News

POST TYPE

PERSPECTIVE

ဤနေရာ ဤဌာနေ ဤရာထူး ရူးစရာမဟုတ်ပါ
05-Jun-2018 tagged as

လူတွေဟာ နေရာဌာနနဲ့ပတ်သက်လို့ အစွဲအလမ်းကြီးမားကြပါ တယ်။ ရှေးက ကမ္ဘာဦးလူတွေ ရေကြည်ရာ မြက်နုရာ ရှာဖွေကြပြီး အတည်တကျ အခြေချနေထိုင်လာတဲ့နောက်ပိုင်းမှာ မိမိနေထိုင်ရာ မိမိ အရပ်ဒေသကို အစွဲအလမ်းကြီးမားကြပါတယ်။ ဒါကြောင့် ကိုယ့်မြေကိုယ့်ရေနဲ့ပတ်သက်ပြီး နယ်နိမ်ိတ်သတ်မှတ်ကြတာတွေ ကိုယ့်ရဲ့နယ်နိမိတ်ကို ကိုယ့်အပိုင်လို့သတ်မှတ်ပြီး ကျူးကျော်လာသူတွေကို ခုခံကာကွယ်ကြတာတွေ ကမ္ဘာ့သမိုင်း မြန်မာ့သမိုင်းမှာ အများကြီးပါ။ ဒါကြောင့်လည်း ကမ္ဘာ့သမိုင်းမှာဖြစ်ပေါ်ခဲ့တဲ့ စစ်ပွဲတွေကိုကြည့်လိုက်ရင် ကျူးကျော်စစ်နဲ့ ကိုယ့်မြေကိုယ့်ရေကို ခုခံကာကွယ်တဲ့စစ်ပွဲတွေက အခြားသောဘာသာရေး စစ်ပွဲတွေ၊ အယူအဆရေးရာစစ်ပွဲတွေထက် ပိုများတယ်ဆိုတာ တွေ့ရမှာ ဖြစ်ပါတယ်။

လူတစ်ဦးချင်းကိုကြည့်မယ်ဆိုရင်လည်း မိမိအရပ်ဒေသ၊ မိမိမွေးဖွားရာဒေသကို ခင်မင်တွယ်တာကြသလို ကိုယ်နေထိုင်ခဲ့တဲ့အိမ်၊ မြေ စတာတွေကိုလည်း ခင်မင်တွယ်တာကြပါတယ်။ ဒါကြောင့်လည်း မိမိမွေးဖွားရာ ဒေသ မြို့ ရွာတွေကို ရေးဖွဲ့သီကုံးကြတဲ့ ဝတ္ထု၊ ဆောင်းပါး၊ ကဗျာနဲ့ တေးဂီတ သီချင်းတွေ ပေါများစွာ ထွက်ပေါ်ခဲ့တာပဲဖြစ်ပါတယ်။ လူတစ်ယောက်ဟာ ပညာတတ်မြောက်ပြီး လူလားမြောက်တဲ့အခါမှာ မိမိနေထိုင်ရာရပ်ရွာမှာရှိတဲ့ အဖွဲ့အစည်းတွေမှာ နေရာအပေးခံကြရပါတယ်။ ဥပမာ - လူမှုရေး အသင်းအဖွဲ့တွေ၊ ဘာသာရေးအသင်းအဖွဲ့တွေနဲ့ ရပ်ရွာဖွံ့ဖြိုးရေးအတွက် ဆောင်ရွက်ကြတဲ့အသင်းအဖွဲ့တွေပဲ ဖြစ်ပါတယ်။ အဲဒီအခါမှာ အသင်းအဖွဲ့တွေရဲ့ထုံးစံအတိုင်း တာဝန်တွေ၊ လုပ်ပိုင်ခွင့်တွေဆိုတာက ကျွဲကူးရေပါဆိုသလို ပါလာတတ်ပါတယ်။ ဆိုရရင် ငွေရေးကြေးရေးနဲ့ပတ်သက်လို့ ထိန်းသိမ်းခွင့်တွေ၊ သုံးစွဲခွင့်တွေကအစ ပစ္စည်းဝယ်ယူခွင့်တွေ၊ သုံးစွဲခွင့်တွေ စသည်ဖြင့် ပါဝင်လာကြပါတယ်။

