News

POST TYPE

PERSPECTIVE

မြန်မာနိုင်ငံကူး လက်မှတ် ရင်ဆိုင်ကျော်လွှား ဖြတ်သန်းခဲ့ရသည်များ
04-Oct-2017 tagged as

ကမ္ဘာ့ကုလသမဂ္ဂအဖွဲ့ဝင် နိုင်ငံပေါင်း ၁၉၅ နိုင်ငံရှိပါသည်။ မြန်မာနိုင်ငံ အပါအဝင် အရှေ့တောင်အာရှ နိုင်ငံများအဖွဲ့ အာဆီယံအဖွဲ့ဝင် နိုင်ငံပေါင်း ၁၁ နိုင်ငံရှိသည်။ အကြောင်းကိစ္စ အမျိုးမျိုးကြောင့် နိုင်ငံတစ်ခုမှ တစ်ခုသို့ တရားဝင် သွားလာရာတွင် နိုင်ငံကူးလက်မှတ် (Passport) ရှိရသည်။ သက်ဆိုင်ရာ နိုင်ငံခြားသံရုံးများမှ ကာယကံရှင်၏ နိုင်ငံကူး လက်မှတ်တွင် တာဝန်ရှိသူ သံရုံးတာဝန်ခံမှ လက်မှတ်ရေးထိုး၊ Seal တံဆိပ်ခတ်နှိပ် ထုတ်ပေးထားသော ပြည်ဝင်ပြည်ထွက်ဗီဇာ (Visa)ကို ယူကိုယူရပေသည်။ နိုင်ငံ တစ်နိုင်ငံနှင့်တစ်နိုင်ငံ ဗီဇာကင်းလွတ်ခွင့် အချင်းချင်း နားလည်မှု စာချွန်လွှာရေးထိုးထားသောနိုင်ငံများလည်း ရှိပါသည်။ အိမ်နီးချင်းနိုင်ငံများအကြား သက်ဆိုင်ရာ နိုင်ငံများ၏ လူဝင်မှုကြီးကြပ်ရေး (လဝက) အချင်းချင်း နားလည်မှုယူပြီး ရက်အပိုင်းအခြား ကန့်သတ်ကာ Passprot နှင့် Visa မပါဘဲ သွားလာခွင့်ပြုသည့် နိုင်ငံများလည်း ရှိနေပါသည်။

မြန်မာနိုင်ငံတွင် နိုင်ငံကူးလက်မှတ် (မနလ) ကို ထုတ်ပေးလျက်ရှိသော ပြည်နယ်နှင့်တိုင်းဒေသကြီးရှိ မြို့ကြီးများမှာ ရန်ကုန်မြို့၊ မော်လမြိုင်မြို့၊ ဘားအံမြို့နှင့် ထားဝယ်မြို့များဖြစ်ပါသည်။ သို့သော် ရန်ကုန်တိုင်းဒေသကြီးရှိ ရန်ကင်းမြို့နယ်ရှိ မြန်မာနိုင်ငံကူး လက်မှတ်ထုတ်ပေးရေး ရုံးသည် ယနေ့တိုင် တိုးမပေါက်အောင် လူစည်ကားများပြားလျက်ရှိပါသည်။ စာရေးသူ၏ ကိုယ်တွေ့အရ ပြောရလျှင် အကြောင်းကိစ္စ အမျိုးမျိုးအတွက် “မနလ” စာအုပ်ထုတ်ရန် လာသူများမှာ နေ့စဉ် ၂၀ဝ၀ ကျော်လျက်ရှိပါသည်။ “မနလ” စာအုပ် လာရောက် လျှောက်ထားသူ အများစုမှာ ပြည်ပတွင် အလုပ်လုပ်ရန် (Job Passport) လျှောက်ထားသူများ ဖြစ်ပါသည်။ “မြန်မာနိုင်ငံမှ နိုင်ငံခြားသို့ အလုပ်သမားပို့သည့် တရားဝင် လိုင်စင်ရှိသည့် အကျိုးဆောင် ကုမ္ပဏီများ လေး ငါးခု ဆုံသွားသည့်အခါမျိုးတွင် ရန်ကင်း မနလ ရုံးအတွင်း တိုးမပေါက် လူအုပ်တန်းများ ဒုနဲ့ဒေး ဖြစ်သွားတတ်သည်”ဟု အကျိုးဆောင် ကုမ္ပဏီ တာဝန်ခံလူငယ်တာဝန်ခံမှ စာရေးသူအား ပြောပြပါသည်။

