News

POST TYPE

PERSPECTIVE

ကျိန်စာသင့် နိုင်ငံရေးနှင့် အနာဂတ်နိုင်ငံတော်
05-Apr-2019



မြန်မာ့နိုင်ငံရေးရေချိန်သည် တစ်နေ့တစ်မျိုး မရိုးရှိလှသည်။ မြင်ရ၊ ကြားရ၊ ရင်ဆိုင်နေရသည်များသည် အကဲဆတ်လွန်းလှသလို တစ်မျိုးသားလုံးအရေးကိစ္စများလည်း ဖြစ်နေသည်မှာ အနာဂတ်အတွက် ကြီးမားသော စိန်ခေါ်မှုဟု ဆိုရပါမည်။ 

မြစ်ဆုံစီမံကိန်း တအုံ့နွေးနွေးဖြစ်နေသည်မှာ ယခင်အစိုးရလက်ထက် ယာယီရပ်ဆိုင်းစဉ်ကတည်းကပင် ဖြစ်သည်။ ယခင်က သဘောတူခဲ့သည့် ယင်းစီမံကိန်းကို ပြည်သူများ၏တောင်းဆိုမှုကြောင့် သမ္မတဦးသိန်းစိန်လက်ထက်တွင် ယာယီတစ်ဖက်သတ် ရပ်ဆိုင်းခဲ့သည်။ မြစ်ဆုံရေအား လျှပ်စစ်စီမံကိန်းသည် ကမ္ဘာတွင် ၁၅ ခုမြောက် အကြီးဆုံးရေအားလျှပ်စစ် ထုတ်လုပ်သည့် စီမံကိန်းဟု ဆိုသည်။ အလွန်ကြီးမားသောစီမံကိန်းကြီးလည်း ဖြစ်သည်။ ယင်းစီမံကိန်းတွင် မေခနှင့်မလိခ မြစ်ပေါ်တွင် ဆည် ၇ ခု အပါအဝင် မြစ်ဆုံတွင် ဆည်ကြီးတစ်ခုကိုလည်း တည်ဆောက်မည်ဖြစ်ကြောင်း သိရသည်။ လျှပ်စစ်ထုတ်လုပ်နိုင်သည့် ပမာဏစုစုပေါင်း မီဂါဝပ် ၁၈၀၀၀ အထိ ထုတ်လုပ်နိုင်မည်ဟု ဆိုပါသည်။ 

စီမံကိန်းတန်ကြေးမှာ အမေရိကန်ဒေါ်လာ ၃ ဘီလီယံကျော် ဖြစ်သည်။ ယင်းစီမံကိန်းကို တရုတ် CPI ကုမ္ပဏီမှ အများဆုံးထည့်ဝင်ထားပြီး မြန်မာအစိုးရနှင့် အေးရှာဝေါလ်ကုမ္ပဏီတို့လည်း ပါဝင်မည်ဖြစ်ကြောင်း သိရသည်။ ကမ္ဘာအဆင့်ကြီးမားလွန်းသည့် ယင်းမြစ်ဆုံစီမံကိန်းမှ ထွက်ရှိလာမည့် လျှပ်စစ်ဓာတ်အား ၉၀ ရာခိုင်နှုန်းကို တရုတ်နိုင်ငံသို့ တင်ပို့မည်ဖြစ်ကြောင်းလည်း သိရသည်။ ယင်းစီမံကိန်းမှ မြန်မာနိုင်ငံအတွက် ဝင်ငွေဒေါ်လာ ဘီလီယံချီရနိုင်သကဲ့သို့ စီမံကိန်း နှစ် ၅၀ ကြာလျှင် စီမံက်ိန်း တစ်ခုလုံးကို မြန်မာက ပိုင်ဆိုင်ရမည်ဟု ဆိုပါသည်။ 

