POST TYPE

PERSPECTIVE

အမြန်ဆုံး ထုတ်ဝေသင့်တဲ့ စာအုပ်တစ်အုပ်
ရခိုင်ပြည်နယ် မြောက်ပိုင်းတွင် ဖြစ်ပေါ်နေသည့် အရေးကိစ္စများနှင့်ပတ်သက်၍ နိုင်ငံတကာ အသိုင်းအဝိုင်းအချို့တွင် သတင်းမှားများ ပျံ့နှံ့နေသည့် ကိစ္စရပ်များအပေါ် “မိမိတို့အနေနှင့် နိုင်ငံတကာကို သတင်း အတုအယောင်များဖြင့် လိမ်ညာဖို့ ရည်ရွယ်ချက် မရှိကြောင်း။ အားလည်း မပေးပါကြောင်း။ သို့သော် မိမိတို့၏ အခြေအနေမှန်ကိုတော့ နိုင်ငံတကာက သိအောင် လုပ်ကိုင်ဖို့ လိုအပ်နေပါကြောင်း။  မိမိတို့ဆီကအကြောင်းအရာ သတင်းအချက်အလက်တွေကို ကမ္ဘာက သိအောင်၊ ပြန့်ပွားအောင် မိမ်ိတို့စဉ်းစားစီစဉ်၍ ဆောင်ရွက်နေပါကြောင်း။ ထို့ကြောင့် သတင်းမီဒီယာလောကမှ ပုဂ္ဂိုလ်များအနေနှင့်လည်း လွတ်လွတ်လပ်လပ် ပြောဆိုဆွေးကြပါရန်နှင့် ဆွေးနွေးရရှိသည့် ရလဒ်များ၊ အမှန်တကယ် လက်တွေ့ ဆက်လက် ဆောင်ရွက်သင့်သည့် အကြောင်းအရာ အချက်အလက်များကို တိတိကျကျ စုစည်းသုံးသပ်၍ မှတ်တမ်းတင်ကာ ဆက်လက် အကောင်အထည်ဖော်နိုင်ဖို့ မျှောင်လင့်ထားပါကြောင်း”စသည်ဖြင့် ၄.၁၀.၂၀၁၄ ရက်နေ့က ပြုလုပ်သည့် အစည်းအဝေးတွင် ပြန်ကြားရေး ဝန်ကြီးဌာန၊ ပြည်ထောင်စုဝန်ကြီးက ပြောကြားခဲ့သည်ဟု သိရှိရပါသည်။

မြန်မာနိုင်ငံသည် နှစ်ပေါင်း ငါးဆယ်ခန့် အမှောင်ခေတ်တစ်ခေတ်ကို ဖြတ်သန်းခဲ့ရပါသည်။ အဆိုပါ ကာလအတွင်း နိုင်ငံရေး၊ စီးပွားရေး၊ ကျန်းမာရေး၊ ပညာရေး၊ ယဉ်ကျေးမှု စသည့် နယ်ပယ်ကဏ္ဍ အသီးသီးတွင် အမှောင်ချခဲ့ရသည်ထက်ပိုမိုစွာ သတင်းမီဒီယာ လောကသည် အမှောင်တကာ့ အမှောင်ဆုံး အမှောင်ချခံခဲ့ရပါသည်။ ပြည်တွင်းတွင် “ဟိုသတင်း မရေး၊ သည်သတင်း မရေးရ”စသည်ဖြင့် ကန့်သတ် ချုပ်ချယ်ခြင်းခံကြရသလို၊ ပြည်ပ သတင်းမီဒီယာများသို့ ဆက်သွယ်၍ သတင်းပေးပို့သူများမှာလည်း ထောင်ချခံခဲ့ကြရပါသည်။ ထိုသို့ တားမြစ်ချုပ်ချယ်ထားသည့်အကြားမှ ရရာနည်းလမ်းဖြင့် ဆက်သွယ်ပေးပို့ကြပြီး ပေးပို့သောသတင်းများမှာလည်း အစိုးရ၏ မကောင်းသတင်းများ၊ အနိဋ္ဌာရုံ သတင်းများနှင့် ဆင်းရဲမွဲတေမှု သတင်းများကသာ အများဆုံး လွှမ်းမိုးခဲ့ပါသည်။