အဲဒီလို မိမိမရဖူးတဲ့ လုပ်ပိုင်ခွင့်တွေရရှိလာတာ၊ မကိုင်တွယ် မသုံးစွဲဖူးတဲ့ ငွေကြေးပမာဏတွေကို ကိုင်တွယ်သုံးစွဲကြရတဲ့အခါ လူ့သဘာဝအရ လောဘတက်လာပြီး ဖောက်ပြန်လာတတ်ကြပါတယ်။ အဲဒီအခါမှာ ငွေကြေး အလွဲသုံးစားမှုတွေ၊ မလျော်ဩဇာသုံးစွဲမှုတွေ ဖြစ်လာလို့ နောက်ဆုံးတော့ ရပ်ရွာက မခံမရပ်နိုင်ဖြစ်လာပြီး တိုင်ကြတောကြရာကနေ အရေးယူခံရပြီး နာမည်ပျက်သွားကြတာတွေ ရှိခဲ့ပါတယ်။ ပိုလို့ဆိုးတာက ငွေကြေးပမာဏနဲ့ လုပ်ပိုင်ခွင့်တွေအများကြီးရတဲ့ စီးပွားရေးအဖွဲ့အစည်းတွေမှာ တာဝန်ယူရတဲ့အခါ ပိုပြီးဖော်ပြန်ကြတဲ့အတွက် ထောင်ကျတန်းကျပြီး ဘဝပျက်သွားကြသူတွေလည်း အများကြီးပါ။ ဥပမာပြောရရင် တစ်ချိန်က သမဝါယမအသင်းများနဲ့ အစိုးရရဲ့ ကုန်သွယ်ရေးဌာနတွေမှာ တာဝန်ယူခဲ့ကြသူတွေဖြစ်ပါတယ်။

ဒါကြောင့် နေရာဆိုတာ ခင်မင်တွယ်တာစရာကောင်းပေမယ့် နေရာအပေါ်မူတည်ပြီးဖြစ်လာတဲ့ လုပ်ပိုင်ခွင့်တွေအပေါ်မှာ သာယာပြီး အလွဲသုံးမိတဲ့အခါ ဘဝပျက်သည်အထိဖြစ်သွားတတ်တဲ့အတွက် နေရာနဲ့ပတ်သက်လာရင် နေရာကပေးအပ်တဲ့တာဝန်ကိုသာ ကျေပွန်အောင်ထမ်းဆောင်ပြီး အခွင့်အရေးကို ပိုမယူမိကြဖို့အတွက် သတိကြီးစွာထားဖို့ လိုအပ်ပါတယ်။ အထူးသဖြင့်တော့ အစိုးရဌာနတွေမှာ နေရာအပေးခံရတဲ့အခါ နေရာအပေါ်မူတည်ပြီး တာဝန်နဲ့လုပ်ပိုင်ခွင့်ဆိုတာ တရားဝင်ပြဋ္ဌာန်းပြီးသား ဖြစ်ပါတယ်။ ဒီအခါမှာ ပေးအပ်တဲ့တာဝန်ကို ကျေပွန်စွာထမ်းဆောင်ဖို့လိုသလို လုပ်ပိုင်ခွင့်နဲ့ပတ်သက်လာရင်လည်း တိတိကျကျပြဋ္ဌာန်းထားတဲ့အတိုင်း ကျင့်သုံးဆောင်ရွက်ဖို့လိုပါတယ်။ တာဝန်ထမ်းဆောင်တဲ့အခါမှာ တချို့တွေက ပေးအပ်တဲ့တာဝန်ကို လိုလိုလားလား တက်တက်ကြွကြွ ထမ်းဆောင်ကြသလို တချိုကကျတော့လည်း တာဝန်ကျေပွန်ရုံမျှသာ အပေါ်ယံ သဘောထမ်းဆောင်ကြတာကိုတွေ့ရပါတယ်။ ဒါပေမဲ့ လုပ်ပိုင်ခွင့်နဲ့ပတ် သက်လာရင်တော့ တချို့သောသူတွေဟာ မိမိကိုပေးထားတဲ့ လုပ်ပိုင်ခွင့်ထက် ပိုမိုကျော်လွန်ပြီး လုပ်ကြကိုင်ကြတာကို တွေ့ရပါတယ်။