နိုင်ငံအမျိုးမျိုးတွင် မိမိနိုင်ငံသားများအား ထုတ်ပေးနေသော နိုင်ငံကူးလက်မှတ် အမျိုးအစား အမျိုးမျိုး၊ အရောင် အမျိုးမျိုး ရှိပါသည်။ မြန်မာနိုင်ငံတွင် နိုင်ငံကူးလက်မှတ် (မနလ) ထုတ်ပေးနေသော ဌာနသည် ပြည်ထဲရေး ဝန်ကြီးဌာန လက်အောက်တွင် ရှိနေပါသည်။ လက်ရှိထုတ်ပေးနေသော “မနလစာအုပ်” အမျိုးအစားမှာ ၉ မျိုး ရှိပါသည်။ ယင်းတို့မှာ (၁) စီးပွားရေး လုပ်ငန်းများအား ထုတ်ပေးသော မနလ (Business Passport (PB)၊ (၂) အလုပ်အကိုင်အတွက် ထုတ်ပေးသော မနလ (Job Passport (PJ)၊ (၃) မှီခိုသူအနေနဲ့ ထုတ်ပေးသော မနလ (Dependent Passport (PD)၊ (၄) ဘာသာရေးဆိုင်ရာ မနလ (Religious Passport (PR)၊ (၅) သင်္ဘောသား မနလ (Seaman Passport (PS)၊ (၆) ကျောင်းသားမနလ (Student Passport (PE)၊ (၇) အလည် အပတ်မနလ (Visit Passport)၊ (၈) သံတမန် မနလ (Diplomatic Passport (PD)၊ (၉) အစိုးရအရာရှိများအား ထုတ်ပေးသော မနလ (Official Passport (PO) ဟူ၍ ခွဲခြားသတ်မှတ်ထားပါသည်။ 

အထက်ပါ မနလစာအုပ် အမျိုးအစား ၉ မျိုးအနက် မြန်မာနိုင်ငံသားများ အများစုအတွက် ထုတ်ပေးနေသော မနလ စာအုပ်၏ အရောင်မှာ အနီရောင်ဖြစ်ပါသည်။ သံတမန်များအတွက် ထုတ်ပေးထားသော အရောင်မှာ မနလ အပြာရောင်ဖြစ်ပါသည်။ ဌာနဆိုင်ရာ အစိုးရအရာရှိများအား ထုတ်ပေးနေသော မနလ စာအုပ်အရောင်မှာ အစိမ်းရောင် ဖြစ်ပါသည်။ ထိုအစိမ်းရောင် စာအုပ်မှာ ဌာနဆိုင်ရာမှ အငြိမ်းစား ယူသည့်အခါ ပြန်လည် အပ်နှံရပါသည်။ 

