News

POST TYPE

PERSPECTIVE

ကော်ပီ ဗယ်လင်တိုင်းနေ့နှင့် ဆင်ခြင်တုံတရား စနစ်
10-Feb-2018

မြန်မာယဉ်ကျေးမှုတွင် အမြစ်တွယ်မှန်းမသိ တွယ်လာသော နိုင်ငံခြား ယဉ်ကျေးမှုတစ်ရပ်မှာ ဗယ်လင်တိုင်းနေ့ဆိုသည့် ချစ်သူများနေ့ဖြစ်သည်။ အနောက်တိုင်းနိုင်ငံများမှာ ဗယ်လင်တိုင်းနေ့ရှိသလို ဟောလိုးဝင်းကဲ့သို့သောနေ့များလည်း ရှိပါတယ်။ သူတို့နိုင်ငံ သူတို့ယဉ်ကျေးမှု၊ ဓလေ့စရိုက်များနှင့် သူတို့လူမျိုးများကတော့ အဆင်ပြေပါလိမ့်မယ်။ သို့သော် မြန်မာ့ယဉ်ကျေးမှု၊ မြန်မာ့ဓလေ့စရိုက်များနဲ့ လိုက်လျောညီထွေ မရှိလှသော ထိုဗယ်လင်တိုင်းဆိုသော အလေ့တစ်ခုကို လူငယ်များအကြား တိုက်ရိုက်ပုံတူကူး လုပ်ဆောင်နေကြခြင်းမှာ အထိန်းအကွပ်မဲ့ အလေ့အထတစ်ခု ဖြစ်လာနေပါတယ်။

တိုက်ရိုက်ပုံတူကူးခြင်း

ယနေ့ မြန်မာနိုင်ငံမှာ နိုင်ငံခြား ယဉ်ကျေးမှုတွေကို တိုက်ရိုက် Copy and Paste ပြုလုပ်နေကြတာဟာ ဒီဗယ်လင်တိုင်းနေ့သာမကပါဘူး၊ အနောက်နိုင်ငံတွေမှာ ပြုလုပ်လေ့ရှိတဲ့ လူချင်းတွေ့လျှင် ယောက်ျားရော၊ မိန်းမရော၊ အပျိုရော၊ အအိုရော ဖက်ပြီး နှုတ်ဆက်ကြတာကိုလည်း အတော်များများ တွေ့လာနေရပါတယ်။ လူမျိုးတစ်မျိုးရဲ့ အနှစ်သာရဟာ ကိုယ်ပိုင်ယဉ်ကျေးမှုပါ။ ဂလိုဘယ်လိုက်ဇေးရှင်းခေတ်မှာ လူမျိုးချင်း ဆက်စပ်တာ၊ ယဉ်ကျေးမှုချင်း ဆက်စပ်တာ ရှိနေမှာပါ။ ငြင်းပယ်လို့လည်း မရနိုင်ပါဘူး။ အခြားလူမျိုးများရဲ့ ယဉ်ကျေးမှုကို လက်ခံတာဟာ မိမိရဲ့ ကိုယ်ပိုင်ယဉ်ကျေးမှုကို ပစ်ပယ်တာ၊ ပျက်စီးစေတာ မဟုတ်ပါဘူး။ ကဏ္ဍအရပ်ရပ်မှာ ကမ္ဘာနဲ့ ဆက်စပ်လုပ်ကိုင်နေကြပေမယ့် ကိုယ်ပိုင်ယဉ်ကျေးမှုကို မြတ်နိုးတန်ဖိုးထား ထိန်းသိမ်းနေတဲ့ နိုင်ငံများစွာ ရှိပါတယ်။ အဲဒီနိုင်ငံ၊ အဲဒီလူမျိုးတွေရဲ့ ယဉ်ကျေးမှု၊ ထိန်းသိမ်းမှု၊ တန်ဖိုးထားမှုကို လေးစားအတုယူရမှာပါ။