အဲဒီလိုဖြစ်ရတာဟာ ဘာကြောင့်လဲဆိုရင် တာဝန်ကိုကျေပွန်အောင် ထမ်းဆောင်တဲ့အခါ မိမိအနေနဲ့ (တစ်ခါတစ်ရံ) ချီးကျူးဂုဏ်ပြုတဲ့လက်မှတ်တစ်ခုလောက်ရတာကလွဲရင် ဘာမှအကျိုးကျေးဇူးခံစားရတာမရှိပေမယ့် လုပ်ပိုင်ခွင့်ကို ပေးအပ်ထားတာထက် ပိုမိုကျော်လွန်အောင် အသုံးပြုမယ်ဆိုရင် ခံစားရမယ့်အကျိုးကျေးဇူးဆိုတာက တစ်ခါတစ်ရံ မမျှော်မှန်းနိုင်တဲ့ ငွေကြေးလာဘ်လာဘအထိ ရရှိတတ်တာကြောင့်ပဲ ဖြစ်ပါတယ်။

တစ်ချိန်တုန်းကဆိုရင် အစိုးရဌာနတွေမှာ ရာထူးကြီးကြီးယူထားကြသူတွေဟာ မိမိရဲ့လုပ်ပိုင်ခွင့်ကိုအကြောင်းပြုပြီး အကျိုးစီးပွားများစွာ ဖြစ်ထွန်းခဲ့ကြပါတယ်။ မော်တော်ကားအပါအဝင် နိုင်ငံခြားကနေ ကုန်ပစ္စည်းဝယ်ယူတင်တင်သွင်းခွင့်ရရှိဖို့အတွက် ခွင့်ပြုချက်လက်မှတ်ရေးထိုးပိုင်ခွင့် ရှိသူတွေ၊ မြေယာပိုင်ဆိုင်ခွင့်နဲ့ စီးပွားရေးလုပ်ပိုင်ခွင့်အတွက် ခွင့်ပြုပိုင်ခွင့်ရှိသူတွေ၊ ကုန်ကုန်ပြောရရင် တယ်လီဖုန်းတွေ ရှားပါးတဲ့ခေတ်တုန်းက တယ်လီဖုန်းတစ်လုံး ငှားရမ်းသုံးစွဲခွင့်ရရှိဖို့အတွက် ထောက်ခံချက် သို့မဟုတ် ခွင့်ပြုချက်လက်မှတ် ရေးထိုးပိုင်ခွင့်ရှိသူတွေဟာ များစွာသော အကျိုးစီးပွားခံစားခွင့်များ ရရှိခံစားကြရတယ်လို့ ကြားဖူးပါတယ်။ အဲဒါအပြင် သူတို့ကိုအမှီပြုပြီးတော့ အကျိုးစီးပွားဖြစ်ထွန်းသွားကြသူတွေလည်း အများကြီးပါ။

