POST TYPE

PERSPECTIVE

လူကြီးများ အကောင်း မကြိုက်ကြစေလိုပါ
06-Sep-2018

လောကတွင် လူတိုင်း အကောင်းကြိုက်ကြသည်။ သို့သော်လည်း လူမှုနယ်ပယ် အသီးသီးတွင် တာဝန်ယူ လုပ်ကိုင်နေကြရသောသူများအနေနှင့်မူ မကြိုက်သင့်သော အကောင်းများရှိသည်။ မည်သူမဆို မိမိတို့တာဝန်ယူလုပ်ဆောင်နေစဉ် ကာလအတွင်းမှာ ကောင်းသောသတင်း၊ ကောင်းသောရလဒ်များကိုသာ မြင်ချင်ကြားချင်ကြပေသည်။ သို့သော်လည်း အရှိတရားကို မျက်ကွယ်မပြုမိဖို့တော့ လိုပါသည်။ အထူးသဖြင့်တော့ ခေါင်းဆောင်တွေ ဖြစ်သည်။ အကောင်းကြိုက်သည်ဆိုခြင်းမှာ တစ်နည်းအားဖြင့် ပကတိအရှိတရားကို လက်မခံနိုင်ခြင်း၊ လက်မခံရဲခြင်းလည်း ဖြစ်လေသည်။

အကောင်းကြိုက်ရောဂါ

ခေတ်အဆက်ဆက် မြန်မာနိုင်ငံမှာ လူကြီးလုပ်ခဲ့သူများထံတွင် ရောဂါတစ်မျိုးရှိသည်။ ယင်းမှာ အကောင်းကြိုက်လွန်းသောရောဂါဖြစ်သည်။ သတင်းကောင်းတွေကို ကြိုက်သည်။ Report တွေမှာပါသော ကိန်းဂဏန်းအကောင်းတွေကို ကြိုက်သည်။ သတင်းဆိုးဆိုလျှင်မကြိုက်။ ကိန်းဂဏန်းတွေ ဆိုးနေလျှင် မကြိုက်။ သို့နှင့် အောက်လူများမှာ အဆိုးဆိုလျှင် မတင်ပြရဲတော့ပေ။ အကောင်းတွေသာရွေးပြီး တင်ပြကြရသည်။ မလွှဲသာလို့ သတင်းဆိုးတွေကို တင်ပြမိလျှင်လည်း လူကြီးများ၏ငြိုငြင်မှုကို ခံရစမြဲဖြစ်သည်။ သည်လိုနှင့် အကောင်းကြိုက်တတ်လွန်းသော လူကြီးများထံသို့ ကောင်းသောသတင်းနှင့် ကောင်းသောအချက်အလက်များကိုသာ တင်ပြလာရင်း ပကတိ အခြေအနေမှန်များနှင့် ဝေးကွာလာရပါတော့သည်။ ဤသို့ဖြင့် နိုင်ငံတော်အဆင့် ထုတ်ပြန်သော ကိန်းဂဏန်း အချက်အလက်များသည် အဆိုးမရှိ၊ အကောင်းတွေချည်းသာ ဖြစ်နေတော့သည်။ အချိန်တန်တော့ ယင်း၏အကျိုးဆက်ကို ခံစားကြရသည်မှာ ပြည်သူများသာဖြစ်ပါသည်။