လူမှုကွန်ရက်တွေမှာ ဗယ်လင်တိုင်းနေ့အတွက် ပြောဆိုဖော်ပြနေတာတွေဟာ မြန်မာ့ယဉ်ကျေးမှု အသိုင်းအဝိုင်းနဲ့ မအပ်စပ်လှပါဘူး။ ဒါကိုအကြောင်းပြုပြီး ဆယ်ကျော်သက် အမျိုးသမီးငယ်တွေ၊ လူငယ်တွေမှာ အတွေးမှား၊ အတုယူမှားပြီး လမ်းမှားလိုက်စေမှာပါ။ ဝိသမသား စီးပွားရေးသမားများဟာလည်း ကိုယ်ကျိုးစီးပွား အမြတ်ထုတ်ဖို့ ဆွဲဆောင်နေတာတွေကို တွေ့နေရတာ ရင်နာစရာပါ။ လူငယ်များရဲ့ စိတ်ပိုင်းဆိုင်ရာ အားနည်းချက်အပေါ် အမြတ်ထုတ်နေကြတာ တွေ့နေရပါတယ်။ ဒါ့အပြင် နိုင်ငံခြားယဉ်ကျေးမှု တစ်ရပ်ကို ဆင်ခြင်တုံတရား ကင်းမဲ့စွာ တိုက်ရိုက်ပုံတူကူး အတုယူနေခြင်းကြောင့် လူငယ်လူရွယ်များအပေါ် အကျိုးသက်ရောက်မှုများစွာ ရှိနေပါတယ်။ အမှားအမှန် ဝေဖန်ပိုင်းခြားနိုင်မှု အားနည်းနေသေးတဲ့ ဆယ်ကျော်သက် မိန်းကလေးများ၊ လူငယ်လူရွယ်များအတွက် လတ်တလော လူမှုရေးအန္တရာယ်များ ရှိနေသလို အနာဂတ်အတွက်လည်း စာရိတ္တ၊ ကိုယ်ကျင့်တရား၊ ဝေဖန်ပိုင်းခြားနိုင်မှု စတဲ့ စိတ်ပိုင်းဆိုင်ရာ ထိခိုက်စေမယ့် အကျိုးဆက်များ ရှိလာပါလိမ့်မယ်။

အတုယူတယ်၊ ဖလှယ်တယ်ဆိုတဲ့ နေရာမှာ အလုံးစုံပုံတူပွား အတုယူခြင်းမဟုတ်ဘဲ ကိုယ့်လူမျိုး၊ ကိုယ့်ယဉ်ကျေးမှု၊ ကိုယ့်ဘာသာ၊ ကိုယ့်ဓလေ့ထုံးစံနဲ့ ညီမညီ စဉ်းစားအတုယူသင့်ပါတယ်။ ကောင်းတာကို အတုယူပြီး မကောင်းတာ၊ မသင့်တာတွေကိုတော့ အတုမယူသင့်ပါဘူး။ သူတစ်ပါးလုပ်တိုင်း အတုယူလိုက်လုပ်တာထက် ကိုယ်ပိုင်အတွေးအခေါ်နဲ့ အမှားအမှန် ဝေဖန်ပိုင်းခြားပြီး အတုယူတာက မိမိအတွက် အကျိုးရှိစေမှာပါ။ အသိဉာဏ်နဲ့ယှဉ်တဲ့ အတုယူမှုဟာ မိမိအတွက်၊ မိမိပတ်ဝန်းကျင်အတွက်၊ မိမိနိုင်ငံအတွက် အကျိုးရှိစေမှာဖြစ်သလို အသိဉာဏ်မပါတဲ့ အတုယူမှုဟာလည်း မိမိနဲ့ပတ်ဝန်းကျင်ကို ဆိုးကျိုးဖြစ်စေပါလိမ့်မယ်။

ခေတ်မီတယ်ဆိုတာ ကောင်းတဲ့အချက်ဖြစ်လို့ လက်ခံရမှာပါ။ ဒါပေမဲ့ ခေတ်မမီသင့်သည့် အချက်၊ ခေတ်မီသင့်တဲ့ အချက်များကိုတော့ ဆင်ခြင်ရပါလိမ့်မယ်။ ကောင်းမွန်တဲ့ခေတ်မီမှု၊ အတုယူမှုကို အားပေးရမှာဖြစ်ပေမယ့် သင့်လျော်မှုမရှိတဲ့ ခေတ်မီမှု၊ အလုံးစုံ အတုယူမှုတွေကိုတော့ ငြင်းဆိုရပါလိမ့်မယ်။

