News

POST TYPE

PERSPECTIVE

သတင်းထောက်ပျောက်ဆုံးမှု
20-Oct-2018



(၁)

လွန်ခဲ့သောနှစ် နိုဝင်ဘာလ ၇ ရက်နေ့က ခါရှိုဂီ (Jamal Khashoggi) က ရေးခဲ့ပါသည်။ “ဒီပုဂ္ဂိုလ်ဟာ ဆော်ဒီအာရေးဗီးယား ဖြည်းဖြည်းချင်း သေသွားမှာကို ကာကွယ်နေတာပါပဲ” သူဟာ “ဆော်ဒီအာရေးဗီးယား နိုင်ငံအစိုးရကို ဘာသာရေးဆရာတွေရဲ့လက်အောက် ရောက်မသွားအောင် ကာကွယ်ပေးခဲ့တယ်။ သူ့ပေါ်လစီတွေကို ဝင်ပြီးနှောင့်ယှက်တာတော့ ခံမှာမဟုတ်ဘူး”ဟူ၍ ဆော်ဒီအိမ်ရှေ့မင်းသား မိုဟာမက် ဘင်ဆော်လမန် (Mohammed Bin Salman - MBS) နှင့်ပတ်သက်၍ ချီးချီးပပ ရေးခဲ့ပါသည်။

သူသည် ဆော်ဒီအစိုးရနှင့် ရင်းရင်းနှီးနှီးဆက်ဆံခဲ့သူဖြစ်သည်။ နိုင်ငံကိုချစ်မြတ်နိုးပြီး ဆော်ဒီနိုင်ငံကို ကမ္ဘာ့အဆင့်အတန်းမီစေချင်သည်။ အောင်မြင်စေချင်သည်။ အမ်ဘီအက်စ် (MBS) သည် နိုင်ငံအတွက် လိုအပ်သော ပြုပြင်ရေးလုပ်ငန်းများကို လုပ်နိုင်လိမ့်မည်ဟု ယူဆသူဖြစ်သည်။ သို့သော် မင်းသားမှာ ၃၃ နှစ်သာရှိသေးပြီး ငယ်သေးသည်။ သူ့ကို လမ်းညွှန် (Coach) ပေးရန်လိုသည်။ သူ့မှာ “ကောင်းတဲ့ဘက်ရှိသလို မကောင်းတဲ့ဘက်တစ်ဖက်ကလည်း ရှိတယ်။ တော်ဝင်မိသားစုထဲမှာပဲ နေတာဆိုတော့ ပြင်ပနဲ့ ဆက်ဆံမှုနည်းတယ်”ဟုလည်း ရေးခဲ့သည်။

စက်တင်ဘာလ ၄ ရက်နေ့ကမူ ဝါရှင်တန်ပို့စ် သတင်းစာတွင်ရေးခဲ့ရာ “မင်းသားဟာ နိုင်ငံအတွက် လိုအပ်တဲ့ လူမှုရေး၊ ဘာသာရေး၊ နိုင်ငံရေးရာ၊ စီးပွားရေးရာကိစ္စတွေမှာ ပြုပြင်ရေးလုပ်ဖို့ လိုတာတွေကို ဒီမိသားစုထဲမှာ ဒီတစ်ယောက်ပဲမြင်မိတယ်” ပြင်ပနိုင်ငံများရဲ့ဖိအားနဲ့ ပြည်တွင်းက အနှောင့်အယှက်အရေးအားလုံး နှိမ်နင်းနိုင်ရေးနဲ့ ဈေးဝယ်တာတွေ အားလုံးကို တစ်ပြိုင်တည်းလုပ်နိုင်မယ်လို့ ယုံကြည်တယ်။ တစ်ခုရှိတာကတော့ မင်းသားမှာ အပိုင်းနှစ်ပိုင်းရှိတယ်။ ကျွန်တော်တို့အလုပ်ကတော့ ဆိုးတဲ့အပိုင်းကို ကောင်းတဲ့အပိုင်းက လွှမ်းမိုးသွားစေဖို့ပဲ။ ဒါပေမဲ့ ထရမ့်ရဲ့လုပ်ရပ်တွေကတော့ အခုချိန်ထိ ဆော်ဒီအာရေးဗီးယားကို သံအမတ် မခန့်အပ်သေးတာသာကြည့်တော့။ ထရမ့်ကို ခွင့်မဲ့ပျက်ကွက်သူ (AWOL) ဟု ရေးသည်။

