News

POST TYPE

PERSPECTIVE

တပ်မတော်ရဲ့ ခြေလှမ်းသစ်
12-Aug-2017 tagged as တပ်မတော်

စိုးရိမ်မှုတွေ မြင့်တက်လာနေတဲ့ အနောက်တံခါး လုံခြုံရေးနဲ့ ပတ်သက်ပြီး အစိုးရဘက်က လိုအပ်တဲ့ အစီအမံတွေ ဆောင်ရွက်ထားကြောင်း သမားရိုးကျ ဖြေရှင်းချက်တွေပဲ ပေးနေတဲ့ အချိန်မှာပဲ တပ်မတော်က သမားရိုးကျ မဟုတ်တဲ့ ခြေလှမ်းသစ်တစ်ခုကို လှမ်းလိုက်ပါတယ်။ အဲဒါကတော့ ရခိုင်တိုင်းရင်းသားတို့ရဲ့ အင်အားအကြီးဆုံး နိုင်ငံရေးပါတီဖြစ်တဲ့ ရခိုင်အမျိုးသားပါတီ ANP ထိပ်ပိုင်းခေါင်းဆောင်တွေနဲ့ တိုက်ရိုက်တွေ့ဆုံဆွေးနွေးတဲ့ အကြောင်းပဲ ဖြစ်ပါတယ်။ 

ရခိုင်အမျိုးသားပါတီ ANP ဟာ ပါတီတွေ ပေါင်းစည်းတာ ပြန်လည်လမ်းခွဲတာ စတဲ့ သမိုင်းကြောင်းတွေ ရှိပေမယ့် လတ်တလော အခြေအနေမှာတော့ ရခိုင်ပြည်နယ်လွှတ်တော်မှာ အမတ်အင်အား အများစုရထားတဲ့ ပါတီဖြစ်ပါတယ်။ တိုင်းဒေသကြီးနဲ့ ပြည်နယ်ဆယ့်လေးခုအနက် အမျိုးသားဒီမိုကရေစီအဖွဲ့ချုပ် NLD အနေနဲ့ အမတ်နေရာ အများစု ဆုံးရှုံးခဲ့တဲ့ တစ်ခုတည်းသော ပြည်နယ်ဟာ ရခိုင်ပြည်နယ် ဖြစ်ပါတယ်။ အမျိုးသားရင်ကြားစေ့ရေး ကြွေးကြော်သံနဲ့ ရွေးကောက်ပွဲ ဝင်လာခဲ့တဲ့ NLD ပါတီဟာ အမတ်နေရာအများစု အနိုင်ရတဲ့ ANP ပါတီရဲ့ ပြည်သူလူထု အားပေးထောက်ခံမှုကို လျစ်လျူရှုပြီး အခြေခံဥပဒေက ပေးအပ်ထားတဲ့ အာဏာကို အပြည့်အဝ ကျင့်သုံးကာ ပြည်နယ်ဝန်ကြီးချုပ်ကို NLD စိတ်ကြိုက် ခန့်အပ်ခဲ့လို့ NLD ရဲ့ တိုင်းရင်းသားတွေအပေါ်ထားတဲ့ သဘောထားကို မေးခွန်းထုတ်စရာ ဖြစ်ခဲ့ပါသေးတယ်။ တိုင်းရင်းသားတို့ တန်းတူညီမျှခွင့်နဲ့ ဖက်ဒရယ်ပြည်ထောင်စုကို ရည်မှန်းထားတယ်ဆိုတဲ့ အမျိုးသားဒီမိုကရေစီအဖွဲ့ချုပ် အနေနဲ့ အခြေခံဥပဒေက နိုင်ငံတော်သမ္မတကို အပ်နှင်းထားတဲ့ ပြည်နယ်ဝန်ကြီးချုပ်များ ခန့်အပ်ပိုင်ခွင့်အရ သက်ဆိုင်ရာ ဒေသခံ အင်အားကြီးပါတီကို နေရာပေးလိမ့်မယ်လို့ မျှော်လင့်မိခဲ့ကြပေမယ့်လည်း အခြေခံဥပဒေက ပေးအပ်တဲ့ အခွင့်အာဏာကိုပဲ အပြည့်အဝ ကျင့်သုံးပြီး အမတ်အများစု ရွေးကောက်ခံရတဲ့ တိုင်းရင်းသားပါတီကြီးရဲ့ လူထုထောက်ခံမှုကို လျစ်လျူရှုခဲ့တာ ဖြစ်ပါတယ်။