မှန်ကန်တဲ့ ဦးဆောင်လမ်းညွှန်မှု

နိုင်ငံ၊ လူမျိုး၊ ပတ်ဝန်းကျင် အသိုင်းအဝန်း၊ ယဉ်ကျေးမှု၊ ဘာသာတရားနဲ့မကိုက်ညီ မသင့်လျော်တဲ့ နိုင်ငံခြားယဉ်ကျေးမှုတွေကို ကိုယ်တိုင်လက်ခံ အတုယူနေတာတွေရှိသလို အတုယူလက်ခံလာအောင် အမှားဦးဆောင်နေသူများလည်း ရှိနေပါတယ်။ မသင့်လျော်တဲ့ ရုပ်ရှင်ဇာတ်ကားတွေ၊ မိမိကိုယ်မိမိ နာမည်ကြီးဖို့ နည်းအမျိုးမျိုးနဲ့ လုပ်နေသူတွေ၊ ဝိသမသား စီးပွားရေးသမားတွေကိုလည်း သတိထားဆင်ခြင်ရမှာပါ။ မည်သို့ဆိုစေ ဘယ်သူတရားပျက်ပျက် ကိုယ်ကိုတိုင်က တရားမပျက်ဖို့လိုပါတယ်။

ယခုလို လူငယ်လူရွယ်များရဲ့ စိတ်ဓာတ်နဲ့ ယဉ်ကျေးမှုကို ပျက်ပြားစေတဲ့ အမှားအတုခိုးမှုတွေကို အုပ်ထိန်းသူ မိဘများ၊ ကျောင်းများ၊ ပတ်ဝန်းကျင် လူ့အသိုင်းအဝိုင်းတို့က ဝိုင်းဝန်းထိန်းသိမ်းကြရမှာပါ။ အထူးသဖြင့် အဓိက တာဝန်ရှိသူများကတော့ အုပ်ထိန်းသူမိဘများလို့ ဆိုချင်ပါတယ်။ မိဘများကိုယ်တိုင်က မိမိရဲ့သားငယ်၊ သမီးငယ်များရဲ့ အပြုအမူ၊ အပြောအဆိုကို အနီးကပ် ထိန်းကျောင်းပေးရမှာပါ။ ကိုယ်တိုင်စဉ်းစားဆုံးဖြတ်နိုင်စွမ်း အားနည်းနေသေးချိန်မှာ မိဘများ၊ ညီအစ်ကိုမောင်နှမများရဲ့ ဦးဆောင်ညွှန်ပြမှုဟာ အရေးကြီးဆုံးလို့ ဆိုချင်ပါတယ်။ ကလေးငယ်၊ လူငယ်ဆိုတာ အတုမြင်အတတ်သင်တဲ့ အချိန်ဖြစ်ပါတယ်။ အဲဒီအချိန်ဟာ တံငါနားနီး တံငါ၊ မုဆိုးနားနီး မုဆိုး ဖြစ်မှာပါ။ လက်ဦးဆရာဖြစ်တဲ့ မိဘများ၊ အုပ်ထိန်းသူများ ကိုယ်တိုင်က အမှားအမှန်ဆုံးဖြတ်နိုင်မှု အားနည်းတာကြောင့် အတုယူမှားနေတဲ့ လူငယ်လူရွယ်လေးများကိုလည်း တွေ့နေရပါတယ်။

လူငယ်လူရွယ်များ အတုခိုးမှား လမ်းမှားရောက်စေတဲ့ အချက်များကို လေ့လာမိတာ အောက်ပါအချက်တွေကိုတွေ့ရပါတယ်-

၁။ မိဘ၊ အုပ်ထိန်းသူများရဲ့ သွန်သင်ဆုံးမမှုအားနည်းနေခြင်း
၂။ အမှား၊ အမှန် ဝေဖန်ပိုင်းခြားနိုင်တဲ့ ပညာရေး၏ အနှစ်သာရများ လိုအပ်နေခြင်း
၃။ စာဖတ်မှု အားနည်းလာခြင်း
၎။ အမှား၊ အမှန် ကိုယ်တိုင်ဆုံးဖြတ်နိုင်စွမ်း အားနည်းခြင်း
၅။ ဖျော်ဖြေရေးဆိုင်ရာများ၏ အားနည်းချက်
၆။ ခေတ်မီမှုအပေါ် သာယာနေခြင်း
၇။ ကိုယ်ပိုင်ယဉ်ကျေးမှု ထိန်းသိမ်းစောင့်ရှောက်မှု အားနည်းလာခြင်း
၈။ ဘာသာရေး အဆုံးအမများအပေါ် လိုက်နာမှုအားနည်းလာခြင်း

