News

POST TYPE

PERSPECTIVE

အပြောင်းအလဲအား ဦးဆောင်ခြင်း
04-Aug-2018 tagged as

အသွင်ကူးပြောင်းရေးတွင် တစ်နိုင်ငံနှင့်တစ်နိုင်ငံ ပြောင်းလဲမှုပုံစံ၊ ပြောင်းလဲရမည့်ပမာဏ၊ ပြောင်းလဲရမည့်အခြေအနေ၊ အပြောင်းအလဲ ဦးဆောင်မှုများ မတူညီနိုင်ချေ။ ထိုသို့မတူညီသော အခြေအနေများကို အောင်မြင်စွာ ဆောင်ရွက်ရေးမှာ အပြောင်းအလဲကို ကဏ္ဍအလိုက် ဦးဆောင်မည့်သူများ၏ စိတ်ရင်းစေတနာ၊ သုံးသပ်နိုင်စွမ်း၊ ပေါင်းစပ်နိုင်စွမ်း၊ လုပ်ငန်းကျွမ်းကျင်မှု၊ အတွေ့အကြုံများနှင့် တိုက်ရိုက်အချိုးကျနေမည် ဖြစ်သည်။

အပြောင်းအလဲကာလတွင် မဖြစ်မနေကြုံတွေ့ရမည်မှာ ဆန့်ကျင်မှုများ (Resistance) များပင် ဖြစ်သည်။ ထိုဆန့်ကျင်မှုများတွင် အပြောင်းအလဲကို သို့မဟုတ် အပြောင်းအလဲစီမံခန့်ခွဲမှုကို အပြုသဘောဖြင့်ဆန့်ကျင်သူများနှင့် အပျက်သဘောဖြင့်ဆန့်ကျင်သူများဟူ၍ တွေ့ရှိရသည်။ ဆန့်ကျင်မှုပုံစံမျိုးစံတွေ့ရမည် ဖြစ်သည်။ တစ်ဦးချင်းအားဖြင့်ဖြစ်စေ၊ အဖွဲ့လိုက်အားဖြင့်ဖြစ်စေ ဆန့်ကျင်မှုများကို ဖော်ပြနေကြမည်ဖြစ်သည်။ ဆန့်ကျင်မှုများ ဖြစ်ပေါ်လာရခြင်းအကြောင်းတရားများတွင် - 

(၁) ၎င်းတို့၏ အကျိုးစီးပွားများကို ခြိမ်းခြောက်ခံလာရသည်ဟု ခံစားရသောအခါ

(၂) အပြောင်းအလဲနောက်ပိုင်းတွင် ၎င်းတို့သည် အရေးမပါတော့ဟု ရှုမြင်ခံရသည့်အခါ

(၃) ၎င်းတို့အပေါ် စီမံမှုပုံစံပြောင်းလဲလာသည့်အခါ

(၄) စနစ်အသစ်၊ အခြေအနေအသစ်များကို ရင်ဆိုင်လေ့လာရသည့်အခါ

( ၅ ) မတူကွဲပြားသည့် အခြေအနေတွင် လုပ်ကိုင်ကြရသည့်အခါ

(၆) လုပ်ငန်းအဖွဲ့အစည်းအသစ်များကြောင့် မိတ်ဆွေများ၊ လုပ်ဖော်ကိုင်ဖက်များနှင့် ကင်းကွာလာသောအခါ

(၇) ၎င်းတို့၏လုပ်ငန်းများကို အသေးစိတ် ပိုမိုစစ်ဆေးခံရသောအခါ

(၈) ၎င်းတို့၏ လုပ်ငန်းလုပ်ဆောင်မှုရည်မှန်းချက်များ တိုးမြှင့်လာသည့်အခါတို့ဖြစ်သည်။

