစရိုက်တွေ ကင်းရှင်းနိုင်ကြမှာပါ။ ပညာရှင်တွေပေါများပြီး အပြုသဘောဆောင်နိုင်ကြ၊ သဘောထားကြီးကြမှလည်း အကြောင်းအကျိုး မှန်မှန်ကန်ကန်နဲ့ နိုင်ငံ့အကျိုးကို ဆောင်ရွက်နိုင်ကြမှာပါ။ မိမိတွေးမြင်ပြောဆိုပြုမူသမျှသည် မိမိအတွက်သာမက မိမိပတ်ဝန်းကျင် အပေါ်မှာပါ အဆိုး၊ အကောင်းသက်ရောက်နိုင်တယ်ဆိုတာ ထည့်သွင်း စဉ်းစားနိုင်ပါမှလည်း အမှားကင်းပြီး ချမ်းသာမှုဖြစ်စေတဲ့ လူ့ဘောင်တစ်ရပ်ကို မလွဲဧကန်ရရှိမှာဖြစ်ပါတယ်။

တစ်ဦးတစ်ယောက်ချင်းပဲဖြစ်ဖြစ်၊ အဖွဲ့အစည်းတစ်ခုပဲဖြစ်ဖြစ်၊ နိုင်ငံတစ်နိုင်ငံပဲဖြစ်ဖြစ် ဖွံ့ဖြိုးတိုးတက်ရေးအတွက် အားသွန်ခွန်စိုက် ဆောင်ရွက်နေပြီဆိုရင် အဟန့်အတားတွေ စိန်ခေါ်မှုတွေကတော့ အနည်းနဲ့အများ ကြုံတွေ့ရင်ဆိုင်ရနိုင်ပါတယ်။ စည်းစည်းလုံးလုံးမရှိ၊ ညီညီညွတ်ညွတ် မရှိကြရင်တော့ ဖိအားတွေဝင်ပြီး အကျပ်အတည်းတစ်ရပ်သို့တွန်းပို့ လိုက်သလို ဖြစ်သွားတတ်ပါတယ်။ အယူဝါဒစွဲ၊ ပုဂ္ဂိုလ်စွဲ၊ ဒေသစွဲ၊ လူမျိုးစွဲ အစွဲများကင်းပြီး ရိုးသားမှုရှိကြရင်တော့ ပြိုကွဲပျက်စီးမှုဆိုတဲ့ ထောင်ချောက်ဇာတ်ကွက်ထဲက ရုန်းထွက်နိုင်မှာဖြစ်ပြီး စည်းလုံးညီညွတ်စွာနဲ့ ငြိမ်းချမ်းသာယာမှုကိုရရှိနိုင်ပါလိမ့်မယ်။ ယခုအချိန်ဟာ Social Media တွေက အဓမ္မပေးနေတဲ့ စကားစစ်ခင်းတာတွေကို လျှော့၊ အမုန်းတွေ ရှောင်ရှားပြီး စည်းလုံးရမယ့်အချိန် ဖြစ်ပါတယ်။ နိုင်ငံတကာအသိုင်းအဝိုင်း တချို့ရဲ့ နိုင်ငံရေး၊ စီးပွားရေး၊ သံတမန်ရေးအပါအဝင် ထိမိတဲ့ ဖိအားပေးဒဏ်ခတ်အရေးယူမှုတွေနဲ့ ဖိအားပေးပြင်းထန်နေချိန်မှာ မိမိတို့ ပြည်သူတွေကလည်း နိုးနိုးကြားကြား အသိရှိရှိနဲ့ နိုင်ငံရေးသမားများအကြား၊ ပါတီများအကြား၊ သံဃာထုအကြား၊ မီဒီယာများကြား၊ ညီညီညွတ်ညွတ်နဲ့ ထိထိရောက်ရောက် ပြန်လည်တုံ့ပြန်ရင်ဆိုင်နိုင်ကြရင် ဒီမိုကရေစီနဲ့ ဖွံ့ဖြိုးတိုးတက်မှုအတွက် အကျပ်အတည်းကို ဖယ်ရှားနိုင်မယ့် အာမခံချက်များ ဖြစ်ပေါ်လာမှာမလွဲပါဘူး။

