News

POST TYPE

PERSPECTIVE

ထင်ရာစိုင်း အစိုးရနှင့် စက္ကူကျား လွှတ်တော်လော (Daily, Vol-6/No-48)
05-Jun-2018

ရန်ကုန်တိုင်းဒေသကြီးအစိုးရအဖွဲ့၏ အသုံးစရိတ်တင်ပြမှုကို တိုင်းဒေသကြီး လွှတ်တော်က သဘောမတူ ပယ်ချလိုက်သော်လည်း ရန်ကုန်တိုင်းအစိုးရက ဆက်လက်အကောင်အထည်ဖော်မည်ဟု ပြည်တွင်းသတင်းမီဒီယာများ၏ ဖော်ပြချက်အရ သိရှိရပေရာ ထိုသတင်းမှန်ခဲ့ပါက ရန်ကုန်အစိုးရ၏ လွှတ်တော် အပေါ် ထားရှိသည့်သဘောထားကို မေးခွန်းထုတ်စရာ ရှိလာသည်။

လွှတ်တော်ဆိုသည်မှာ ပြည်သူလူထုက ၎င်းတို့ကိုယ်စား နိုင်ငံတော်ကို စီမံခန့်ခွဲပေးရန် တိုက်ရိုက်မဲပေးရွေးချယ်ထားသည့် ပြည်သူ့ကိုယ်စားလှယ်များဖြင့် ဖွဲ့စည်းထားသည့် နိုင်ငံတော်၏ အမြင့်ဆုံး ဥပဒေအာဏာကို ကိုယ်စားပြုသည်။

တစ်နည်းဆိုရသော် လွှတ်တော်သည် မဲဆန္ဒရှင် ပြည်သူလူထု၏ လိုလား ချက်များ၊ သဘောတူမှု၊ သဘောမတူမှုများ၊ ကန့်ကွက်မှုများ၊ မေးခွန်းထုတ်မှုများ တစ်နည်းအားဖြင့် ဖွဲ့စည်းပုံအခြေခံဥပဒေက ပေးအပ်ထားသည့် လွှတ်တော်၏ လုပ်ပိုင်ခွင့်များအားလုံးကို ပြည်သူလူထုကိုယ်စား ထမ်းဆောင်နေသော နိုင်ငံတော်၏ အဓိကမဏ္ဍိုင်ဖြစ်သည်။

၂၀၀၈ ခုနှစ် ဖွဲ့စည်းပုံအခြေခံဥပဒေအရလည်း နိုင်ငံတော်၏အချုပ်အခြာ အာဏာသုံးရပ်သည် ပြည်သူလူထုထံမှ ဆင်းသက်ပြီး ပြည်သူလူထုထံတွင် အစစ်အမှန် အာဏာတည်သည်ဟုဆိုထားသည့်အပြင် သီးခြားစီ ခွဲခြားကျင့်သုံး သည့် အာဏာတစ်ခုနှင့်တစ်ခုအကြား အပြန်အလှန် ထိန်းညှိမှုကို အားပေးထားသည်။

ပြည်ထောင်စုအဆင့် လွှတ်တော်များအပါအဝင် ပြည်နယ်နှင့် တိုင်း ဒေသကြီးများရှိ လွှတ်တော်များအားလုံးသည် ပြည်ထောင်စုအစိုးရနှင့် ဒေသ အစိုးရများ ထင်ရာစိုင်းလုပ်ချင်ရာလုပ်ခွင့်မရစေရန် ထိန်းညှိပေးသည့် တာဝန်ကို ထမ်းဆောင်နေခြင်းဖြစ်သောကြောင့် ရန်ကုန်တိုင်းဒေသကြီး လွှတ်တော် က အစိုးရ၏အသုံးစရိတ်များကို ကန့်ကွက်ခြင်းမှာ များစွာ သဘာဝကျသည်။

သို့သော် ရန်ကုန်တိုင်းဒေသကြီးအစိုးရသည် ကိစ္စအတော်များများတွင် လွှတ်တော်၏သဘောထားကို အလေးအနက်မထားသည့် သာဓကများစွာ ရှိနေခဲ့သည့်ကြားက အစိုးရအဖွဲ့အသုံးပြုရန် ငွေစာရင်းတောင်းခံမှုတွင် လက်ရှိအခက်အခဲများနှင့် ရင်ဆိုင်နေရသော နိုင်ငံ၏ အခြေအနေနှင့် မလျော်ညီစွာ တန်ဖိုးကြီး ဇိမ်ခံပစ္စည်းများပါဝင်နေခြင်းမှာလည်း အများက ဝေဖန်စရာဖြစ်သွား ခဲ့သည်။