ထိုစာများကိုရေးခဲ့သူ ခါရှိုဂီသည် လွန်ခဲ့သော အောက်တိုဘာ ၂ ရက်နေ့က တူရကီနိုင်ငံ အစ္စတန်ဘူးလ်ရှိ ဆော်ဒီအာရေးဗီးယားသံရုံးထဲသို့ ဝင်ရောက်သွားရာမှ တစ်ခါတည်း အစပျောက်သွားပါသည်။ တူရကီမှ အရာရှိများက ယူဆကြသည်မှာ သူသည် အနှိပ်စက်ခံရပြီး သေဆုံးသွားသည်။ သူ့ခန္ဓာကိုယ်ကို ဆော်ဒီအေးဂျင့်များက အပိုင်းပိုင်းဖြတ်၍ ဖျက်ဆီးပစ်လိုက်ကြသည်ဟူ၍ ဖြစ်ပါသည်။

ထိုသို့ ကြောက်မက်ဖွယ်စွပ်စွဲချက်များမှာ မှန်ကန်ခဲ့လျှင် တူရကီ အစိုးရနည်းတူ အနောက်နိုင်ငံမှ အစိုးရများ အမေရိကန်တို့နှင့်လည်း ဆက်ဆံရေးပျက်ပြားဖွယ်ရှိသည်။ တူရကီအစိုးရက သံရုံးအတွင်း ဝင်ရောက်ရှာဖွေခွင့် တောင်းခံနေသည်။ ဆော်ဒီအာရေးဗီးယားကမှု ခါရှိုဂီသည် သံရုံးအတွင်း ဝင်ရောက်လာပြီး လက်ထပ်စာချုပ်စာတမ်းများနှင့်အတူ ထွက်ခွာသွားပြီဟု ငြင်းဆိုသည်။

(၂)

အမ်ဘီအက်စ်သည် ဒီမိုကရေစီနိုင်ငံတော်သစ်ထူထောင်ဖို့ ကြိုးစားနေခြင်းမဟုတ်ပါ။ ဆော်ဒီအာရေးဗီးယားဟာ ဒိန်းမတ်လိုနိုင်ငံ ဘယ်တော့မှ ဖြစ်လာနိုင်မှာမဟုတ်ဘူးလို့ ဆိုနေကြတယ်။ ၂၀၀၁ တွင်ဖြစ်ပွားခဲ့သော အမေရိကန်ပြည်မှ ၉/၁၁ ကိစ္စကို ပြန်ကြည့်ပါ။ ခေါင်းဆောင်လုပ်သူသည် ဆော်ဒီနိုင်ငံမှာမွေးပြီး ကြီးပြင်းခဲ့သူဖြစ်သည်။ သူ့ကြောင့် အာရပ်ကမ္ဘာတွင် ဆော်ဒီနိုင်ငံ၏ နာမည်ပျက်ခဲ့ရသည်။ ဤသည်မှာ ၁၉၇၉ ခုနှစ် နောက်ပိုင်း မွတ်ဆလင်များ၏ သန့်စင်သော မွတ်ဆလင်ဖြစ်ရေး ဝါဒပြန့်ပွားခဲ့သောကြောင့်လည်းဖြစ်သည်။ အမေရိကန်က ဖြစ်စေလိုသည်မှာ ဆော်ဒီနိုင်ငံ၏ ဆွန်နီမွတ်ဆလင်တို့ကို ပိုမို၍ပွင့်လင်းသောဝါဒနှင့် အားလုံး စုပေါင်းပါဝင်စေချင်သည်။ ဤလှုပ်ရှားမှု၏ ဗဟိုချက်မမှာ မက္ကာနှင့် မိဒီနာ (Medina) တို့ရှိရာ ဆော်ဒီနိုင်ငံပဲ ဖြစ်စေလိုသည်။