မြန်မာပြည်သူတွေကလည်း မိမိတို့ပြည်တွင်းတွင် မကြားရသည့်သတင်းများကို ပြည်ပ မီဒီယာများမှတစ်ဆင့်သာ ကြားသိကြရသည်ဖြစ်ရာ မြိန်ရေရှက်ရေ နားထောင်ကြပါသည်။ မြန်မာဘာသာဖြင့် အသံလွှင့်သော ပြည်ပ မီဒီယာများကလည်း မြန်မာလူမျိုး ပရိသတ်များကို အားကိုးသမှု ပြု၍ အစိုးရသတင်းများကို မှန်သည်ဖြစ်စေ၊ မှားသည်ဖြစ်စေ စိစစ်မှု မရှိဘဲ အားပါးတရ ထုတ်လွှင့်ကြပါသည်။ သို့သော် … သို့သော် မြန်မာနိုင်ငံတွင် ရွေးကောက်ခံ အစိုးရတစ်ရပ် တက်လာပြီးသည့်နောက်ပိုင်း ၂၀၁၁ ခုနှစ်ခန့်မှစ၍ သတင်းမီဒီယာ လွတ်လပ်ခွင့် အထိုက်အလျောက် ရရှိလာပြီး အစိုးရသတင်းအချို့ အပါအဝင် နယ်မြေ ဒေသအလိုက် ဖြစ်ပွားသော သတင်းများကို ပြည်သူတို့က အမှန်အတိုင်း သိရှိလာကြရပါသည်။ ထို့ထက် ပိုမိုသည်ကတော့ လူမှုမီဒီယာများ ပေါ်ပေါက်လာပြီး လူတိုင်းလိုလို တယ်လီဖုန်း အသုံးပြုလာနိုင်သည်နှင့်အမျှ မြန်မာနိုင်ငံ အနှံ့အပြားမှ မြေပြင် သတင်းများကို အချိန်နှင့်တစ်ပြေးညီ သိရှိလာကြပါသည်။ အစိုးရကိုယ်တိုင်ပင်လျှင် သတင်းထိမ်ချန်၍မရ မမှန်သတင်းထုတ်လွှင့်၍မရသော အခြေအနေမျိုးဖြစ်ပါသည်။ တစ်နည်း ပြောရလျှင် မြန်မာပြည်သူတို့ ခေတ်မီလာခြင်းပင် ဖြစ်ပါသည်။

သို့သော် ခေတ်မမီ၊ ခေတ်နောက်ကျကျန်ရစ်ခဲ့သည်ကား ပြည်ပ သတင်းမီဒီယာများပင် ဖြစ်ပါသည်။ သူတို့သည် သူတို့၏ သတင်းရယူသည့်ပုံစံ၊ သတင်း တင်ပြ။ ထုတ်လွှင့်သည့်ပုံစံတို့ကို မပြောင်းမလဲ ထုတ်လွှင့်နေကြသည်။ သူတို့က သူတို့ ထုတ်လွှင့်သမျှ သတင်းများကို မြန်မာပြည်သူတွေ ယခင်ကလိုပဲ ယုံကြည်နေကြပေဦးမည်ဟု ထင်မြင်ယူဆနေကြသည်။ ပေးပို့သည့် သတင်းများ မှန်သည် မမှန်သည်ကို စိစစ်မှုမရှိ၊ ရသည့်သတင်းကို အတည်မပြုဘဲ ရေးသား ထုတ်လွှင့်ကြသည်။ တစ်ချိန်က သူတို့ကို သတင်းပေးပို့သူများမှာ မြန်မာနိုင်ငံ အကျိုးကို လိုလားနှစ်သက်သူများ ဖြစ်သော်လည်း ယခုသတင်းပေးပို့နေသူများမှာမူ မြန်မာနိုင်ငံ အကျိုးကို မလိုလားသူများ မြန်မာနိုင်ငံကို ဖျက်လိုဖျက်ဆီးလုပ်လိုသူများ၊ ပျက်စီးရာပျက်စီးကြောင်း ကြံစည်နေသူများနှင့် အကြမ်းဖက်သမားများဖြစ်သည်။ ၎င်းတို့ ပေးပို့သော သတင်းများမှာ မမှန်မကန် လုပ်ကြံသတင်းများသာ ဖြစ်သည်။ ဤအချက်ကို ပြည်ပ သတင်းမီဒီယာများက မသိကျိုးကျွန်ပြုကာ လျစ်လျူရှုထားကြသည်။