နိုင်ငံတော်ရဲ့ အမျိုးသားလုံခြုံရေးဆိုင်ရာ ကိစ္စရပ်များနဲ့ ပတ်သက်ပြီး လက်ရှိ NLD အစိုးရလက်ထက်မှာ နိုင်ငံတော်ကာကွယ်ရေးနဲ့ လုံခြုံရေးကောင်စီ NDSC အစည်းအဝေးကို တစ်ကြိမ်မှ ခေါ်ယူခဲ့ဖူးခြင်း မရှိကြောင်း ပြည်သူ့လွှတ်တော်ဥက္ကဋ္ဌက သတင်းစာရှင်းလင်းပွဲ တစ်ခုမှာ ဖြေကြားဖူးပါတယ်။ အဲဒီဖြေကြားချက် နောက်ပိုင်းမှာလည်း NDSC အစည်းအဝေး ခေါ်ယူကျင်းပကြောင်း ကြားသိခဲ့ရတာ မရှိခဲ့သေးပါဘူး။ လုံခြုံရေးဆိုင်ရာ အရေးပေါ်အခြေအနေမျိုး ဖြစ်မှသာ လုံခြုံရေး အထူးအစည်းအဝေး ဆိုတာမျိုးကို အစိုးရက ဦးဆောင်ပြီး တစ်ခါတစ်ရံ ခေါ်ယူကျင်းပနေတာ တွေ့ရပါတယ်။ နိုင်ငံတော်ရဲ့ အုပ်ချုပ်ရေးနဲ့ ဥပဒေပြုရေး မဏ္ဍိုင်အကြီးအကဲတွေ၊ တပ်မတော် ထိပ်တန်းအရာရှိကြီးတွေနဲ့ ဖွဲ့စည်းထားတဲ့ NDSC ကို ပုံမှန်ခေါ်ယူစည်းဝေးတာမျိုး မလုပ်ဘူးဆိုရင် စဉ်ဆက်မပြတ် ဆောင်ရွက်နေရတဲ့ နိုင်ငံတော်ရဲ့ လုံခြုံရေး ကိစ္စတွေကို ဘယ်လိုများ ညှိနှိုင်းတိုင်ပင်ကြသလဲ ဆိုတာလည်း မေးခွန်းထုတ်စရာ တစ်ခု ဖြစ်နေပါတယ်။ အစိုးရရဲ့ မူဝါဒများနဲ့အညီ တာဝန်ထမ်းဆောင်လျက် ရှိနေကြောင်း တပ်မတော်က စဉ်ဆက်မပြတ် ပြောကြားနေပေမယ့် နိုင်ငံတော် လုံခြုံရေးဆိုင်ရာ ကိစ္စတွေနဲ့ ပတ်သက်ပြီး သတင်းထုတ်ပြန်သလောက်သာ ပြည်သူတွေ သိခွင့်ရတဲ့ လုံခြုံရေး အထူးအစည်းအဝေး ဆိုတာတွေနဲ့တင် သက်ဆိုင်ရာ နိုင်ငံတော်လူကြီးမင်းများ ဟန်ချက်ညီ ပူးပေါင်းဆောင်ရွက်နေနိုင်ကြပါပြီလား ဆိုတာလည်း စိတ်ဝင်စားစရာ ကောင်းပါတယ်။ 

သြဂုတ်လ ကိုးရက်နေ့က ကျင်းပခဲ့တဲ့ ANP ခေါင်းဆောင်များနဲ့ တပ်မတော် ကာကွယ်ရေးဦးစီးချုပ်တို့ တွေ့ဆုံဆွေးနွေးပွဲဟာ အထက်က ပြောခဲ့တဲ့ အစိုးရ ဦးဆောင်တဲ့ လုံခြုံရေး အထူးအစည်းအဝေးတွေနဲ့တင်  မလုံလောက်ကြောင်း သက်သေပြလိုက်သလိုပါပဲ။ တပ်မတော် အနေနဲ့လည်း နိုင်ငံတော်လုံခြုံရေး ကိစ္စတွေအတွက် NDSC အစည်းအဝေးကို ပုံမှန်ကျင်းပပြီး စဉ်ဆက်မပြတ် တိုင်ပင်ညှိနှိုင်း ပူးပေါင်းဆောင်ရွက်လိုကောင်းလိုမှာ ဖြစ်ပေမယ့် ဒီကိစ္စနဲ့ ပတ်သက်ပြီး လူသိရှင်ကြား ပြောဆိုတာမျိုး၊ သတင်းစကား ပါးတာမျိုးတော့ မလုပ်ခဲ့ပါဘူး။ အစိုးရရဲ့ သတင်းထုတ်ပြန်ချက်တွေအရ လုံခြုံရေးဆိုင်ရာ အထူးအစည်းအဝေးတွေမှာ တပ်မတော်က တက်တက်ကြွကြွ တက်ရောက်နေတာ တွေ့ရပြီး တပ်မတော် ခေါင်းဆောင်များကလည်း နိုင်ငံတော် အကြီးအကဲများကို စစ်သားတို့ရဲ့ လေးစားရိုသေမှုမျိုးနဲ့ ဆက်ဆံနေခဲ့ကြတာကို သတင်းထုတ်ပြန်ချက်များမှာ သတိထားမိပါတယ်။