အမ်ဘီအက်စ်တွင် သဘောထားတင်းမာသော အကြံပေးများရှိ သည်။ သူတို့က တရုတ်တို့ကို အတုယူစေချင်ကြသည်။ တရုတ်ပြည်က တောင်တရုတ်ပင်လယ်တွင် ကြီးစိုးဗိုလ်ကျလျက်ရှိသည်။ သူက ကျွန်းများကို သိမ်းသောအခါ တစ်ကမ္ဘာလုံးက ဝိုင်းဝန်းကန့်ကွက်ကြသည်။ တရုတ်၏တုံ့ပြန်မှုမှာ “သွားစမ်းပါ” (Get Lost) ဟူ၍ဖြစ်သည်။ မဆိုင်သူ မရှုပ်နဲ့ဟုသဘောထားကြသည်။ ကမ္ဘာကြီးက လက်လျှော့ပေးရသည်။

ကနေဒါနိုင်ငံက ဆော်ဒီအာရေးဗီးယားနိုင်ငံကို လူ့အခွင့်အရေးနှင့်ပတ်သက်၍ စတင်ပြောနေဆဲပဲရှိသေးသည်။ အမ်ဘီအက်စ်က တရုတ်တို့၏ နမူနာကိုယူကာ ကနေဒါနှင့် သံအဆက်အသွယ် ဖြတ်တောက်လိုက်သည်။ ကနေဒါမှ ကုန်ပစ္စည်းဝယ်ယူခြင်းကို ရပ်ဆိုင်းလိုက်သည်။ ဤသည်မှာ မလိုအပ်သော တုံ့ပြန်မှု (Over-reaction) ဖြစ်သည်။ ဆော်ဒီအာ ရေးဗီးယားမှာ တရုတ်မဟုတ်ပါ။ သူသည် မိတ်ဆွေကောင်းများရှိဖို့ လိုသည်။ သူသည် ဒူဘိုင်းလိုမြို့ဖြစ်ရမည်။ ရှန်ဟိုင်းနှင့် နှိုင်းယှဉ်၍မရပါ၊ ပျော့ပျောင်းသော အကိုင်အတွယ်လိုသည်။ အရမ်းကာရော (bully) လုပ်ဖို့မဟုတ်ပါ။

သူသည် ဇွန်လမှစ၍ မိန်းကလေးများကို ကားမောင်းခွင့်ပေးလိုက် သည်။ ထို့နောက် ကားမောင်းတတ်ကျွမ်းသူ မိန်းကလေးတစ်ဦးကို လန်ဒန်မှ ဆော်ဒီဆန့်ကျင်ရေးအဖွဲ့နှင့် ပူးပေါင်းသည်ဆိုကာ အာရပ်စော်ဘွားများနိုင်ငံ UAE တွင် သူ့အေးဂျင့်များက ဖမ်းဆီး၍ ဆော်ဒီနိုင်ငံသို့ပြန်ပို့လိုက်သည်။ ထိုမိန်းကလေးက အမ်ဘီအက်စ်၏ အုပ်ချုပ်ရေး၊ စီးပွားရေးကို ဘာမှ အနှောင့်အယှက်ပေးနေသည် မဟုတ်ပါ။