သို့သော်လည်း ယင်းစီမံကိန်းကြောင့် ဖြစ်လာနိုင်သည့် နိုင်ငံရေး၊ စီးပွားရေး၊ လူမှုရေး၊ သဘာဝပတ်ဝန်းကျင် အကျိုးသက်ရောက်မှုများအတွက် တစ်နိုင်ငံလုံးအတိုင်းအတာဖြင့် ကန့်ကွက်ခဲ့ကြသည်။ စီမံကိန်းနှင့်ပတ်သက်၍ ပွင့်လင်းမြင်သာမှုမရှိခြင်းသည်လည်း စီမံကိန်းအပေါ် ပိုမိုသံသယဖြစ်ဖွယ်အခြေအနေဟု ဆိုရပါမည်။ ဧရာဝတီမြစ်သည် နိုင်ငံအတွက် အသက်သွေးကြောလည်း ဖြစ်သည်။ မိုင်ပေါင်း ၁၃၀၀ ကျော်သည့် ဧရာဝတီမြစ်ကြီးကို မှီတင်းနေထိုင်၊ လုပ်ကိုင်စားသောက်နေကြသည်မှာ မြန်မာပြည်မြောက်ဖျားမှ မြစ်ဝကျွန်းပေါ်အထိဖြစ်သည်။ မြစ်ဆုံတွင် ဆည်ဆောက်လုပ်သဖြင့် ယင်းမြစ်ဆုံတွင်သာ ဆိုးကျိုးခံစားရမည်မဟုတ်။ ဧရာဝတီမြစ်တစ်လျှောက်ရှိ မှီတင်းနေသူအားလုံးနှင့် ဧရာဝတီမြစ်ကြီးအား အသုံးချနေသူများအားလုံးအပေါ် အကျိုးသက်ရောက်မှုရှိလာမည်မှာ သေချာပါသည်။ အားလုံးစိတ်ပူစေရသည့် စီမံကိန်းဟုလည်း ဆိုရပါမည်။ 

၂၀၁၁ သမ္မတဦးသိန်းစိန် တာဝန်ယူပြီးနောက် မြစ်ဆုံစီမံကိန်းအား ပြည်သူများ၏ကန့်ကွက်မှုကြောင့် ယာယီရပ်ဆိုင်းပေးခဲ့သည်။ ယင်းအချိန်မှစ၍ တရုတ်နိုင်ငံအနေနှင့် မြန်မာ့နိုင်ငံရေးအခြေအနေကိုသုံးသပ်ပြီး ယင်းစီမံကိန်း ပြန်လည်စတင်နိုင်ရေး တစိုက်မတ်မတ်ကြိုးစားနေသည်ကို တွေ့ရသည်။ လက်ရှိအာဏာရပါတီ၏ ယခင်က မြစ်ဆုံစီမံကိန်းအပေါ်ထားရှိသောသဘောထားများမှာ ၂၀၁၅ အာဏာရပြီးနောက်ပိုင်း သဘောထားပြောင်းလဲလာသည့် ပြောကြားမှုများကို တွေ့ရှိလာရသည်။ မြစ်ဆုံစီမံကိန်းကို အရွယ်အစားလျှော့ချမလား၊ အခြားနေရာတစ်ခုခုသို့ ပြောင်းရွှေ့တည်ဆောက်မလား၊ အခြားစီမံကိန်းတစ်ခုခုနှင့် အစားထိုးမလား စဉ်းစားနေကြောင်း နိုင်ငံတကာရင်းနှီးမြှုပ်နှံမှုဥက္ကဋ္ဌ ဦးသောင်းထွန်းက ပြောကြားခဲ့သည်။ အာဏာရပါတီ၏သဘောထား သို့လော သို့လော ဖြစ်နေသည်မှာလည်း လူထု၏သံသယကို ပိုမိုကြီးထွားစေခဲ့သည်။ မြန်မာ အစိုးရ၏ သဘောထား၊ ပြည်သူတို့၏သဘောထား မည်သို့ရှိစေ တရုတ် နိုင်ငံအနေနှင့် မြစ်ဆုံစီမံကိန်း ပြည်လည်စတင်နိုင်ရန် ကြိုးပမ်းနေမှုသည် မြန်မာနိုင်ငံအတွက် သတိထားရမည့် အခြေအနေဖြစ်နေပါသည်။ တရုတ်အစိုးရအနေနှင့် မြစ်ဆုံစီမံကိန်းကို ဆောက်ဖြစ်အောင် ဆောက်လုပ်မည်ဖြစ်ကြောင်း၊ တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ်တွင် ကေအိုင်အေ ပါဝင်လက်မှတ်ထိုးဖြစ်အောင်လုပ်မည်ဟု ယူနန်အစိုးရက ကချင်နှစ်ခြင်းခရစ်ယာန်အဖွဲ့ချုပ်ကို မတ်လ ၁ ရက်နေ့က ပြောကြောင်း သိရသည်။