တပ်မတော် ကာကွယ်ရေးဦးစီးချုပ်က ရခိုင်အမျိုးသားပါတီ ထိပ်တန်းခေါင်းဆောင်တွေနဲ့ တွေ့ဆုံဆွေးနွေးနေတဲ့ တစ်ရက်တည်းမှာပဲ ပြည်ထောင်စု အစိုးရအဖွဲ့မှာလည်း နိုင်ငံတော်အတိုင်ပင်ခံပုဂ္ဂိုလ် ဦးစီးပြီး ရခိုင်ပြည်နယ် လုံခြုံရေး အစည်းအဝေးကို ကျင်းပခဲ့တာ ဖြစ်ပါတယ်။ အစည်းအဝေး နှစ်ခုလုံးရဲ့ သတင်းထုတ်ပြန်ချက်ထဲမှာပါတဲ့ တက်ရောက်သူများ စာရင်းအရ ပြည်ထောင်စုအစိုးရရဲ့ အစည်းအဝေးမှာ တပ်မတော်ဝန်ကြီး သုံးဦး၊ ပြည်ထောင်စုဝန်ကြီးအချို့၊ လုံခြုံရေးဆိုင်ရာ အကြံပေးပုဂ္ဂိုလ်၊ ခေတ္တရဲချုပ်၊ ရခိုင်ပြည်နယ် နယ်လုံဝန်ကြီး၊ ရခိုင်ပြည်နယ် လူမှုရေးဝန်ကြီးတို့ ပါဝင်ကြောင်း သိရပြီး တပ်မတော်ဘက်က အစည်းအဝေးမှာတော့ ရခိုင်အမျိုးသားပါတီ ခေါင်းဆောင်များနဲ့ တပ်မတော်ရဲ့ အဆင့်အမြင့်ဆုံး ထိပ်တန်းအရာရှိကြီး သုံးဦးနဲ့အတူ အခြားအရာရှိကြီး နှစ်ဦး တက်ရောက်တာကို တွေ့ရပါတယ်။ 

ရခိုင်ဒေသ တည်ငြိမ်ရေးနဲ့ ဖွံ့ဖြိုးတိုးတက်ရေးအတွက် ရခိုင်တိုင်းရင်းသားပါတီကြီး တစ်ခုနဲ့ အခုလို တိုက်ရိုက်ဖိတ်ခေါ် တွေ့ဆုံဆွေးနွေးခြင်းရဲ့ ပါးလိုတဲ့ သတင်းစကားက ဘာများဖြစ်မှာပါလိမ့်။ သေချာတာကတော့ ပြည်ထောင်စုအစိုးရ ဦးစီးဆောင်ရွက်နေတဲ့ လုံခြုံရေးဆိုင်ရာ ပေါင်းစပ်ညှိနှိုင်းမှုတွေ မလုံလောက်ဘူး ဆိုတာကို လှစ်ဟဖော်ပြလိုက်တာပါပဲ။ ဒါ့အပြင် တပ်မတော် အနေနဲ့ ပြည်ထောင်စုအစိုးရရဲ့ ဦးဆောင်မှုကို အပြည့်အဝ ခံယူလိုက်နာ ပူးပေါင်းဆောင်ရွက်နေတဲ့ တစ်ချိန်တည်းမှာပဲ နိုင်ငံတော်လုံခြုံရေးအတွက် မိမိတို့ သင့်လျော်ကောင်းမွန်မယ်လို့ ယူဆတဲ့ နည်းလမ်းများနဲ့လည်း အခြားပူးပေါင်းဆောင်ရွက်မှုများကို ဆက်လက်လုပ်ဆောင်သွားမယ်လို့ သတင်းစကား ပါးလိုတာလည်း ဖြစ်နိုင်ပါတယ်။ သြဂုတ်လ ၉ ရက်မှာ ကျင်းပခဲ့တဲ့ ပြည်ထောင်စုအစိုးရနဲ့ တပ်မတော်တို့ရဲ့ အစည်းအဝေးများအပြီး လာလတ္တံ့သော အချိန်များမှာ ဖြစ်ပေါ်လာမယ့် ရခိုင်ဒေသ လုံခြုံရေးဆိုင်ရာ အရေးယူဆောင်ရွက်မှုများ မည်သို့မည်ပုံ ထူးခြားပြောင်းလဲလာမလဲ ဆိုတာကတော့ စိတ်ဝင်တစား စောင့်ကြည့်ရမယ့် အခြေအနေ ဖြစ်ပါကြောင်း . . .။

ဗိုလ်ကောင်း