စာရေးသူသည် တစ်ချိန်က ရေကြောင်း အင်ဂျင်နီယာ တစ်ဦးအနေနှင့် ပြည်ပ ပင်လယ်ကူး သင်္ဘောကြီးပေါ်တွင် တာဝန်ထမ်းခဲ့စဉ်က သင်္ဘောသား မနလစာအုပ်ကို ကိုင်ဆောင်ခဲ့ရပါသည်။ ယခု ထိုစာအုပ်ကို ပြန်လည် အပ်နှံခဲ့ပြီး အလည်အပတ်အတွက် ထုတ်ပေးသော မနလ စာအုပ်ကို လျှောက်ရန် ရန်ကင်း မနလရုံးသို့ ကိုယ်တိုင် သွားရောက်ခဲ့ပါသည်။ မနလ ရုံးတွင်းသို့ဝင်လျှင် ရုံးအဝတွင် လဝကဌာနမှ ထုတ်ပေးသော သန်းခေါင်စာရင်း မူရင်းနှင့် မှတ်ပုံတင် မူရင်းတို့ကို ပြခဲ့ရပါသည်။ မနလရုံး မြေညီထပ်တွင် “အသိပေးကြေညာချက်”တစ်ခုကိုတွေ့၍ ဖတ်ကြည့်ရာ “ရဟန်းသံဃာတော်များ၊ သီလရှင်များ အသက် ၆၀ နှင့်အထက် သက်ကြီးရွယ်အိုများ၊ ကိုယ်လက်အင်္ဂါ မသန်စွမ်းသူများ၊ ရင်ခွင်ပိုက် ကလေးငယ်များနှင့် ကိုယ်ဝန်ဆောင် မိခင်များကို ရုံး၏ ပထမထပ်၌ သီးသန့် ဆောင်ရွက်ပေးလျက် ရှိပါသည်”ဟူ၍ ရေးသားထားသည်ကို တွေ့ရပါသည်။ မြေညီထပ်တွင် ဓာတ်လှေကားတစ်ခုကို တွေ့ခဲ့ရသော်လည်း ပြည်သူလူထု အသုံးပြုရန်အတွက် မဟုတ်ဘဲ “ဓာတ်လှေကားအား ပြန်တမ်းဝင် အရာရှိများကိုသာ သုံးစွဲခွင့်ပြုသည်။ အခွင့်မရှိ မသုံးစွဲရ”ဟူသော သတိပေးစာတန်းတစ်ခုအား တွေ့ခဲ့၍ အံ့ဩမိရပြန်သည်။ 

မြန်မာနိုင်ငံကူးလက်မှတ် (မနလ) လျှောက်ထားသူတိုင်းသည် ပထမဦးစွာ စစ်ဆေးခံယူရသည့်ဌာနသည် မနလရုံးတွင်းရှိ လူဝင်မှုကြီးကြပ်ရေးဌာန (လဝက) ဌာနဖြစ်ပါသည်။ ထိုလဝက ဌာနဘက်သို့ စာရေးသူ ရောက်ရှိခဲ့ရာ “မြန်မာနိုင်ငံကူး လက်မှတ် လျှောက်ထားသူများ သတိပြုလိုက်နာရန်”ဖော်ပြထားသော အချက်များကို တွေ့ရပါသည်။ “ဖုန်းကင်မရာဖြင့်သော်လည်းကောင်း၊ ဗီဒီယိုကင်မရာဖြင့်သော်လည်းကောင်း ရိုက်ကူးခွင့် မပြု”ဟူသော သတိပေးစာတန်း ဖော်ပြထား၍ စာရေးသူလည်း အများပြည်သူလူထု သိရှိစေရန် လက်ရေးဖြင့် ကူးယူခဲ့ရပါသည်။ ယင်းသတိပေးချက်များမှာ “မနလ လျှောက်ထားသူများသည် သန်းခေါင်စာရင်းနှင့် မှတ်ပုံတင်များကို မဟုတ်မမှန် ဖော်ပြခြင်း၊ အတုပြုလုပ်ခြင်းနှင့် လက်ဝယ် ကိုင်ဆောင်ခြင်းတို့ကို စိစစ်တွေ့ရှိခဲ့ပါက မြန်မာနိုင်ငံသား ဥပဒေဆိုင်ရာ လုပ်ထုံးလုပ်နည်း အပိုဒ် (၃၇) အရ ပုဒ်မ ၄၂၀၊ ၄၆၈၊ ၄၇၁၊ ၁၀၉ တို့အရ အရေးယူခြင်း ခံရမည်”ကို သတိပေးဖော်ပြ ထားပေသည်။ 