ဒီအားနည်းချက်တွေ များလာတာ၊ ကြီးလာတာနဲ့အမျှ ယနေ့ဆိုရင် မုဒိမ်းတွေ၊ လုယက်မှု၊ သတ်ဖြတ်မှု စတဲ့ မကြုံစဖူး ပြစ်မှုတွေကို မြင်နေ၊ ကြားနေ၊ ဖတ်နေရပါတယ်။ ပြစ်မှုတွေ လျော့ကျစေဖို့ဆိုရင် အရေးယူတာ၊ အပြစ်ပေးတာနဲ့ ပြစ်မှုဖြစ်စဉ်တွေ လျော့နည်းသွားမှာ မဟုတ်ပါဘူး။ ပြစ်မှု ဖြစ်ရခြင်းရဲ့ အခြေခံတွေဖြစ်တဲ့ စီးပွားရေး၊ လူမှုရေး၊ စိတ်ဓာတ်ရေးရာ နိမ့်ကျနေမှုတွေကို ပြုပြင်ပြောင်းလဲရမှာပါ။ စီးပွားရေး၊ လူမှုရေး စတဲ့ ရုပ်ပြောင်းလဲမှုထက် စိတ်ဓာတ်ရေးရာ ပြောင်းလဲမှုက ပိုမိုသိမ်မွေ့သလို ပိုမိုပြီးတော့လည်း အချိန်ယူရမှာ ဖြစ်ပါတယ်။ 

ဒါကြောင့် အနာဂတ်လူငယ်များအတွက် မှန်ကန်တဲ့ ဦးဆောင်လမ်းညွန်မှုတွေ လိုအပ်ပြီလို့ တိုက်တွန်းလိုပါတယ်။

ဆင်ခြင်တုံတရား ကိုယ်ခံအား

လူတစ်ယောက်ရဲ့ တွေးခေါ်မှု မှန်၏ မမှန်၏၊ ဆုံးဖြတ်ချက် မှန်၏ မမှန်၏၊ အပြုအမူအပြောအဆို မှန်၏ မမှန်၏ဆိုတာ ထိုသူရဲ့ ယုတ္တိဗေဒကျကျ တွေးခေါ်နိုင်မှု၊ ခွဲခြားစိတ်ဖြာစဉ်းစားနိုင်မှု စတဲ့ ဆင်ခြင်တုံတရားပေါ်မှာ မူတည်ပါလိမ့်မယ်။ တစ်နည်းအားဖြင့် ဆင်ခြင်တုံတရားဆိုတာ လူတစ်ယောက်အတွက် စိတ်ဓာတ်ရေးနဲ့ပတ်သက်ပြီး ကိုယ်ခံအားစနစ်လို့ ဆိုချင်ပါတယ်။ မိမိတို့ရဲ့ စိတ်ဓာတ်ကိုယ်ခံအား နည်းလာတာနဲ့အမျှ ပြင်ပ ဗိုင်းရပ်စ်များဝင်လာပြီး အတွေးမှား၊ ဆုံးဖြတ်ချက်မှား၊ အပြုအမူအပြောအဆိုမှားများ ဖြစ်လာပါလိမ့်မယ်။

လူငယ်လူရွယ်များရဲ့ စိတ်ဓာတ်နဲ့အကျင့်စာရိတ္တကို ပျက်စီးလမ်းမှားစေတဲ့ ဗယ်လင်တိုင်းနေ့လိုမျိုး အတုမယူသင့်တဲ့ အခြားသောဖြစ်ရပ်များလည်း ရှိနေပါသေးတယ်။ အမှားကြာရင် အမှန်ဖြစ်တတ်ပါတယ်။ အမြန်ဆုံး ဝိုင်းဝန်းထိန်းသိမ်းကြဖို့လည်း တိုက်တွန်းလိုပါတယ်။ 

ဆင်ခြင်တုံတရားပြည့်ဝတဲ့ လူငယ်လူရွယ်များ ဖြစ်လာအောင် လေ့ကျင့်ပြုစုပျိုးထောင်ပေးရမှာ ယနေ့ တာဝန်ရှိသူအဆင့်ဆင့်နဲ့ မိဘ အုပ်ထိန်းသူများရဲ့ တာဝန်ဖြစ်ပါတယ်။ လက်ရှိတာဝန်ရှိသူများ တာဝန်ကျေမှသာ အနာဂတ်လူငယ်များလည်း တာဝန်ကျေတဲ့ မျိုးဆက်သစ်များ ဖြစ်လာမယ်လို့ ယုံကြည်ပါကြောင်း။

သိန်းထွန်း (IR)