သတင်းအချက်အလက်အမှန် ရရှိမှု

ယခင်အစိုးရလက်ထက်ကဆိုလျှင် သမ္မတကိုယ်တိုင်ဦးစီးပြီး ဌာနဆိုင်ရာများ သတင်း အချက်အလက် အမှန်ရရှိဖို့နှင့် နိုင်ငံတော်အဆင့် သတင်းအချက်အလက်အမှန်ရရှိဖို့ ကိစ္စကို အထူးအလေးထားပြီး ဆောင်ရွက်ခဲ့တာ တွေ့ရသည်။ ဥပမာပြရလျှင် နိုင်ငံခြားငွေလဲနှုန်းနှင့် ဈေးသတ်မှတ်မှုများအတွက် လိုအပ်သော သတင်းအချက်အလက်အမှန်များ ရရှိအောင် လုပ်ဆောင်ပြီး ခေတ်စနစ်နှင့်လျော်ညီသော နှုန်းထားသတ်မှတ်ချက်များကို ပြဋ္ဌာန်းနိုင်ခဲ့သည်။ လူဦးရေနှင့်ပတ်သက်ပြီး သတင်းအချက်အလက် အမှန်ရရှိမှသာ စီးပွားရေး၊ ပညာရေး၊ ကျန်းမာရေးနှင့် လူမှုရေးဆိုင်ရာ ကိစ္စရပ်များအတွက် သင့်တော်မည့် ပေါ်လစီများချမှတ်နိုင်သည်ဖြစ်ရာ ယင်းအတွက် ပြည်လုံးကျွတ် သန်းခေါင်စာရင်း ကောက်ယူပြီး အချက်အလက်အမှန်တွေကို ရယူနိုင်ခဲ့သည်။ ထို့အတူပင် ကျန်းမာရေး၊ ပညာရေးနှင့် စီးပွားရေးနယ်ပယ်များအတွက်လည်း လိုအပ်သော အချက်အလက် အမှန်ရရှိမှုကို အလေးထားပြီး လုပ်ဆောင်နိုင်ခဲ့သည်။ သမ္မတကိုယ်တိုင်ပင် ဝန်ကြီးများနှင့်တွေ့သည့်အခါတိုင်း မြေပြင်သတင်းအချက်အလက် အမှန်ရရှိအောင်လုပ်ကြဖို့ အလျင်းသင့်သလို ပြောဆိုတိုက်တွန်းလေ့ရှိတာကို တွေ့ရသည်။ ယခင်အစိုးရကို အမွှမ်းတင်လိုခြင်းမဟုတ်။ ပကတိ မြေပြင်အချက်အလက်ကို ရယူနိုင်ခဲ့သည့်အတွက် နယ်ပယ်အတော်များများတွင် လက်တွေ့နှင့်နီးစပ်သော ပေါ်လစီများ ချမှတ်လို့ရလာနိုင်သည့် အကျိုးဆက်ကို ထောက်ပြလိုရင်းဖြစ်ပါသည်။

သို့နှင့်တိုင် ယခင်အစိုးရလည်း နယ်ပယ်အားလုံးအတွက် လုပ်နိုင်ခဲ့သည်တော့မဟုတ်ပါ။ လတ်တလော ဖြစ်ပေါ်လာသော အကြောင်းအရာကိစ္စများနှင့်ပတ်သက်လာလျှင် အကောင်းကြိုက်တတ်သော လူကြီးများအတွက် မြေပြင်အခြေအနေမှန်နှင့် ဝေးကွာသော ကိန်းဂဏန်းအကောင်းများကို တင်ပြနေမှုများမှာ ယခုထက်တိုင် ရှိနေပါသေးသည်။ သို့နှင့် ပြည်သူကတခြား၊ အစိုးရကတခြား ဖြစ်နေတော့သည်။ သည်အတွက် လူကြီးတွေမှာ အဓိကတာဝန်ရှိပါသည်။ လူကြီးများသည် အကောင်းမကြိုက်ဘဲ အမှန်ကိုသာ ကြိုက်ကြဖို့ လိုအပ်လှပါသည်။ အမှန်တရားဆိုသည့်အတွက် ခါးကောင်း ခါးပါလိမ့်မည်။ သို့သော် ထိုအခါးကို လက်ခံနိုင်မှ ပြည်သူ့ဘဝနှင့် လက်တွေ့ကျကျ နီးစပ်နိုင်ပါလိမ့်မည်။

တာဝန်ယူမှု၊ တာဝန်ခံမှု

သတင်းအချက်အလက်အမှန်ရရှိမှုကိစ္စမှာ တာဝန်ယူမှု၊ တာဝန်ခံမှု ရှိခြင်း မရှိခြင်းနှင့်လည်း သက်ဆိုင်နေပါသည်။ အောက်ခြေမှ အကြီးအကဲများအနေနှင့် လူကြီးငြိုငြင်မှာ ကြောက်သောကြောင့်သော်လည်းကောင်း၊ မိမိ၏တာဝန်ဝတ္တရား ပေါ့လျော့မှုအပေါ်မှာ အပြစ်တင်ခံရမည် စိုးသောကြောင့်လည်းကောင်း၊ “အပျက်”ကိုတင်ပြမိလို့ ပြုပြင်ရန်အတွက် မိမိအား တာဝန်ပေးလာမည်ကို ရှောင်လွှဲလိုသောကြောင့်လည်းကောင်း စသည့်အကြောင်း အမျိုးမျိုးကြောင့် အခြေအနေမှန်ကိုမတင်ပြဘဲ ချန်လှပ်ထားသည်များ ရှိတတ်ကြပါသည်။ ဥပမာ - လမ်းပျက်နေသည်ဟု တင်ပြမိလျှင် ဘယ်တုံးကလဲ၊ ဘာကြောင့်ပျက်သလဲ ဆိုသောမေးခွန်းတွေကို ရင်ဆိုင်ရမှာဖြစ်သလို ပြီးလျှင် ပြန်ပြင်ဖို့အတွက်လည်း တာဝန်ပေးခံရနိုင်သည်ဖြစ်ရာ လမ်းကောင်းနေပါသည်ဟု တင်ပြလိုက်ခြင်းအားဖြင့် အလုပ်မရှုပ်တော့။ အပြောအဆို မခံရတော့ပေ။ သို့နှင့် ယင်း၏အကျိုးဆက်ကိုတော့ လမ်းအသုံးပြုသော ပြည်သူများက ခံကြရလေသည်။