ယင်းပြောကြားချက်သည် မြစ်ဆုံစီမံကိန်းနှင့် ငြိမ်းချမ်းရေးလဲလှယ်ရန် သတင်းစကားအဖြစ် ယူဆမိပါသည်။ မြစ်ဆုံစီမံကိန်း ပြန်လည်စတင်ရန် ငြိမ်းချမ်းရေးနှင့် အကျပ်ကိုင်ခြင်းဟုလည်း မြင်မိပါသည်။ ယင်းအခြေအနေသည် မြန်မာနိုင်ငံအတွက် ရှေ့ကိုတိုး ထမ်းပိုး၊ နောက်ကိုဆုတ်လှည်းတုပ် ကိန်းဆိုက်နေရာ မြန်မာနိုင်ငံအတွက် အခြားနည်းလမ်းရှာရန် လိုအပ်လာပါသည်။

တရုတ်နိုင်ငံနှင့် မြန်မာနိုင်ငံတို့သည် အိမ်နီးချင်းနိုင်ငံများဖြစ်ရာ ကင်းကွာ၍ မရနိုင်သည်က သေချာပါသည်။ တစ်နေ့တခြား တရုတ်နိုင်ငံ၏ ကြီးထွားလာသော စီးပွားရေး၊ စစ်ရေး၊ နိုင်ငံရေးတို့သည်လည်း မိမိတို့နိုင်ငံအတွက် ကောင်းကျိုးများရှိသကဲ့သို့ ဆိုးကျိုးများလည်း ရှိနေပါသည်။ တရုတ်နိုင်ငံအနေနှင့်လည်း ၎င်းတို့အတွက် အရေးပါလှသော မြန်မာနိုင်ငံကို မည်သည့်နည်းနှင့်မျှ လက်လွတ်ခံမည်မဟုတ်။ တရုတ်နိုင်ငံနှင့် မြန်မာနိုင်ငံအကြား နယ်စပ်ကုန်သွယ်ရေးအပါအဝင် စီးပွားရေး၊ ရခိုင်အရေး၊ ငြိမ်းချမ်းရေး၊ ပိုးလမ်းမစီမံကိန်း၊ မြစ်ဆုံစီမံကိန်း၊ ကျောက်ဖြူရေနက်ဆိပ်ကမ်း၊ နိုင်ငံခြားရင်းနှီးမြှုပ်နှံမှု၊ ကြွေးမြီ စသည့် ကဏ္ဍပေါင်းစုံ ဆက်စပ်နေပါသည်။ ယင်းတို့အနက် ရခိုင်ပြည်နယ်အတွင်းဖြစ်ပွားခဲ့သည့် ဘင်္ဂါလီအရေးကိစ္စတွင်လည်း လုံခြုံရေးကောင်စီအစည်းအဝေးများတွင် တရုတ်နိုင်ငံက မြန်မာနိုင်ငံကို ထောက်ခံပေးထားသည်။ နိုင်ငံတကာဆက်ဆံရေးတွင် အလကားရသည့်အရာတစ်ခုမှမရှိ။ အနည်းနှင့်အများသာ ကွာခြားပါသည်။ အပေးရှိလျှင် အယူရှိပါသည်။ အယူရှိလျှင် အပေးရှိရပါသည်။ နိုင်ငံတိုင်းသည် မိမိတို့နိုင်ငံ၏ အမျိုးသားအကျိုးစီးပွားကိုသာ ထိပ်တန်းတင်ကြလေ့ရှိကြသည်မှာ ထူးဆန်းသောကိစ္စမဟုတ်။