အပြောင်းအလဲတွင် ယခင်စနစ်ဟောင်းအား ဖယ်ရှားခြင်းသည် အပြောင်းအလဲ၏အစသာ ဖြစ်သည်။ စနစ်ဟောင်းဖယ်ရှားပြီးနောက် အပြောင်းအလဲကို ပံ့ပိုးပေးမည့်အရာများမှာ အယူအဆများ၊ ဉာဏ်ရည်ဉာဏ်သွေးများ၊ တန်ဖိုးများ၊ အမူအကျင့်များ ပြောင်းလဲခြင်းပင်ဖြစ်သည်။ အောင်မြင်သောအပြောင်းအလဲများတွင် ထူးချွန်ထက်မြက်သော ဦးဆောင်မှုများကို တွေ့ရသည်။ 

အပြောင်းအလဲကာလအတွင်း မတူကွဲပြားသည့် နောက်ခံအခြေအနေများကို ပြန်လည်သင့်မြတ်ရန်၊ အစိုးရအင်စတီကျူးရှင်းများ၏ စွမ်းဆောင်ရည်ကိုတည်ဆောက်ရန်၊ အရေးကြီးသည့် အသွင်ကူးပြောင်းမှုကာလအတွင်း နိုင်ငံကို လမ်းညွန်ပေးနိုင်ရန်တို့အတွက် ရေရှည်တွင် ကျွမ်းကျင်လိမ္မာသော၊ တည်ငြိမ်သော၊ တုံ့ပြန်ဆောင်ရွက်မှုရှိသော၊ လှုံ့ဆော်မှုပေးနိုင်သော ခေါင်းဆောင်မှုလိုအပ်ပေသည်။ သို့မှသာ အပြောင်းအလဲကာလအတွင်း ဖြစ်ပွားလာမည့် ဆန့်ကျင်မှုများကို ကိုင်တွယ်ထိန်းသိမ်းနိုင်မည်ဖြစ်သလို ရေရှည်မျှော်မှန်းချက်များအတွက် အခြေခံကောင်းများတည်ဆောက်ခြင်းနှင့် ရေတိုလိုအပ်ချက်များကို အကောင်အထည်ဖော်နိုင်ခြင်းများလည်း ဆောင်ရွက်နိုင်မည်ဖြစ်သည်။

အပြောင်းအလဲအား ခေါင်းဆောင်ခြင်းသည် အခြားသောခေါင်းဆောင်မှုအမျိုးအစားများနှင့် ကွဲပြားခြားနားသည်။ အပြောင်းအလဲအား ခေါင်းဆောင်ခြင်းသည် မတူခြားနားသည့် သိုမဟုတ် ခိုင်မြဲနေသည့် စနစ်တစ်ခုမှ အခြားစနစ်တစ်ခုသို့ကူးပြောင်းခြင်းကို ဦးဆောင်ရသည်ဖြစ်ရာ ဖြစ်ပေါ်လာနိုင်သည့်စိန်ခေါ်မှုများ၊ ဆန့်ကျင်မှုများကို ကိုင်တွယ်ဖြေရှင်းရခြင်း၊ အခြေအနေကိုတည်ငြိမ်စေရန် တည်ဆောက်ရခြင်း၊ အဖွဲ့အစည်းကို စည်းရုံးလှုံ့ဆော်ရခြင်း၊ ပေါင်းစပ်ညှိနှိုင်းရခြင်း၊ စနစ်သစ်ဆီသို့ ကူးပြောင်းနိုင်ရေး အခြေခံကောင်းများ တည်ဆောက်ရခြင်းများကို အမြော်အမြင်ကြီးစွာ ဦးဆောင်ကြရပါသည်။ သို့မှသာ အကူးအပြောင်း စပ်ကူးမပ်ကူးကာလကို အောင်မြင်စွာ ကျော်ဖြတ်နိုင်မည်ဖြစ်ပြီး အပြောင်းအလဲကို ဦးဆောင်နိုင်မည်ဖြစ်ပေသည်။