“မနလ” စာအုပ် လျှောက်ထားသူတိုင်း၏ မူရင်းသန်းခေါင်စာရင်းနှင့် မူရင်း မှတ်ပုံတင်များကို စိစစ်နေသည့် လူဝင်မှုကြီးကြပ်ရေး (လဝက) ဌာနတွင် ကောင်တာခွဲ ၉ ခု ရှိပါသည်။ “လဝကအခေါ် တိုင်းရင်းသားလူမျိုး ၁၃၅ မျိုးစာရင်းတွင် မပါရှိသော ဗုဒ္ဓဘာသာဝင် မဟုတ်သော ဟိန္ဒူဘာသာဝင်၊ ခရစ်ယာန်ဘာသာဝင်နှင့် အစ္စလာမ်ဘာသာဝင်များ၏ သန်းခေါင်စာရင်းနှင့် မှတ်ပုံတင်များကို စိစစ်ရန် ထိုကောင်တာ ၉ ခုအနီးတွင် လဝက ဦးစီးအရာရှိ တစ်ဦးနှင့်အတူ ရုံးအကူ ၂ ဦးကို တွေ့ရပြန်သည်။ “မနလ”စာအုပ် လာရောက် လျှောက်ထားသူသည် လူမျိုး ၁၃၅ မျိုး စာရင်းဝင်လည်း ဖြစ်၊ ဗုဒ္ဓဘာသာဝင်ဖြစ်ပါက ၅ မိနစ်အတွင်း လဝက ဦးစီး၏ စိစစ်မှုကို ခံယူပြီး ငွေသွင်းချလန်တစ်ခုကို ရရှိမည်ဖြစ်ပါသည်။ စာရေးသူသည် လူမျိုးနွယ်ဝင် ၁၃၅ plus မျိုးနွယ်ဝင်ဖြစ်သဖြင့် ကောင်တာခွဲ ၉ ခုတွင် စိစစ်ခံခွင့် မရခဲ့ပေ။ ထို့ကြောင့် စာရေးသူနှင့် ဘဝတူ မနလ လျှောက်ထားသူများ၏ ဧရာမ လူတန်းရှည်ကြီးတွင် ဝင်ရောက် တန်းစီရပါတော့သည်။ တိုင်းရင်းသားလူမျိုး ၁၃၅ မျိုးစာရင်းထဲ မပါသူများကို လဝကနှင့် မနလ တာဝန်ရှိသူများက ခေတ်အဆက်ဆက်ကတည်းကစ၍ ယနေ့တိုင် သွေးနှောများဟူ၍ ခွဲခြားသတ်မှတ်လေ့ ရှိပါသည်။ ကမ္ဘာ့ကုလသမဂ္ဂ အဖွဲ့အစည်းကြီးက “ကမ္ဘာ့လူသားမျိုးနွယ်ဝင်များ အားလုံးသည် သွေးနှောများ ဖြစ်သည်။ သွေးမနှောသည့် လူသားဟူ၍ ယနေ့ အချိန်အခါတွင် မရှိတော့ပြီ”ဟူ၍ တရားဝင် ထုတ်ပြန်ထားသည်မှာ အထင်အရှားပင် ဖြစ်သည်။ 

သွေးနှောနိုင်ငံသား အများနည်းတူ စာရေးသူသည် မနက် ၁၀ နာရီမှစ၍ တန်းစီစောင့်နေရာ ညနေ ၃ နာရီတွင် “လဝက”ဦးစီးဌာန ဝင်ပေါက်တံခါးဝသို့ ရောက်ရှိခဲ့ပါသည်။ မနလရုံး တာဝန်ကျ လဝကဦးစီး အရာရှိသည် သွေးနှောစာရင်းဝင် မနလ လျှောက်ထားသူများ၏ မူရင်း သန်းခေါင်စာရင်းနှင့် မှတ်ပုံတင်များကို (၁) ကွန်ပျူတာထဲရှိ အချက်အလက်များနှင့် တိုက်ဆိုင်စစ်ဆေးခြင်း၊ (၂) ဓာတ်မီးဖြင့်ထိုး၍ စစ်ဆေးခြင်း၊ (၃) အချို့ကို သက်ဆိုင်ရာ လဝကမြို့နယ် ဦးစီးရုံးသို့ ကိုယ်တိုင် ဖုန်းဆက်၍ မေးမြန်း အတည်ပြုချက် ရယူခြင်း စသည်တို့ဖြင့် စိစစ်ကာ ဆောင်ရွက်လျက် ရှိသည်ကို တွေ့ရပါသည်။ အချို့ မနလစာအုပ် အကျိုးဆောင် ပွဲစားများသည် အခြေအနေပေးရင် ပေးသလို “လဝက” ဦးစီးရုံးထဲသို့ အကြိမ်ကြိမ် ဝင်ထွက်သွားလာနေကြသည်ကိုလည်းကောင်း၊ တာဝန်ကျ ရဲများသည်လည်း မိမိနှင့် လက်ဝါးချင်းရိုက်ထားသူများ ခေတ်စကားအရ “ရေလောင်းထားသူများအား အပြေးအလွှား ပါးပါးနပ်နပ် အကျိုးတူ ဆောင်ရွက်ပေးနေသည်ကို စာရေးသူတွေ့ခဲ့ပြီး ဒေါသအနည်းငယ် ထွက်ခဲ့ရပါသည်။ 