ယခုအခါ ငြိမ်းချမ်းရေးကို အကြောင်းပြ၍ မြစ်ဆုံစီမံကိန်းကို တောင်းဆိုနေပြီဖြစ်သည်။ တရုတ်နိုင်ငံသည် စီးပွားရေးမြင့်မားလာသည့်အတွက် စွမ်းအင်လိုအပ်ချက်လည်း မြင့်မားလာရာ မြစ်ဆုံစီမံကိန်းသည် ၎င်းတို့အတွက် မက်မောလောက်သည့် လျှပ်စစ်ပမာဏကို ရရှိနိုင်မည်ဖြစ်သည်။ တရုတ်တို့အတွက် မြစ်ဆုံစီမံကိန်းလိုအပ်နေချိန်တွင် မြန်မာနိုင်ငံသည်လည်း ငြိမ်းချမ်းရေးကို လိုအပ်နေသည်။ တရုတ်တို့တွင် မြစ်ဆုံစီမံကိန်းအတွက် ငြိမ်းချမ်းရေး အလဲအလှယ်အပြင် အခြားဝှက်ဖဲများလည်း ရှိနေဦးမည်မှာ သေချာသည်။ လက်ရှိအာဏာရပါတီအနေနှင့်လည်း ၂၀၂၀ ရွေး ကောက်ပွဲရှိနေရာ မည်သို့ဆုံးဖြတ်မည်နည်း။ အန်အယ်လ်ဒီအစိုးရတက် လာစဉ်က တရုတ်နှင့်မြန်မာ နှစ်နိုင်ငံချုပ်ဆိုသည့် စာချုပ်များအပေါ် မူတည်၍ စဉ်းစားမည်ဖြစ်ကြောင်း၊ လူထုဆန္ဒအားဆန့်ကျင်၍ လူထုအကျိုး မရှိသောစီမံကိန်းများကို ဆက်လုပ်မည်မဟုတ်ကြောင်း ပြောကြားခဲ့ဖူးသည်။

မည်သို့ဆိုစေ မြစ်ဆုံစီမံကိန်းသည် မြန်မာနိုင်ငံအရေးဖြစ်သည်။ ငြိမ်းချမ်းရေးသည်လည်း မြန်မာနိုင်ငံအရေး ဖြစ်သည်။ အစိုးရအနေနှင့် ကေအိုင်အေနှင့် ငြိမ်းချမ်းရေးရရှိရန်ဆိုပါက မြစ်ဆုံစီမံကိန်းအား ခွင့်ပြုပေးရမည့်သဘော ဖြစ်သည်။ ကေအိုင်အေသည် တရုတ်နိုင်ငံအတွက် ဝှက်ဖဲတစ်ချပ်သဖွယ် အသုံးပြုလာပါသည်။ သတိပြုဖွယ်တစ်ချက်မှာ မိမိတို့ တိုင်းရင်းသားညီအစ်ကိုမောင်နှမအကြား မညီညွတ်ကြခြင်း၊ တိုက်ခိုက်နေကြခြင်းသည် ကြားလူကို အမြတ်ထုတ်ခွင့်ပြုနေခြင်းပင်ဖြစ်သည်။ နစ်နာစရာရှိပါက မိမိတို့တိုင်းရင်းသားညီအစ်ကိုအားလုံးတို့ နစ်နာကြရပေတော့မည်။ မြစ်ဆုံစီမံကိန်းကြောင့် ဖြစ်လာမည့်ဆိုးကျိုးသည် ကချင်ပြည်နယ်တစ်ခုတည်းသာမဟုတ်၊ တစ်နိုင်ငံလုံးနှင့် သက်ဆိုင်ပါသည်။ ကေအိုင်အေနှင့် ငြိမ်းချမ်းရေး မတည်ဆောက်နိုင်ခြင်းသည် ကချင်ပြည်နယ်တစ်ခုတည်းအတွက်သာမဟုတ်၊ တစ်နိုင်ငံလုံးနှင့် သက်ဆိုင်ပါသည်။ မိမိတို့အချင်းချင်း မညီညွတ်ခြင်းကြောင့် မြန်မာတို့ ထီးနန်းပျောက်ခဲ့ရသည်ကို ပြန်လည်သတိရစေလိုပါသည်။ အတိတ်ကမညီညွတ်ခဲ့သောနိုင်ငံရေးသည် ယခုချိန်တွင်လည်း ထပ်မံတွေ့မြင်နေရသည်ဖြစ်ရာ နိုင်ငံရေးကျိန်စာ သင့်ခဲ့လေသလားဟု အတွေးချော်မိပါသည်။