ဒါကြောင့်မို့ နေရာ၊ ဌာန၊ ရာထူး၊ တာဝန်နဲ့လုပ်ပိုင်ခွင့်ကို အကြောင်းပြုပြီး အကျိုးစီးပွားများစွာဖြစ်ထွန်းတဲ့အတွက် မြန်မာ့ဝန်ထမ်းလောကမှာ နေရာဆိုတာ သိပ်ကိုအရေးပါခဲ့ပါတယ်။ ဒီတော့နေရာကောင်းကောင်းတစ်ခုရဖို့အတွက် နည်းလမ်းမျိုးစုံနဲ့ ကြိုးပမ်းလာကြတာကို တွေ့ရပါတယ်။ ဒီလိုကြိုးပမ်းကြရာမှာ ရိုးရိုးသားသား ကြိုးစားအားထုတ်ကြသူတွေအနေနဲ့ အကျိုးစီးပွားဖြစ်ထွန်းနိုင်လောက်တဲ့ ရာထူးနေရာတစ်ခုကို ရရှိဖို့ဆိုတာ ထင်သလောက်မလွယ်ကူတဲ့အတွက် မသမာတဲ့နည်းလမ်းတွေနဲ့ ကြိုးစားလာကြပါတယ်။ တချို့နေရာတွေဟာ မိမိရဲ့ရာထူးနဲ့လုပ်ပိုင်ခွင့်ကို အကြောင်းပြုပြီးမှ ဝင်ငွေရလမ်းကြီးပွားကြောင်း ဖြစ်နိုင်ကြပေမယ့် တချို့နေရာတွေကတော့ မိမိရာထူးနဲ့မသက်ဆိုင်ဘဲ စီးပွားရေးလုပ်စားကိုင်စားဖို့ကောင်း တဲ့နေရာဒေသမျိုးတွေ ဖြစ်ကြပါတယ်။ ဘယ်လိုပဲဖြစ်ဖြစ် ဒီလိုရာထူးမျိုး၊ ဒီလိုနေရာဌာနမျိုး၊ ဒီလိုနေရာဒေသမျိုးကို ရဖို့အတွက်ကတော့ လွယ်လွယ်နဲ့မဖြစ်နိုင်ပါဘူး။ ထိုက်တန်တဲ့ရင်းနှီးမြှုပ်နှံမှုတွေ လုပ်ရပါတယ်။ အဲဒီတော့ ဒီလိုအခွင့်အရေးမျိုးကို ပေးပိုင်ခွင့်ရှိသူတွေကလည်း သူ့ကိုယ်သူ ဇမ္ဗူတစ်လူမှာ ငါပဲဟေ့လို့အထင်ရောက်သွားတတ်သလို အခွင့်အရေး ရသွားသူက လည်း အခုလိုရတဲ့အခွင့်အရေးဟာ သူနဲ့ထိုက်တန်လို့သာရတယ် တစ်နည်း ဘုရားပေးလို့ရတယ်ဆိုပြီး အထင်ရောက်သွားတတ်ကြပါတယ်။ အဲဒါအပြင် ဒီလိုလူမျိုးတွေက သူတို့ အခုလိုရတဲ့အခွင့်အရေးတွေဟာ မတရားတဲ့အခွင့် အရေးတွေဖြစ်တယ်၊ ဥပဒေစည်းမျဉ်းစည်းကမ်းနဲ့မညီတဲ့ အခွင့်အရေးတွေဖြစ်တယ်လို့ မမြင်တဲ့အပြင် ကျန်တဲ့သူတွေအပေါ်မှာတောင် မတူသလို မတန်သလို ပြုမူဆက်ဆံပြောဆိုလာကြတာကို တွေ့ရပါတယ်။

ဒီနေ့ဌာနဆိုင်ရာတွေမှာ တကယ်ပဲ ဒီလိုတွေဖြစ်နေကြပြီဆိုတာကို အတည်ပြုတဲ့အနေနဲ့ မကြာသေးမီက ဖေ့စ်ဘွတ်ခ်မိတ်ဆွေတစ်ဦးက သူ၏ ခံစားချက်ကိုတင်လာတဲ့ Post တစ်ခုကို ဖတ်လိုက်ရပါတယ်။ အဲဒီ  Post ကို “နေရာ၊ ရာထူး”​ လို့ ခေါင်းစဉ်တပ်ထားပြီး “ဤနေရာ၊ ဤဌာန၊ ဤရာထူးသည် သင့်အား သင့်မိဘကပေးသော အမွေမဟုတ်ပါ။ တာဝန်ထမ်းဆောင်ရမည့် ခေတ္တခိုနားရာနေရာသာဖြစ်သည်။ မောက်မာ၊ မာန်ထောင်၊ ရိုင်းပျရန် မသင့်ကြောင်းနှင့် သင့်အတွက် အမြဲတမ်းနေရာမဟုတ်ကြောင်းကို သင်သတိပြုပါလေ” လို့ ဖြစ်ပါတယ်။