ပြီးခဲ့သည့်ဩဂုတ်လ ၂၇ ရက်နေ့က ပြုလုပ်သည့် နိုင်ငံတော်အတိုင်ပင်ခံပုဂ္ဂိုလ်နှင့် စီးပွားရေးလုပ်ငန်းရှင်များတွေ့ဆုံပွဲတွင် လုပ်ငန်းရှင်တစ်ဦးက စီးပွားရေးလုပ်ငန်းများ ကျဆင်းနေသောကြောင့် အချို့လုပ်ငန်းများ ပိတ်သိမ်းရကြောင်း၊ အချို့မှာ ဝန်ထမ်းများ လျှော့ချကြရကြောင်း၊ သို့ဖြစ်၍ အလုပ်လက်မဲ့ဖြစ်မှုတွေ များလာကြောင်း တင်ပြပြောဆိုသွားခဲ့သည်။ အတိုင်ပင်ခံပုဂ္ဂိုလ်က ၎င်းတို့ရရှိသော အချက်အလက်များအရ အလုပ်လက်မဲ့နှုန်း တက်မလာကြောင်း ငြင်းဆိုသွားခဲ့သည်။ တကယ့်လက်တွေ့မှာ ၂၀၁၅ မှ ၂၀၁၈ အတွင်း အလုပ်လက်မဲ့နှုန်းသည် ၆ ရာခိုင်နှုန်းမှ ၇ ရာခိုင်နှုန်းထိ တိုးလာနေကြောင်း နိုင်ငံတကာ စစ်တမ်းတစ်ခုက ထုတ်ပြန်ထားသည်။ ဤဖြစ်စဉ်အရ တွေးစရာရှိလာသည်မှာ နိုင်ငံတော်အကြီးအကဲများထံ သတင်းအချက်အလက်အမှန်များ မရောက်ရှိသည်မှာ ထင်ရှားနေသည်။ ဘာကြောင့် သတင်းအမှန် မပေးကြပါသနည်း။

သတင်းအချက်အလက်အမှန်မရရှိမှုသည် နိုင်ငံရေး၊ စီးပွားရေး၊ လူမှုရေး၊ ပညာရေး၊ ကျန်းမာရေး အစရှိသော နယ်ပယ်ပေါင်းစုံအတွက် ကြီးမားသော ထိုးနှက်ချက်တစ်ခုဖြစ်စေပါသည်။ ယခု ဆွာရေလှောင်တမံဖြစ်စဉ်တွင် ပြည်သူအများစုမှာ အချိန်နဲ့တစ်ပြေးညီ သတင်းသိခွင့်မရခဲ့ပေ။ တမံ၏ရေပိုလွှဲ ပြိုကျအပြီး နာရီအတော်ကြာမှ ပြည်သူကို အသိပေးခဲ့ကြသည်ဟုလည်း ကြားသိရသည်။ ကြိုတင်သတိပေးခြင်း၊ ပြည်သူလူထု၏ လူမှုဘဝများကို ကြိုတင်၍ အကာအကွယ်ပေးနိုင်ခြင်းများ ကင်းမဲ့ခဲ့သည့်အတွက် လူပေါင်းသောင်းနှင့်ချီ၍ ဒုက္ခရောက်ခဲ့ကြရသည်။ ဆိုရလျှင် တမံရေပိုလွှဲမကျိုးပေါက်မီကပင် တမံအခြေအနေကို စိစစ်တိုင်းတာပြီး အခြေအနေမှန်ကို ထုတ်ပြန်ကြေညာခြင်းမရှိခဲ့သည့် တာဝန်ရှိသူများ၏ ပေါ့လျော့မှုကို အထင်းသားမြင်ခဲ့ရသည်။ ပိုဆိုးသည်က ပြည်သူဘဏ္ဍာငွေဖြင့်ထုတ်ဝေပြီး အစိုးရအာဘော်တွေကိုသာ ဖော်ပြနေသော နိုင်ငံပိုင်သတင်းစာကြီး၏ ကြေညာချက်ပင်ဖြစ်သည်။