အမုန်းစကားဆိုတာ ဆင်ခြင်တုံတရားနဲ့ ပြောရမယ့်စကား၊ အပြု သဘောပြောရမယ့်စကားဖြစ်ပြီး အမုန်းမပါတဲ့ ဆုံးမပဲ့ပြင်ပြောဆို စကားများရဲ့ ဆန့်ကျင်ဘက်ပါ။ အမုန်းစကားတွေဟာ မကောင်းမှုတွေကိုသာ အင်အားဖြစ်စေပါတယ်။ တစ်ခါတစ်ရံ သူပြောတာမှားတယ်၊ ငါပြောတာမှန်တယ် စသည်ဖြင့် ထပ်ခါထပ်ခါရှင်းပြ၊ ငြင်းခုံနေကြခြင်းမျိုးဟာ လူ့အဖွဲ့အစည်းတွေကို ပြိုကွဲမှန်းမသိ ပြိုကွဲအောင် ဖြစ်စေတယ်ဆိုတာကို သတိချပ်သင့်ပါတယ်။ ကိုယ့်အတွက် သိက္ခာလည်း ကျစေသလို ကိုယ့်အပေါ်ရှိရင်းစွဲ သဒ္ဓါတရားကိုလည်း ယုတ်လျော့စေပါတယ်။ အကြည်ညိုမဲ့စေပါတယ်။ နိုင်ငံအရေးနဲ့ဘာသာရေးကို ကွဲကွဲပြားပြား အသုံးမချတတ်လျှင် ဓမ္မဟာအဓမ္မဖြစ်သွားတတ်ပါတယ်။ ထိလွယ်ရှလွယ် ထိခိုက်လွယ်တဲ့ အနေအထားတစ်ရပ်မှာ မတော်တဆမှုကြောင့် ပဲဖြစ်ဖြစ်၊ ဖန်တီးမှုကြောင့်ပဲဖြစ်ဖြစ် ပေါ်ပေါက်လာတဲ့ပဋိပက္ခတိုင်းဟာ ပုံမှန်ရွေ့နေတဲ့ အပြောင်းအလဲကိုထိခိုက်နိုင်ပြီး အဲဒီအချက်တွေကိုလျှော့တွက်လို့ မရစကောင်းပါ။ အကောင်းအဆိုးရလဒ်တစ်ခုဟာ နိုင်ငံသားတို့ရဲ့ရင့် ကျက်တည်ငြိမ်မှု၊ စိတ်ရှည်သည်းခံမှု အမြော်အမြင်ရှိမှုတို့အပေါ်မှာသာ မူတည်တဲ့အပြင် နိုင်ငံတကာအခြေအနေများကိုလည်းများစွာထည့်သွင်း အလေးအနက်ထားရမည်သာဖြစ်ပါတယ်။ ဘယ်သူ့ကိုမှ မုန်းလို့မဟုတ်ပါဘူး။ ဒုက္ခမရောက်စေချင်ပါဘူး။ ချစ်လို့ ပြောတာဆိုပေမယ့် ကိုယ်ပြောတဲ့စကားတွေက အမုန်းတွေချည်း၊ ဘက်လိုက်မှုတွေချည်း၊ လက်တွေ့နဲ့ ကင်းကွာမှုတွေချည်း ဖြစ်နေမယ်ဆိုရင် တရားမျှတမှုနဲ့ ကင်းကွာသွားတတ်ပါတယ်။

