News

POST TYPE

PERSPECTIVE

တကယ်ချစ်ရင် တကယ်လုပ် အဟုတ်ဖြစ်ရမည်
ဗိုလ်ချုပ်လက်ထက်ရောက်တော့ မြို့ကလူထုကလည်း ကြည်ညိုတာပဲ။ တောက လူငယ် လူကြီးတွေကလည်း ကြည်ညိုတာပဲ။ မြန်မာပြည်မကပင် မဟုတ်ဘဲ မြန်မာနိုင်ငံမှာရှိတဲ့ တိုင်းရင်းသား သွေးချင်းများဖြစ်တဲ့ ချင်း၊ ကချင်၊ ကရင်၊ ရှမ်း အစရှိတဲ့ ဒီတိုင်းရင်းသားတွေဟာ ဗိုလ်ချုပ်ကို ယုံကြည်တယ်။ အားကိုးတယ်။ ကြည်ညိုတယ်ဆိုတာ အထင်အရှား တွေ့ခဲ့တယ်။ အဲဒီတော့ ဗိုလ်ချုပ်ကို တစ်နိုင်ငံလုံးမှာရှိတဲ့ ကလေး လူကြီးပါမကျန် အကုန်လုံး အုံကြွပြီးတော့ အကြည်ညိုခံနေရတယ်ဆိုတာ ကျွန်တော်တို့တစ်သက်မှာ တစ်ခါမှ မတွေ့ဖူးဘူး။ 

ဗိုလ်ချုပ်ရဲ့ အခြေအနေဟာ ဘယ်လောက်အထိ ဖြစ်နေသလဲဆိုရင် ကျွန်တော်တို့ မြန်မာရာဇဝင် နှစ်ပေါင်း နှစ်ထောင်ကျော်လောက်ရှိတဲ့အထဲမှာ ၄ ကြိမ်လောက်သာ ပေါ်ဖူးသေးတယ်။ ဒီလိုပေါ်ဖူးတဲ့ အဖြစ်အပျက်မျိုးဟာ ယခု ဗိုလ်ချုပ်ရဲ့လက်ထက်မှာ လာဖြစ်တယ်။ မြန်မာရာဇဝင်ကို ပြန်ကြည့်လျှင် ဟိုကတစ်မင်း။ ဒီက တစ်မင်း။ ဟိုက တစ်ဗိုလ်။ ဒီက တစ်ဗိုလ်။ ရွာကလေးတစ်ရွာနဲ့ တစ်ရွာလည်း လူစွမ်းကောင်း လုပ်နေတယ်။ 

ဘယ်တော့မှ တစ်နိုင်ငံလုံး စည်းစည်းလုံးလုံး ညီညီညွတ်ညွတ် ရှိခဲ့တာ မဟုတ်ဘူး။ မြန်မာပြည်ကို စည်းစည်းလုံးလုံး ညီညီညွတ်ညွတ်နှင့် လုပ်နိုင်တာ မြန်မာရာဇဝင် ပြန်ကြည့်ရင် အနော်ရထာမင်းစောလက်ထက်မှာ တစ်ကြိမ်၊ ဘုရင့်နောင်လက်ထက်မှာ တစ်ကြိမ်၊ အလောင်းဘုရားလက်ထက်မှာ တစ်ကြိမ်၊ ဆင်ဖြူရှင်လက်ထက်မှာ တစ်ကြိမ်၊ အဲဒီလေးကြိမ်ပဲ ဗမာတစ်နိုင်ငံလုံးကို စည်းစည်းလုံးလုံးနှင့် လုပ်နိုင်တာကိုပဲ ကျွန်တော် တွေ့ရတယ်။ 

ယခု ဗိုလ်ချုပ်အောင်ဆန်းခေတ်မှာဆိုလျှင် ဒီတစ်ခေတ်လည်း (အရင်) လေးကြိမ်လိုပဲ တစ်နိုင်ငံလုံးမှာ လူကြီးရော ကလေးရော စည်းလုံးအောင် လုပ်သွားနိုင်တယ်ဆိုတာ ကျွန်တော်တို့ တွေ့ရတယ်။

(၁၉၄၆ ခုနှစ် မြန်မာပြည် ဗြိတိသျှလက်မှလွတ်ရန် ကြိုးပမ်းရာတွင် ပထမဆုံး နိုင်ငံရေးပါတီများ စုရုံးညီညွတ်ရန် လူကြီးလူငယ်၊ လက်ဝဲ လက်ယာ အားလုံး စုပေါင်းစေပြီး ဖက်ဆစ်ဝါဒ တိုက်ဖျက်ရေး အဖွဲ့ချုပ်ကြီးကို ခိုင်ခိုင်မြဲမြဲ ဖွဲ့စည်းခဲ့ပေသည်။ ထိုသို့ ပါတီအသီးသီး ညီညွတ်ရေး သာမက ဒုတိယလူနည်းစု ရှမ်း၊ ကရင်၊ ချင်း၊ ကချင်၊ မွန် စသော လူမျိုးညီညွတ်ရေးကို အားတိုက်အင်တိုက် စွန့်စားပြန်သည်။ ထိုသို့ ကြိုးစားသည့်အတိုင်း လွတ်လပ်ရေး ပန်းတိုင်သို့ ဝင်လာသောအခါ လူနည်းစုများနှင့် လက်တွဲ၍ ဝင်နိုင်ခဲ့ပေသည်။ ထို့ကြောင့် မြန်မာပြည်သမိုင်းတွင် မြန်မာတစ်ပြည်လုံး အမျိုးသား ညီညွတ်ရေးကို လက်နက်မဆောင် မသုံးဘဲ ဆောင်ရွက်ခဲ့ရာ “ကျန်စစ်သားနှင့် ဦးအောင်ဆန်း” တို့လောက် ဘယ်သူမှ ထမြောက်အောင်မြင်ခြင်းမရှိဟု သမိုင်းဆရာများက ဆိုပေသည်။)