အဲဒီစာသားလေးကိုဖတ်ပြီးတော့ သိလိုက်ရတာက တာဝန်ကို အကြောင်းပြုပြီး လုပ်ပိုင်ခွင့်ရလာတဲ့သူတွေဟာ မိမိရလာတဲ့လုပ်ပိုင်ခွင့်ကို ကိုယ့်မိဘအမွေရယ်လို့သဘောထားပြီး “ဒီလုပ်ပိုင်ခွင့်ဟာ ငါနဲ့ပဲဆိုင်တယ်၊ အခြားအခြားသော ဘယ်ပုဂ္ဂိုလ်နဲ့မှမဆိုင်” ဆိုပြီးတော့ တခြားဝန်ထမ်းတွေနဲ့ ပြည်သူတွေအပေါ် မောက်မာ၊ ရန်ထောင်၊ ရိုင်းပျလာတာတွေ ဖြစ်လာ တယ်ဆိုတာပါပဲ။ ဒီလိုဖြစ်လာတာဟာ ဒီနေ့နိုင်ငံတော်နဲ့ နိုင်ငံ့ဝန်ထမ်း အဖွဲ့အစည်းတွေအတွက် သိပ်ကိုရင်လေးစရာကောင်းလှပါတယ်။ တကယ်တော့ နေရာနဲ့တာဝန်ကိုအကြောင်းပြုပြီး ရလာတဲ့လုပ်ပိုင်ခွင့်ဆိုတာက နိုင်ငံနဲ့ပြည်သူအတွက်ပေးထားတာပဲ ဖြစ်ပါတယ်။ မိမိရဲ့တာဝန်နဲ့လုပ်ပိုင်ခွင့်ကိုအကြောင်းပြုပြီး နိုင်ငံတော်ရဲ့အကျိုးစီးပွားကို ကာကွယ်စောင့်ရှောက်ရမှာဖြစ်သလို ပြည်သူတွေရဲ့အကျိုးစီးပွားကိုလည်း ဖော်ဆောင်ရမှာ ဖြစ်ပါတယ်။ ဒီလိုမှမဟုတ်ဘဲ မိမိကိုယ်ကျိုးစီးပွားကို အကြောင်းပြုပြီးတော့ မိမိရဲ့လုပ်ဖော်ကိုင်ဖက် ဝန်ထမ်းအချင်းချင်းအပေါ် မောက်မာ၊ ရိုင်းပျ၊ မာန်ထောင်တဲ့အပြင် ပြည်သူအပေါ်မှာလည်း စေတနာ မေတ္တာအရင်းမခံဘဲ ရရင်တစ်မျိုး မရရင်တစ်မျိုး ပြုမူဆက်ဆံတာတွေဟာ ဒီနေ့ဝန်ထမ်းလောကမှာ မရှိသင့်တော့ပါဘူး။ ဒီလိုဝန်ထမ်းမျိုးကို ရှာဖွေဖော်ထုတ်ပြီး ရှင်းလင်းဖယ်ရှားရမှာဖြစ်ပါတယ်။

ဒီကိစ္စနဲ့ဆက်စပ်လို့ ကြားသိရတဲ့သတင်းလေးတစ်ခုကိုလည်း တင်ပြချင်ပါတယ်။ ၂၀၁၆ ခုနှစ်မှာ တက်လာတဲ့ အစိုးရအဖွဲ့က ဝန်ကြီးတွေဟာ အုပ်ချုပ်ရေးလောကနဲ့ အကျွမ်းတဝင်မရှိလှဘဲ စမ်းတဝါးဝါးနဲ့ လျှောက်လှမ်းခဲ့ကြတာဖြစ်ပါတယ်။ အထူးသဖြင့်တော့ ဝန်ထမ်းရေးရာနဲ့ပတ်သက်တဲ့ ဝန်ထမ်းတွေရဲ့အပြောင်းအရွှေ့ကိစ္စတွေ၊ ရာထူးတိုးမြှင့်ရေးကိစ္စတွေမှာ သိပ်ပြီးပါဝင်ပတ်သက်မှုမရှိဘဲ တင်ပြလာသမျှကိုပဲ လက်မှတ်ရေးထိုး အတည်ပြုကြတာများပါတယ်။