ယနေ့ မြန်မာနိုင်ငံကို အုပ်ချုပ်နေသော အစိုးရသည် ပြည်သူတို့က ရွေးကောက် တင်မြှောက်ထားသော အစိုးရဖြစ်သည်ကို သူတို့ မေ့လျော့နေကြသည်။ အစိုးရသည် မဟုတ်တာ မမှန်တာလုပ်၍မရ၊ မဟုတ်တာ မမှန်တာ လုပ်ပါက တစ်နည်း သတင်းမှားများကို ထုတ်ပြန်ပါက ပြည်သူက လက်ခံမည်မဟုတ်ဆိုသည်ကို ဒီမိုကရေစီ ဘိုးအေနိုင်ငံကြီးများမှ သတင်းမီဒီယာများက မေ့လျော့နေကြသည်။ ထိုကဲ့သို့ မေ့လျော့အောင်လည်း အကြမ်းဖက်သမားကို အားပေးသည့် ပြည်ပနိုင်ငံအချို့က ငွေအားဖြင့် ချုပ်ကိုင်ထားကြသည်။ အနောက်နိုင်ငံများ၏ သတင်းမီဒီယာများသည် ဩဇာတိက္ကမ ကြီးမားကြသည်။ ကမ္ဘာ့ခေါင်းဆောင်ကြီးများသည် အဆိုပါသတင်းမီဒီယာများ၏ ထုတ်လွှင့် ရေးသားချက်များကို အလေးထားကြသည်။ အမှန်ဟု ယူဆကြသည်။ ထိုအခါ ၎င်းတို့သည် ဘက်လိုက် သတင်းမီဒီယာတို့၏ ဆွဲဆောင်/ ခေါ်ဆောင်ရာသို့ လိုက်ပါသွားကြပြီး မြန်မာနိုင်ငံကို အထင်အမြင် လွဲကြသည်။ မြန်မာနိုင်ငံအပေါ် ထုတ်ပြန်ကြေညာချက်များကို မှားယွင်းစွာ ထုတ်ပြန်ကြသည်။

သို့သော် မြန်မာနိုင်ငံနှင့် နှစ်ပရိစ္ဆေဒ ရှည်လျားစွာ လက်တွဲလာခဲ့ကြပြီး မြန်မာတို့၏စိတ်ဓာတ်ကို အတွင်းသိ၊ အစင်းသိ၊ သိကြသည့် အိမ်နီးချင်းနိုင်ငံများကမူ မြန်မာပြည်သူနှင့် ပြည်သူက တင်မြှောက်ထားသည့် အစိုးရအပေါ် ယုံကြည်မှုရှိကြသလို အဖြစ်မှန်ကိုလည်း သိကြသည်။ သို့ရာတွင် အနည်းစုသာဖြစ်သည့်အတွက် အဖြစ်မှန်၊ သတင်းမှန်များသည် ကမ္ဘာသို့ပျံ့နှံ့ရန် လိုအပ်လျက်ရှိသည်မှာ အမှန်ပင်ဖြစ်သည်။