ဆွာချောင်းရေလှောင်တမံမှာ ကြံ့ခိုင်မှုကောင်းမွန်ပြီး စိုးရိမ်စရာမရှိဟု ထုတ်ပြန်ရေးသားခဲ့တာ တွေ့ရသည်။ ယင်းသတင်းပါပြီးနောက် ယခုဖြစ်စဉ်ကြီး ဖြစ်ပွားခဲ့ခြင်းဖြစ်သည်။ သည့်အတွက် မည်သူတွေမှာ တာန်ရှိပါသနည်း။ မည်သို့တာဝန်ခံကြပါမည်နည်း။ တကယ်တမ်း ပြည်သူတွေ ဒုက္ခရောက်ခဲ့ရခြင်းမှာ သတင်းအချက်အလက်အမှန်ကို အချိန်နဲ့တစ်ပြေးညီသိရှိခွင့် မရခဲ့သည့်အတွက် အချိန်ယူပြီး ရှောင်ရှားနိုင်မှုမရှိခဲ့ခြင်းကြောင့်ပင်ဖြစ်ပါသည်။ သတင်းအချက်အလက် စီးဆင်းမှုမြန်ဆန်လွန်းလှသောခေတ်မှာပင် သတင်းအချက်အလက် မရရှိမှုကြောင့် ဒုက္ခရောက်ရသည်မှာ လွန်စွာ ဝမ်းနည်းစရာကောင်းလှပေသည်။

သတင်းအချက်အလက်အမှန် မရရှိခြင်းမှာ အကြောင်းအရင်းနှစ်မျိုး ရှိနိုင်ပါသည်။ လူကြီးတွေကိုယ်တိုင်က သတင်းကောင်းတွေကိုသာ ကြိုက်တတ်ခြင်းကြောင့် အောက်ခြေကလူများမှာ သတင်းကောင်းတွေကိုသာ တင်ပြနေရသဖြင့် တကယ့် သတင်းအမှန်မရောက်ရှိနိုင်ခြင်းဖြစ်သည်။ နောက်တစ်မျိုးမှာ အောက်လူတွေကိုယ်တိုင်ကပင် တာဝန်ယူမှု၊ တာဝန်ခံမှု ကင်းမဲ့လွန်းသောကြောင့်လည်း ဖြစ်နိုင်သည်။ အောက်ခြေမှ တာဝန်ရှိသူများအနေနှင့်တော့ ရှင်းပါသည်။ လူကြီးက အကောင်းကြိုက်တတ်လျှင် အကောင်းတွေချည်းသာ တင်ပြမည်။ သို့မှသာ ၎င်းတို့၏ဘဝ ရပ်တည်မှုက အဆင်ပြေမည်။ လူကြီးမကြိုက်တာတွေ တင်ပြမိလျှင် ဒုက္ခ ရောက်နိုင်ပါသည်။ သို့အတွက် လူကြီးတွေကိုယ်တိုင်က အကောင်း မကြိုက်တတ်ဖို့လိုပါသည်။ အကောင်းထက် ပကတိအရှိအမှန်အတိုင်းသာ တင်ပြကြဖို့ တိုက်တွန်းရမည်ဖြစ်ပါသည်။ သို့မှသာ အောက်ခြေကလည်း အမှန်အတိုင်း တင်ပြရဲကြမည်ဖြစ်ပါသည်။ ထိုသို့လူကြီးတွေထံ သတင်းအချက်အလက်အမှန်များရောက်ရှိမှ ပြည်သူလူထုအတွက် လိုအပ်သည်များကို အမြန်ဆုံး ဖြည့်ဆည်းပေးနိုင်ပါလိမ့်မည်။ အစိုးရသည် ပြည်သူထံမှလည်း သတင်းအချက်အလက်အမှန်ကို ရအောင်ယူနိုင်ရမည်ဖြစ်သလို ပြည်သူကိုလည်း မှန်ကန်သော ကိန်းဂဏန်း အချက်အလက်တို့ကို ပေးသင့်ပါသည်။

အချုပ်ဆိုရလျှင် ခေတ်အဆက်ဆက် ခေါက်ရိုးကျိုးခဲ့သည့်အကျင့် ဆိုးဖြစ်သည့် လူကြီးများ အကောင်းကြိုက်တတ်သည့်အကျင့်ကို ဖျောက်ဖျက်ပစ်နိုင်ဖို့လိုအပ်ပါသည်။ အကောင်း၊ အဆိုးဆိုတာထက် သတင်းအမှန်၊ အချက်အလက်အမှန်တွေကိုသာ ကြိုက်ကြဖို့ လူကြီးများကို အကြံပြုလိုပါသည်။ သို့မှသာ ပြည်သူလူထု၏ လက်တွေ့ဘဝနှင့်တစ်သားတည်း ကျနိုင်ပါလိမ့်မည်။ သတင်းကောင်းထက် သတင်းမှန်တင်ပြသူကိုသာ ပို၍ အသိအမှတ်ပြုပေးသော ဓလေ့တစ်ခုကိုပျိုးထောင်စေလိုသည်။ ထို့အတွက် လူကြီးများ အကောင်းမကြိုက်ကြစေလိုပါ ... ။ ။

ဝင်းကို