ယခု ဗိုလ်ချုပ်ဟာ မသမာရန်သူတွေရဲ့ လက်ချက်နဲ့ ကျဆုံးသွားတယ်။ အဲဒီလို ကျဆုံးသွားတာတောင်မှ ဗိုလ်ချုပ်ဟာ တိုင်းပြည်ရဲ့အကျိုးကို ဆောင်ရွက်လျက်ပါပဲဆိုတာ သတိချပ်စေချင်ပါတယ်။ ဘယ်လို တိုင်းပြည်ရဲ့အကျိုးကို ဆောင်ရွက်နေသလဲ ဆိုရင်ဖြင့် ဖဆပလကို အတိုက်အခံ လုပ်နေတဲ့လူတွေ၊ အတိုက်အခံ လုပ်နေတဲ့ ဂိုဏ်းသားတွေရဲ့ စိတ်ဓာတ်တွေဟာ ဗိုလ်ချုပ် အနိစ္စ ရောက်သွားတယ်ဆိုတာကို အကြောင်းပြုပြီးတော့ ဗိုလ်ချုပ်အပေါ်မှာ စေတနာ၊ မေတ္တာ၊ ကရုဏာ သက်လာပြီးတော့ ဗိုလ်ချုပ်အပေါ်မှာ ထားရှိတဲ့ မေတ္တာတွေ ကရုဏာတွေကြောင့် ဗိုလ်ချုပ်ခေါင်းဆောင်သွားတဲ့ ဖဆပလနောက်မှာရှိတဲ့ အင်အားများဟာ ဆထက် ထမ်းပိုး တိုးပြီး များလာတယ်ဆိုတာ ထင်ထင်ရှားရှား တွေ့တဲ့အခါမှာ ဗိုလ်ချုပ် အသက်ရှင်စဉ်ကနေပြီး အသက်သေဆုံးသွားတဲ့အခါတောင်မှ မြန်မာပြည်ရဲ့ လူထုအကျိုး တိုင်းပြည်ရဲ့အကျိုးကို ဆောင်ရွက်နေပါသေးတယ်ဆိုတာ ကျွန်တော်တို့ ထင်ထင်ရှားရှား တွေ့ရပါတယ်။

အဲဒီတော့ ကျွန်တော်တို့ ဗိုလ်ချုပ်အပေါ်မှာ တကယ်သစ္စာ ရှိတယ်၊ တကယ် ကျေးဇူးဆပ်ချင်တယ်၊ တကယ် တိုင်းပြည်လူထုအတွက် လုပ်ချင်တယ်၊ ကျေးဇူးတွေ ပြန်ဆပ်ချင်တယ် ဆိုရင် ကျွန်တော်တို့ရဲ့ရှေ့မှာ လမ်းတစ်လမ်းတည်း ရှိတယ်။ 

ဘာလဲဆိုရင် စည်းစည်းလုံးလုံး ညီညီညွတ်ညွတ်နှင့် ဗိုလ်ချုပ်ရှိစဉ် အခါကထက် ဆထက်ထမ်းပိုး တိုးပြီး ကျွန်တော်တို့တတွေဟာ ဗိုလ်ချုပ် ချသွားတဲ့ ရည်မှန်းထားတဲ့ လွတ်လပ်တဲ့ သမ္မတမြန်မာနိုင်ငံ ထူထောင်ပြီးတဲ့ နောက်နှစ်ပေါင်း တစ်ရာ နှစ်ရာ စသည်ဖြင့် ကျွန်တော်တို့တတွေ ညီညီညွတ်ညွတ်နှင့် ချီတက်သွားကြဖို့ ကျွန်တော် လေးလေးနက်နက် တောင်းပန်ပါတယ်။ 

ဝန်ခံချက်။ ဝန်ကြီးချုပ် သခင်နု၏ အဆိုမိန့်ခွန်းမှ မူရင်းအရေး အသားများအတိုင်း မှီငြမ်းတင်ပြပါသည်။ 

မှတ်ချက်။ ဗိုလ်ချုပ်အောင်ဆန်း အသက်ရှိစဉ် ကာလကိုသော်လည်းကောင်း၊ လုပ်ကြံခံရပြီးစ ကာလကိုသော်လည်းကောင်း မသိ မမီလိုက်သော စာရေးသူ အပါအဝင် လူကြီး၊ လူလတ်၊ လူရွယ်နှင့် လူငယ်များ သမိုင်းကြောင်း ဖြစ်ရပ်များကို အမှန်အတိုင်း သိရှိနိုင်ကြစေရန်၊ ၂၁ ရာစု ပင်လုံညီလာခံ အောင်မြင်ရေးနှင့် ငြိမ်းချမ်းရေး အမြန်ဆုံးရရှိစေရန် ရည်ရွယ်၍ ရှာဖွေ စုဆောင်း ရေးသားတင်ပြရခြင်း ဖြစ်ပါသည်။

ကိုသောင်း (ပညာရေး)