ထိုကျိန်စာမှ လွတ်မြောက်ရေးအတွက် မြန်မာနိုင်ငံတွင် အားလုံးလိုလားနေသည့် စနစ်တစ်ခုသို့ ကူးပြောင်းနေပြီလည်းဖြစ်သည်။ ပြည့်စုံသောအခြေအနေသို့ရောက်ပြီဟု မဆိုနိုင်သေးသော်လည်း ပြောင်းလဲမှုအတိုင်း အတာတစ်ခုထိ ရောက်ရှိနေသည်မှာ မျက်မြင်ကိုယ်တွေ့ပင်ဖြစ်သည်။ ဆက်လက်လျှောက်လှမ်းကြရပါဦးမည်။ ယင်းသို့ မိမိတို့ လိုလိုလားလား တောင့်တခဲ့သည့်စနစ်သို့ ရောက်ရှိနေချိန်၊ ကြိုးပမ်းနေချိန်မှာပင် တစ်ဦးနှင့်တစ်ဦး၊ တစ်ဖွဲ့နှင့်တစ်ဖွဲ့ အပြစ်ဆို၊ အငြင်းဖွဲ့ ရန်သူသဖွယ် ပြောဆိုပြုမူနေကြခြင်းမှာ နိုင်ငံတည်ဆောက်ရေးအတွက်လား၊ မိမိတို့အတ္တများတည် ဆောက်ရေးအတွက်လားဟု စဉ်းစားမိပါသည်။ 

အပြစ်ဆိုစကားများ၊ အပြုအမူများ၊ ရန်စောင်နေမှု စသည့် အပျက်သဘောသက်သက်တို့ဖြင့် နိုင်ငံတည်ဆောက်၍ ရနိုင်ပါမည်လား။ စဉ်းစားကြရန် လိုအပ်ပါမည်။ အပြုသဘောများသို့ ပြောင်းလဲချိန်တန်ပါပြီ။ နိုင်ငံရေး စနစ်ပြောင်းလဲရန်ထက် မိမိကိုယ်ကိုယ် ဦးစွာပြောင်းလဲကြရပါမည်။ ယိုးမယ်ဖွဲ့ လက်ညှိုးထိုးနေခြင်းဖြင့် နိုင်ငံကြီးတစ်ခု၊ စနစ်ကြီးတစ်ခု၊ လူမှုဝန်းကျင်ကြီးတစ်ခု ကောင်းလာမည်၊ တည်ဆောက်နိုင်မည်ဟု လုံးဝ (လုံးဝ) မယုံကြည်ပါ။ နိုင်ငံမတည်ဆောက်နိုင်သည့် ထိုအပျက်သဘောများသည်ပင် မိမိတို့အတွက် အားနည်းချက်းများ ဖြစ်နေပါသည်။