စနစ်အကူးအပြောင်းတွင် တစ်ဦးချင်းအလိုက်ဖြစ်စေ၊ အဖွဲ့အစည်း အလိုက်ဖြစ်စေ အမြစ်တွယ်နေတတ်သည့် ရုပ်ပိုင်းဆိုင်ရာ၊ စိတ်ပိုင်းဆိုင်ရာများပြောင်းလဲရခြင်းဖြစ်ရာ စနစ်သစ်တည်ဆောက်ရေးသည် သာယာဖြောင့်ဖြူးသည့် လုပ်ငန်းစဉ်တစ်ခုမဟုတ်သည်ကတော့ သေချာသည်။ ထိုသို့ရှုပ်ထွေးနက်နဲလှသော နိုင်ငံစနစ်အကူးအပြောင်း အောင်မြင်စေရန်မှာ ကျွမ်းကျင်လိမ္မာသော အကူးအပြောင်းခေါင်းဆောင်များ၏ အရည်အသွေး၊ အရည်အချင်းအပေါ် မူတည်နေပေသည်။ မိမိနှင့်အတူ အဖွဲ့အစည်းအားလုံး စိတ်တူကိုယ်တူ လိုက်ပါပြောင်းလဲလာစေရန် စည်းရုံးနိုင်ရန်နှင့် ဦးဆောင်မှုပေးနိုင်ရန်မှာ အခြေခံလိုအပ်ချက်တစ်ရပ်ဖြစ်သည်။

လစ်ဘရယ်နှင့် ဒီမိုကရက်တစ် နိုင်ငံရေးအတွေးအခေါ်တွင် အခြေခံယူဆချက်နှစ်ရပ်ရှိသည် ဆိုသည်။ ပထမအချက်မှာ လစ်ဘရယ် သို့မဟုတ် ဖွဲ့စည်းပုံအခြေခံဥပဒေအရ အုပ်ချုပ်သောနိုင်ငံတွင် တရားဥပဒေဖြင့်သာ အုပ်ချုပ်သည်၊ လူ (၏ဆန္ဒ) ဖြင့် မအုပ်ချုပ် ဆိုသောအယူအဆနှင့် ဒီမိုကရေစီတွင် အများစုဆန္ဒဖြင့်သာ အုပ်ချုပ်ပြီး အနည်းစုဆန္ဒဖြင့် မအုပ်ချုပ်ဟု ဆိုပါသည်။ သို့သော်လည်း ထိုသမားရိုးကျနိုင်ငံရေး ယူဆချက်နှစ်ရပ်လုံးတွင် နိုင်ငံရေးခေါင်းဆောင်မှုကို မျက်ကွယ်ပြုထားသည်ကို တွေ့ရသည်။ ယင်းသဘောထားသည် အခိုင်အမာတည်ဆောက်ပြီးဖြစ်သည့် ဒီမိုကရေစီစနစ်အတွက် မှန်နိုင်မည်ဖြစ်သော်လည်း ဒီမိုကရေအကူးအပြောင်း တည်ဆောက်ဆဲကာလအတွက်မူ နိုင်ငံရေးခေါင်းဆောင်မှု လိုအပ်မည်ဖြစ်ပေသည်။ 