ယခု ပြန်ကြားရေး ဝန်ကြီးဌာန၊ ပြည်ထောင်စုဝန်ကြီး ပြောသည်မှာ ဤအချက်ပင်ဖြစ်သည်။ ပြည်ထောင်စုဝန်ကြီးက “သူတို့က သူတို့ရဲ့ဇာတ်ကြောင်းကို ပျံ့နှံ့အောင် လုပ်ထားတယ်။ အခု အရေးပေါ် ကိစ္စပေါ်တဲ့အခါ ပေါ်တဲ့အခါမှာ သတင်းအတုတွေကိုပို့ပြီး ပိုပြီးလှုပ်လှုပ်ရှားရှားဖြစ်အောင် ဆောင်ရွက်ပါတယ်။ သို့သော် လိမ်တာ ညာတာမှန်း သိရဲ့သားနဲ့ နိုင်ငံတကာ မှာ တော်တော်ကြီးကျယ်တဲ့ ခေါင်းဆောင်တွေကပါ အသုံးပြုပြီး ဆက်လက် လုပ်ကိုင်နေတာတွေ ရှိပါတယ်။ ဒါတွေကြည့်ရင် သတင်းအမှားတွေ ပျံ့တဲ့သက်ရောက်မှုကလည်း ရှိပါတယ်။ ကြီးမားပါတယ်”ဟူ၍လည်းကောင်း၊ “ကျွန်တော်တို့နိုင်ငံဟာ အဘက်ဘက်က အင်အားနည်းသလို ကျွန်တော်တို့အရေးကိစ္စကို ကမ္ဘာကသိအောင် တင်ပြမယ့်အပိုင်းမှာလည်း အားနည်းပါတယ်”ဟူ၍လည်းကောင်း၊ “သတင်းအမှားတွေကိုတော့ ဒါက ဘယ်လို မှားယွင်းပါတယ်။ အလိမ်အညာ ဖြစ်ပါတယ်ဆိုတဲ့ဟာမျိုးကို ပြန်ပြီး ချေဖျက်ရမယ်လို့ မြင်ပါတယ်။ ဒါကို လုပ်ချင်ပါတယ်။ စိတ်ကူးစိတ်သန်း အကြံဉာဏ်ပေးရင်လည်း လက်ခံပါတယ်။ ဖြစ်စဉ်အမှန် သို့မဟုတ် မြန်မာ့ရဲ့ရပ်တည်ချက် ပေါ်လွင်အောင်နဲ့ နိုင်ငံတကာက ပျံ့နှံ့အောင် ဘယ်လို ဆောင်ရွက်မလဲ။ ပျံ့နှံ့အောင် ဆောင်ရွက်တဲ့နေရာမှာ ကျွန်တော်တို့ကို ဖိအားပေးနေတဲ့ ကုလသမဂ္ဂနဲ့ နိုင်ငံကြီးတွေ၊ တခြား ဆန့်ကျင်တိုက်ခိုက်နေတဲ့ နိုင်ငံတွေဆီကိုလည်း ဒီအဖြစ်မှန်က ဒီလိုရှိပါတယ်ဆိုတဲ့ အနေအထား ရောက်ရှိအောင် လုပ်ဖို့ လိုပါလိမ့်မယ်”စသည်ဖြင့် ကျယ်ပြန့်စွာ ဆွေးနွေးပြောဆိုသွားခဲ့ပါသည်။