၃ နာရီကျော်တွင် စာရေးသူ အလှည့်ရောက်ပြီး လဝကဦးစီးမှစိစစ်ကာ အမည်နှင့် မှတ်ပုံတင်အမှတ်တို့ကိုမေးပြီး ငွေသွင်းရန် ချလန်အတွက် ၂၀ဝ၀ ကျပ်ကို ပထမဦးစွာ ပေးခဲ့ရပါသည်။ ထို့နောက် မနလရုံးတွင်းရှိ မြန်မာ့စီးပွားရေး ဘဏ်တွင် ငွေ ၂၅၀ဝ၀ ကျပ်ကို ထပ်မံ သွင်းခဲ့ရပြန်သည်။ ထိုငွေသွင်းချလန်ဖြင့် မနလစာအုပ် လျှောက်လွှာရယူရန် နာရီဝက်ကျော်၊ မူရင်း သန်းခေါင်စာရင်းနှင့် မူရင်း မှတ်ပုံတင်တို့ကိုပြ၍ ထုတ်ယူခဲ့ရပါသည်။ လျှောက်လွှာမှာ စာရေးသူ ပထမဆုံး နိုင်ငံခြားသို့ သွားခဲ့စဉ်ကလိုမျိုး စာရွက် အများအပြား မဟုတ်ဘဲ နှစ်မျက်နှာသာ ရှိပါတော့သည်။ ထို မနလ ဖောင်ကိုဖြည့်ပြီးလျှင် ဓာတ်ပုံရိုက် လက်ဗွေနှိပ်သည့် အခန်းများအနက် အဆင်ပြေရာ အခန်းတစ်ခုထဲဝင်ပြီး မနလ ဓာတ်ပုံ ရိုက်ခံခဲ့ပါသည်။ မနလစာအုပ် ထုတ်ယူရန် ချလန်စာရွက်လေး တစ်ခု ပေးပါသည်။ ငွေ ၃၀ဝ၀ ကျပ် ပေးခဲ့ရပါသည်။ 

ရက်သတ္တပတ် နှစ်ပတ်ခန့်ကြာသောအခါ ချလန်စာရွက်ပြ၊ မှတ်ပုံ တင်ပြ၊ သန်းခေါင်စာရင်း မူရင်းများပြကာ မနလရုံးအတွင်း ဝင်ရောက်ကာ ဒုတိယထပ်ရှိ မနလစာအုပ် ထုတ်ပေးသည့် ကောင်တာတွင် အဆိုပါချလံကို ထပ်ထားပြီး နာရီဝက်ကြာ စောင့်ခဲ့ရပါသည်။ ထို့နောက် တာဝန်ကျ အမျိုးသမီးမှ ဖောင်စာရွက်တစ်ခုကို ဖြည့်ခိုင်းပါသည်။ မူရင်း အထောက်အထားများကို ယူကြည့်ပါသည်။ နာရီဝက်ခန့်ကြာ စောင့်ခိုင်းပါသည်။ ထို့နောက် စောင့်နေသူများ အားလုံးထံမှ ငွေ ၃၀ဝ၀ ကျပ်စီ တောင်း၍ မနလစာအုပ် အဖုံးကာဗာ အနီရောင်တစ်ခုကို ပေးပါသည်။ ပြီးလျှင် တာဝန်ကျ ရဲသားတစ်ဦးက ထိုစောင့်နေသူ သွေးနှော သတ်မှတ်ခံရသူ အားလုံး၏ မူရင်းများကိုယူပြီး စောင့်နေသူများက သူ့နောက်ကို လိုက်သွားခဲ့ရပါသည်။ ဌာနစု (၂) မှူး ရာထူးရှိရာ ရဲမှူးကြီးရှိရာသို့ ထိုမနလ လျှောက်ထားသူများ၏ မူရင်းများနှင့်အတူ မနလ စာအုပ်များကို ပေးအပ်လိုက်ပါသည်။ သွေးနှောဆိုသူများ အားလုံး ထိုရဲမှူးနှင့် တွေ့ရပါသည်။ ကာယကံရှင်၏ နာမည်၊ ဖခင်အမည်၊ မွေးရပ်တို့ကို မေးပါသည်။ ထို့နောက် တာဝန်ကျရဲသားမှ မနလ လျှောက်ထားသူများ၏ မနလစာအုပ်များနှင့်အတူ မူရင်းသန်းခေါင် စာရင်းနှင့် မူရင်း မှတ်ပုံတင်များကို နာမည်ခေါ်၍ ပေးခဲ့ပါသည်။ မနလစာအုပ် စာရေးသူ လက်ဝယ် ရရှိခဲ့သည့်အခါ စာရေးသူ ကုန်ဆုံးခဲ့ရသော အချိန်ပေါင်းမှာ ၃ နာရီခန့်ဖြစ်ပါသည်။ 