ကနေဒါနိုင်ငံတွင် ကျောင်းသားတစ်ဦးမှာ အစိုးရကို ဝေဖန်သည့် ဗီဒီယိုများရိုက်ပြီး You Tube တွင် တင်လေ့ရှိသည်။ နိုင်ငံအတွင်းရှိ သူ၏ ညီအစ်ကိုတော်သူနှစ်ဦးမှာ ထောင်သွင်းအကျဉ်းချခြင်းခံရသည်။

အိမ်ရှေ့မင်းသားက အမျိုးသမီးအခွင့်အရေး လှုပ်ရှားသူများကို ထောင်ချသည်။ စီးပွားရေးသမားများကို ဖမ်းဆီးသည်။ ပြိုင်ဘက် တော်ဝင်မိသားစုဝင်များကို ဖမ်းဆီးသည်။ ထိုသို့ဖမ်းဆီးရာတွင် နယ်နိမိတ်ကို ကျော်ပြီး တခြားနိုင်ငံတစ်ခု၏ လုပ်ပိုင်ခွင့်များကို ကျော်လွန်ကာ အရမ်းကာရောလုပ်သည့် အခါများလည်းရှိသည်။ သူသည် သူ့ကို ဝေဖန်သည်ကိုလည်း မခံ၊ သူ့အမှားကို ထောက်ပြတာကို မကြိုက်၊ လူတိုင်းကို ငြိမ်ဝပ်ပိပြား စေလိုဟန်ရှိသည်။

အတိုက်အခံသမားတို့ကမူ ဆော်ဒီအစိုးရ၏ “သူတို့နှင့် ဘာမှမဆိုင်၊ မစ္စတာခါရှိုဂီသည် သံရုံးသို့ရောက်လာပြီး သူ့စာရွက်များကို ယူကာ ပြန်သွားသည်”ဆိုခြင်းကို သဘောမတူနိုင်ကြ။ သူ၏ထင်ရှားကျော်စောမှုအရ ထိုသို့မဖြစ်နိုင်၊ အမေရိကန်နိုင်ငံမှာနေသည့် လူတစ်ဦးအနေနှင့် တီဗီတွင် မကြာခဏစကားပြောပြီး ဝါရှင်တန်ပို့စ်သတင်းစာတွင် ဆောင်းပါးများ ရေးသားသူတစ်ယောက်ကို ဆော်ဒီအစိုးရက စေ့စပ်သေချာစွာ ကြည့်ရှုနေကြမည်ဟု ခန့်မှန်းသည်။

ယခု ဆော်ဒီအစိုးရက ပြတ်ပြတ်သားသား ပြသလိုက်ခြင်းမှာ “မင်းဟာမင်း ဘယ်မှာနေနေ၊ ငါတို့လက်တွေ၊ ခြေတွေဟာ မင်းရှိတဲ့ဆီ ကိုရောက်နိုင်တယ်”ဟု ပြသလိုက်ခြင်းပင်ဖြစ်သည်။ အကယ်၍ဆော်ဒီ အစိုးရ အေးဂျင့်များသာ ပါဝင်ပတ်သက်နေပါက တူရကီအစိုးရနှင့် စပြီး သူတို့၏ အပြည်ပြည်ဆိုင်ရာဆက်ဆံရေး ပျက်ပြားစရာရှိနေပါသည်။

တနင်္လာနေ့တွင် တူရကီသမ္မတက အကယ်၍ မစ္စတာခါရှိုဂီသည် ဆော်ဒီသံရုံးက ပြန်ထွက်သွားသည်ဆိုပါက ဆော်ဒီတို့က သက်သေပြရန် လိုအပ်နေသည်။ တယ်လီဗီးရှင်းမှတ်တမ်းများနှင့် ပြသနိုင်ရမည်ဟု တောင်းဆိုထားသည်။