ဤနေရာတွင် လွန်ခဲ့သည့်လေးနှစ် ၁၈.၇.၂၀၁၃ က ရန်ကုန်တိုင်းမ် နေ့စဉ် သတင်းစာတွင် “စာနယ်ဇင်းသမားတွေ ဖြည့်ပေးရမည့် ကွက်လပ် တစ်ခု” အမည်ရှိ ဆောင်းပါးတစ်ပုဒ်ကို ကျွန်တော် ရေးသားဖော်ပြခဲ့ပါသည်။ အဆိုပါဆောင်းပါးတွင် ကျွန်တော်က “မျိုးဆက်ပြတ်နေပြီဖြစ်သော အင်္ဂလိပ်စာ (စာနယ်ဇင်း) အရေးအသား ကျွမ်းကျင်သူများ၏နေရာတွင် အစားထိုး ဝင်ရောက်နိုင်မည့် လူငယ် စာနယ်ဇင်းသမားများ လိုအပ်လျက် ရှိနေပါသည်။ လူငယ်များက မိမိတို့ကိုယ်တိုင် အားထုတ် ကြိုးပမ်းကြဖို့လိုသလို လူကြီးများကလည်း မိမိတို့ထက် ပိုမိုစွမ်းဆောင်နိုင်မည့် မျိုးဆက်သစ် လူငယ်များကို စနစ်တကျ လေ့ကျင့်မွေးမြူပေးဖို့ လိုအပ်နေပါသည်။ ယနေ့ မြန်မာ စာ၊ နယ်၊ ဇင်း လောကမှ ပုဂ္ဂိုလ်များအနေနှင့် ပြည်တွင်းတွင် မိမိစာစောင် အောင်မြင်မှုရနေရုံ၊ အားပေးနေသူများ ရှိနေရုံမျှဖြင့် ကျေနပ်နှစ်သိမ့်မနေဘဲ မည်သည့်အခက်အခဲပင်ရှိရှိ၊ ယနေ့ မြန်မာနိုင်ငံအတွက် အမှန်တကယ် လိုအပ်နေသည့် ကွက်လပ်တစ်ခုကို  စာ၊ နယ်၊ ဇင်း လောကမှ ပုဂ္ဂိုလ်အသီးသီး၊ အခြားလူမှုအဖွဲ့အစည်းများနှင့် လူပုဂ္ဂိုလ်တစ်ဦးချင်း စသည်တို့က မဖြစ်မနေ ဝိုင်းဝန်း အကောင်အထည်ဖော် ဆောင်ရွက်ကြဖို့ လိုပါသည်။ သို့မှသာလျှင် ကျွန်တော်တို့သည် ကမ္ဘာ့ စာ၊ နယ်၊ ဇင်း လောကသို့ ထိုးဖောက် ဝင်ရောက်နိုင်ကြမည်ဖြစ်ပြီး ကမ္ဘာ့ပြည်သူများနှင့် ကမ္ဘာ့ခေါင်းဆောင်များ အနေနှင့် မြန်မာပြည်သူတွေ အကြောင်း၊ မြန်မာ့လူ့အဖွဲ့အစည်းအကြောင်း၊ မြန်မာ့ယဉ်ကျေးမှုအကြောင်း၊ မြန်မာ့နိုင်ငံရေးသမိုင်းနှင့် လက်ရှိဖြစ်ပေါ်နေသော လူမျိုးရေး၊ ဘာသာရေး အကြောင်းပြ နိုင်ငံရေး ပြဿနာများနှင့် ယင်းနိုင်ငံရေး ပြဿနာများကို ပြည်သူနှင့် အစိုးရတို့ မည်သို့ ဖြေရှင်းကြသည်ဆိုသည့် အကြောင်းများကို ထဲထဲဝင်ဝင် သိမြင်နိုင်ကြမည်ဖြစ်ကာ မလိုသူများ ပြောသမျှ ယုံကြည်ရသည့်အဖြစ်မှ မြန်မာ့အကြောင်း မြန်မာပြောမှ ယုံကြည်ရသည့်အဖြစ်ကို ရောက်လာမည်ဖြစ်ပါကြောင်း”ဟူ၍ ရေးသားခဲ့ပါသည်။

သို့ရာတွင် ယခုအခါ၌မူ ထိုကဲ့သို့ လူငယ်မျိုးဆက်သစ်များ မွေးထုတ်ရန်အချိန်မရှိတော့ပါ။ ပြုစုပျိုးထောင် လေ့ကျင့်ပေးရန် အချိန်မရှိတော့ပါ။ မြန်မာ့အကြောင်း ကမ္ဘာသိရှိရန်ကိစ္စမှာ အချိန်နှင့်အမျှ အရေးကြီးနေပြီ ဖြစ်ပါသည်။ ထို့ကြောင့် နိုင်ငံသားတစ်ဦးအနေနှင့် အကောင်းဆုံးဟု မိမိထင်မြင်ယူဆသည့် အကြံဉာဏ်တစ်ခုကိုတော့ ပေးလိုပါသည်။ ယခု အချိန်အခါတွင် အမြန်ဆန်ဆုံးနှင့် အထိရောက်ဆုံးသော တုံ့ပြန်နည်းတစ်ခုဖြစ်လိမ့်မည်ဟု ယုံကြည်ပါသည်။