ယခုအခါ စာရေးသူတို့ အိမ်နီးချင်း တိုင်းပြည်များနှင့် အာဆီယံနိုင်ငံ ၁၀ နိုင်ငံတို့တွင် နိုင်ငံကူးလက်မှတ် တစ်ခုကို အချိန် ၁ နာရီအတွင်း လျှောက်ထားပြီး လက်ဝယ်သို့ ရရှိနေသော အခြေအနေ နည်းပညာခေတ်ကြီးဖြစ်ပါသည်။ မြန်မာနိုင်ငံကူး မနလ Seaman Passport ဖြင့် ၂၀ဝ၀ ခုနှစ်တွင် ရေကြောင်း အရာရှိအနေနှင့် အလုပ်လုပ်ခဲ့ပြီး ၁၀ ရာခိုင်နှုန်း အခွန်လည်း ပေးခဲ့ပြီးဖြစ်ပါသည်။ ဒုတိယအကြိမ် မနလစာအုပ် လျှောက်ထားသည့်အခါ စောင့်ဆိုင်းခဲ့ရသည့် အချိန်များကို နှမြောမိသည်။ မြန်မာနိုင်ငံသား မိဘ ဘိုးဘွားမှ မွေးဖွားသော မြန်မာနိုင်ငံ၏ အဆင့်မြင့် နည်းပညာ တက္ကသိုလ်မှ စက်မှုအင်ဂျင်နီယာဘွဲ့၊ ရေကြောင်းအရာရှိ ဒီပလိုမာ (MOT - Second Class Part A) လက်မှတ်ရထားပြီး သိမ်ဖြူသင်္ဘောကျင်းတွင် ၃ နှစ်ခန့် တာဝန် ထမ်းဆောင်ခဲ့ဖူးသူ စာရေးသူတို့လို မြန်မာနိုင်ငံသား စစ်စစ်ကိုပင် ခွဲခြားဆက်ဆံပြီး မနလစာအုပ် ထုတ်ပေးနေခြင်းမျိုးကို ကမ္ဘာ့နိုင်ငံ အများအပြားက သိရှိခဲ့ပါက မြန်မာနိုင်ငံ အစိုးရ၏ပုံရိပ် ကျဆင်းတော့မည်ကို စာရေးသူ ထင်မြင်မိပါသည်။ မြန်မာနိုင်ငံသား ဖြစ်၊ မဖြစ် စိစစ်သင့်သူကို စိစစ်နေသည်ကို လက်ခံပေးရပါမည်။ “မမှားသော ရှေ့နေ၊ မသေသော ဆေးသမား”ဟူ၍ လောက၌ မရှိပြီ။ “ပြင်ဆင်သင့်သည့် အရာများထဲတွင် မိမိနိုင်ငံ၊ မိမလူမျိုး၊ မိမိနိုင်ငံသားများ ဖွံ့ဖြိုးတိုးတက်ရေးအတွက် မိမိတို့၏ သံချေးတက်နေသော လုပ်ရပ်များ၊ အတွေးအခေါ်များကို ယခုအချိန်မှ ပြင်ဆင်ကြပါစို့”ဟု အကြံပြုတိုက်တွန်းလိုက်ရပါသည်။ 

ဂျက်ဖရီတင်အုန်း (ရန်ကုန်စက်မှုတက္ကသိုလ်)

  • TAGS