ထို့အပြင် ရန်ကုန်တိုင်းအစိုးရသည် ဒေသအဆင့်အစိုးရတစ်ရပ်ထက် ပြည်ထောင်စုအဆင့်က ဆောင်ရွက်ရမည့် စီမံကိန်း၊ စီမံချက်များ၊ လုပ်ငန်း များကိုပါ လွှတ်တော်၏ထိန်းညှိမှုကို ဂရုမစိုက်ဘဲ မရပ်မနား ဆောင်ရွက်နေလင့် ကစား ပါတီကသော်လည်းကောင်း၊ ပြည်ထောင်စုအဆင့်ကသော်လည်းကောင်း ယနေ့အထိ တစ်စုံတစ်ရာ တားမြစ်၊ စစ်ဆေးခြင်းမရှိရာ ဒေသလွှတ်တော်ကို ကျော်လုပ်ခွင့်ပြုထားသကဲ့သို့ ဖြစ်နေပေသည်။

ရန်ကုန်အစိုးရ၏ ကားဝယ်ယူရန် ငွေအသုံးတောင်းခံခြင်းအပေါ် ပြည်သူ များက အွန်လိုင်းလူမှုကွန်ရက်မှတစ်ဆင့် ဆူညံစွာ ကန့်ကွက်ဝေဖန်၊ ထေ့ငေါ့၊ သရော်လှောင်ပြောင်မှုအရှိန် များစွာ မြင့်တက်လာသည့်အခါမှ ပြည်ထောင်စု စာရင်းစစ်ချုပ်ရုံးက စစ်ဆေးမည်ဟု သတင်းထွက်လာခြင်းဖြစ်သည်။

ရန်ကုန်အစိုးရသည် အစိုးရတာဝန်စတင် ထမ်းဆောင်စမှ ယနေ့အချိန်အထိ စီမံကိန်း၊ စီမံချက်၊ လုပ်ငန်းများ အကောင်အထည်ဖော်ရာတွင် သင့်တော်ခြင်း၊ မသင့်တော်ခြင်းထက် လွှတ်တော်၏ ထိန်းညှိမှုကို လျစ်လျူရှုခြင်း၊ သက်ဆိုင်ရာ ပညာရှင်များနှင့် တိုင်ပင်နှီးနှောမှု နည်းပါးခြင်း၊ ကြိုတင်ပြင်ဆင်မှု အားနည်း ခြင်း၊ ဖြစ်လာနိုင်ခြေရှိသော ဆိုးကျိုးများကို တွက်ဆမှုမရှိခြင်း စသည့်အခြေအနေ များကြောင့် နောက်ဆက်တွဲ ဆိုးကျိုးများ၊ အပိုဖြစ်သွားသော ကုန်ကျစရိတ်များ ကို အများပြည်သူနှင့် ပြည်သူ့ဘဏ္ဍာငွေများက ထမ်းပိုးပေးထားရသကဲ့သို့ဖြစ် နေသည်။

မည်သို့ပင်ဖြစ်စေ ရန်ကုန်တိုင်းဒေသကြီးအစိုးရ၏ ထင်ရာစိုင်းအပြုအမူများ သည် လွှတ်တော်ကို အလေးမထားသည့်သဘော ထင်းလင်းစွာပေါ်လွင်နေ ပေရာ ယင်းအချက်သည် ဥပဒေပြုလွှတ်တော်ကို စက္ကူကျားလွှတ်တော်အဖြစ် နှိမ့်ချသည့်သဘော၊ လွှတ်တော်က တာဝန်ခံထားသည့် မဲဆန္ဒရှင် ပြည်သူလူထု ကိုလည်း အလေးဂရုမထား၊ မထီမဲ့မြင်ပြုသည့်သဘော သက်ရောက်နေသောကြောင့် သတိပြုဆင်ခြင်ပါမည့်အကြောင်း သတိပေးထောက်ပြလိုရင်းဖြစ်သည်။

အယ်ဒီတာ (၅-၆-၂၀၁၈)