ရခိုင်ပြည်နယ် မောင်တောဒေသ အရေးအခင်း ဖြစ်ပွားပေါ်ပေါက်သည့် ၂၀၁၇ ခုနှစ် အောက်တိုဘာလ ၂၅ ရက်နေ့ နောက်ပိုင်း ထုတ်ဝေခဲ့ကြသည့် နိုင်ငံပိုင်/ပုဂ္ဂလိကပိုင် သတင်းစာ၊ ဂျာနယ် အသီးသီးတွင် ဖော်ပြခဲ့ကြသော ရခိုင်ပြည်နယ် အရေးနှင့်ပတ်သက်သည့် ဆောင်းပါးအချို့ကို ရွေးချယ်၍ လက်ရှိ မီဒီယာလောကရှိ အင်္ဂလိပ်စာ ကျွမ်းကျင်သူများ၊ တစ်ချိန်က အောင်မြင်ခဲ့ကြသော ကျန်းမာရေး ကောင်းမွန်သည့် သက်ရှိထင်ရှား ဘာသာပြန် စာရေးဆရာကြီးများ၊ တက္ကသိုလ်များရှိ အင်္ဂလိပ်ဘာသာ ကျွမ်းကျင်သည့် ဆရာ/ဆရာမများ၊ အစိုးရဝန်ကြီးဌာနများတွင်ရှိသည့် အင်္ဂလိပ်စာ ရေးသားမှု ကျွမ်းကျင်သူများကို အသီးသီး တာဝန်များ ခွဲဝေပေး၍ ဘာသာပြန်ဆိုစေပြီးလျှင် ရခိုင်ပြည်နယ် အရေးကိစ္စအကြောင်း နိုင်ငံတကာကို အသိပေးသည့် စာအုပ်တစ်အုပ် ထုတ်ဝေသင့်ပါသည်။

အဆိုပါစာအုပ်တွင် လက်ရှိအခြေအနေ ဖြစ်ရပ်မှန်ကိုဖော်ပြသော ဆောင်းပါးများအပြင် ရခိုင်ပြည်နယ်တွင် ဘင်္ဂါလီလူမျိုးတို့ စတင် အခြေချလာပုံ၊ ထိုမှသည် ၎င်းတို့၏ ကြံစည်လုပ်ကိုင် ဆောင်ရွက်မှုများ၊ မြန်မာအစိုးရ အဆက်ဆက်က ဘင်္ဂါလီပြဿနာကို မည်သို့ ဖြေရှင်းဆောင်ရွက်ခဲ့ပုံမှသည် ယခုနောက်ဆုံး အကြမ်းဖက်သမားများနှင့် ပူးပေါင်းကာ လုံခြုံရေးတပ်ဖွဲ့၏ ကင်းစခန်းများကို တိုက်ခိုက်၊ အပြစ်မဲ့ပြည်သူများကို သတ်ဖြတ်ပြီးလျှင် အနောက်မီဒီယာအချို့ကို အသုံးချကာ ကမ္ဘာသို့ သတင်းမှားများကိုတင်ပြလျက် ကမ္ဘာ့နိုင်ငံများ၏ သနား ကရုဏာသက်မှုကို ရယူပုံအထိ ဖော်ပြသင့်ပါသည်။

ထိုကဲ့သို့ ရေးသားဖော်ပြရာတွင် ကမ္ဘာက လေးစားရသော သမိုင်း ပညာရှင် သို့မဟုတ် ဦးသန့်မြင့်ဦးတို့လို ပုဂ္ဂိုလ်မျိုး၏ အကူအညီကို ရယူဆောင်ရွက်ကာ နိုင်ငံတော်၏ အတိုင်ပင်ခံပုဂ္ဂိုလ်၏ အမှာစာဖြင့် ထုတ်ဝေ ဖြန့်ချိသင့်ပါသည်။ ပြန်ကြားရေး ပြည်ထောင်စုဝန်ကြီး၏ မေတ္တာရပ်ခံချက်အရ မြန်မာ့မီဒီယာလောကမှ သမ္ဘာရင့်၊ ဝါရင့် ပုဂ္ဂိုလ်ကြီးများ၏ ကောင်းမြတ်သော အကြံဉာဏ်များအကြားတွင် သာမန်ပြည်သူတစ်ယောက်၏ အကြံပေးမှုတစ်ခုသည် တိုး၍မပေါက်မည်ကို သိရှိသော်လည်း … ပြည်ထောင်စုသမ္မတ မြန်မာနိုင်ငံတော်အတွက် စေတနာ၊ မေတ္တာ များစွာဖြင့် … ၊ …။

သိန်းထက်အောင်