ဒါပေမဲ့ သူတို့လည်း ပုထုဇဉ်တွေပဲဖြစ်တာမို့ သူတို့ရဲ့ ဆွေမျိုးသားချင်းတွေ၊ အသိမိတ်ဆွေတွေရဲ့ သားသမီးတွေနဲ့ပတ်သက်တဲ့ ရာထူးတိုးကိစ္စတွေ၊ အပြောင်းအရွှေ့ကိစ္စတွေမှာ မိမိအောက်က တာဝန်ရှိသူတွေကို “ကျွန်တော့်တူသားလေး၊ ကျွန်တော့်မိတ်ဆွေရဲ့တူသားလေးရဲ့ အပြောင်း အရွှေ့နဲ့ရာထူးတိုးကိစ္စအတွက် စည်းမျဉ်းစည်းကမ်းနဲ့များညီရင် ကြည့်ရှုပေးပါဦး” ဆိုပြီး မဝံ့မရဲနဲ့ ပြောကြဆိုကြတာတွေရှိပါတယ်။ ဒီလိုပြောကြ ဆိုကြတဲ့အခါ ရလာတဲ့တုံ့ပြန်မှုကတော့ “နေရာလပ်မရှိသေးလို့ပါ၊ သူ့နေရာ ကိုဝင်မယ့် လူစားရှာလို့မရသေးလို့ပါ” ဆိုတဲ့အဖြေပဲ ဖြစ်ပါတယ်။

ဒါပေမဲ့ တကယ်တမ်းကျတော့ အမှန်တကယ်နေရာလပ်မရှိတာ၊ လူစားရှာလိုမရတာမဟုတ်ဘဲ သူတို့နဲ့နီးစပ်တဲ့သူတွေ၊ သူတို့ဆီကိုတိုက် ရိုက်ဝင်ထွက် တွေ့ဆုံတဲ့သူတွေကိုတော့ ကိုယ်ကြိုက်တဲ့နေရာကို ပြောင်းရွှေ့လို့ရနေတဲ့အပြင် ရာထူးတိုးမြှင့်ရေးတွေမှာလည်း လူတွေ့စစ်ဆေးတဲ့အခါ လွယ်ကူတဲ့မေးခွန်းလေးတွေမေးပြီး ဆွဲတင်ကြတာတွေလည်း ရှိနေကြတယ်လို့ ဝန်ထမ်းလောကက ထွက်လာတဲ့အသံတွေအရ ကြားသိနေရပါတယ်။

ဒါကြောင့် နိုင်ငံတော်သမ္မတကြီးအနေနဲ့ အစိုးရအဖွဲ့နဲ့ ပြည်ထောင်စု ဝန်ကြီးဌာနတွေကို ပြန်လည်ပြုပြင် ပြောင်းလဲဖွဲ့စည်းရာမှာ ခေါင်မလုံလို့ ခေါင်ကို ပြုပြင်ဖာထေးလဲလှယ်ဆောင်ရွက်သလို ခေါင်ကိုထောက်မထားတဲ့တိုင်တွေကိုပါ လိုအပ်သလို စစ်ဆေးပြီးတော့ လဲသင့်လဲထိုက်တဲ့တိုင်တွေကို လဲလှယ်မှသာလျှင် ပြည်ထောင်စုအစိုးရအဖွဲ့ဆိုတဲ့ နေအိမ်အဆောက် အအုံကြီးဟာလည်း ခိုင်မာတောင့်တင်းပြီး ရေရှည်တည်တံ့ခိုင်မြဲမှာ ဖြစ်ပါကြောင်းပါခင်ဗျာ...။

သိန်းထက်အောင်

  • TAGS