ယနေ့ကာလတွင် ဘယ်နေရာ၊ ဘယ်အခြေအနေမှာပဲဖြစ်ဖြစ် လူအတော်များများဟာ သည်းခံစိတ်တွေနည်းလာကြပြီး ဒေါသနဲ့တုံ့ပြန် တိုက်ခိုက်တာမျိုးတွေသာ လွယ်လွယ်ကူကူ တွေ့လာရပါတယ်။ လူမှုမီဒီယာဆိုတာတွေမှာ မြန်မာ့လူ့ဂုဏ်သိက္ခာကိုထိခိုက်စေတဲ့ အရေးအသားအပြောအဆိုတွေမှာ စိတ်အနှောင့်အယှက်ဖြစ်စရာတွေကသာ များပါတယ်။ မဆင်မခြင်မှုတွေကြောင့် သူငယ်ချင်းအချင်းချင်းတောင် အထင်လွဲမှုတွေ ခံနေရတတ်ပါတယ်။ ဖြစ်စဉ်အမှန်ကို ရိုးသားဖြောင့်မတ်စွာသိဖို့ ပြောဖို့ မကြိုးစားကြတော့ဘဲ အပြန်အလှန်ထိုးနှက်တိုက်ခိုက်ကြပြီး တစ်ဦးအပြစ်ကိုတစ်ဦး ထောက်ပြတာတွေပဲရှိနေလေတော့ ဘုံရည်မှန်းတဲ့ ဦးတည်ချက်၊ ကိုယ်သွားချင်တဲ့ရည်မှန်းချက်သို့လည်း မရောက်ဖြစ်ကြ တော့တာပါပဲ။ ဒေါသကိုပေါက်ဖွားစေတဲ့ ရန်လိုတဲ့စကားကို ထိန်းသိမ်းလျှော့ချနိုင်ပါမှ အမုန်းတရားတွေကိုလည်း ဖယ်ရှားကင်းစင်နိုင်မှာဖြစ်ပါတယ်။ သူမုန်းလို့ကိုယ်မုန်း၊ သူရိုင်းလို့ကိုယ်ရိုင်း၊ သူရန်ပြုလို့ ကိုယ်ကပြန်ရန်ပြုစတဲ့ အရာတွေဟာ တကယ့်သေးသိမ်ရာကျတဲ့ သဘောထားတွေဖြစ်ပါတယ်။ လူအတော်များများဟာ ကိုယ့်ကိုယ်ကိုယ်ပဲ မှန်တယ်လို့ယူဆနေကြတာလည်း အမှားတွေ ကျူးလွန်ဖို့ဖြစ်စေတယ်ဆိုတာ မရိပ်မိနိုင်ကြပါဘူး။ ကိုယ်က ပုဂ္ဂိုလ်စွဲ၊ ဝါဒစွဲ၊ အဖွဲ့စွဲမရှိ ယထာဘူတကျတယ်လို့ ကိုယ့်ကိုယ်ကိုယ်မြင်နေပေမယ့် ကိုယ်ကိုယ်တိုင်ပဲ အစွဲတွေနဲ့မကင်း၊ ဓမ္မဓိဋ္ဌာန် မကျတာတွေ၊ အယူမှားနေတာတွေ အများက မြင်နေတာတောင် သတိထားမိပုံမရသူတွေလည်းရှိပါတယ်။ သူ့ဘက်ကိုယ့်ဘက် အပြန်အလှန်ဆိုတဲ့နေရာမှာ ကိုယ်ပြောတာကိုပဲ သူများက နားထောင်စေချင်နေပြီး သူ့အမြင်ကိုတော့ ကိုယ့်ဘက်က လက်ခံနိုင် စွမ်းမရှိတာဟာလည်း တကယ့်ကို ဓမ္မဓိဋ္ဌာန်မကျတာပါ။ တစ်ဖွဲ့နဲ့တစ်ဖွဲ့ အမုန်းတွေပွားကြတယ်ဆိုတာ လောဘ၊ ဒေါသ၊ မောဟအရင်းခံတရား တွေအပြင် အားလုံးဟာ တစ်ချိန်ချိန်မှာရပ်တန့်သွားနိုင်တယ်ဆိုတဲ့ ကိုယ်မမြင်နိုင်တဲ့ မမြဲတဲ့အမှန်တရားကို ဖုံးလွှမ်းခံထားရတာကြောင့်လည်း ပါပါတယ်။

အဆုံးသတ်ရရင်တော့ ဘယ်ပုဂ္ဂိုလ်၊ ဘယ်ဘာသာဝင်ပဲဖြစ်ဖြစ် အမှန်ကိုမြင်နိုင်တဲ့ တရားရှိဖို့ကသာ အနှစ်သာရဖြစ်ပါတယ်။ တကယ့်တရားဆိုတာလည်း ကိုယ်ချင်းစာတရားရှိဖို့ပါ။ ကိုယ်မခံစားချင်သလို၊ ကိုယ်မထိခိုက်ချင်သလို စစ်မှန်တဲ့စေတနာမေတ္တာတရားနဲ့ သူ့ကိုလည်းပဲ မခံစားစေချင်ဘူး၊ မထိခိုက်စေချင်ဘူး၊ တရားမဲ့စွာမလုပ်ချင်ဘူးလို့ လူတိုင်းမှာ မေတ္တာသာထားကြရင် ရန်လိုတဲ့စကားတွေ၊ အမုန်းတွေ၊ အပြုအမူတွေလည်း တဖြည်းဖြည်းချင်း နည်းပါးသွားမှာပဲဖြစ်ပါတယ်။ ဒီအချက်ကလည်း စစ်မှန်တဲ့ဘာသာတရားက ပြဋ္ဌာန်းပေးတဲ့ ဓမ္မတရားတွေမို့ ဘာသာတရားကိုလက်ကိုင်ထားပြီး စည်းစည်းလုံးလုံးညီညီညွတ် ညွတ်ရှိကြလျှင်ဖြင့် သုခချမ်းသာအပြည့်နဲ့အတူ ဖွံ့ဖြိုးမှု၊ ငြိမ်းချမ်းမှုဆိုတဲ့ပန်းတိုင်ကို လှမ်းကိုင်နိုင်မှာဖြစ်ကြောင်း ရေးသားလိုက်ရပါသည်။

မိုးကေခိုင်