မိမိတို့၏အားနည်းချက်သည် ရန်သူ သို့မဟုတ် အခွင့်အရေးစောင့်နေသူအတွက် အခွင့်အရေးဖြစ်ပါသည်။ ထိုအားနည်းချက်များကို မိမိတို့ အားလုံး မဖန်တီးကြဖို့လိုပါသည်။ လက်ရှိအချိန်သည့် နိုင်ငံအတွက်လည်းကောင်း၊ လူထုအတွက်လည်းကောင်း စိန်ခေါ်မှုများပြားလွန်းနေပါသည်။ မြစ်ဆုံစီမံကိန်းဖြင့် ကချင်ပြည်နယ်တွင် သောကပွေနေစဉ် ရခိုင်ဒေသစစ်မီးသည် အရှိန်ကောင်းနေဆဲ ဖြစ်သည်။ ရခိုင်ဒေသပဋိပက္ခအကျိုးဆက်သည် ယခုအခါ ခြိမ်းခြောက်မှုများဖြင့် အခြားဒေသများအထိ ကူးဆက်လာနေသည်မှာ စိုးရိမ်ဖွယ်အခြေအနေဟု မြင်မိပါသည်။ ယင်းဒေသ၏ မတည်ငြိမ်မှု၊ ပဋိပက္ခများ၊ မကျေနပ်မှုများနှင့် အစွဲများသည် ကြားလူအတွက် အခွင့်အရေးများဖြစ်နေသည်ကိုလည်း သတိပြုကြရပါမည်။ ရခိုင်ဒေသမှ ဘင်္ဂါလီအရေးကိစ္စသည် ယခုထက်တိုင်ဖြေရှင်း၍မပြီးနိုင်သေးသည့် ကိစ္စဖြစ်သည်။ ဖြစ်ချင်သည်နှင့် ဖြစ်သင့်သည်ကို ချင့်ချိန်ပေးကြရန် အထူးမေတ္တာရပ်ခံလိုပါသည်။

အနာဂတ်နိုင်ငံတော်အား တည်ဆောက်ရန် မိမိတို့တွင် အခွင့်အလမ်းများစွာ ရှိနေဆဲ၊ တွေ့နေဆဲ၊ ယုံကြည်နေဆဲဖြစ်ပါသည်။ ထိုအခွင့်အလမ်းကို မည်သည့်အတွက်ကြောင့် ရှောင်ကွင်းနေကြပါသနည်း။ မြစ်ဆုံစီမံကိန်းသည် တရုတ်နိုင်ငံအတွက် ကြီးမားသောအခွင့်အရေးတစ်ရပ်ဖြစ်၍ ထိုစီမံကိန်းအောင်မြင်ရေး စဉ်ဆက်မပြတ်ကြိုးပမ်းနေဦးမည်မှာ သေချာပါသည်။ သို့ဖြစ်ရာ မြစ်ဆုံစီမံကိန်းအရေး ဖြေရှင်းရာတွင် မိမိတို့တိုင်းရင်း သားအချင်းချင်း ညီညွတ်နေကြမည်ဆိုလျှင် ပိုမိုကောင်းမွန်သော အခြားနည်းလမ်းတစ်ရပ် ရှာဖွေနိုင်ပါလိမ့်မည်။ မိမိတို့အချင်းချင်း စိတ်ဝမ်းကွဲနေဦးမည်ဆိုပါက မြစ်ဆုံလည်းပေး၊ ငြိမ်းချမ်းရေးလည်း ဝေးနေပါလိမ့်ဦးမည်။ နိုင်ငံ့အရေးဖြေရှင်းရန် အခွင့်အလမ်း လက်တစ်ကမ်းတွင် ရှိနေဆဲဖြစ်သည်။ ထိုအခွင့်အလမ်းကို ယူလိုစိတ်ရှိရန်သာ လိုအပ်နေပါကြောင်း တိုက်တွန်းရေးသားအပ်ပါသည်။

သိန်းထွန်း (IR)