ကမ္ဘာတွင် နိုင်ငံရေးစနစ် အောင်မြင်စွာ ကူးပြောင်းခဲ့ကြသည့် နိုင်ငံများကို လေ့လာကြည့်မည်ဆိုလျှင် အသွင်ကူးပြောင်းမှုကာလများ၏ ရလဒ်ကိုအဆုံးအဖြတ်ပေးရာတွင် နိုင်ငံရေးခေါင်းဆောင်များက အဓိကနေရာမှ ပါဝင်နေကြသည်။ အသွင်ကူးပြောင်းဆဲကာလတွင် အစိုးရမဏ္ဍိုင်များ အခြေမခိုင်သေးခြင်း၊ ဥပဒေစိုးမိုးမှုအားနည်းနေသေးခြင်း၊ မူဘောင်နှင့် လုပ်ထုံးလုပ်နည်းများ ပြောင်းလဲနေရခြင်း၊ လူထု၏သဘောထားများ၊ အဖွဲ့အစည်းများ၏ သဘောထားများ အံဝင်ခွင်ကျမှုလိုအပ်နေသေးခြင်း စသည့်အခြေအနေများကြောင့် အကူးအပြောင်းလုပ်ငန်းစဉ်၏ အရေးပါသော ဆုံးဖြတ်ချက်များသည် အပြောင်းအလဲအား ဦးဆောင်သူအပေါ်၌သာ မူတည်နေတတ်ပါသည်။ ထို့အပြင် ယင်းအကူးအပြောင်းကာလသည် မတူညီသောစနစ်နှစ်ခု၏ အကူးအပြောင်းဖြစ်သဖြင့် ယခင်မတွေ့ကြုံဖူးသော စိန်ခေါ်မှုများ၊ ဆန့်ကျင်မှုများ၊ အခက်အခဲများနှင့် ကြုံတွေ့ရမည်ဖြစ်ပြီး ယင်းတို့ကို အောင်မြင်စွာကျော်ဖြတ်နိုင်ရေးမှာ ဦးဆောင်သူ၏ အသိပညာ၊ မြော်မြင်နိုင်စွမ်း စသည့် အကူးအပြောင်းခေါင်းဆောင်မှု သဘောတရားများ၊ အရည်အချင်းများနှင့် ပြည့်စုံနေရန်လည်း လိုအပ်မည်ဖြစ်ပါသည်။

နိုင်ငံတစ်နိုင်ငံနှင့် တစ်နိုင်ငံ အခြေအနေ၊ နောက်ခံသမိုင်းကြောင်း မတူညီနိုင်ကြသကဲ့သို့ စနစ်ကူးပြောင်းရာတွင်လည်း အပြောင်းအလဲ၏ အတိမ်အနက်၊ ကျယ်ပြန့်မှုများကြောင့် ရံဖန်ရံခါ စုပေါင်းဦးဆောင်မှုထက် ခေါင်းဆောင်တစ်ဦးတည်းအပေါ်တွင် မူတည်နေတတ်သဖြင့် အပြောင်းအလဲကို အဟန့်အတားဖြစ်စေတတ်ပါသည်။ စနစ်အပြောင်းအလဲဆိုသည်မှာ နိုင်ငံတစ်နိုင်ငံအတွက် အရေးပါသည့် သမိုင်းဖြစ်ရပ်တစ်ခုဖြစ်သည့်အတွက် ဦးဆောင်သူတို့၏ဆုံးဖြတ်ချက်များ အရေးကြီးနေသလို အနာဂတ်နိုင်ငံတော်အတွက် ခိုင်မာသောစနစ်များချမှတ်ပေးရန် လိုအပ်သကဲ့သို့ ဥပဒေစိုးမိုးသောမဏ္ဍိုင်များဖြစ်ရေးသည်လည်း အရေးကြီးလှပါသည်။

သို့ဖြစ်ရာ စနစ်အပြောင်းအလဲတွင် အစိုးရမဏ္ဍိုင်ကြီးများအပါအဝင် နိုင်ငံတော်၏ကဏ္ဍအသီးသီးတွင် ဦးဆောင်နေကြသူများက မိမိတာဝန်ယူရသည့်အပိုင်းကို ရေတိုရေရှည်မျှော်မှန်းပြီး အပြောင်းအလဲအား ဦးဆောင်ကြမည်ဆိုလျှင် မိမိတို့လိုလားနေသည့် အပြောင်းအလဲများ မြန်ဆန်လာမည်ဖြစ်သကဲ့သို့ အခြေခိုင်မာသည့်ကဏ္ဍများ ဖြစ်လာမည်ဟု ယုံကြည်ပါသည်။

သိန်းထွန်း (IR)

  • TAGS