ဆော်ဒီမင်းသားမှာ မိန်းကလေးများ ကားမောင်းခွင့်နှင့်အတူ ဘာသာရေးပုဒ်မများကိုလည်း ရုပ်သိမ်းခဲ့သည်။ ကပွဲ ခုန်ပွဲများကိုလည်း ကျင်းပပေးခဲ့သည်။ ရုပ်ရှင်ရုံကို ပြန်လည်ဖွင့်ခွင့်ပေးခဲ့သည်။ သို့ပါသော်လည်း ထိုအခွင့်အရေးများကို ပေးခဲ့သည့်နည်းတူ ပြည်တွင်းပြည်ပက ဆန့်ကျင်ရေးလုပ်နေသူများကိုလည်း ဒုက္ခပေးခဲ့သည်။

နိုင်ငံခြားရောက်နေသူအချို့လည်း စကောလားရှစ် ရုပ်သိမ်းခံရသည်။ အချို့ကိုလည်း မပြန်လာဘဲ မနေချင်အောင်ဆွဲဆောင်ပြီး ပြန်ရောက်ပါက အဖမ်းခံကြရသည်။ သူတို့ ငြိမ်ငြိမ်မနေပါက အဖမ်းခံရမည်ဟု ခြိမ်းခြောက်ခြင်းခံရသည်။ အချို့မှာ ဆွေမျိုးများ အဖမ်းခံရပြီး၊ အချို့မှာ ခရီးသွားလာခွင့် ပိတ်ခံကြရသည်။

အချို့ကလည်း အစိုးရအေးဂျင့်များကိုကြောက်၍ နိုင်ငံခြားရောက်လျှင် နှုတ်ပိတ်နေကြတော့သည်။ အခြား အာရပ်နိုင်ငံများသို့လည်း မသွားရဲကြတော့။ အဓမ္မပိတ်ဖမ်းပြီး ဆော်ဒီနိုင်ငံသို့ ပြန်ပို့ခံရမည်ကို စိုးရိမ်ကြသည်။

(၃)

ဗာဂျီနီးယားမှာ နေထိုင်သူ ဝါရှင်တန်ပို့စ်မှာ စာရေးသူကို အမေရိကန်နိုင်ငံသားမဟုတ်ဘူးဟူ၍ ထရမ့်က ငြင်းဆိုပါသည်။ သမက်ဖြစ်သူ ဂျယ်ရီကူရှနာ (Jerry Kushner) က အခုရက်တွေအတွင်း ဝါရှင်တန်ပို့စ်မှ နေ၍ မင်းသားထံ စာတစ်စောင်ရေးပို့သည်ဟု ဆိုသည်။ ဝယ်ထားသည့် လက်နက်များမှာလည်း သိန်း ၁၁၀ ဘီလီယံမျှရှိသည်။ ဟိုအရင် တစ်ခါ အလည်လာစဉ်က အမေရိကန်တစ်ပြည်လုံးအနှံ့ ဧည့်ခံခဲ့ကြသည်။ အခုတော့ ဒီကိစ္စမှာ တာဝန်ရှိရင် တန်ရာတန်ဖိုးပေးရမယ်ဟု ဆီးနိတ်ခေါင်းဆောင်များက ပြောသည်။ တူရကီကလည်း ဆော်ဒီမှာသာ တာဝန်ရှိကြောင်း ဗီဒီယိုသက်သေ ရှိပါတယ်ဟုဆိုသည်။ အောက်တိုဘာ ၂ ရက်က ဆော်ဒီမှ လူ ၁၅ ဦး တူရကီသို့ သီးသန့်လေယာဉ်ဖြင့် ဝင်လာကြရာ စုံထောက်အရာရှိများ အလောင်းစစ်ဆေးသူများ ပါဝင်သည်ဟု ဆိုသည်။

ထိုအရာများအားလုံး၏ အဖြေကို ဆော်ဒီမင်းသားကသာ ဖြေဆိုပေးနိုင်ပါလိမ့်မည်။

ကိုသန်းလွင်

Ref: Praying for Khashoggi By Thomas Freeman New York Times Ocober 10 2018.